GUSTI YESUS JATINING GESANG

Ibadah Minggu

10 April 2011

GUSTI  YESUS

JATINING  GESANG

I.                   YEHEZKIEL 37 : 12 – 14

II.                ROMA 8 : 8 – 11

III.             YOHANES 11 : 1 – 44

Patunggilan

 ingkang katresnanan

dening GUSTI  YESUS

Iba bingahipun gesang kita

 ingkang saestu

 katresnanan dening ALLAH

Lumantar dhawuh-dhawuh pangandika

ingkang saben-saben

kita pireng lan

ingkang saben-saben

kita gegilut;

 Sanadyan anamung

1 ayat,

2 ayat

utawi

1 perangan-

perikop

kados ing enjang punika,

ingkang nembe kita waos

YOHANES 11 : 1 – 44

Saestu

GUSTI YESUS karsa

wawanrembag kaliyan kita.

GUSTI karsa

paring piwucal lan

 anggadhahi pangreh

ingkang satuhu sayektos

Dhuh ALLAH

pundi karsa PADUKA

 ingkang prayogi

kangge kawula sasedherek

 ing pepanthan Sumberrejo punika

Makaten

conto

reraosanning manah kita.

Iba

kita saestu kangen

dumateng rawuhing ALLAH

 ing pakempalan-pakempalan

ingkang kita wontenaken.

GUSTI YESUS

dados punjering pikurmat lan

 kamulyan.

ROHing ALLAH

 yeku ROHing kamulyan

 gesang langgeng.

Kita rumaos  nampi

pigesangan enggal,

gesang

ing ndalem

 Asmanipun GUSTI YESUS.

Rekaos,

kasedhihan lan

momotan

saged enteng-

 ical-

sirna

awit panggayuhing ALLAH-

pangrengkuhing ALLAH

Angger ALLAH dedhawuh

 mesthi

raosing manah kita

enteng

GUSTI amberkahi kita

Luar biasa ….

 Pakaryaning ALLAH

tumprap gesang kita

samangke.

Makaten

pakaryaning ALLAH

 ingkang katindakaken

 ing rikala

jamaning GUSTI YESUS

 makarya

ing satengahing jagad

GUSTI YESUS makarya

 ing satengahing brayating

sasedherek patunggilan

 ingkang katresnanan

nggih menika

Maria dalasan Martha.

Dene Lazarus

ingkang kacariosaken sakit,

tumunten pejah-

tilar ndonya,

 Lazarus menika

 ing gesangipun

saestu katresnanan sanget

dening GUSTI YESUS

Mosok sih

GUSTI nresnani

 tak aturi rawuh

mboten karsa

…..

Mosok

GUSTI YESUS

anggenipun nresnani

 tak aturi pirsa

bab kahananing sadulurku

 Lazarus

mboten badhe ngrawuhi

utawi mboten badhe

 paring pitulungan ?

Mosok sih

 GUSTI

negakake uripku !

Makaten

para sadherek sapatunggilan

 bilih kita

anggadahi pangertosan

lan pangangen-angen-

kapitadosan

ingkang satuhu

dumateng GUSTI YESUS

Maria dalasan

Martha

 anamung paring khabar

bilih Lazarus

sadherek kinasih

 saweg sakit.

Ing pangangkah

piyambakipun-

 nggih menika Maria

 dalasan Martha

mboten badhe ngreridu,

nyrimpeti utawi

 mboten badhe ngganggu

 anggenipun GUSTI YESUS

 tindak memucal.

Saestu

Marta dalasan Maria

 Mangertos

 kados pundi

‘super sibuk’ipun

 GUSTI YESUS

Makaten

 Marta dalasan Maria

anggenipun

nindakaken unggah-ungguhing gesang-

 sopan-santuning pasrawungan.

‘GUSTI

mesthi langkung pirsa’-

langkung nyumurupi

bab kawontenan punika.

Kawontenaning sadherek

 jaleripun.

Bilih GUSTI rawuh

 mesthi enggal paring kasarasan-

 kaluwaran

menapa ingkang dados

momotaning gesang.

Bilih GUSTI YESUS

mboten karsa rawuh

ing wekdal punika-

 anamunga paring dhawuh

kemawon

saking katebihan….

Lazarus

ugi saged kaparingan saras.

 Makaten

piandelipun manah

kekalih sadherek punika.

Dumateng sinten malih

 Marta lan Maria

badhe nyuwun pitulungan-

 pados ‘patangen’-

kasarasan

kajawi dumateng ALLAH

 nggih dumateng GUSTI  YESUS

Rahajeng kita

para sadherek

 ingkang ugi

anggadahi kapitadosan

 ingkang sayektos

bab panguwasaning

 GUSTI YESUS

Amin

….

