YONANES 2 : 1 - 11
Patunggilan ingkang kinasihan dening ALLAH
Kita samangke lumebet ing Minggu kaping 2
ing “Bulan Kesaksian dan Pelayanan”
Ing Minggu punika
kasebataken
dados “Hari Syukur ...Badan Pendidikan...
Sumangga kita pirsani
kados pundi gesangipun para patunggilan
ingkang sami wanuh dumateng ALLAH lan
ingkang dereng anepangi dumateng GUSTI YESUS
makaten ugi kita pirsani
kahananing peladosan-peladosan
ingkang katindakaken dening ...Badan Pendidikan...
Wonten kahanan ingkang mbingahaken lan
ugi wonten kahanan ingkang mboten mbingahaken
kanggening kita sami
Wonten ingkang dados kalangenaning gesang kita
awit sadangunipun ..Badan Pendidikan.. madeg
ing wekdal kapengker
sami sampun dados “kebanggaan dan sukacita” ingkang ageng
..BP.. nate ngalami jaman keemasan
..BP.. sampun ugi dados salah satunggiling lembaga
ingkang nderek “mewarnai dunia pendidikan” ing nagri kita
Patunggilan
kita punika sami sampun mangertosi
bilih samangke kita
ugi tamtunipun nggadahi momotan, lan
sesangganing gesang
punapa punika awujud sesakit,
ringkihing raga,
punapa menika arupi kakiranganing upah
anggen kita nyambut damel
utawi bab –bab sanesipun
ingkang nyedihaken manah kita
Patunggilan
bab prekawis ingkang mekaten
saged kadadosan lan nuwuhaken kabingungan
lan kepanikan-kepanikan
ing gesang kita
saeengga kita sami saged gugup,
wedi
mboten saged mikir kanthi “tenang”
Samangkya bilih kita ngalami prekawis punika kita saged bingung
bilih sanalika ugi
kita nampeni kabar kabingahan.
Kita ugi bingung !
Lho kok saged kita bingung lan panik ….
padahal menika bab kabingahan ?
Conto :
kita kaparingan kabar angsal undian “berhadiah jutaan rupiah”
awujud barang
ananging kedah mendet piyambak dhateng
Angen-angen kita mumbul lan bingah,
lajeng bingung teka ngendi aku nduwe dhuwit
kangge nebus hadiah iku mau ?!
Punapa malih wekdalipun mepet
bilih mboten enggal katebus badhe hangus
Panik manah kita
bilih kita nggadhahi pangangen-angen kapingin nggayuh hadiah kalawau
Nah kanthi makaten sadherek sapatunggilan
bab prekawis ingkang mbingahaken
utawi mboten mbingahaken,
kawontenan sae
utawi mboten sae
ugi saged sami saged ndatengaken kepanikan kanggening kita !
Patunggilan
sumangga kita samangke
sami nyinau dhawuh-dhawuh pangandikanipun ALLAH
Lumantaran dhawuh pangandika punika
kita saged nampeni piwucaling ALLAH pribadhi
ingkang maedahi kanggening kita magesang
ing wekdal samangke
Sinten iangkang mboten panik ?
Lare alit taksih sekolah
sanajan ta sampun sinau pengpengan
kanggenipun ngadepi ujian sekolah.
Taksih ugi bingung,
deg-degan lan panik, wedi
ing wanci wekdalipun nggarap soal ujian
Makaten ugi guru,
tiyang sepahipun
ugi mbingungi gek mengko anakku ngene-ngono
Lajeng kareka daya mawarni-warni usaha
kangge nulungi murid
utawi putranipun
lumantar cara mbocorake soal ujian lan jawabanipun,
nulungi kanthi cara inmgkang mboten leres
lan sanes-sanesipun
Makaten kepanikan punika …
nedahaken bilih tyang ingkang gesang
tamtu mboten luput saking kahanan punika
Patunggilan
samangkya kita ngraosaken
kados pundi kahananing “Perjamuan Kawin” ing dusun Kana
rikala nedheng-nedhengake pesta lumapahan
ingkang nggadah damel
katelasan anggur,
unjukan utawi minuman khas
tyang memanton ing wekdal semanten
Mesthi badhe ngisin-ngisinake
badhe damel kuciwaning para tamu
lan tyang kathah
ingkang sami rawuh ndherek ing pahargyan kalawau
Sadherek patunggilan
Tamtunipun
lurahing sinom lan biyada
kalang kabut
panik
dhateng pundhi badhe pados anggur
ingkang kathah
ingkang cepet saged kapundhut
Tamtu mbingungi ….
