PETRUS DADOS ABDI INGKANG SETYA TUHU

Kamis, 19 Maret 2009

LUKAS  22  :  54  -  62

Patunggilan ingkang kinasihan dening GUSTI  YESUS

Kita samangke

sampun lumebet ing minggu

 kasangsaraning GUSTI YESUS

ingkang minggu  kaping 3

Minggu-minggu

anggen kita ngenget-ngenget malih

 kados pundi lelampahaning GUSTI

 anggenipun nyawisi margi karaharjan

 kanggening kita

para pandhereking GUSTI

punapa anggen kita

 lelabetan rekaos

anggen kita

 nandang papa lan nistha

GUSTI  YESUS  paring dedhawuh

 tumpraping kita sami

 ing sonten samangke

 lumantar reraosan bab PETRUS

ingkang  sampun nyelaki

GUSTInipun

Patunggilan ingkang kinasihan dening GUSTI

Kita samangke

 sami nggegilut bab prekawis

seda lan sangsaraning GUSTI YESUS

 lelabuhanipun

kanggening kta sasedherek

tunggil pitados

Rahayu tyang ingkang tansah nggatosaken

 sadaya bab prekawis punika

 mboten anamung ngraosaken

 lan ndadosaken

 cariyos ingkang nggegirisi

 tumpraping gesang kamanungsan kita

ananging sageda ndadosaken

 punjering kakiyatan iman

 kapitadosan kita

dumateng ALLAH

 ingkang saestu

karana GUSTI ALLAH

 maha tresna

dumateng kita sami

ALLAH nresnani kita

 kados dene ALLAH

 ugi nresnani sadherek patunggilan sanesipun

Makaten ugi

GUSTI  YESUS  nggih nggatosaken Petrus –

 Simon anaking Zebedeus

Patunggilan

 samangke kita sami

 taksih enget

 bilih Simon anaking Zebedeus punika

 ugi kaaranan Petrus

ingkang nggadahi teges “batu karang”,

 sela karang

 awit kita ugi  mangertosi

 kados pundi Simon Petrus menika

 anggenipun nderek

ngetut wingking

ing samargi-margi

ndherekaken GUSTI  YESUS

ing rikala kapengker

ing peladosan

ing tlatah Israel

Kados pundi Simon Petrus

anggenipun nggadahi iman ingkang kiyat

saestu

 dumateng GUSTI  YESUS ?

punika ingkang kedah

 kabuktekaken lan

 dipun dandosi

dening GUSTI  YESUS ing tembe

Kados ingkang kaserat

 ing kitab  MARKUS 8 : 29  ……..

PANJENENGAN banjur ndangu marang para sakabat,

 “ Nanging kowe padha ngarani AKU iki sapa?”.

 Petrus nuli matur,

 “PANJENENGAN punika MESIAS!”

LUKAS  22 : 33 …….

Atur wangsulane Petrus,

 “GUSTI,

kawula cumadang mbelani PANJENENGAN,

sanadyan ngantosa dipun kunjara

lan dumuginipun pejah pisan”.

Pancen

Petrus nggih netepi punapa ingkang dipun aturaken

dumateng GUSTI  YESUS

 ananging punika

 kalampahan lan sampun dipun buktekaken

 dening Petrus

ing tembe anggenipun ngabaraken

Injiling ALLAH

dumugi ngantos pinejahan

Patunggilan

 punika sejatosipun

ALLAH langkung sumurup

sadaya isining batos manahing para sakabat

Petrus kaatag

 dipun dorong

dening GUSTI  YESUS

supadosa nggadahi manah

ingkang kendel

 lan tetep ing iman kapitadosan

 ingkang sejatos

Petrus

saderengipun dados rasulipun ALLAH

piyambakipun sampun cumadang

dados murid ingkang setya

 lan ngabekti dumateng gurunipun

Petrus

 nggadahi iman

 ananging dereng kauji

Petrus

nggadahi iman kapitadosan

dumateng GUSTI  YESUS

 alangkung sae malih

sasampunipun mangertosi

 sadaya bab prekawis

 ingkang sampun sami GUSTI YESUS tindakaken

Patunggilan

Imaning Petrus

kadadar malih

lan kauji

dening ALLAH

 lumatar prastawa

detik-detik terakhir

 anggenipun GUSTI YESUS

 nglampahi kasangsaran

lan kaadili

 dening pemimpining agami Yahudi

seda lan sinalib

 wungu malih

 ing tigang ndintenipun

Patunggilan

 Petrus

 sampun nedahaken tekadipun

 nggih kekedelanipun

 mbelani GUSTI  YESUS

 samangkya GUSTI paring wangsulan …….

”AKU  pitutur marang kowe,

Petrus :

 ing dina iki

 bakal ora ana jago kluruk ,

sadurunge kowe nyelaki AKU nganti kaping telu”.

