TETEP MAJU NADYAN KATHAH PEPALANG

Minggu, 27 Juni 2010

Ibadah Minggu

Tema Wulanan :

Berkarya untuk sesama bersama TUHAN

( Mujudaken berkahing kawilujengan

saking GUSTI  YESUS salebeting pakaryan nyata

sasarengan lan kagem sesami )

TETEP  MAJU

NADYAN  KATHAH  PEPALANG

1 Para raja 19 : 19 – 21

Galati 5 : 13 – 18

Lukas 9 : 51 – 62

Patunggilan

ingkang kinasihan dening GUSTI  YESUS

  sapinten agenging sih ktresnanipun ALLAH

tumrap kita para manungsa

ingkang sampun katinimbalan

sowan mareg

ing ngarsanipun ALLAH,

 kita sami sampun dados timbalan

ingkang kapiji

 dados warganing kratoning ALLAH

ing ngaluhur

supados kita sami nampeni

sih kamulyaning ALLAH

Patunggilan

ingkang kinasihan dening GUSTI  YESUS

Rumaos kita samangke

gesang kita-

kula lan panjenengan

punapa mandeg,

tetep

mboten wonten pribahanipun ?

Kados pundi raos-raosing manah kita

salamining kita ndherek

 tut wingking

 ing samargi-

salampah-lampahing gesang

 anut grubyuk

ing grombolaning KRISTUS  YESUS

 punapa manah kita bingah ?

punapa manah kita rumaos awrat ?

punapa raosing gesang kita

tansah bingah

lan kados pundi pepenginaning dhiri kita

ing salajengipun

punapa taksih mikir-mikir malih

bilih kaparingan dhawuh

utawi tugas kaliyan GUSTI  YESUS ?

 punapa taksih rumaos ajrih

 mboten saged nindakaken sadaya dhawuh

 dedhawuhipun SANG KRSITUS ?

punapa kita mboten purun tumindak

sanadyan mireng tugas lan prentahipun ALLAH.

