SANG PADHANG KANG SEJATI IKU NGRAWUHI JAGAD

Ibadah Keluarga

Kamis, 5 Desember 2013

Pacawisan Bujono Suci

SANG PADHANG

KANG SEJATI

IKU

NGRAWUHI JAGAD

Patunggilan

 ingkang kinasihan

 dening GUSTI YESUS

Sugeng pinanggih malih

 anggen kita mbangun pangabekti

lan

nindakaken pacawisan

 mliginipun kangge mapag rawuhing GUSTI YESUS

ing satengahing jagad

sacara wujud badan raga jasmani.

 Sanajan prekawis menika

pancen mboten saged kagayuh lan kanalar

dening akal pikiraning manungsa-

kados dene kita :

ALLAH rawuh ngrawuhi jagad

 manjalma dados manungsa-

SANG SABDA wus lair

 nunggil kalayan kita

manungsa.

Punapa anggen kita

 nindakaken pacawisan Bujono suci Adven

 sampun pinanggih leres.

Pacawisan menika kalampahan

 dening saben kita

ingkang taksih gesang

lan

ugi ingkang taksih sami nindakaken

prekawis-prekawis

 tata cara kedagingan lan tata cara karohanen.

Rawuhipun GUSTI YESUS

 kedah kita cawisi papan

 manah batos,

pikiran,

dalasan

 akal budi lan pangangen-angening dhiri

 kita-

piyambak-piyambak.

Sebab rawuhing GUSTI YESUS-

 inggih SANG SABDA menika

 murih saged lumebet lan makuwon

 ing gesang kita

sacara tata pribadhi.

GUSTI YESUS

badhe rawuh

 ing saben-saben wekdal

 mila kita kedah cecawis.

 Lha

menika artosipun tembung Adven

 (=Pacawisan).

Punapa anggen kita jumaga lan cecawis

 sampun leres lan sampun trep anggen kita

mapag rawuhipun GUSTI YESUS

sacara pribadhi.

Punapa kita

 anamung anut grubyuk :

 Anggen para sadherek kita

lumampah ngaler (=jasmani)

sacara tata rohani

ugi makaten tamtunipun-

 kita ndherekaken ngaler

sanajan sacara tata rohani kita

 mboten ‘ngaler’.

Semunipun kita cecawis

 ananging kita sejatosipun

 dereng nindakaken pacawisan.

 Pacawisan kita

 sacara pribadhi menika

kaalaman ugi sacara pribadhi

 karana tanggung jawabing gesang kita

 ugi sacara pribadhi.

Majelising jemaat

mboten saged nyawisaken dhiri

 panjenengan sadaya

satunggal-satunggalipun

 lan

 tamtu para Penatua-

 Diaken-

Majelising Pasamuwan

 ugi sami cecawis dhiri

Saged-saged

 kita nglampahi tindak Ngidul

sanadyan anut grubyuging tiyang kathah

sami  Ngaler.

Kita mboten anut grubyuk

Karana pacawisan

ingkang kita alami-

Karana pacawisan

 ingkang kita tindakaken sacara pribadhi.

 Tyang kathah mboten ngrawuhi-

mboten mapag rawuhing GUSTI YESUS

 karana gesangipun

sampun padhang lan sampun nampeni pepadhang-

 karana gesangipun

 sampun karawuhan dening GUSTI YESUS

sacara tata lair lan jasmani.

GUSTI YESUS

 anamung madhangi tiyang

ingkang karsa mitadosi pakaryanipun

GUSTI YESUS

 anamung paring tentrem rahayu-

damai sejahtera

kangge saben tiyang

ingkang pitados lan nampeni

 SANG SABDA-

JURU PANUNTUN-

JURU PEPADHANGing gesang

Lha kita

 ingkang dereng mesthi

 ‘sampun pinanggih leres’

Sanajan kita

sampun ngleres-ngleresakenaken gesang kita

 kita lumampah piyambak

saged lumawanan

kaliyan arusing tiyang kathah

kalawau.