Patunggilan

ingkang kinasihan dening GUSTI  YESUS

kita samangke

 sampun dados padhereking GUSTI  YESUS

 ugi sampun sami cumadang

 nindakaken sadaya bab prekawis

 ingkang GUSTI  YESUS dhawuhaken

ananging

 kita ugi taksih asring

 kados dene Petrus

 anggenipun saged nyelaki

 GUSTInipun

Punika karana

 Iblis ingkang saweg keklinteran

anggenipun ngupengi kita

 supadosa kita dumawah ing dosa,

 mila paratobat kita

sami ndadosaken kita

kaparingan kekiyatan malih

 dening ALLAH

Patunggilan

Simon Petrus

 kados makaten anggenipun dumawah

ing wewengkoning Iblis

 piyambakipun sampun nyelaki GUSTInipun

 ngantos ambal kaping tiga

sasampunipun nyelaki GUSTI

 GUSTI  YESUS minger

lan nggatosaken Petrus

 adu arep

 ing wekdal semanten

Petrus kengetan malih

punapa ingkang sampun GUSTI dhawuhaken

 sampun kalampahan

Pertrus nyelaki GUSTInipun

ngantos ambal kaping 3

Patunggilan

 asring kita ugi makaten

rumiyin

ing wiwitan kita taksih anem

anggen kita sesrawungan kaliyan tiyang sanes

 asring kita nyelaki GUSTI

 lumantar bab sadengah prekawis

contonipun……..

Panjenengan dalemipun wonten pundi ..?

Punapa kita enggal njawab

 ing Suwaru,

 mengko aku lakh diarani Kristen ?

Aku yok apa …..yen mangkono pamikir kita

Jawab kita

 ingkang rumiyin nggadahi pengalaman punika

 paring cariyos ……

omahku ana Pagelaran…..

omahku ana wonolopo

lan sanes-sanesipun malih

 pengalaman ing gesang kita

sejatosipun

 kita asring nyelaki

 kahanan ingkang saleresipun

Kita kepengin slamet

mboten ngantos kadawa-dawa –

kalajengaken pawicantenan punika

kaliyan tyang sanes

ingkang unjuk pitakenan

Patunggilan

 kita punapa ugi nate nyelaki

 kahanan kita

 ing bab-bab ingkang gegayutan

 kaliyan iman kaiptadosan kita

dumateng GUSTI YESUS

anggen kita mangun gesang ing masyarakat ?

Bilih nggih

mesthi kita nggih nggetuni

 rumaos sampun nyepelekaken

 bab ingkang sejatosipun sampun kita imani sesarengan

Petrus

 ugi makaten

manahipun kalara-lara

 ngraosaken punapa ingkang nembe kadadosan

GUSTI  YESUS  saking tebih

minger lan mirsani Petrus

Petrus

sampun dhawah ing dosa

Ing pangakening Petrus

 piyambakipun badhe mbela GUSTI

 ngantos pejah

Samangke GUSTI

nandukaken punapa

ingkang kedahipun Petrus lampahi

Pamratobat

 lan ngakeni sadaya dosa kalepatan

punika ndadosaken Petrus

 wangsul malih ing pangrehing ALLAH

Kakiyatan lan iman

ingkang tangguh

 kaparingaken kanggenipun Petrus

Petrus samangke

dados petrus ingkang kiyat ing iman

Kapitadosanipun kauji

ing sawarnining pengalaman

 anggenipun tetep nderekaken GUSTI YESUS

Karana punika

 Simon Petrus kaparingan artos

sela karang-

batu karang

 di atas batu karang ini

gereja

dibangun

Penginjilan Petrus –

 Pawartos Injil ingkang Petrus ayahi

 ndadosaken sumebyaring tyang pitados

ing sawetah laladan,

 greja

nggih punika pakempalaning tyang pitados

tuwuh tumuwuh

sumangga

Cecawisan kita

 anggenipun kita badhe mengeti dinten PASKAH

Sumangga kita alami

 kanthi saestu

 kita ningali dhiri pribadi kita

 kita alami kanthi tetep setya tuhu

dumateng GUSTI  YESUS

 kados dene Petrus

 ingkang nyelaki GUSTInipun

ananging wangsul  malih

masrahaken sadaya dosa

 kalepatanipun

GUSTI  YESUS ingkang ngiyataken

 Petrus lan

 ndongaken Petrus

Kita

alami sesarengan

sumangga

  kita wujudaken

 sadaya prajanji kita

anggen kita

 badhe ndherek

 tut wingking

GUSTI  YESUS

 ngantos puputing nyawa kita

GUSTI nimbali kita

supados dados pandherikipun ing setya tuhu

AMIN

1.      Votum/Berkat

2.      Pamuji KPK  7 : 1, 2, 3  Puji konjuk ALLAH

3.      Ndedonga

4.      Pembacaan Alkitab : LUKAS  22 :  54 - 62

5.      Pamuji KPK  195  : 1  Isining kitab suci

6.     KOTBAH …..

7.      Pamuji KPK  165  :  1   Jatining katresnan

8.      Doa syafaat :

Memuji  KPK  167  :  Panuntuning  GUSTI

9.      Berkat