AJA NGANGGEP TUMPRAP APA LAN SAPA BAE

Ibadah Minggu

 12 Agustus 2012

Tema Wulanan:

Umatipun ALLAH

ingkang berjuang

kagem karaharjan lan katentremaning

 bangsa

Tema Minggu :

AJA NGANGGEP

TUMPRAP APA LAN SAPA BAE !

1 PARA RAJA 19 : 4 – 8

EFESUS 4 : 30 –- 5 : 2

YOHANES 6 : 41 - 51

YOHANES  6 : 42

Padha grenengan, mangkene,

”Apa iku dudu YESUS anake Yusuf ?

Aku rak padha wanuh karo bapa lan ibune ?

 Kepriye dene duwe pangucap : Aku tumurun saka swarga ?”

Patunggilan

ingkang kinasihan

dening GUSTI YESUS

Iba bingahing gesang kita

sami katunggil dening ALLAH

 karana kita

sampun purun ngaku lan mitadosi

bilih YESUS GUSTI punika

KRISTUS,

 YESUS punika

JURU SLAMETing jagad

Kita mboten nlisik langkung lebet

lan kita mboten pados kaleresan sacara kadagingan

sinten sejatosipun YESUS KRISTUS menika.

Karana kita sampun rumaos

 katunggil lan katuntunan

dening ALLAH ing ROH

ingkang adedalem

ing dhiri kita pribadi mbaka pribadi.

 Sinten ta dhiri kita manungsa

 ingkang sacara limrah

 kita sejatosipun

mboten mangertosi

  mboten gayuk dumateng ALLAH

ingkang kita sembah sujudi,

sacara pribadi

kita mboten saged awor lan campur

kaliyan ALLAH.

ALLAH maha welas

kita mboten,

ALLAH maha suci

 kita mboten,

ALLAH langkung prayogi

ing sadaya prekawis,

kita mboten,

Jer kenging menapa

 kita  saged wanuh

 atepangan

dumateng ALLAH

ing dalem Asmaning GUSTI YESUS

Menika karana ALLAH

kagungan rancangan lan timbalan

dumateng manungsa satunggal-satunggalipun

Rancangan lan timbalan

ingkang ngemu raos

dadosa kita sasedherek

 mangke sageda ngayahi tugas

 timabalanipun GUSTI YESUS

Jer sanes kita malih

ingkang nggadhahi inisiatif

kangge nindakaken tugas tanggel jawab

Kita anamung saged pasrah

ing panuntun lan ing kasagahan pribadi

anggen kita badhe lumampahan

 ing pakaryaning ALLAH

Sakmestinipun

 kita inggih badhe kaparingan kakiyatan,

pangrimatan

 tuwin pangajeng-ajeng

kedahipun kados pundi

lan

 punapa ingkang kedah kita tindakaken

 ing samukawis prekawis

Patunggilan

Reraosan kita

 bab nabi Elia

ingkang ngayahi tugas ngleres-ngleresaken

lan

 paring pepenget

dumateng warganing negari Israel

Elia ngalami kahanan ingkang awrat

karana Ratu Izebel

paring pangancam badhe mejahi dhirinipun

Elia

 ingkang saestu anggenipun nindakaken tugas

kanthi ‘peng-pengan’

kanthi temen

 ing manah 

Elia

ingkang piyambakan

nindakaken pakaryaning ALLAH

Elia saestu semplah

ing manahipun

ngantos matur dumateng GUSTI :

“Sampun semanten kemawon !

Sapunika,

dhuh YEHUWAH,

PADUKA

mugi karsa mulung nyawa kawula,

sabab kawula punika

 mboten langkung sae

 katimbang para leluhur kawula”

(ayat 4b)

Elia mlajeng nebihi Izebel…

tebihipun antawis sadinten mumput

 anggenipun mlajeng

Lan ing wekdal menika kawastanan

Elia menika ngalami ‘krisis iman’

 rumaos manah abot lan awang-awangen  

anggenipun badhe nglajengaken

 tugas timbalan

…

Patunggilan

Elia nyuwun pinejahan

Elia mboten kuwawi mboten sanggup malih

Elia dados lemes lan nglokro

 ing manah lan badan

Nabi Elia

 mboten nyumurupi

punapa ingkang badhe kalampahan

bilih pakaryaning ALLAH

mboten kaayahan-

mboten kaleksanan 

awit Elia ‘mogok’

Nabi Elia

ugi mboten nyumurupi

punapa ingkang badhe kalampahan

 bilih umpami

sadaya pakaryaning ALLAH

sami katindakaken dening Elia,

bilih Elia mboten mlajeng ?