Tyang katah

sampun sujud jumengkeng

 ananging kita

 taksih lumampah lan saged-saged

 taksih keplajeng

murih kepengin cepeting kita

sak saged-sagedipun enggal-enggal dumugi

 lan

enggal saged mapag

rawuhipun GUSTI YESUS-

SANG SABDA

 Utawi

 mapag rawuhing SANG ROH SUCI.

Pancen;

 Saged-saged kedadosan

anggen kita cecawis

ngantos madep Ngidul

lan

Ngidul

(karana tyang sanes Ngaler)

Ngidul ngantos dumugi

ing  saliraning-

sampeyaning GUSTI YESUS

Kita ngantos estu rumaket  

anggen kita nyawisaken manah

 batos

ingkang kebak rereged-

jejember-

kenajisan-

 roh-roh pepeteng lan pamikir

 ingkang mboten nyodongi

ing karsanipun GUSTI YESUS.

Kados Maria

 rikala muwun lan ngesokaken lisa Naraswatu

 ing Sampeyaning GUSTI YESUS

 lan

rikmanipun Maria kausap-usapaken-

dados sarana kangge nglapi

Sampeyaning GUSTI YESUS.

Maria rumaos

dados tiyang

ingkang dosa-

langkung ageng dosanipun-

Maria ngakeni

 bilih lampahing gesangipun

 sampun dumugi ing papan

 ingkang peteng ndhedet

lan

samangke sampun nampeni pepadhang

 ing rawuhipun GUSTI YESUS

Maria nyawisi wekdal lan papan

dumateng GUSTI YESUS-

SABDAning GUSTI YESUS

milujengaken

.

Dosa-dosanipun Maria

 kaaturaken lan karesikan

kanthi pacawisan pribadhi kalawau.

 GUSTI YESUS ugi mirsani

 saben kahananing  gesang kita

 pribadhi-

mbaka pribadhi.

SANG PEPADHANG

sampun rawuh

manjalma sacara tata lair

lir pigesanganing manungsa

murih langkung celak lan caket

 kaliyan kita

manungsa.

Maria sampun mbuktekaken

lan

Maria sampun tumindak

 ing pacawisan.

Sang pepadhang

 samangke

mboten langkung celak lan caket malih

 kaliyan kita

ingkang gesang

 ing pucuking tahun 2013

ngancik 2014.

Ing jaman samangke

jaman:

GUSTI YESUS

SANG SABDA

ingkang awujudan ROH PEPADHANG-

ROH SUCI

malah saged lumebet

 ing manah

 batos kita

piyambak-piyambak.

Bilih DHEDHAWUH-

SABDA

kapireng

ing talingan lan rumesep

mlebet

ing manah batos kita

lan

saged nggerakaken badhan

 raga kita

anggen kita

 tumindak sujud

 ajengkeng

mapag

 rawuhipun SANG PEPADHANG.

Samangke

ROH SUCI-

ROH PEPADHANG

karsa lumebet

ing manah batos kita

murih kita saged pinanggih resik

lan

 saged miring-mirengaken

DHEDHAWUH

PANGANDIKA-

SABDAning ALLAH.

Lan

pamikir kita

nyondongana ing  karsaNIPUN GUSTI YESUS-

 ALLAH

ingkang paring SABDA

ing lesanipun.

 Lan tumindak tangan

 suku kita

 adreng anggenipun

nglampahi kasaenan

 miturut panuntuning ALLAH.

Karana SANG SABDA-

DHAWUH PANGANDIKA

 ingkang awujud

dados ROH

ingkang SUCI

 meMADHANGI gesang kita.

