BOPENGIPUN
BAL GOLF
ROMA 8 : 18 - 30
Patunggilan ingkang kinasihan
dening GUSTI YESUS
Sapinten agenging gesang
katresanan kita
dumateng ALLAH
menika nedahaken
agenging dosa kalepatan kita
ingkang sampun kaluwaran
dening ALLAH
Sumangga
kita tansah nresnani
ing sawetahing gesang kita
GUSTI YESUS
amberkahi kita sami
Ing waosan kita
kasebataken
bilih GUSTI YESUS
ngarsakaken tumrap kita sadaya
supadosa manut
lan
netepi
sadaya dhawuhipun
ing ayat 17 …
Dene menawa kita iki
dadi iya ahli waris,
tegese wong kang padha nduweni hak
nampani prasetyane ALLAH,
kang bakal katampa bebarengan karo KRISTUS,
yaiku manawa kita padha
dherek nadhang sangsara karo PANJENENGANe,
supaya kita iya ndherek kamulyakake
bareng karo PANJENENGANe
Patunggilan ingkang kinasihan
dening GUSTI YESUS
Sumangga
kita sinau
saking gegambaran bal golf
Bal gol menika
benten kaliyan bal ping pong
Bilih bal ping pong
kotong isine
lan
entheng
kadamel saking bahan
kados plastik
benten kaliyan bal golf
ingkang kadamel saking bahan kulit
menika padhet
rapet isinipun
lan
malih
ingkang mbentenaken kekalihipun
nggih menika
wujudipun bunder
nanging mulus –
licin
kanggening bal ping pong
ananging bal golf
menika mboten rata
lan
mboten mulus
karana kados wonten bopeng-bopengipun
kados dene
tyang ingkang nate
kenging penyakit cacar
Kenging menapa sadherek
bal golf
kayasa makaten….
Karana bilih kadamel mulus wujudipun…
Bal menika
bilih kasawataken
utawi
kagepuk
dening stik
utawi
‘tongkat pemukul’
mboten saged tebih
anggenipun dhawah,
‘daya jangkau’nipun
anamung antawis 119 meter
Ananging
bilih sampun kaparingan-
kabentuk bopeng-bopeng
‘daya tempuh’ipun
ngantos tikel kalihipun
Rupinipun
awujud bopeng-bopeng kalawau
saged ngirangi ‘daya gesek’
kaliyan angin
utawi
‘udara’
lan
nyagedaken bal kalawau
miber dhuwur
ugi langkung tebih
Patunggilan ingkang kinasihan
dening GUSTI YESUS
Gesang kita samangkya ugi
mboten mulus
mesti wonten bopeng-bopengipun
kados dene bal golf kalawau
kenging menapa
kita ugi kedah
sami kaliyan SANG KRISTUS
ingkang ngalami kasangsaraning gesang
ing satengahing jagad punika ?
Patunggilan ingkang kinasihan
dening GUSTI YESUS
Kanthi pengalaman ingkang rekaos
sawekdal kita ngiringaken GUSTI YESUS
ing pigesangan kita
saben dintenipun
GUSTI YESUS ngeparengaken dumateng kita
ugi ngicipi
sakedhik prekawis
ingkang sampun kasandang
dening PUTRANING ALLAH,
nggih GUSTI kita YESUS
Kanthi ngicipi sakedhik
bab kasangsara
ing gesang kula
lan
panjenengan menika
sageda ndadosaken kula
lan
panjenengan
saya rumaket
kaliyan ALLAH
Momotan…
sedhihing batos…
lan
pengalaman-pengalaman pahit
punapa kemawon
ingkang nempuh gesang kita
mesthi badhe
saged mangun kaimanan-
kapitadosan kita
dumateng ALLAH
Kanthi makaten
GUSTI ALLAH
pancen ngeparengaken dumateng kita
supados
ugi ngicipi
salibing GUSTI YESUS,
kita ugi kedah
manggul salibing gesang kita
piyambak-piyambak
GUSTI mesti badhe paring
kakiyatan
lan
kasagedan
tumprap kita
Ing ayat 29 kasebataken…
Marga wong kabeh
kang wis kapilih
saka ing wiwitan
dening PANJENENGANe,
iku iya katemtokaake
saka ing wiwitan
dadi madha rupa
karo citrane KANG PUTRA,
supaya KANG PUTRA
iku dadi pambarep
ana ing antarane sadulur kabeh.