Nggih samestinipun

 Elia mlajeng

 karana kaancam badhe pinejahan.

Elia mboten sanggup

Lan

 kepengin ‘tilar ndonya’ kemawon

Patunggilan

Saestu elok anggenipun ALLAH ngrawuhi Elia

ngutus malaekatipun

 paring kekiyatan lan semangat

Elia kautus neda dedhaharan

 ingkang sampun kacawisaken;

tetedan lan ujukan

Ambal kaping kalih

malaekating ALLAH

anggenipun ngutus Elia

enggal-enggala nglajengaken nedha

dedhaharan

supados Elia mangke kiyat

kangge nglajengaken lelampahan

ngantos papan ingkang  badhe katuju

nggih menika

antawis 4 dinten 4 dalu anggenipun lelampahan

Ing Redi Horeb

GUSTI ALLAH pepanggihan kaliyan Elia

 lan

angutus

 supados Elia nglajengaken timbalanipun

 ngantos dumugi wekdal

ingkang badhe katamtokaken

 dening ALLAH PRIBADI,

Elia mboten pareng kendel

Patunggilan

ingkang katresnanan

dening ALLAH

Rahajeng kita

bilih saged ngayahi tuga

 timbalan

sebab ALLAH mesthi badhe nenuntun kita

 kados dene Nabi Elia

 kaparingan kakiyatan

 semangat enggal

Mesthi

saben tugas

 ingkang kita ayahi

badhe nuwuhaken tantangan,

 pakewed lan sapiturutipun

Sumangga

 kita nyenyinau malih

 dumateng Rasul Paulus

Rasul Paulus

 paring pitedah-

 piwucal bab gesang

Gesang ingkang lami

 kedah katilar

kagantos gesang enggal

dadosa manungsa

 ingkang katuntunan

dening ROHing ALLAH

mboten dados tiyang

 ingkang damel sekel penggalihing ALLAH

tiyang ingkang nggadahi raos serik ‘segala kepahitan’,

ngigit-igit ‘kegeraman’,

 brangasan- murang-muring ‘kemarahan’,

tukar padu lan pitenah

Dadosa ‘kita menika’ tiyang

 ingkang kebak

ing sih katresnan lan apura ingapura

 lan

padha nyenyontoa

dumateng GUSTI YESUS

Nggadahi manah ingkang lembah

 lan

kebak katresnan

 sanes ‘keakuan’ing dhiri

 ingkang pinujul

lan

mboten mawang

sinten tiyang

ingkang badhe dipun ladosi

tuwin apa kang bakal kaladosaken

PRIBADI GUSTI YESUS

pancen saged dados conto lan tuladha

 kangge sok sintena tiyang

 ingkang kapatrapan tugas

 tanggel jawab

Kadosa dening Elia

 ingkang purun lan karsa leladi

sanajan nemahi karubedan

Elia kapulung malih

 dados abdi

 ingkang kaparingan kakiyataning-

 ROHing ALLAH nenuntun

ing gesang pigesanganipun-

 MALAEKATing ALLAH

tansah ngamping-ampingi

lan

tansah paring pitedah

Elia enggal tumindak

nglajengaken tugas

tanggel jawabipun

MALAEKATing ALLAH

ugi nimbali lan paring  pangertosan

 tuwin kekendelan dumateng Rasul Paulus

saengga Rasul Paulus

saged dados abdi ingkang pinunjul-

dados abdi ingkang katunggilan

 dening ROH SUCI,

dening ALLAH

 dening YESUS KRISTUS

 PRIBADI

Kita samangkya ugi

 mesthi kedah ngengeti para sadherek

 bilih ALLAH menika

mboten ewah gingsir

anggenipun makarya

ing wiwitan

 ngantos pungkasaning jaman

ALLAH mboten mawang

sinten tiyang lan apa kang kaalaman

 dening manungsa

Pancen manungsa menika

kebak ing pamikir

 lan

 kebak tumindak ala-

 kanisthan

mboten manut miturut

 ing karsaning ALLAH

Lha punika