 GUSTI YESUS

sampun paring DHAWUH

 lumantar lesanipun

 mboten wonten malih pepeteng

ingkang saged nutupi pepadhang

Patunggilan

ingkang kinasihan

 dening GUSTI YESUS

Kita

 sanadyan sampun nampeni

pakaryaning ALLAH

lan

 pitados

bilih JURU SABDA

 PANUNTUNing gesang

 JURU KAWILUJENGAN

 menika

GUSTI YESUS

 ngersaken dumateng kita

 kita kedaha

 tansah cecawis-

jumaga

tetepa ngener

ing gesang

 sabab sawanci-wanci

SANG SABDA-

JURU PANUNTUNing gesang

karsa lumebet

 ing manah batos kita.

SANG ROH SUCI-

JURU PANGLIPUR-

JURU PENERANG

badhe madhangi gesang kita

Pranyata

Patunggilan

 sadaya prekawis

ingkang katempuh

 ing gesang kita

tansaha wonten

 ing panuntuning GUSTI SANG SABDA-

GUSTI SANG ROH-

SANG KRISTUS

 ingkang tansah paring dhawuh-dhawuh pangandika.

Sadaya

 badhe kalampahan

 srana dhawuh pangandika

Ing jaman purwa

miturut kitab Purwaning Dumadi 1 : 3

….

 GUSTI ALLAH banjur ngandika:

“Anaa pepadhang!”.

 Tumuli ana padhang.

PEPADHANG

 ingkang SEJATOS

menika ALLAH

 karana menika

 ALLAH saged madhangi

 lan

saged paring padhang.

Sumbering pepadhang menika

ALLAH

 mila ALLAH

srana SABDAning

karana  lesanipun-

 dhawuhipun

saged wonten.

kados dados

padhanging srengenge-

 rembulan lan lintang.

Lan

Srengenge

 saged paring pigesangan

 tumrap pigesanganing tetuwuhan-

sato kewan

dalasan manungsa.

Lha srengenge

dados sumbering pigesangan-

saged mujudaken

energy

kakiyatan

 mila sejatosipun

SUMBERing GESANG menika

SANG SABDA-

 DHAWUH PANGANDIKA-

 SANG FIRMAN

yang tidak lain adalah ALLAH

Kados pundi

Bapak Ibu Sadherek

Patunggilan

 bilih kita nampeni-

ngalami kapetengan

-mboten wonten pepadhang-

Conto :

Kados pundi

 bilih Listrik

 sumbering pepadhang menika pejah ?

Patunggilan

 ingkang kinasihan

dening ALLAH

Sumangga kita sami nliti

 dhiri kita piyambak-piyambak

tumrap PEPADHANG

ingkang saweg ngrawuhi jagad

punapa kita sampun pinanggih ?

Sejatosipun

GUSTI YESUS mboten waleh-waleh

anggenipun madhangi

dumateng tetiyang

ingkang kersa lan mbetahaken.

PEPADHANG SEJATOS

mesthi saged ngluwari

sadaya prekawis

ingkang sami kita alami

sebab mboten wonten

ingkang katutup-tutupan

 ing paningaling ROH PEPADHANG.

ROH PEPADHANG

 mboten saged kakapusan

 dening barang jagad

 ingkang peteng

Condong kaliyan Tema Natal

tahun 2013:

Datanglah ya RAJA DAMAI-

Rawuha nggih RATUning 

TENTREM RAHAYU.

Estunipun tansah ngaturi

 rawuh ing gesanging

saben manungsa

GUSTI YESUS makarya

 ing pacawisan kita

anggen kita

nampeni PEPADHANGing gesang

GUSTI YESUS mberkahi

AMIN

1.      Votum/Berkat

2.      Pujian KPK  210 : 1, 2 

RFAWUHIPUN GUSTI

 

3.      Doa :

Ø  Syukur

Ø  Mohon penganpunan

Ø  Undang Roh Kudus.

           AMIN

Pembacaan Alkitab : YOHANES 1 : 1 – 9

Pujian KPK  213 : 1, 2

PUJI KONJUK GUSTI

 KOTBAH …..