Nggih para sadherek,

 Amin !

Bilih kita

ing sawekdal-wekdal

nampi momotaning gesang,

kita enggal-enggal

ngaturi GUSTI YESUS.

Mugi GUSTI

PADUKA makarya

ing satengahing gesang

 pigesangan kawula.

Mugi

dhuh GUSTI

 PADUKA rawuh

Patunggilan

 ingkang kinasih.

Kita

mboten mangertos

menapa ingkang dados

 karsaning ALLAH.

Kenging menapa

Lazarus ngantos dumugi pejah-

 tilar ndonya,

langkung malih ngantos

4 dinten kakubur.

GUSTI YESUS dereng rawuh ….

Saestu

 Lazarus sampun pejah-

gandanipun mayit

mboten ngapusi

Iba sedhihing

sadulur sakloron,

Maria dalasan Martha

Rawuhing GUSTI YESUS

 ndadosaken kabingahan…

 sabab

saben-saben prekawis sesakit

punapa kemawon

mesthi  badhe kapitulungan –

kasarasaken

Tapi nggih punapa saged…

Lazarus samangke sampun pejah

Iba sedhihipun Maria

 nggih makaten ugi

Martha

ningali sadherek jaler

tilar.

Sadherek jaler menika

 ing adat

kabudayan Yahudi

 saestu nggadahi

kadrajatan langkung inggil

 tinimbang kaum ‘hawa’

Satunggal sadherek jaler

ingkang kagedheng-

kaunggulaken…

tilar,

Iba sisahing manah

ngantos 4 dinten

 kasisahan menika…

lantaran menika

kathah sasedherek,

 tanggi tepalih

 adreng anggenipun asung panglipur,

kathah ingkang ngrawuhi

ing palayadan

ngantos 4 dinten

ing bale griyanipun

Maria lan Martha

Kados makaten

Patunggilan

kawontenaning GUSTI YESUS

anggenipun rawuh

 ngrawuhi brayat

sadherek kinasih

GUSTI YESUS rawuh

kagungan karsa

Rawuhipun GUSTI YESUS

nindakaken pakaryan

 ngluhuraken Asmanipun ALLAH

Luber sih katresnaning ALLAH

Sinten

 ingkang pejah

saged katangekaken malih

dereng wonten

 prekawis menika kadadosan

saderengipun-

 mbok menawi menika

ingkang wiwitan

Bab kamulyaning ALLAH

 nggih karana punika kadadosan

ing brayating Maria

 dalasan Marta

kedah kalampahan

Mboten wonten

 ingkang mokal

 kanggenipun ALLAH

Sampun wancinipun

ALLAH paring pangajar-

piwucal

bab patangen

sauger tyang pejah

nggih mesthi badhe katangekaken

karana pepati

 sampun mboten wonten

 dayanipun

kados ingkang kalampahan

ing DIRI PRIBADInipun

 GUSTI YESUS

rikala kasalib

 seda

wungu malih

GUSTI menika

Sejatosipun

 GUSTIning PATANGEN

Kados dene Lazarus

Kadhawuhan

 tangi

lan medhal

kanthi blebetan kain mori

 Lazarus medal

lajeng GUSTI YESUS

 paring dhawuh

 supadosa tyang-tyang

 paring pitulungan-

pambyantu

nglepas-

ngruncat kain morinipun

lan paring ageman-

 rasukan enggal

rasukaan-

ageman pati

 kagantos

rasukan-

 agemaning tyang gesang

Kados makaten

sadherek sapatunggilan

kita sami kaaturan

supadosa gantos

 salin

rasukan

ingkang sami ndadosaken pejah-

 rasukan ingkang kebak dosa

 kagantos rasukaning

tyang gesang

Sumangga

kita tilar

sadaya tumindak-

 panandhang dosa

kita

Kita lumebet

ing gesang

 ingkang kebak kamulyaning ALLAH

Roh pejah

kita gantos dening

roh patangen

Iba bingahing gesang kita

mbenjang

ndherekaken gesang langgeng

karana GUSTI YESUS

 sampun seda sinalib

ngrembat dosa

wungu malih

nampeni mahkuthaning kamulyan,

 Nggih makuthaning kamulyan

 langgeng salaminipun

ingkang ugi badhe

kaparingaken

dumateng kula

lan sadherek

 sapatunggilan

Mugi GUSTI YESUS

 amberkahi kita

ingkang tansah setya tuhu

lumampah

 ing panuntuning ALLAH

Sugeng

mapag dinten riyadin Paskah

GUSTI YESUS

GUSTIning patangen

AMIN