ingkang kaalaman dening Rasul Paulus

 ing sawekdal ngadepi Israel

utawi

tetiyang Yahudi

utawi

sok sintena tiyang

 ing maneka warni adat,suku lan bangsa

 ingkang sampun sami kaladosan

ing wekdalipun

Kekalih abdi menika

Elia lan Rasul Paulus

 sanget anggenipun ngalami kahanan

ingkang awrat

Kekalih abdi menika saben-saben

 sami-sami mlajeng

 wonten ing ngarsanipun ALLAH

 sanajan manah semplah

 miturut tata caranipun

Elia ugi Rasul Paulus

enggal-enggal nyowanaken dhiri

 dumateng ALLAH

GUSTI karsa lan purun nampi kepasrahan kita

 para abdi

timbalaning ALLAH

Saengga kita

 sami saged pulih lan lejar

 ing kakiyatan peparinging ALLAH

GUSTI mboten ngersaaken kita

 mundur saking peladosan

malah-malah paring wekdal kesempatan

 kanggening kita

 para abdi

 anggenipun sageda ngrampungaken tugas

 tanggel jawabipun

Aja mawang apa lan sapa

ingkang badhe kaladosan

lan

ingkang badhe kaladosaken

Kita mboten dikeparengaken mundur

 Malah-malah kita kautus terus maju

GUSTI ALLAH

 ingkang badhe ngamping-ampingi

Tentrem rahajeng

 kaparingaken dumateng sadaya manungsa

kita ingkang lelados

utawi

kita ingkang sami kaladosan

Lha makaten ugi

para sadherek

ing patunggilaning GUSTI YESUS

rikala GUSTI YESUS makarya

ing satengahing jagad-

 ing satengahing masyarakat Yahudi

 ingkang nggadahi adat

lan

 bab panganggiting manah

bab-bab kaleresan

miturut akal budining dhiri

 saestu tiyang lan bangsa

 ingkang kaladosan

mesthi nggadahi perbedaan

 ing iman-

 ing kepasrahan dhiri

lan

 ing bab kekendelan

 anggenipun purun nampeni panuntun

 tuwin

pitedahing ALLAH

Bangsa Yahudi sanget anggenipun mawang

sinten GUSTI YESUS menika

 koq ngakeni-

ngaku-aku dhirinipun ALLAH ?

Punapa sanes GUSTI YESUS menika

putraning Maria lan Yusuf ?

(panganggiting dhirinipun)

Maria lan Yusuf

dipun kenal wonten ing satengahing

pasrawunganing bangsa

 ananging

GUSTI YESUS

mboten kamangertosan

sanajan GUSTI YESUS

 sampun paring piwucal

 saking pundi pinangkaniPUN

Lan dados menapa GUSTI YESUS

ing wekdal sapunika :

‘Dados roti kauripan

ingkang kedah cinuwil-cuwil

 amrih gesanging para titah sadaya’

kawilujengaken

GUSTI YESUS

ingkang anepangaken dhiri

 dados ALLAH lan PUTRANING ALLAH

Sok sintena tiyang

 ingkang mboten purun lulut

 lan mboten nepangaken dhiri

 dumateng GUSTI YESUS

mesthi mboten saged pinanggihan

kaliyan ALLAH

ingkang ngutus para abdi

lan

ingkang sampun ngutus PUTRANING

 nggih PRIBADINING ALLAH,

YESUS menika

ALLAH lan GUSTI YESUS

menika nyatunggil ing manah

 sanes 2 PRIBADI

ingkang mbentenaken

GUSTI YESUS menika

ALLAH ingkang tumurun

 ing satengahing jagad

 ingkang dipun prasemonaken

 dados ROTI PANGURIPAN

Lan ingkang kagambarken

dumateng leluhuripun Israel

 mawi roti Manna

ingkang tumurun saking swargi

menika kedadosan

ingkang dados titikan

wujuding pangrimataning ALLAH

 ingkang sampun paring kawilujengan

dumateng Israel sabangsa

‘medal saking tanah pangawulan’

