KATRESNANIPUN ALLAH MBOTEN EWAH GINGSIR

Kamis, 17 Juni 2010

Ibadah Brayat

KATRESNANIPUN  ALLAH

 MBOTEN

 EWAH  GINGSIR

PURWANING  DUMADI     8 : 15 – 22

21

Bareng SANG  YEHUWAH mambet ganda arum,

tumuli ngunandika mangkene :

Ing sabanjure

 INGSUN ora bakal nyupaosi bumi maneh

jalaran saka manungsa,

marga saobah-osiking atine manungsa

 iku dhasar ala

wiwit nom mula;

sarta ing sabanjure INGSUN

ora bakal numpes maneh marang sarupane kumelip,

kaya kang wus SUN tindakake

Patunggilan

 ingkang kinasihan dening GUSTI  YESUS

Ing wanci sonten samangke

kita sami kaparingan dhawuh pangandika

bab sih katresnanipun ALLAH

Bab katresnan

 ingkang mboten ewah gingsir-

 mboten berubah ing samangke

 ugi ing mbenjang

 ing pundi wekdalipun ALLAH

 mboten paring saening gesang

dumateng manungsa

Kados ing rikala jamanipun Rama Nuh

 yasa baita-

prau ageng

kangge milujengaken jagad

 lan saisinipun

miturut karsa lan karsanipun ALLAH

 Rama Nuh

lan kalawangsanipun

 ingkang kawilujengaken

 dalasan sadaya sato kewan

saben jinisipun satunggal pasang

Nanging kanggenipun manungsa

 sanes anamung bebenduning ALLAH

 ingkang kedah katrami….

ALLAH sampun duka

 lan ALLAH sampun sanget anggenipun sekel ing penggalih

ALLAH mboten karsa

bilih manungsa punika awon

ing tumindak

 lan  ing salebeting nindakaken pangabekti

dumateng ALLAH

karana cacat ing panggawe-

cacat pangraos lan

cacat ing panggraita

ALLAH mboten karsa

 dosa dosaning manungsa mbrenah –

 'berkembang'

 lan ndadosaken para timbalaning ALLAH

 sanalika punika kawon

ALLAH tansah paring bebenteng

ALLAH paring kawilujengan

 mungguha mengsahipun para timbalan langkung kiyat

 lan langkung agung 

ALLAH mboten badhe mendel

ananging ALLAH mesti badhe paring pangluwaran

saha pitulungan

Salumahing bumi

kawilujenganipun

anamung wonten ing astanipun ALLAH

 sadaya kawilujenganing umat manungsa

 lan sadaya  bab prekawis

 gesang tumangkaring manungsa

 dalasan  satokewan-

tetuwuhan punika

ALLAH ingkang  nggadahi  prakasa

 ngudi kawilujenganing umat

 ingkang mangabekti

saha ingkang nindakaken

 sadaya pepakoning ALLAH

Rahajeng kita para sadherek

bilih ALLAH taksih paring wekdal

lan kesempatan kanggening kita

 niti priksa lan mbener-mbeneraken

 tindak tanduk kita

 ing sawekdal-wekdal kita tumindak

nglampahi gesang ndherekaken karsanipun ALLAH

Sumingkira sadaya raos pangraos

 ingkang mboten nyondongi ing karsanipun ALLAH

ALLAH sampun paring paukuman

 ing kala samanten

 ing jamaning Rama Nuh

 mboten wonten ingkang gesang

sadaya pejah lan pinejahan

 kerem dening robing toya

‘Air bah itu

sudah menenggelamkan seluruh umat manusia’

 mboten wonten ingkang gesang malih

bilih ALLAH mboten nresnani dumateng Rama Nuh

 ingkang tansah mbangun turut dumateng ALLAH

Manungsa mboten wonten malih-

jagad lan saisinipun mboten wonten malih

‘Disana ALLAH berkarya’-

 ing ngriki ALLAH makarya

kawilujenganing para umat manungsa

kawiwitan malih

manungsa kedah miwiti gesang enggal

lan tangkar tumangkar

kanggea ngebaki salumahing bumi

Kaluhuraken ALLAH kita

 ingkang kebak ing sih susetyaning

 dumateng manungsa

kados pundi panjawab kita

 punapa kados Rama Nuh

 ingkang saestu-sestu ajrih

 lan mangabekti dumateng ALLAHipun ?!

Punapa kita 
ugi nggadahi raos ajrih asih dumateng ALLAH ?

Rahajeng kita para sadherek

samangsa kita pinanggih gesang manut miturut

 ing saben dhawuh pangandikanipun ALLAH-

kita tansah netepi sadaya dhawuh pangandikanipun

Lumadiya nindakaken sadaya karsa karsaning ALLAH

mboten damel sekeling  penggalihipun ALLAH 

sanajan ta ALLAH sampun paring prasetya-

janji

bilih ALLAH mboten badhe paring paukuman malih

kanggening sadaya manungsa

 kados dene robing toya-

 ‘air bah’

ALLAH rumaos bingah

 nampeni sesaoran syukuring Rama Nuh

 sakalawangsanipun

 sanalika Rama Nuh

 paring korban bakaran

dumateng ALLAH

Ayat 21

Bareng SANG  YEHUWAH mambet ganda arum,

tumuli ngunandika mangkene :

