PESTA GRATISAN

Ibadah Brayat

 Kamis, 19 Agustus 2010

PESTA  GRATISAN

 MATIUS  22 : 1 – 14

14

 Sabab

 akeh kang katimbalan,

nanging mung sathithik

 kang pinilih

Patunggilan

 ingkang kinasihan dening GUSTI YESUS

Pancen

wonten cariyos lan

reraosan

 bilih kaundang sacara gratisan,

sinten tiyangipun ingkang mboten purun ?

Sinten nggih ingkang mboten karsa rawuh ?

Sabab ing papan pahargyan menika

mesthi kathah dedhaharan lan

 unjukan tuwin

lelagon-

pepujian

dalasan karemenaning manungsa

 sanesipun

kacawisaken

Dene kados makaten

para sadherek sapatunggilan

bab reraosan kita

 ing wanci sonten

dalu

 samangke

 ngemu PESTA GRATISAN

ingkang dados pasemon

 bab KRATONing ALLAH-

kaswargan.

Kratoning ALLAH

Menika  kacawisaken

kangge sok sintena tiyang

 ingkang pinilih lan

karsa nampi ulem-uleman utawi

undangan pesta memanton saking Sang Ratu

kados makaten isining pasemon.

Ananging kenging menapa

 ulem-ulem

dalasan undangan menika

mboten kagatosaken

dening para sadherek

 ingkang sampun sami

 nggadahi sesambetan sae

kaliyan Sang Ratu ?

 Kenging menapa

para sadherek ingkang kaulaman menika

 sadaya mboten mentingaken

 undangan ing Sang Ratu ?

 Wonten ing cariyos pasemon kalawau

wonten para sadherek ingkang

saweg nglajengaken panyambut damelipun

 ing pategilan,

nglajengaken dedagang lan

 wonten malih ingkang

 saweg nyekel,

nganiaya lan

 mejahi batur abdinipun.

Ing prekawis sadaya sabab-musabab

mboten rawuhipun para undangan kalawau

sampun sami ndadosaken

manahing Sang Ratu

 gela lan langkung duka malih

 ing penggalih

Nah …karana sabab menika,

Sang Ratu enggal ngutus ngukum lan

numpes dumateng ratu (pangwasa)

 ingkang sampun damel pepati

 para abdinipun

Patunggilan

ingkang kinasihan dening GUSTI YESUS

 Ing ngriki

 kita mangertosi

bilih Sang Ratu

mboten mendel

 ing pangajeng-ajeng

 kangge rawuhing para undangan,

 sanajan undangan sampun kasebar

 ngantos ing wekdalipun

dereng wonten ingkang rawuh.

Sang Ratu tetep nggadahi pangraos

bilih pahargyan memanton menika

sampun kacawisaken lan

kedah kalampahan,

mila Sang Ratu

taksih kersa ngutus malih

 utusan

kangge nyusul

 mapag lan

atur pitakenan

dumateng para undangan :

Lha, dene kenging menapa

 mboten saged rawuh ?

Salajengipun

para sadherek

Sang Ratu ngutus malih

abdi sanesipun

kanthi pesen :

Sadaya sampun kacawisaken

pambujanan,

sadaya sato-kewan

sampun kasembeleh lan

sadaya sampun cumawis.

Kados makaten

para sadherek patunggilan

 GUSTI  ALLAH

paring dhawuh lan

 ngutus makaping-kaping

para nabining ALLAH

supados sadaya manungsa saggaha lan

sageda  sowan mareg

“ing pambujanan peparinging ALLAH”

nggih menika kangge

 nampeni sadaya “berkat

peparinging ALLAH”

 Lan GUSTI ALLAH

 sampun ngutus PUTRAnipun

GUSTI YESUS PRIBADI

rawuh…

paring pandangu-

paring piwucal lan

pitakenan

 kenging menapa ALLAH

paring gratisan

‘bab kaSwargan-

Kratoning ALLAH’

 kanggening para umat.