Patunggilan ingkang kinasihan
dening GUSTI YESUS
Sapinten
kakiyataning gesang kita
ndherekaken GUSTI YESUS
makaten katresnaning ALLAH
kaluberaken dumateng kita,
sanajan ta kita papa,
mboten nggadhahi
barang ingkang mijilipun
saking jagad punika
kita rak katunggil
lan
kapringan kiyat kasantosan
dening ROH SUCI,
ROH SUCI PRIBADI
ingkang paring pambyantu
dumateng kita
supados kita
saged uwal
saking sambikala
Ing ayat 26 kasebataken…
Mangkono uga
ROH
iya mbiyantoni kita
ing sajroning karingkihan kita;
awit
kita ora mangerti
kepriye kudune
anggon kita ndendonga;
nanging ROH piyambak
ngaturake panyuwun
marang ALLAH,
kanthi pasambat
kang ora kaucapake.
Patunggilan ingkang kinasihan
dening GUSTI YESUS
Sematen
agenging sih katresnanipun ALLAH
dumateng kita
ngantos purun nata
lan
mranata gesang kita
lan
nyagedaken kita
sowan mareg
ugi ngaturaken
sadaya momotaning gesang kita
dumateng ALLAH.
ALLAH
ingkang nyagedaken kita
sowan
lan
ndedonga
GUSTI ALLAH
mesthi badhe myarsakaken
pasambat kita
ing sawekdal
kita ndedonga
Ayat 28 …
Saiki
kita padha mangerti,
yen ALLAH
uga makarya
ana ing samubarang kabeh,
minangka becike
wong kang padha tresna
marang PANJENENGANne,
yaiku para timbalan
miturut
ing karsane ALLAH
Patunggilan
ingkang kinasihan dening GUSTI YESUS
Rinten dalu
kita kedah masrahaken gesang kita
dumateng ALLAH,
makaten kahananing gesang kita
kacetak-
kayasa-
kabentuk
kados dene bal golf
ingkang bopeng-bopeng
supadosa kita tambah kiyat
lan
nampeni kekiyatan
saking ALLAH,
langkung-langkung
kita sami
ingkang kaparingan jejibahan
ing peladosan
kados ingkang sampun kaseratan
ing ayat 28
kalawau :
GUSTI ALLAH
uga makarya
ana ing samubarang kabeh
ALLAH ngersakaken dumateng kita
supados tetep netepi peladosan
ing samukawis prekawis
ing sauruting gesang kita
Rasul Paulus
nate paring pepenget :
supados
srana iman kapitadosan kita….
”yen sangsara ing jaman saiki
iku ora paja-paja
timbang yen katandhing
karo kamulyan
kang bakal kalairake
marang kita”
Sumangga
sanadyan awrat lampah gesang kita
ing wekdal samangke,
kita datan wigih,
lesah ing manah
lajeng
kecalan pangajeng-ajenging iman
Sumangga
kita lumebet
ing pengetan kamulyaning ALLAH
ing pundi GUSTI YESUS PRIBADI
sampun nyawisi …
nindakaken PASKAH,
riyadin JUMAT AGUNG
kangge sok sintena tyang
ingkang sampun ngakeni
lan
purun ngetut wingking
GUSTI YESUS
nyenyuwun …
mugi GUSTI ALLAH PRIBADI
ingkang amberkahi kita
ing dinten samangke
ngantos salami-laminipun
AMIN
1. Votum/Berkat
2. Pamuji Kipas 133 : 1, 2
Pamarta kula
3. Ndedonga :
4. Pembacaan Alkitab : ROMA 8 : 18 - 30
Ayem ing manah
6. KOTBAH …..
GUSTI pangungsen kula
8. Doa syafaat :
Memuji Kipas 128 : 1, 3
Kinanthi ing GUSTI
9. Berkat
