SAMUBARANG KABEH IKU SAKA ING ALLAH

I  SAMUEL  2  :  5 – 17

SAMUBARANG  KABEH  IKU  

SAKA  ING  ALLAH

5

Sing sapa wareg dhisik

saiki bakal buruh golek pangan,

nanging wong kang luwe dhisik

saiki bisa ngaso

Malah wong kang gabug

 nglairake anak pitu

 nanging wong sugih anak

 dadi loyo

Patunggilan ingkang kinasihan

dening GUSTI  YESUS

Kita samangke

 sami kaparingan dhawuh pangandika

bab peparinge ALLAH

Sanajan ta kita sami sampun nyumurupi

sapinten agenging katresnanipun ALLAH

Asring

kita dereng saged netepi

sapangrehipun ALLAH

Paprentahipun ALLAH

asring kita langgar

Paprentahing ALLAH

 dados laladaning  gegojegan kita

lantaran kita samangke

sami kaparingan kacekapan

mubra-mubru ing kahanan

Patunggilan

kita samangke sami kaajak

 niti priksa

 kahananing jagad ing nagri kita

samangke menika wonten saperangan kathah tiyang

ingkang kacingkrangan

nanging sak sisih wonten tiyang

 ingkang mubra-mubru kahananipun

Kabijakaning nagri

 wonten ing genggemanining dhirinipun ….

Wonten prekawis

 ngremehaken kapitadosaning warganing nagari

ngremehaken kuwajiban

 ingkang kaparingaken tumprap dhirinipun

Samangke ugi

kita nggih saged niti priksa

kahananing pasamuwaning ALLAH

ing pundi-pundi papan

Wonten tiyang ingkang mubra-mburu

kawilujenganing dhiri

Sacara tata lair

nanging sak sisih

 wonten ingkang dados korban

kesrakahaning dhirinipun

Pundi ingkang sae

 nggih dados mboten wonten artosipun

nanging ingkang lepat  klentu

dados panutaning warganing pasamuan

Patunggilan

wonten kathah prasasating….

katah prekawis ingkang nyondongi

 isining reraosan kita

ing wekdal samangke

Makaten ugi ing

gesang bebrayatan kita 

wonten ta ing isining manah kita

 ingkang mboten adil

dumateng saprekawis

 ing babagan katresnan

dumateng salah satunggaling warganing

 brayat kita

Mugi kita saged lan enggal-enggal nyawisi margi

kangge kaluhuraning ALLAH

ing sasaged-sagedipun

ingkang kalampahan nggih sanes

pepengin lan pangangen-angen dhiri kita

Patunggilan

kita samangke kaparingan dhawuh pangandika

bab riwayating Elkana

 ingkang kagungan putra jaler

 nggih menika

Samuel

 ingkang kakandhut dening Hana,

semahipun

 karana ALLAH sampun paring margi

kangge kasaenanipun tiyang

ingkang mboten nggadahi turun

 tyang estri punika

 kawastanan sampun nampi bebendhuning ALLAH

Nanging ALLAH langkung mirsani

sadaya pasambat lan panyuwuning Hana

Pundi ingkang leres

 nggih karana ALLAH

ingkang paring pangluwaran

Samuel kalairaken

Ing dintening

wekdal kasaosaken malih

kangge kaluhuraning ALLAH

Sesaosan dumateng ALLAH

anamung kaluhuraning ALLAH kemawon

ingkang kapundhut

 ing pamikiring Hana

 kaliyan Elkana

Samuel nampeni kawruh

bab prekawis mawarni-warni

 ingkang gegayutan

 kaliyan pranataning agami

Imam Eli

samangkya sampun sepuh

 ananging lepat anggenipun ndidik

 para putranipun

 ingkang cacah kalih

Samubarang prekawis

kaalaman kanthi tata

 caraning manungsa duraka

Sanajan ta

 tata lair batosipun

 leladi dumateng ALLAH

ananguing kepentinganing dhirinipun para putra

anjalari risaking

 tatananing pasamuwan

 ingkang saweg ngaturaken

pamisusung korban bakaran

Tata cara

ingkang leres

dados klentu

 ing pundi bab prekawis

 menika nggih mboten kaleresaken

dening tiyang sepahipun

Nggih imam Eli

Bab prekawis menika

 ndadosaken sungkawaning penggalihing ALLAH

Kadurakaning

anak-anaking Eli

kaaturi pirsa

 lumantaran abdining ALLAH

 Samuel

ingkang samangke sampun saya ageng

 ing babagan raga-

jasmaninipun

ALLAH ngersakaken

 Imam Eli sabrayatipun

nampi paukuman saking ALLAH

  ( ayat 11 – 14; 1 SAMUEL 3)

11. SANG  YEHUWAH

banjur ngandika marang Samuel :

