TANGGEL JAWAB LAN KUWAJIBAN CAOS PISUSUNG

Kamis, 30 Oktober 2003

TANGGEL  JAWAB

 LAN  KUWAJIBAN 

CAOS  PISUSUNG

II  KORINTUS  9  :  6  -  9

Para sadherak patunggilaning KRW …

ingkang GUSTI  YESUS tresnani

Wonten pitakenan ingkang makaten  :

1.    Apa ta gunane misusungaken bandha ndonya kita kagem GUSTI ?

2.    Apa GUSTI ngarsakake kabeh kagungan kita

sanajan kita wus saos syukur ing pamisungsung ?

3.    Kita menapa rumaos kaparingan kabegjan kacekapan ?

GUSTI  YESUS

lumantar abdinipun Paulus

ngengetaken dumateng kita

 bilih saos pisusung menika

 awujud sesambetan kita

kaliyan kahanan

 ingkang luber

 ing karohanen

 utawi ing kekayaan donya brana

Ayat 6 :

 Iki gatekna :

Wong nyebar satitik

 bakal ngeneni sathitik,

lan wong kang nyebar akeh

bakal ngeneni akeh

Sapunika

para sadherek patunggilan

Karana GUSTI nresnani kita,

kita mboten badhe kakirangan,

 kita tiyang miskin,

kita tiyang kacingkrangan

 punapa malih papa

 ing darbek kita

menika kaetang ing pandamel sae

 bilih wonten  sadherek sanes

 paring kaluberanipun

dumateng sesaminipun

 ingkang saweg kakirangan

GUSTI paring pangandika :

Sapa kang paring paweweh

 marang sadulure

kang kakurangan iku

 wus mitulungi aku

Makaten para sadherek patunggilaning KRW …

GUSTI mirsani

punapa kang kita tindakaken

bilih kita nyebar kasaenan

ugi badhe ngunduh woh kabecikan

 ing SANG  KRISTUS  YESUS

Kita samangke

 kedah rumaos

 bilih ing pasamuan kathah

kabetahanipun,

kados dene bab pambengunan pastori,

greja enggal,

greja ing pepanthan ingkang badhe ‘karehab’

Punapa sadherek patunggilan

 kang kacingkrangan

 ing gesangipun

lan maneka warni prekawis

 kang kedah kita pikul sesarengan;

 Contohnipun

kangge nyengkuyung pasamuan alit sanesipun

Sadherek patunggilan KRW…

GUSTI menika

asih ing karsa mitulungi

dumateng kita

lumantar sesaosan syukur kita

dumateng GUSTI

 lulut manut ing piwucalipun

ing Kitab Suci,

bilih kita sanes tiyang kang ngupadi jagad saisinipun

 ananging ngupadi karsanipun GUSTI  YESUS,

SANG  RAMA 

tuwin SANG  ROH  SUCI

Para sadherek patunggilaning SANG  KRISTUS

ing KRW …

Kita kedah tenggel jawab

 bab misungusungaken darbek kita

 ing tengah-tengahing pangibadah,

ing tengah-tengahing persekutuan / pakempalan

para kagunganipun GUSTI

Para sadherek

 ing wekdal samangke

kita nyumurupi

kathah yatra darbek kita

 kauluraken ing gesang kita,

kangge mbyantu pasamuan ing pundi kita mangabekti,

 kauluraken kangge pasamuan sanesipun,

kauluraken kangge sadherek

 kang ngalami pacoben,

bencana alam

lan sanes-sanesipun,

ugi kangge sadherek kita

 ing KRW ingkang saweg mbetahaken pitulungan

Para sadherek,

 GUSTI kagungan karsa

sadaya,

mboten saperangan gesang kita,

ananging sadayanipun

 anamung kagem kaluhuranipun SANG  KRISTUS  YESUS

Kita kaengetaken,

samangsa bilih gesang kita

 sesambetan kaliyan kapitadosan kita

 dumateng KRISTUS  YESUS

Sapindhah  :

Raos tanggel jawab

ngempalaken pisusung

kangge pelados lan peladosaning sadherek

 ing satengahing pasamuan 

(  I KORINTUS  9 : 9 – 14 )

Kaping kalihipun  :

 Rahayu tiyang

kang ngempalaken pisusumg

 kanthi loma lan sukalila

 ( II KORINTUS  9  :  7  -  9 )

Kaping tigangipun  :

Sinten malih kang rahayu

 ing sesaosan punika ?

Kejawi kita,

sasedherek

nggih GUSTI  YESUS  PRIBADI  

( PARA  RASUL  20  :  35 )

“Tumprap ing sadhengah prakara

aku wus aweh tuladha

marang kowe,

 yen wong padha kawajiban nyambut gawe

 mangkono kagawe mbyantu wong-wong

 kang sekeng

sarta kudu eling marang pangandikane GUSTI  YESUS,

sabab PANJENENGANe piyambak

 wis ngandika :

“Rahayu wong weweh katimbang kang nampani”

MATIUS  25  :  40

Sang Nata bakal paring wangsulan  :

Satemene pitutur INGSUN

marang sira  :

Samubarang kabeh kang sira tindakake

 kanggo salah sawijining sadulur INGSUN

 kang asor dhewe iki,

iku iya sira tindakake kagem INGSUN

Para sadherek patunggilaning KRW…

GUSTI

 ing mriki paring dhawuh-

 II KORINTUS  8  : 9

lumantar Rasul Paulus :

Marga kowe wus padha sumurup

 marang sih rahmate GUSTI kita

YESUS  KRISTUS

yaiku manawa PANJENENGANe

 kang amarga saka kowe

 dadi mlarat

sanadyan PANJENENGANe iku sugih

supaya kowe dadia sugih

marga kamlaratane

Sadherek patunggilan KRW …

Samangke

kita kedah ngraos-ngraosaken

 bab misusung menika,

supados tuwuh pangertosan

tuwin tanggel jawab kita

dumateng GUSTI  PRIBADI

Para sadherek

GUSTI mboten badhe ngirangi

kabingahan kita

bilih kita asung mawarni-warni pisusung,

kados pisusung minggu,

pisusung bulanan,

pisusung khusus / mirunggan,

pisusung pambangunan,

pisusung undhuh-undhuh,

pisusung sanes-sanesipun

kita

dumateng tiyang sanes

ugi saestu njalari

sesambetan kita kaliyan ALLAH

nyata ing gesang pigesangan kita

AMIN

Pamuji  KPK 57  : 1, 2, 4

Berkah

Pamuji  KPK  65  : 1

Pamuji  KPK 77  : 1, 2, 3

Pandonga

Pamaosing Kitab Suci  :  II KORINTUS  9  :  6  -  9

RENUNGAN ….

Pamuji  KPK  73  : 1

Pandonga Syafaat

&

Berkah