Ing sabanjure

 INGSUN ora bakal nyupaosi bumi maneh

jalaran saka manungsa,

marga saobah-osiking atine manungsa

 iku dhasar ala

wiwit nom mula;

sarta ing sabanjure INGSUN

ora bakal numpes maneh marang sarupane kumelip,

kaya kang wus SUN tindakake

ALLAH ngrumaosi

 bilih manungsa dalasan sadaya isining manah batosipun

anamung dosa-

ala

obah mosike manahipun

tansah mboten condong

kaliyan karsanipun ALLAH

Rahajeng kita

 ingkang tansah katresnanan dening ALLAH

 dening mobah mosiking manah kita

 GUSTI  YESUS

tansah mirsani

 lan tansah paring pepenget

lumantar pakaryaning SANG  ROH  SUCI

 ingkang adedalem

 ing satengahing manah batos kita

Sumangga

 kita mboten nggetuni malih

kasulayan gesang kita

ananging kita

tansah saos syukur

 dumateng ALLAH

 kados dene Rama Nuh

 ingkang nembe  kawilujengaken saking ‘air bah’-

robing toya

Rumangsaning gesang kita

 sae

ananging ALLAH langkung pirsa

 isi batosing manah kita

abot entengipun kita

 ndherek ngetut wingking GUSTI YESUS

 supados kita mboten keblasar-blasar

 lan kablicuk dening si iblis

 ing wiwitaning mila

 iblis sampun ‘berusaha’-

mbudidaya supadosa manungsa punika

dumawah ing dosa

kados kaserat ing kitab

Purwaning Dumadi  6 : 11 – 12

11. Anadene bumi iku

ana ing ngarsane GUSTI  ALLAH

katon wus rusak

lan kebak panganiaya

12. Bareng GUSTI  ALLAH mirsani bumi,

nyata-nyata yen iku

 wus rusak banget,

awit sarupane titah

wus padha mblasar lakune

ana ing bumi

Rahajeng sapindhah malih

 kita para sadherek

 sapatunggilaning GUSTI  YESUS

kita sami kaparingan wekdal

sacekapipun

 ngantos dumugi pundi

 kita saestu-estu badhe ndherek GUSTI  YESUS

 ingkang dados juru wilujeng kita

supados kita sami kaparingan sih piwelas

 miturut karsa lan karsanipun ALLAH

jer prasetyaning ALLAH

mboten ewah gingsir

bilih kita ugi tansah nggetuni

sadaya dosa kalepatan kita

Nanging GUSTI  YESUS

tetep mboten marengaken kita

 tansah wonten ing bebenduning dosa

 kita kedah ugi ‘berusaha’-

ngupadi nindakaken

 nyingkuri

 sadaya panggoda lan panerak

dumateng angger-anggering ALLAH-

kita tilar sabarang tumindak kita

 ingkang damel sekel penggalihing ALLAH

Sumangga

 raos rumaosing manah kita

 kita aturaken dumateng ALLAH

 supadosa kita tansah karesiki-

dipun resiki-

 dipun sucekaken

 lumantar

dhawuh-dhawuh pangandikanipun ALLAH

SANG  ROH  SUCI 

sumangga adedalem ing manah batos kula

lan ing manah batos panjenengan sadaya

mugi makaryaa

 nindakaken kasaenan

 kanggening kita sadaya

jer prasetyaning ALLAH kalampahan

 ing gesang kula lan panjenengan

Paukumaning ALLAH

 inggih taksih tetep kalampahan-

 kadhawahaken

 ananging punika mboten sacara ‘masal’-

 kanggening tiyang kathah

 kados dene ingkang kaseratan

ing kitab

Purwaning Dumadi 6 : 6

Ing kono

SANG  YEHUWAH piduwung

dene akarya manungsa ana ing bumi

 lan sekel galihipun

ALLAH sampun numpes sadaya tiyang

 ingkang adamel sekel panggalihing ALLAH

Ananging prasetyaning ALLAH…

 bilih ALLAH mboten badhe numpes sadaya tiyang

malih

kados dek jamaning Rama Nuh

Ananging ALLAH nggih tetep badhe duka

tumrap sok sintena tiyang

ingkang tetep mblasar lampah lumampahipun

Sumangga para sadherek

kita tansah nggetuni

tumrap punapa ingkang saben-saben kita tindakaken

 ing pigesangan

bilih punika lumawan

lan sampun damel kuciwaning batos manahipun

GUSTI YESUS

Kita pasrahaken

kanthi nyenyuwun pitulungan

 supados kita mboten kaganjaran paukuman

Matur nuwun GUSTI  YESUS

bilih PADUKA tansah mirsa

 lan mirsani sadaya

 isi batos manah kawula

Rahajeng kawula

sampun tansah PADUKA uwalaken

saking sadaya bebendu PADUKA

Rahajeng kawula

 ingkang tansah mireng-mirengaken

 sadaya dhawuh piwucal PADUKA

 lumatar pamaosing isining kitab suci

Mugi ROH  PADUKA

ingkang SUCI

tansah ngleresaken

 lampah pigesangan kawula

AMIN

1.      Votum / Berkat

2.      KPK 26  :  1, 2   Puji panuwun

3.      Pandonga

Maos Kitab Suci :

 PURWANING  DUMADI  8 : 15 – 22

4.      KPK  195  : 1, 2, 3   Isining Kitab Suci

5.      Kotbah ….

6.      KPK   137  : 1, 2  Kang langgeng sihe ALLAH

7.      Doa syafaat

8.      KPK   149  : 1   GUSTI nuntun 

9.      Berkat