Patunggilan

ingkang kinasihan dening GUSTI  YESUS

Kita rumaosa bingah

 bilih kita katimbalan

kaparingan tugas

 tanggel jawab

sabab gesang punika

 awrat enthenging gesang pigesangan kita

 mesthi kedah kita alami

lan kita sanggi sesarengan

 mboten saged kita seleh

 ing samukawis prekawis kita mendel

sadangunipun kita gesang lumampah

 kita sambra-ambra-

sakparan-paran

 mboten jelas tindak lampah tujuan kita

Mboten saged makaten

para sadherek kinasihing GUSTI  YESUS

Kita kedah lumampah manut miturut

dhawuh pangandikanipun ALLAH

ing ndalem GUSTI  YESUS PRIBADI

 rinten dalu

 kita lumampah tansaha ngendelaken GUSTI  YESUS

 ALLAH kita

Rungokna dhawuh dedhawuhipun

  sanajan mboten cetha

 ing pamireng

 nanging ing batos sora swantenipun

 sanajan mboten martosaken kabar kawilujengan

ingkang mbingahaken-

GUSTI ingkang deduka dumatyeng kita

 kita kedah tetep mirengaken

lantaran sadaya dhawuh pangandikanipun ALLAH punika

 sanget saged mbangun dumateng diri kita sami

Punapa karsanipun GUSTI  ALLAH

 dadosa kalampahan

 ing pigesangan kula lan panjenengan

Patunggilan

ingkang kinasihan dening GUSTI  YESUS

Rawuhipun SANG  KRISTUS YESUS

ing satengahing jagad punika

 kangge nglurusaken-

nglencengaken

samargi-margi tuking gesanging manungsa

supadosa saged anjog ing kratoning ALLAH 

ing Swarga adi

Semanten agenging sihe ALLAH

 karana punika ALLAH pribadi

 ngrawuhi jagad lan

 dalasan sok saben tiyang

supados sami saged pinanggih kaliyan ALLAH

Iba bingahing gesang kita

ingkang karawuhan dening ALLAH

 ing gesangipun

sami katimbalan ndherek leladi

ing peladosan-

makarya ing peladosaning ALLAH

Kados dene ing jaman Nabi Elia

nimbali “yunior”ipun

Elisa

 supados sami nderek Sang Nabi

ing peladosan kagem ALLAH-

 ingkang kados makaten kalawau

kita sami maos

GUSTI  ALLAH PRIBADI

ingkang nimbali Elisa

Elisa ing wekdal samanten

saweg nggarap sabin

 kaliyan para ‘penggarap-penggarap’ sanesipun

 ‘mbrojul’-

mluku sabin

Kanthi pratanda

 Elia nguncalaken jubahipun

 dumateng Elisa

 menika ateges Elisa kaajak mangkat ndherekaken Elia

nindakaken peladosan

“Keparenga kula badhe ujung

 dhateng bapak saha ibu kula rumiyin,

mangke lajeng badhe ndherek panjenengan”

Menika jawaban ingkang tulus

 kaaturaken dening Elisa dumateng Sang Nabi Elia

Sabab anggenipun pamit dumateng tiyang sepahipun

 lan nindakaken sesaosan syukur

kanthi motong-

nyembeleh sapi lan

dedhaharan sesarengan

 menika wujuding cecawisan anggenipun Elisa

 badhe ndherekaken Sang Nabi Elia,

dados abdinipun ALLAH

Satunggal gegambaran

lelampahan

 pamijining ALLAH dumateng manungsa

 supadosa sami ndherek

 ing pakaryaning ALLAH

Wonten malih para sadherek

satunggal cariyos ing jamaning GUSTI  YESUS makarya

 ing tlatah Israel,

GUSTI  YESUS ngutus saperangan murid ing antawispun

wonten Yakobus lan Yokanan

ingkang sami mireng reraosaning isi manahipun

 sasedherek ing dusun Samaria

ingkang mboten purun anggenipun

badhe nampeni GUSTI  YESUS sarombongan,

sabab warganing Samaria nyumurupi

bab kendeling GUSTI  YESUS menika anamung

 kangge sawatawis wekdal kemawon lan

badhe nglajengaken malih lumampah

dumateng kitha Yerusalem,

lha menika lak lelampahing GUSTI YESUS

ingkang pungkasan anggenipun badhe lumebet malih

 dumateng kitha Yerusalen

saderengipun sumengka-

 tindak dhateng Swarga

Kita sami mirsani …

Para sadherek sapatunggilan

 latar belakang sejarah

pasarwunganipun ‘suku-suku bangsa’-

para warganing Israel

ingkang nganggep tiyang Samaria menika

 dados warganing negari kelas kalih-

dados warganing bangsa ingkang paling andhap

lan sami dipun tebihi ing pasrawungan sosialipun.

 Karana Warganing Samaria menika

 sanes keturunan Israel ingkang murni

ananging sampun campur

 kaliyan bangsa sanes-sanesipun.

Ananging GUSTI  YESUS

 ing wekdal peladosanipun

mboten nate mbenten-mbentenaken

bab pasrawungan-

bab peladosan :

kabar kabingahan

ingkang mijilipun saking Swarga

 kedah katampi lan kawartakaken

dumateng sadaya bangsa

 ing salumahing bumi

Kanthi makaten

GUSTI  YESUS sami katampik dening para sadherek

 ing Samaria

Lumampahing GUSTI  YESUS

anggenipun makarya

dalasan anggenipun badhe mungkasi pakaryanipun

mboten wonten ingkang saged ngendek-

‘tidak ada yang bisa menghentikan pekerjaan ALLAH”

Bareng GUSTI  YESUS kaparingan pirsa

 dening para murid

bab tiyang Samaria

ingkang mboten karsa karawuhan

dening GUSTI  YESUS

lan GUSTI  YESUS dados duka-

 ‘TUHAN menjadi marah’

nalika nyumurupi reaksinipun Yakobus lan Yokanan

kanthi atur pawicantenan :

“GUSTI,

punapa PANJENENGAN ngarsakaen

supados kawula

 sami ndhatengaken latu

saking langit ,

 numpes tiyang-tiyang punika ?”

