DADOS SEKSI NYATA INGKANG GESANG

-->

Minggu, 9 Mei 2010

Ibadah Jompo

DADOS  SEKSI  NYATA 

  INGKANG  GESANG

Lelakone Para Rasul 15 : 1 – 2

Wahyu 10 : 1 -10

Yokanan  14 : 23 – 29

Patunggilan ingkang katresanan

dening GUSTI  YESUS

Kita menika

sami dados abdining ALLAH

 ingkang nggadahi pangertosan

bilih ALLAH menika

 saestu kebak ing sih katresnan

 dumateng kita

 para timbalan

lan malih GUSTI  YESUS ugi

sami ngutus kita

dados para utusan

ingkang sesaged-sagedipun

 nindakaken pamiwucal

 dumateng sok sintena tiyang

 ingkang lumebet

ing satengahaing pasrawungan kita sami

Ing papan padamelan,

 ing margi sauruting margi 

angen kita lumampahan

lan ing pundi-pundi papan

anggen kita migesangan 

sesarengan tiyang kathah

Patunggilan ingkang kinasihan

dening GUSTI  YESUS

Pamratobating diri pribadi

ing wekdal samangke

dados titikanipun

 saben pandhereking GUSTI  YESUS

 ingkang setya tuhu nresnani

GUSTI  ALLAHipun

Dadosa murid ingkang setya

 kita menika kaatag

 lumampah ing samargi-margi

 peparinging ALLAH

Samangkya kita kautus

lumampah medharaken dhawuh

pangandikaning ALLAH

supadosa kathah tyang

ingkang sami pitados lan nggetuni dhiri

 lan ugi masrahaken gesangipun

dumateng ALLAH

Lumatar pamratobating dhiri pribadi menika

Kita sami saged

dados cucuk lampahing gesang kita

 lumampah ing margining kamulyaning ALLAH

Sumbering berkah kita

 nggih ALLAH  PRIBADI

Patunggilan ingkang kinasih

 sinten tyang ingkang mboten mratobat

tiyang menika kawastanan

 adigang adigung

 wonten ing ngarsanipun ALLAH

Sombong lan ngunggulaken dhiri pribadi

Sanepanipun

 kita menika kesupen dumateng ingkang

nitahaken kita sami

jer kita saged gesang

Lumampahing gesang kita

 karana ALLAH

sampun paring wekdal

 lan kasagedan

dumateng kita

 ngantos umur kita samanten kathahing

Kita lumampah ing pigesangan punika

sanes karana kakiyataning dhiri pribadi

 nanging karana GUSTI  YESUS

ingkang kagungan karsa

 supados kita sami

nindakaken kabar kabingahan

 dumateng sawarnining jalma

ingkang migesang

ing dinten samangke

 ugi ing sauruting kita kautus

dados utusaning ALLAH

mbabarken kabar kabingahan

Patunggilan ingkang kinasihan

dening GUSTI  YESUS

lumampahing gesang kita

semendhea

 mung dumateng ALLAH

 awit ALLAH ingkang kagungan karsa

Patuladhan ingkang kita tampeni

 ing wekdal siang samangke

nggih menika

bilih ALLAH karsa ngutus para utusan

kangge nggyaraken-

‘memberitakan’

 kabar kabingahan agung

dene ALLAH sampun paring kawilujengan

 tumprap sok sintena tyang

 ingkang kersa mitadosi

sadaya dhawuh-dhawuh pangandikanipun

Rasul Paulus paring piwucal

 dumateng tyang sanjawinipun bangsa Yahudi

 dene bangsa Yahudi

ugi kathah ingkang sami pitados

 bilih GUSTI  YESUS menika

juru wilujeng lan panetep panata gama

Kathah prekawis

ing wiwitaning pasamuan ngrembaka

 karana wonten ‘perbedaan-perbedaan pendapat’