Wruhananira,

INGSUN bakal  nindakake sawijining prakara

 ana ing Israel,

temah sadhengah wong

kang krungu bakal sumruweng kupinge

 karo pisan

12. Ing dina iku

INGSUN netepi

 tumprap Eli

 samubarang kang SUN ngandikakake

bab kulawarganing

saka wiwitan tekan pungkasaning

13. Ujer wus SUN dhawuhake

 Yen INGSUN bakal ngukum

kulawarganing ing salawas-lawase,

amarga saka dosa kang disumurupi

yaiku anggone anak-anake

nyawiyah GUSTI ALLAH

nanging ora disrengeni

14. Mulane INGSUN

 wus supaos marang kulawargane Eli

Yen dosane kulawargane

ora bisa  diruwat

sarana kurban sembelehan

 utawa kurban dhaharan

nganti ing salawas-lawase

Imam Eli

para sadherek sapatunggilan

 lepat

karana mboten aruh-aruh-

ngengetaken para putranipun

Sanajan ta kalih cacahipun

 ananging mboten ndadosaken 

sukarenaning penggalihing ALLAH

nggih ugi tyang sepuhipun

Sanajan ta

sacara tata gesang

sabendinten ing papan pamujan

sesaosan syukur kurban bakaran

dados laknat kagem ALLAH

Rahayu kangge sok sintena tiyang

 ingkang sami nampeni dhawuh pangandika

 pada rumaketa

lan pasrahaken

sadaya bot repoting urip

kanthi manah pasrah lan pitados

bilih ALLAH mboten badhe negakaken

Bapa Elkana dalasan Ibu Hana

sampun nampeni berkahing ALLAH

sinten ingkang pitados

 nggih badhe kaluberan ing berkah

Patunggilan

 kita menika

kados dene putra-putraning Eli,

 imaming pasamuwaning Israel

Ingkang saestu

 Asring

 mboten nggatosaken

tumpraping gesang

 mangibadah

 ngluhuraken Asmanipun ALLAH,

lantaran kita sami

asring mboten nggatosaken

jejibahan ingkang kita tampeni sesarengan

 kados dene nggulawentah anak-

wayah

Conto-

 Tuladha

 kedah kita paringaken

sesambetan kaliyan sesaosan syukur

dumateng ALLAH

Punapa ingkang sae

nggih punapa ingkang mboten sae

Karana ALLAH

 ingkang paring sadaya kawontenan

lan ugi kahanan

 ingkang sami kita betahaken

samangke kita tumindak lepat

 karana kita

 nindakaken saperangan rancanganing gesang

ingkang sulaya ing ngarsaning ALLAH

Kita lumampah sembrono

mboten ngetang kathahing berkah-berkahing ALLAH

 supados kita saged pasrah

 sumende

 Kita sami rumaos kabinerkahan…

Patunggilan ingkang kinasihan dening ALLAH

Karana kahanan lingkungan,

budaya,

tradisi

adat istiadat

Ibu Hana kaaran

dados wanita ingkang kaukum-

kaganjar dening ALLAH

 Iba prihatosing manahing  ibu Hana

Iba prihatosing

brayating Bapa Elkana

 ingkang sampun sepuh

  “kaukum” dening masyarakat

 kanthi pamundhut,

pamikir,

kados punika kalawau

Pundi ingkang sae

 nggih sae kanggenipun ALLAH

Pundi ingkang awon

nggih awon  ugi

ing penggalihing ALLAH

 sampun ngantos kita nggadahi pamikir

kados dene Iman Eli lan para putranipun

Kabinerkahan “putra kalih”

ananging mboten mbangun turut

 dumateng ALLAH

Kabinerkahan

kacekapan ing samukawis tetedan

lan fasilitasing gesang

 ing jabatan imam

nanging sami kawudharan,

kalepatan ageng

ing pamundhuting ALLAH

Imam Eli

 dalasan putra kekalihipun

 sami tumindak duraka

Saosan obaran syukur

kacuwil-kacuwil

kangge dhirinipun pribadi

saderengipun kasaosaken kagem ALLAH

“Kabeh wus kacacah,

 kacuwil-cuwil,

kaiiris

kangge kapentinganing dhirinipun”

Sadherek sapasamuwan

dalasan tiyang kathah

sami kawulang kanthi mboten sae

mboten sami ngormati

 dumateng ALLAH

Kanthi panggugunging gesang

 ingkang mubra-mubru

Kanthi manah

 mboten mandeng malih dumateng ALLAH

sanajan alit lan ageng

gesang panerak kita

ALLAH mboten badhe paring paukuman

 dumateng kita

bilih kita saestu manut lan nggetuni

ing pangenget-enget

 ing gesang duraka punika

ALLAH lamun ageng

sih kasetyanipun

Dumadining gesang kita,

punjeripun

wonten ing Astanipun ALLAH

lamun tebih kita tumindak

reraosan ing manah

ALLAH paring sadaya kabetahan kita

Kanggening kasaenaning gesang kita

Lamun kita

 rumaos ageng ing pamujanan

 kita asring kasupen

ingkang sae pundi kagem ALLAH

 lamun kita dados ringkih ing budi,

 kita sami ngaturi- ALLAH

 sadaya darbeking manah kita

AMIN

Pandonga Pambuka / Berkah

KPK 136  : 1, 4  Pangandel dumateng ALLAH

Pandonga

Pamaosing Idining Kitab Suci :  I SAMUEL 2 : 5 – 17

KPK  193 : 1  Mugi sawijining kabegjan sejati

Renungan…

KPK  79  : 1, 3, 4  Pracaya lan pasraha

Pandonga  saoe syukur

Pandonga syafaat