GUSTI  YESUS

saestu duka dumateng para murid

 ingkang nggadahi pamikir

ingkang makaten,

lajeng GUSTI  YESUS sarombongan

 pados dusun sanesipun

kangge pakendelan sawatawis wekdal

saderengingipun tindak

dumateng kitha Yerusalem.

Patunggilan

ingkang kinasihan dening GUSTI  YESUS

GUSTI YESUS

sejatosipun nyumurupi

saben isi batos manahipun tiyang

sinten ingkang kedah kaparingan pawartos –

piwucala

dalasan  kesempatan-kesempatan-

wekdal anggenipun nampeni rawuhing

 GUSTI

JURU WILUJENGING JAGAD 

menika

GUSTI  YESUS tansah nanting

‘GUSTI  YESUS

selalu menanyakan setiap hal

 kepada setiap pengikutnya

apakah engkau mau ikut AKU ?’

 Apa kowe gelem melu AKU leladosan

lan sapiturutipun?

Apa gelem kowe manggul salib

lan sapiturutipun !

Patunggilan

ingkang kinasihan dening GUSTI  YESUS

Pandherekipun GUSTI  YESUS

 ingkang kasebat para murid

lan inggih ingkang dados Rasuling ALLAH

 ugi kautus

 ngabaraken kabar kabingahan

  lumantar sadaya bab

dhawuh pangandikaning GUSTI  YESUS

 kedah katindakaken

Karsanipun GUSTI  YESUS

supadosa tuwuh manah

 raos  katresnan

 ing antawisipun para sasedherek patunggilan

mboten kepareng

tuwuh manah drengki

 lan memengsahi

sadherek sanesipun

sanajan sadherek kalawau

sampun ndadosaken sekel

 penggalihipun GUSTI  YESUS

kanthi katresnan

tumindaka peladosan dumateng sesami

Patunggilan

ingkang kinasihan dening GUSTI  YESUS

Satunggal cariyos malih

wonten satunggaling priyantun-

tiyang matur dumateng GUSTI  YESUS :

“Kawula badhe ngetut wingking PANJENENGAN”

Ananging panjawabing GUSTI YESUS :

 “Asu ajag padha duwe rong lan

 manuk padha duwe susuh,

nanging PUTRANING MANUNGSA

 ora kagungan papan

kagem nyelehaken mustakane”

Banjur panjawabing GUSTI  YESUS malih

 dumateng tiyang sanesipun :

 “Melua AKU”

Ananging panjawabing tiyang punika :

“Kepareng kawula kesah

ngubur bapak kawula rumiyin”.

 Kanthi swanten sora GUSTI  YESUS

 paring pangandika :

 “Cikben wong mati

 padha ngubur wong mati,

nanging kowe iku lungaa,

ngundhangna KRATONING  ALLAH

 ana ing ngendi-endi”.

Malih;

panjawabipun tiyang sanes

dumateng GUSTI  YESUS:

 “Kawula badhe ngetut wingking

 PANJENENGAN,

GUSTI,

nanging keparenga kawula

 pamitan rumiyin

dhateng brayat kawula”.

Atur pangandikanipun GUSTI  YESUS :

 “Saben wong

kang wus nyekel waluku,

mangka banjur noleh

 marang kang ana ing buri,

iku ora pantes

 tumprap KRATONING ALLAH”.