YESUS

 GUSTI kita

 mboten mundur lan mboten kalis

 anggenipun nindakaken peladosan

ngantos seda sinalib

ing redi Golgota

GUSTI YESUS

 netepi pakaryaning ALLAH

 ngantos maringaken daging lan rahipun

supados kita

 saged mireng lan ngraosaken dhawuh pangandika

ingkang mijilipun saking swarga

menika ingkang dados sebab

kenging menapa kita saged mireng

dhawuh pangandikanipun ALLAH

 karana GUSTI YESUS sampun makarya

sebab

mboten wonten satunggal-satunggalipun tiyang

ingkang saged lan purun ‘wanuh- kenal’

kaliyan ALLAH

 lan

mboten wonten tiyang

ingkang saged mireng dhawuh pangandikaniPUN

 kejawi GUSTI YESUS

ingkang mijil saking swarga

 kalair ing satengahing jagad

lan sampun dados tetedhan

‘ROTI PANGURIPAN’

Iba begjanipun kita

 ingkang mboten mawang

 ‘apa lan sapa’ GUSTI YESUS punika

sebab

samangke ugi

taksih wonten kesempatan kanggening kita

bilih purun nampeni pigesangan langgeng

 ingkang badhe kapringaken dening ALLAH

Rahayu

 tiyang ingkang pitados

lan tktiyang ingkang kersa ngimani

ingkang kaladosaken-

katindakaken dening ALLAH  

lumantar para abdi

 dalasan PUTRANING PRIBADI

ALLAH

sampun rawuh

ing satengahing jagad

lan

ALLAH badhe rawuh malih

ingkAng kaping kalihipun

ananging kita mboten badhe anepangi malih

 bilih kita tansah mawang apa lan sapa

 miturut panganggiting dhiri

sanes karana iman kapitadosan

ingkang kaparingaken dumateng kita

Sabab

 ALLAH maha tresna

 saengga kita pinaringan lan badhe nampeni

kawilujengan

Sumangga

dipun gegilut

sinten ROTI PANGURIPAN menika

sejatosipun

Sugeng nampeni pepenget

ingkang mijilipun saking ALLAH

ingkang badhe kawujudaken

 ing Pambujanan Suci Pambangunan ‘GKJW’

Sugeng makarya

 ing tugas timbalaning ALLAH-

sebab kita sadaya kaparing tugas

kewajibaning gesang

GUSTI YESUS

nggih ROH SUCI-

ROHING ALLAH

 ingkang tansah paring pitulungan

GUSTI mberkahi kita

AMIN

VOTUM : (Jumeneng)

KPK 8 : 1, 2, 3     ALLAH MAASIH

Pasamuwan ingkang dipun tresnani dening GUSTI  YESUS

Sumangga kita sami sowan ing ngarsanipun ALLAH

kanthi mbektaa manah tulus lan

kanthi kebak ing pangajeng-ajeng

angger kita badhe nampeni berkah kanthi pangucap ing manah:

Bilih ALLAH ingkang nitahaken langit lan bumi

inggih ingkang luber ing kasusetyanipun

tumrap para titah

Sih rahmat lan Tentrem rahajeng

ing patunggilaning SANG RAMA,

SANG PUTRA,

tuwin SANG ROH SUCI

tumraha ing gesang kawula sapasamuwan

AMIN

2.    INTROITUS    :  

 ROMA 16 : 6

Salam marang Maria,

kang wus nyambut-gawe

 tanpa ngitung sayah kanggo kowe kabeh

YESAYA 16 : 9

Mulane aku melu nangis

kaya Yaezer marga saka wit anggur ing Sibma mau;

kowe arep dak telesesi kalawan eluhku,

 he Hesybon lan Eleale, amarga mangsa ketiga trep ing mangsa panen mungsuhmu nempuh kalawan alok perang

(pinarak)

KPK 28 : 1, 2, 3      SOWAN MRING GUSTI

3. PENGAKEN  DOSA …Matius  22 :  37 – 40

ndedonga :  …AMIN

Kita sami anelangsani

anggen kita dereng saged nindakaken sadaya piwucal

 bab katresnan
Kita sami ngakeni dosa panerak kita

 awit ALLAH

estu tresna dumateng kita para titah

Sumangga kita ngakeni sadaya ringkihing raga,

iman saha kapitadosan kita

lan sacara rohani kita menika

ugi gampil risak kados dene kundi

ingkang kayasa saking lebu lan lempung

gampil dumawah lan pecah

Yen kita nampi dedhawuh

jer kita mboten saged nglampahi

kados pundi gesang kita badhe kawilujengaken ?

