KAWULA sampun nyukakaken kamulyan, ingkang PADUKA paringaken dhateng KAWULA

Sabtu,  22  Mei  2010

IBADAH  BRAYAT

YOKANAN  17  :  20  -  26

22a

Lan KAWULA  sampun nyukakaken kamulyan,

ingkang PADUKA paringaken dhateng KAWULA

sami dadosa satunggal…

Bapak Ibu patunggilan

 ingkang kinasihan dening  GUSTI  YESUS

 kita samangke

 sami kaparingan dhawuh pangandika

bab sih katresnaning GUSTI  YESUS

 tumprap gesang kula lan panjenengan sadaya

Dene punapa

GUSTI  YESUS kaparingan kamulyan

 dening ALLAH  SANG  RAMA

 nggih taksih ngengeti

 pigesanganipun para sadherek tunggil timbalan

 ing ndalem ASMANipun  GUSTI  YESUS

GUSTI  YESUS

sampun nindakaken pakaryan ingkang adi

ing satengahing jagad punika

GUSTI  YESUS

sampun paring peladosan

 ing sauruting gesang

ing alam ndonya punika

GUSTI  YESUS

sampun ngutus ROH  SUCI

 adhedalema ing manah kula lan panjenengan sadaya

minangka patunggilaning SANG  KRISTUS  YESUS

kaliyan kita

para kinasihing ALLAH

Rahajeng kita

ingkang sampun kapiji

 lan kaparingan dhawuh pangandika

lan ingkang sedya nindakaken sadaya dhawuh pangandika

 ing pigesangan saben dintenipun

GUSTI  YESUS amberkahi kita

Patunggilan

 kita menika abdining ALLAH

 ingkang sami sampun dados satunggal badan

ing sajuga

pundi ingkang dados tangan

 lumadyaa dados tangan,

lan sinten ingkang kajibah dados suku

 nggih lumadyaa dados suku

 nggih makaten ugi kita

ingkang kajibahan dados cangkem / tutuk l

umadyaa dados tutuk

Sampurnaning gesang kita

 bilih kita sampun dados satunggal badan

ing dhirinipun GUSTI  YESUS

Ing pandonganipun  GUSTI  YESUS

 kados ingkang kawaos ing kitab

 YOKANAN  17  : 20 – 26

20. Lan

boten namung kangge tiyang-tiyang punika kemawon

anggen KAWULA ndendonga,

nanging ugi kangge tiyang-tiyang

 ingkang pitados dhateng KAWULA

margi saking piwulangipun,

21. supados sadayanipun

 sami dadosa satunggal

 kados dene PADUKA dhuh RAMA,

wonten ing KAWULA ,

 sarta KAWULA  wonten wonten ing PADUKA,

 supados inggih sami dadosa satunggal

 kaliyan PADUKA lan KAWULA,

supados jagad pitadosa,

bilih PADUKA ingkang ngutus KAWULA.

22. Lan KAWULA  sampun nyukakaken kamulyan,

ingkang PADUKA paringaken dhateng KAWULA

sami dadosa satunggal,

kados dene PADUKA

kaliyan KAWULA

inggih dados satunggal;

23. Kawula wonten ing tiyang-tiyang punika

sarta PADUKA wonten ing KAWULA

supados sampurnaa

anggenipun dados satunggal,

sarta supados jagad sumerepa,

bilih PADUKA ingkang sampun ngutus KAWULA

saha bilih tiyang punika

sami PADUKA kasihi

 kados dene anggen PADUKA ngasihi KAWULA.

24. Dhuh RAMA,

 ingkang dados pikajeng KAWULA,

KAWULA wontena ing pundi kemawon,

tiyang-tiyang punika tansah nunggila kaliyan KAWULA,

inggih punika tiyang-tiyang

ingkang sampun PADUKA paringaken dhateng KAWULA punika,

 supados sami nyawang dhateng kamulyan KAWULA

 peparing PADUKA .

Awit PADUKA ngasihi KAWULA

 wiwit saderengipun jagad tinalesan.