Patunggilan

ingkang kinasihan dening GUSTI  YESUS

Rawuhing GUSTI  YESUS

ing satengahing jagad

 kangge nebus dosa

 kalepataning manungsa

Kedahipun kita

 ingkang sampun kaparingan dhawuh pangandika

 lumantar para nabi

dalasan GUSTI  YESUS PRIBADI

 ALLAH ngersakaken dumateng kita sami

sagaha ndherek

ing peladosan

 nyambut damel ing pakaryaning ALLAH

 kangge nglencengaken margi

 anggen kita sami sasedherek

badhe sowan mareg

ing ngarsanipun ALLAH

 nggih mareg ing KRATONING ALLAH

 Swarga adi

Rahajeng kita sapatunggilan

ingkang sami katresnanan dening ALLAH

lan lumampah mangkat-

brangkat

 nindakaken panyambut damel

kanthi mboten nolah-noleh malih

kanthi tulusing manah

lumampah pracaya

lan nindakakaen sih katresanan

 dumateng sok sintena tiyang

 ingkang kita panggihi

ing sawekdal-wekdal kita migesangan

GUSTI  YESUS amberkahi kita sami

AMIN

1.      VOTUM : (Jumeneng)

      KPK  26  : 1, 3     Puji Panuwun

      

2.    INTROITUS    :    GALATI  6 : 2

Padha tulung-tinulungana ing bot repot !. Iya kaya mankono iku anggonmu netepi angger-anggere KRISTUS

       KPK  70  : 1, 5      Lumadi ing GUSTI

2.  PENGAKEN  DOSA : …Matius  22 :  37 – 40

37. PANJENENGANe ngandika marang wong iku, “Sira tresnaa marang PANGERAN ALLAHira kalawan gumolonging atinira, lan gumolonging budinira

38. Yaiku angger-angger kang gedhe lan luhur dhewe

39. Dene angger-angger kang kapindho kang padha karo iku, yaiku : Sira tresnaa ing sapepadhanira dikaya marang awake dhewe.

40. Kabeh isining Toret lan kitabe para nabi iku gumantung ing angger-angger loro mau”.

ndedonga :  …

AMIN

4. KPK  68  :  1      ( 2 X )       Iba adi TUWAN endahipun

5. PAWARTOS  RAHAJENG : ((   Jumeneng …

JABUR 62 : 6 - 8

6. Katentremanku mung ana ing GUSTI ALLAH,amarga kang dak arep-arep iku pinangkane  saka ing  PANJENENGANe

7. Mung PANJENENGANe kang dadi peparang lan kaslametanku, kutha betengku, aku ora bakal gloyoran

8. Ana ing GUSTI ALLAH dununging kaslametan lan kamulyanku; peparangku lan kasnatosanku, sarta pangayomanku iku GUSTI ALLAH

6. PENGAKEN  IMAN  RASULI … pinarak ))

    KPK  175   :  1      Tyang rahayu

7. PELADOSAN  FIRMAN :

          PANDONGA:    … AMIN

     KPK  93  : 1    ( 2X )      Pangatag ngabarake INJIL

    PAMAOSING  KITAB SUCI :    

1 Para raja 19 : 19 – 21

Galati 5 : 13 – 18

Lukas 9 : 51 – 62

     KOTBAH  …

       

          KPK  71  :  1, 3         Manggul salib

             

8.     PANDONGA  SYAFAAT :  

9.       PAMISUNGSUNG : Samangke wanci wekdalipun …

          Dasar  :   MALEAKHI  3 : 10

           Sira padha nggawaa pisusung prasepuluhan kabeh menyang ing gedhong            

           Parawatan, supaya ing padalemaningSUN anaa tandhon pangan; tumuli 

           INGSUN titi priksanen, -mangkono pangandikane SANG YEHUWAH  

           sarwa dumadi, -apa sira ora SUNwengani inebe langit, sarta apa INGSUN 

           ora ngesoki berkah marang sira nganti luber ?

;  KPK  187  :  1 - … Pisungsung jiwa raga

           PANDONGA   :  ….

           KPK   336  :  1   

10..    PENGUTUSAN & BERKAT : (Jumeneng)