GUSTI YESUS

sampun nresnani gesang kita

 lir-ipun

kita ugi kedah saged nindakaken katresnan

dumateng sesami lan GUSTI  ALLAH kita

Sumangga

kita sowan

ing pandonga ngaturaken kahananing gesang kita

…

(DHUH ALLAH SANG RAMA…

kawula aturaken sadaya kalepatan dosa kawula.

Amin)

4. KPK 46 :  1, 2,3      PANELANGSA

5. PAWARTOS  RAHAJENG : ((   Jumeneng …

1 YOHANES  4 : 7 – 8

7. Para Sadulur kang kinasih,

payo kita padha tresna-tinresnan,

 amarga katresnan iku

 asale saka ALLAH,

lan saben wong kang nindakake katresnan,

iku laire  saka ALLAH lan wanuh karo ALLAH

8. Sapa kang ora nindakake katresnan

iki ora wanuh karo ALLAH, sabab ALLAH iku katresnan

6. PAMISUNGSUNG : Samangke wanci wekdalipun …

Dasar  : MAZMUR  69 :31-32

31.Asmaning ALLAH

bakal dak puji kalawan kekidungan,

 sarta PANJENENGANe dakluhurake

kanthi kidung panuwun

32.Ana ing paningaling ALLAH

iku luwih becik katimbang sapi lanang,

ngluwihi sapi lanang

kang wus ana sungune lan atracak belah ;

  KPK 187  :  1 - … PISUSUNG JIWA RAGA

7. PELADOSAN  FIRMAN :

KPK  148 : 1            NYAWISI PAPAN MRING GUSTI

PANDONGA:    … AMIN

PAMAOSING  KITAB SUCI :

1 PARA RAJA 19 : 4 – 8

EFESUS 4 : 30 –- 5 : 2

YOHANES 6 : 41 - 51

Iba begjanipun kita sapasamuwan

ingkang tansah sami tresna dumateng ALLAH.

Tansah ngorong lan

kepengin mireng dhawuh-dhawuh pangandika tuwin

ngudi anggen badhe nindakaken ing gesang sapadintenan

AMIN 3X …..

KOTBAH  … AJA NGANGGEP REMEH TUMPRAP APA LAN SAPA BAE !

KPK 269   : 4, 5  PAMARTA KULA AGESANG

8. PANGAKEN  IMAN  RASULI … pinarak ))

9.     PANDONGA  SYAFAAT :

Saos syukur dhawuh pangandika …

Bangsa & negari

Pasamuwan-pasamuwan ing pundi-pundi papan & Pepanthan (marenca)

Greja>Panitia-panitia: Peringatan 1 abad gedung greja & Dauran Pinisepuh- Diaken, Rembug Warga

Pacawisan Pambujanan Dinten Pambangunaning GKJW

Warganing greja—sakit, lansia, Warganing greja – bebingah Ultah, Warganing greja: brayat enggal & sadherek ingkang saweg nindakaken sambung rasa ugi saweg cecawis anggenipun badhe mbangun bebrayatan

Anak-anak—katekisasi, sekolah,padamelan,jodoh

Bibaran>>AMIN

     

10.    PENGUTUSAN & BERKAT : (Jumeneng)

KPK 157 : 1     NYUWUN KALANTING ING GUSTI

Sumangga patunggilan kita mengkeraken papan pangibadah ,

Sumangga kita enget-enget bilih ALLAH sayektos estu mangertos ing  bab

sadaya prakawis ingkang saweg kita alami

kados dene ing dhawuh pangandika …….

“Pepakon-pepakon iku ora abot,

amarga kabeh kang lair saka ALLAH

iku ngalahake jagat,

yaiku pracaya kita.

Sapa ta kang ngalahkake jagad,

kajaba wong kang pracaya

menawa YESUS iku Putrane ALLAH ?

I YOHANES 4  :  3b - 5

(kita tampeni berkah) :

Sih rahmat lan tentrem rahayu

tumuruna ana ing gesang kita sapatunggilan

ing dinten samangke

ngantos dumugeng wekasaning jaman

Rahajeng tyang ingkang tansah

mangabekti dumateng ALLAH  SANG  RAMA,

SANG  PUTRA,

tuwin  SANG  ROH  SUCI

AMIN

KPK 345  TENTREM RAHARJA

Tentrem raharja sing GUSTI kita,

 tumrah mring kita

tentrem raharja sing GUSTI kita,

 tumrah mring kita