 bab – bab isining piwucal

Ingkang Yahudi

nggadahi pamanggih piyambak

lan ingkang sanesipun

mekaten ugi

nggadahi pamanggihipun piyambak

Jer kita saged anyenyinau

 kados pundi caranipun

kita ngrampungaken perbedaan pendapat kalawau

Para Rasul

 sami rerembagan

 lan ngudi dhawuh pangandikanipun ALLAH

 inggih punapa ingkang dipun karsakaen

 dening SANG  ROH  SUCI

ingkang sami adedhalem ing dhiri kita  sami

Tur prekawis

 perbedaan pendapat kalawau

sami saged  karampungaken

lan GUSTI sampun ngutus kita sami

kados dene para Rasul

 lan sok tyanga

 ing wekdal semanten

ugi ing wekdal samangke

Sumangga

kita ndherek lelabetan

dados utusaning ALLAH

 ing papan padunungan kita pyambak-piyambak

GUSTI amberkahi kita

 sanajan kita nindakaken pakabaran

kanthi raos rekaosing manah

 lan sesangginipun badan kita

Nanging GUSTI  YESUS

sampun langkung ngrumiyini

 nindakaken bab memucal

 dumateng para manungsa

ingkang anepangan

 dumateng SANG  KRISTUS  YESUS

Sok sintena tyang

 ingkang kautus

kedahipun nyumerepi

lan paring kawigatosan

 dumateng ingkang ngutus

supados punapa ingkang kawedharaken

 mangkenipun

condong kaliyan karsanipun

ingkang ngutus

Conto

tukang nembung

calon  pangantyan

dumateng tyang sepahipun

Tyang sepah badhe nampi

 atur panyuwun utusan kalawau

awit punapa ingkang kaaturaken menika

  mesti cocok kaliyan karsanipun

calon besan

Lumampahing gesang kita

sesaged-sagedipun

sumangga kita tansah niti priksa

sadaya karsanipun ALLAH 

jer kita saged tumindak

manut miturut karsanipun

 ing wekdal samangke

 bilih GUSTI YESUS

 ngutus kita

Kita sami

sampun siap lan cumadang

Kita anamung ngendelaken

 panuntuning SANG  ROH  SUCI

ingkang sami sampun kita tampeni

Lumampahing

 panuntuning

SANG ROH SUCI

Bingah sisah

kita nyuwun kekiyatan

 kumandela lan pasraha sawetah

Pakaryaning ALLAH

 mesti sae lan migunani

kanggening dhiri kita

para utusan

nggih kanggening sok sintena tyang

ingkang nampeni kabar

kabingahan pamiwucal kita

Rahajeng kita para sadherek

ingkang sami mitadosi

 bilih ALLAH runtut lan runut

 anggenipun maranata

sadaya prekawis

ing ngajengan kita

 ingkang badhe lelampahan

Sumangga

 kita makarya

ing pigesangan kita

sanes dhiri kita

 ingkang makarya

ananging GUSTI  YESUS

ingkang adhedalem

 ing badan jiwa raga kita

Sugeng makarya

ngantos ing puputing nyawa kita

GUSTI  YESUS

 tansah anyenyarengi gesang kita sami

AMIN

LITURGI   IBADAH  MINGGU  ‘JOMPO’

9 Mei 2010

ing  B Sujiko

(pkl. 11.00 WIB)

1.      VOTUM :

Kipas    32 : 1   Rahayu wong wedi asih

Pangibadah kita sapasamuan

 kita alami kanthi nyebat :

 tuking pitulunganku iku

saka ALLAH kang wus nitahaken langit,  bumi lan saisine

Sih rahmat lan Tentrem rahayu pinangkane saking 

SANG RAMA,

SANG PUTRA,

tuwin ing patunggilaning

SANG ROH SUCI

 tumraha ana ing gesang kita

sapasamuwan

                                                  AMIN

      

2.    INTROITUS    :    I  PETRUS  4 : 7, 10-11

7. Kawusanane samubarang kabeh

 wus cedhak.

 Marga saka iku

 dibisa ngereh awakmu

sarta diwaspada,

 supaya kowe

 padha bisa ndedonga

10. Padha laden-linadenana,

miturut peparing

kang wis ditampani

dening saben wong,

kaya dene juru-pangkruktining

 sih-rahmate ALLAH kang becik

11. Menawa ana wong kang pitutur,

 iku dikaya wong

kang nglantarake

pangandikaning ALLAH;

manawa ana wong kang leladi,

 iku kathindakna

kanthi kakuwatan peparinge ALLAH,

supaya ALLAH kaluhurna

ing samubarang

 marga saka YESUS  KRISTUS.

PANJENENGANe iku

 kang kagungan kamulyan

sarta pangwaos langgeng

 salawas-lawase !

 Amin.

       Kipas   25 : 1   Endi wong kang dumunung ana

3. PENGAKEN  DOSA : …Matius  22 :  37 - 40

ndedonga :  …AMIN

4. Kipas   140 : 1, 4   Tansah bingah

5. PAWARTOS  RAHAJENG : ((   Jumeneng …

JABUR  /  MASMUR

5    :  7

7. PADUKA ingkang njejegaken

 sakathahing  redi

mawi kakiyatan PADUKA,

PADUKA ingkang apaningset karosan

6. PENGAKEN  IMAN  RASULI … pinarak ))

   

7. PELADOSAN  FIRMAN :

          PANDONGA:    … AMIN

    

    PAMAOSING  KITAB SUCI : Yokanan  14 : 23 - 29

Rahajeng tiyang ingkang tansah ngelak dumatheng dhawuh pangandikanipun ALLAH, lan ngraos-raosaken ugi nindakaken ing pigesanganipun

AMIN 3X …..

     KOTBAH  … DADOS  SEKSI  NYATA  INGKANG  GESANG

                    

8.     PANDONGA  SYAFAAT :  

9..    PENGUTUSAN & BERKAT : (Jumeneng)

          Kipas  114  :  1    Wilujeng mlampah

GUSTI  ALLAH muga paring sih rahmat lan

 berkah marang kita,

PANJENENGANe muga karsaa nyunari kita

 kalawan wadane ……

.(Jabur / Masmur 67 : 2)

(kita tampeni berkah) :

ALLAH  SANG  RAMA tansah ngasihi kita

ALLAH  SANG  PUTRA dados panuntuning gesang kita

 dene

ALLAH  SANG  ROH  SUCI tansah manunggil ing gesang kita

Sih rahmat lan tentrem rahayu

tumuruna ana ing gesang kita sapatunggilan

  ngantos dumugeng wekasaning jaman

AMIN