Lha kenging menapa

kita ugi taksih asring mboten

nggatosaken timbalanipun ?

 Lha kanthi piwucalipun GUSTI  YESUS

 ingkang awujud pasemon makaten kalawau

 kita sami kaatag

dadosa tiyang utawi

umat

 ingkang mboten nggadahi alasan

sabab lan musabab

 kenging menapa

kita kedah nebih utawi

 kedah nilar GUSTI YESUS,

dados kosong grejanipun lan

kita tetep tumindak memengsahan-

mboten nindakaken katresnan satuhu

dumateng sasedherek sapatunggilan

lan sanes-sanesipun.

Kita kaengetaken para sadherek

bilih ALLAH

 tetep nyawisi papan

 Kaswargan

kanggening sok sinten-na

 tiyang ingkang kaundang-

kaparingan pawartos

 bab Kratoning ALLAH, lan

 cecawis sageda ndherekaken

pambujanan

 ingkang kawontenaken

 kanthi tata-

 tertib lan

 kebak ketaatan,

sabab menika undanganing ALLAH

 Kanthi mangagema ageman PESTA

menika anggandahi pangertosan

 bilih kita kedah

 ngrawuhi uleman-

undanganing ALLAH

kanthi ‘sikap hidup’

 ingkang leres,

kebak sesaosan syukur

bilih kita nampeni badhe kanugrahan

 gesang langgeng-

hidup kekal.

Kita menika

 generasi ingkang kaping pinten …

ingkang sami kaundang lan

sami nampeni ulemaning ALLAH

bab Kraton Kaswargan?

 Mila kita kedah mranata dhiri

 anggen kita

 saben-saben badhe sowan mareg 

lumebet ing pahargyan Kaswargan menika

kanthi sikap taat-

mbangun turut,

manah ingkang resik-

tebih saking pangraos isining manah

ingkang mboten kebak pikurmat

 dumateng ALLAH………

badan saha isining manah kita

 kados dene rasukan-

ageman PESTA

 ingkang trep

kanggening pisowanan lan

 pambujanan kaswargan.

Saben-saben kita kaparingan-

Kacawisan

 dedhaharan sacara karohanen :

 bab Dhawuh Pangandika-

bab FIRMAN  ALLAH.

Lha sumangga

 kita samangke

terus latihan

mireng-mirengaken

 ulem-ulemaning-

undanganing ALLAH

 ing dinten Minggu,

Rebo pangibadah adi yuswa,

Kemis pangibadah patuwen brayat,

Jumat pangibadah kaum ibu,

Selasa utawi Sabtu

pangibadah kaum bapak

 lan sanes-sanesipun malih

 GUSTI  YESUS

tansah ngundang kita

 karsaa kita

ngrawuhi

kembul dedhaharan

‘Sabda Pangandikaning ALLAH’…..

Lha mbenjang ugi

kita mesthi badhe mireng

sadaya Dhawuh Pangandika,

lesan utawi

 swantening ALLAH sacara PRIBADI

langsung saking lesaning ALLAH

 ing Kratoning ALLAH-

Swarga.

Sumangga

 kita nglatih dhiri

ing wiwit dinten samangke

 ngantos wekdalipun mangke

 kita katimbalan sowan

 mareg

 ing salaminipun.

Kanthi manah lan

 pangagem PESTA

 ingkang sampun kita cawisaken

 ing sawekdal-wekdal

 kita mesthi kauleman-

kaundang sowan

mareg

ing ngarsaning ALLAH.

Sabab wonten dhawuh pangandika

ing ayat 14 :

Sabab akeh

kang  katimbalan,

nanging mung sathithik

kang pinilih

Sumangga

kita sami cecawis lan nliti dhiri

anggen kita badhe

 nampeni uleman

 ingkang pungkasan.

GUSTI amberkahi kita.

 AMIN