para sadherek kita kalawau
ing wingking mrika para biyada sinoman
padha deg-degan
ndherek ngraosake
piye isinne mengko ingkang kagungan damel
Dados cariyos ingkang saestu saged njangged
ing ing pamikir lan
ing pangraosing manahipun para sadherek
ingkang sami paring pamitulung lan ngrojongi
memanton kalawau
Patunggilan
Ibuning GUSTI YESUS lan para murid sanesipun
ingkang ndherekaken memanton
dalasan GUSTI YESUS makaten ugi
sami wonten satengahing kahanan
ingkang panik menika
Kepanikan anggenipun katelasan anggur
ingkang dados salah satunggiling dedhaharan
ingkang pokok
lannggadahi pamikir, momotan sanes-sanesipun malih
nambah suasana kepanikan kalawau
saged karaosaken dening Maria ibune GUSTI YESUS
Ing satengahing kepanikan
pamikiran ingkang panik
Sinten kemawon …
ingkang nggadahi andil lan nderek ngatasi kapanikan kalawau ?
Patunggilan ingkang kinasihan dening GUSTI YESUS
Kita samangke
niti priksa
sinten-sinten ingkang berperan ngatasi kepanikan
ing kala pesta memanton ing dususun Kana :
Sapindhah …..
Ingkang nggadahi peran ageng nggih punika
GUSTI YESUS
GUSTI YESUS menika SANG SABDA ingkang gesang
SANG SABDA ingkang manjalma
dados manungsa
kados ingkang sineratan
ing YOHANES Bab 1 : 1 & 4
1.Ing kala purwa
SANG SABDA iku wus ana,
ene SANG SABDA iku
nunggil karo ALLAH
sarta SANG SABDA iku ALLAH
4.Ana ing PANJENENGANe iku dununging urip,
sarta urip iku
kang dadi pepadhanging manungsa
GUSTI YESUS ingkang dados putraning ALLAH
nggih SANG MESIH
mampu lan saged nindakaken mujijad-mujijad
mawarni-warni.
Makaten salah satunggilipun
awujud ngribah toya dados anggur ingkang sae
mboten wonten bandingipun
Kados miturut pangakenipun pemimpining pista
ing ngajenganipun panganten jaler.
Ature pamimpining pista ing ayat 10 ……
”Saben tiyang nyegah anggur punika
ingkang sae rumiyin,
lan sasampunipun para tamu ngunjukipun kathah
lajeng nyegahaken ingkang kirang sae.
Nanging Panjenengan kok nyimpen anggur
ingkang sae
ngantos sapunika”
Patunggilan
ing mriki peranning ibu Maria
ibune GUSTI YESUS
sanes salah satunggiling peran utama
ing mujijad toya dados anggur
Sanajan ta Maria ibune GUSTI YESUS
ingkang wiwitan paring atur pirsa
dumateng GUSTI YESUS
kados seratan ing ayat 3
(“Padha kentekan anggur”).
Nanging ing ayat 4 …
“Ibu,
panjenengan ngersakaken punapa dhateng kula ?.
Dereng dumugi wekdal KULA”
Ing mriki kajelasaken
bilih tumindaking GUSTI YESUS yasa toya dados anggur punika
karana condong kaliyan karsanipun ALLAH SANG RAMA
Mesthi GUSTI YESUS mangertosi
Sajatosipun
punapa ingkang saweg kadadosan
ing tengahing memanton punika
bilih sanajan ta ibunipun mboten paring pawartos
Kaping kalih ….
Ibu YESUS, Maria
Nggadahi peran sanesipun malih
kajawi paring pawartos dumateng GUSTI YESUS
bab katelasan anggur,
Maria ugi ingkang paring saran
dumateng para peladen supadosa manut miturut
bab punapa kemawon
ingkang kasuwunan lan kaprentahaken
dening GUSTI YESUS
Kaping tiga ….