25. Dhuh RAMA ingkang adil,

jagad punika pancen mboten wanuh

 kaliyan PADUKA,

nanging KAWULA wanuh

 kaliyan PADUKA,

 sarta tiyang-tiyang punika sami sumerep,

bilih  PADUKA ingkang sampun ngutus KAWULA;

26. punapa dene ASMA  PADUKA

 sampun KAWULA sumerepaken

 dhateng tiyang-tiyang punika

sarta inggih badhe KAWULA sumerepaken,

supados sih

 ingkang PADUKA paringaken dhateng  KAWULA punika

wontena ing tiyang-tiyang punika,

sarta KAWULA inggih wontena

ing tiyang-tiyang punika”

Kita sami sageda nindakaken

kados dene punapa ingkang sampun katindakaken

 dening GUSTI  YESUS

Bab kamulyan

 nggih bab peladosaning GUSTI  YESUS

GUSTI  YESUS ugi ngutus kita

dadosa pelados-pelados

kanggening para sadherek sanes

 ing pundhi kita migesang

kita sami lados linadosan

 karana punika

kita nggih badhe nampeni kamulyaning ALLAH

Bab peladosan

sanes bab ingkang mentingaken dhiri pribadi

sabab karana peladosan

mangkenipun badhe kathah

pribadi-pribadi ingkang badhe mratobat

lan ingkang badhe ngakeni dosa-dosanipun

 ing ngajenganipun ALLAH

Bab pamratobat menika

bab prekawis ingkang adi

sabab GUSTI mboten saged paring pitulungan

 ingkang sawetahipun

 bilih manungsa mboten nggetuni

 lan mandeg anggenipun nindakaken dosa kalepatan

Prajanjining ALLAH

anamung kendel

ing wewaosan lan dhawuh pangandika

 ananging bilih kathah tiyang

ingkang sami mratobat

 kathah tiyang

ingkang sami leladosan

 bab kamulyaning ALLAH

sami kababara ing alam ndonya menika

Rahajeng kita para sadherek

bilih kita sami niti priksa

 rawuhing GUSTI  YESUS

ing satengahing jagad

sanes kangge nampeni pakurmatan

lan pangalembanananing manungsa 

dalasan saisining jagad punika

Kita mangertosi bilih ALLAH

ngutus PUTRAnipun ingkang kinasih

 nggih GUSTI  YESUS

 kanggenipun paring kamulyan

 tumprap sadaya sok sintena tiyang

ingkang sampun dumawah ing dosa

Peladosaning GUSTI  YESUS

mekaten ugi peladosan kita sami

 sasedherek sapatunggilan

gawontenaken kamulyaning ALLAH

 kanggening jagad lan saisinipun

Rubeda,

 kangelan kita

 lan sesambatan kita

 anggen kita tumindak lan lumampah

 ing pakaryaning ALLAH

 sampun ta

ndadosaken kita sami semplah….

sabab GUSTI YESUS

 ing wiwitaning makarya

ugi sampun paring panyengkuyung ing pandonga

 kanggenipun para murid

 nggih para tiyang pitados

 salajengipun

ingkang sami tunggil pitados

GUSTI mboten badhe nilar

 kula lan panjenengan

 sadaya

 jer kita sami kaparingan iman

 kakiyatan

ingkang bakuh lan santosa

ROHING  ALLAH

 kaparingaken dumateng kita

sami

 rumaketa pasraha lan sumendeyaa

GUSTI  YESUS

paring panglipuran

 lan kamulyan ageng

tumprap kita sami

Sugeng leladosan

GUSTI  YESUS mesti tansah paring berkah

AMIN

1.      Votum / Berkat

2. KPK 26  :  1, 2   Puji panuwun

3.      Pandonga

4.      Maos Kitab Suci :  YOKANAN  17 : 20 - 26

5. KPK  195  : 1, 2, 3   Isining Kitab Suci

6.      Kotbah ….

7.      KPK   137  : 1, 2  Kang langgeng sihe ALLAH

8.      Doa syafaat

9.      KPK   149  : 1   GUSTI nuntun 

10. Berkat