Tiyang ingkang manut lan nuruti
punapa kemawon ingkang kasuwun katindhakake
dening GUSTI YESUS
Sanalika GUSTI YESUS nyuwun 6 gentong
kabekan ing toya
Pelados-pelados kalawau ngisi gentong ngantos kebak
Mekaten ugi sanalika GUSTI YESUS nyuwun
supadosa para pelados kalawau
nyiduki isinipun gentong lan mbekta ngintun
dumateng pemimpinipun pista
Kanthi makaten
wonten ewah-ewahan ingkang ageng
ing bab kepanikan kagantosaken kaliyan kabingahan ageng
GUSTI YESUS sampun nindakaken mujijad toya dados anggur
Toya limrah dados anggur
Kapanikan kagantos dados kabingahan
kakuatiran, was sumelang kagantos dados kaayeman, kawilujengan
Sesakit, sesambatan kagantos dados kabingahan
karana ALLAH mboten negakaken
gesangipun para pitados
karana dening ALLAH
karaosaken …
sampun paring kakiyatan lan pangluaran
ingkang ageng ing gesangipun
Patunggilan
kita sadaya punika
mesthi nggadahi raos ajrih,
panik
ing sawekdal-wekdal nampi pawartos
utawi badhe ngalami gesang
ingkang wigati
angger kita ngraosaken gesang kebak ing momotan lan
kebak ing pangangen-angen
ingkang condong kaliyan kabetahaning gesang sapadintenan kita
Kanthi makaten
ageng sanget pangreksaning ALLAH
dumateng kita patunggilan
ing ndalem GUSTI YESUS
sadaya bab prekawis sampun kapirsanan
Sinten ingkang mbetahaken mesthi badhe kaparingan
ing wekdalipun
Sinten ugi ingkang mboten mitadosi lan nyepelkaken
karsanipun ALLAH
tyang kalawau
nggih kapirsananan dening ALLAH
ing ndalem GUSTI YESUS
katuntunan malih lumampah dumateng kasaenaning gesang
Rahajeng kita para patunggilan
ingkang sawekdal-wekdal ngalami pitulungan
ingkang pinangkanipun saking ALLAH
lumantar panyengkuyunging para sadherek sanes
ingkang GUSTI YESUS karsakaken
paring pambyantu dumateng kita
ALLAH saged ngosikaken manah
batosing
saben tiyang
supadosa tiyang kalawau
paring panyengkuyung
Patunggilan ingkang kinasihan dening GUSTI YESUS
Rahajeng kita
ingkang sampun katimbalan
ing wiwitan mila
sampun mitadosi
bilih ALLAH ingkang sampun rawuh
ing sategahing jagad kangge paring pitulungan
tumprap para kagunganipun
AMIN !
bilih ALLAH
saestu tresna dumateng kita
kepanikan kita karibah dados kabingahan
Kapanikan
ndadosaken kita enget malih
dumateng cariyos
bilih ALLAH saged ngribah kepanikan,
ALLAH saged ngribah “ketidak mampuan kita”
“ menjadi lebih baik bagi hidup kita “
AMIN !
bilih ALLAH saestu ngresakaken dumateng kita
supadosa kita menika
dados abdi-abdinipun ALLAH
ingkang setya tuhu
pracaya lan nindakaken
sadaya dhawuh-dhawuhipun
Halleluya
GUSTI YESUS sampun paring prajanji lan piwucal
bab iman kapitadosan
makaten ugi ing dinten Minggu samangke
ALLAH paring pepenget malih
angger kita pitados dumateng sadaya bab prekawis
ing gesang pigesangan kita
mesthi badhe kayasa dados sae
karana kita manut miturut ing karsanipun
Patunggilan
Sapindhah malih
kita ngengeti YBPK
ing wekdal samangke
mesthi badhe damel sakathahing tiyang
warganing pasamuan
ingkang nggatosaken sanget perkembangan…
ewah-ewahan ingkang saweg kaalaman dening ..BP..
mesthi nggadahi raos prihatos lan raos panik
sabab sampun kathah sekolah-sokolah ..BP.. ingkang tutup
mboten saged nglajengaken malih
peladosanipun ing babagan pendidikan
Ingkang wiwitanipun mbingahaken,
“membanggakan”
amangke sampun miwiti nuwuhaken “benih-benih kepanikan”
Patunggilan
sekolah-sekolah kita menika
kados-kados sampun katelasan anggur
Punapa saged kepanikan menika berubah dados kabingahan ?
Sumangga kita nyinau prastawa ing Kana
sabab mboten kangge salaminipun
kapanikan punika nguwaosi gesang kita
Kepanikan punika saged kasigeg,
Saged dipun akhiri lan
kagantos dados sukabingah
Bilih …..
Sepisan
kita mitadosi GUSTI YESUS
Ingkang kaping kalih
bilih kita
ing peladosan kita lan
ing gesang leladosan kita
tansah ngundang GUSTI YESUS
mliginipun ing peladosan YBPK
kita ngundang GUSTI YESUS
GUSTI YESUS pancen sampun paring kemampuan-kemampuan
anggen kita nata mranata tata organisasi ..BP.. lan
kemampuan berpikir kangge kemajuaning ..BP..
Kita ugi mangertosi
bilih kemampuan kita terbatas
mila kita mboten saged nilar GUSTI YESUS
kita kedah tansah nyuwun pitulunganipun GUSTI YESUS
Makaten para sadherek
kita kedhahipun nggadahi semangat
saling paring motivasi lan dukungan
supadosa kita uwal saking kepanikan
Dukungan lan kerja sama
sanget dipun betahaken
Ingkang pungkasan
ingkang kaping tiga kita kedhah tumindak
Kepanikan menika
mboten saged berubah dados kabingahan
bilih kita mboten purun uwal saking kapanikan menika
GUSTI YESUS mberkahi kita
AMIN
LITURGI IBADAH MINGGU
1. VOTUM : (Jumeneng)
KPK 14 : 1, 3 ALLAH maha suci
2. INTROITUS : JABUR / MASMUR 121 : 1 - 3
1.Mripatku tumenga marang gunung-gunung;
pitulunganku iku pinangkane saka ing ngendi ?
2.Pitulunganku iku pinangkane saka SANG YEHUWAH,
kang nitahake langit lan bumi,
3.PANJENENGANe
ora bakal marengake yen sikilku gloyoran,
kang ngreksa kowe ora bakal ngantuk.
KPK 28 : 1, 2, 3,4 Sowan mring GUSTI
3. PENGAKEN DOSA : …Matius 22 : 37 - 40
ndedonga : …AMIN
4. KPK 46 : 1, 2, 3, 4 Panelengsa
5. PAWARTOS RAHAJENG : (( Jumeneng …
JABUR / MASMUR
7 : 5 – 7
5.Manawi kawula damel piawon
dhateng tiyang
ingkang tepangipun sae kaliyan kawula,
utawi mitunani tiyang
ingkang nyatru kawula tanpa sabab,
6.manawi makaten,
mugi kawula kabujenga ing mengsah
ngantos kacepeng,
lajeng gesang kawula dipun idak-idak ing siti,
saha kaluhuran kawula kapendhema ing lebu.
7.Dhuh YEHUWAH,
mugi karsaa jumeneng
ing salebeting bebendu PADUKA,
mugi karsaa jumeneng
nadhahi panginggit-igitipun tiyang
ingkang sami nglawan dhateng kawula,
mugi PADUKA wungu mitulungi kawula
amargi PADUKA ingkang mrentahaken pangadilan
6. PENGAKEN IMAN RASULI … pinarak ))
KPK 126 : 1, 3, 4 Ngrangkul salib
7. PELADOSAN FIRMAN :
PANDONGA: … AMIN
PAMAOSING KITAB SUCI : YOHANES 2 : 1 - 11
KOTBAH … NGRIBAH KEPANIKAN DADOS SUKARENA
KPK 175 : 1 ( 2X ) Tiyang rahayu
8. PANDONGA SYAFAAT :
9. PAMISUNGSUNG : Samangke wanci wekdalipun …
Dasar : I Petrus 5 : 7
KPK 187 : 1 - … Pisungsung jiwa raga
PANDONGA : ….
10.. PENGUTUSAN & BERKAT : (Jumeneng)
KPK 325 : 1 Kangen mring GUSTI