Pujian KPK  214  : 1

TIMBALAN NULAD GUSTI

Doa syafaat :

Memuji  KPK 112 : 1 

MUGI MBERKAHI KULA

Berkat

AJA KEPLAYU SAKA PACOBAN

Rancangan khotbah Ibadah Brayat :

Kamis, 28 Nopember 2013

AJA

KEPLAYU

SAKA PACOBAN   

   

Yakobus 1 : 1 – 15

12. Rahayu wong kang tanggon sajroning kena pacoban, jalaran Manawa wis katitik tanggon,

bakal nampani makuthaning urip, kang wis kaprasetyakake dening ALLAH

marang wong-wong kang padha tresna marang PANJENENGANe

Patunggilan ingkang kinasih …. Anggen kita numapaki gesang pigesangan ing sauruting tahun kados liripun anak utawi tetiyang ingkang saweg nindakaken pasinaon ing bangku sekolah utawi perkuliahan. Anak / tetiyang menika tamtu ing saben-saben wekdal mesti badhe nampi ujian/ ulangan. Anak/ tetiyang menika kedhah makaping-kaping lan wongsal-wangsul kauji ngantos dumugi dintenipun nampeni kelulusan.

Patunggilan ……..Pancen awrat sesangginipun ngantos ngancik ing pungkasan  anggenipun sinau utawi sekolah/ kuliah; Anak/ tiyang menika anggenipun murih nampeni  kapinteran dalasan kaprigelan/ ketrampilan ingkang saged dados barang darbekipun.

Sadherek patunggilan…. Kados makaten wosing suraosing isining Kitab Yakobus 1 : 12 ingkang paring gegambaran bab punapa kemawon ingkang kedah kaalaman dening saben tiyang pitados murih sageda nggadahi iman lan katresnan dumateng GUSTI YESUS. Bab katresnan lan iman ingkang unggul menika tuwuhipun srana pengalaman -pengalaman  anggen kita tansah nampi mawarni-warni pacoben ing saben-saben wekdal. Kasetyan kita dumateng GUSTI YESUS sami kauji. Prasetyan kita dumateng  GUSTI YESUS sami kauji. Sadaya perkawis ingkang kita alami ing pigesangan kita mesti badhe kauji. Lan malih; Ujian-ujian menika jelas gegayutan kaliyan praktek-praktek gesang anggen kita badhe ndherek tunggil tuju ing piwucalipun GUSTI YESUS. Katresnan dalasan iman kita sami badhe kauji srana mawarni-warni pacoben supados kita tansah tambah mepet rumaket dumateng GUSTI YESUS.

Patunggilan ingkang kinasihan dening GUSTI YESUS……. Sumangga samangke kita sami ngraos-ngraosaken ngantos dumugi pundi anggen kita sami mitadosi prajanjining GUSTI YESUS ?. Punapa  sampun saged kita lampahi srana iman kapitadosan lan punapa sadaya piwucal lan sadaya bab-bab ingkang sampun kaprasetyakaken dening GUSTI YESUS sampun saged kawujudan ing pigesangan kita?.  

Bab gesang langgeng minangka peparingipun GUSTI YESUS mesti badhe kita tampeni bilih kita sasedherek patunggilan saged unggul ing pacoben. Unggul ing pacoben tegesipun : Kita mboten nate mlajeng nginggati sawernining pacoben, langkung-langkung bilih pacoben menika sampun katumama ing gesang kita … kita mboten keplayu nilar GUSTI YESUS pados pitulungan sanes nanging kita tetep nyuwun kakiyatan lan kaluwaran dening GUSTI YESUS. Lha menika ingkang sanyatanipun:  Sadaya bab permasalahan ingkang saweg kita adhepi lan ingkang enggal kedah kita rampungi permasalahanipun…  jelas-jelas menika sadayanipun saged kakawonaken ing dalem ASMAnipun GUSTI YESUS.

Kita mboten sisah mlajeng nginggati sadaya pacoben ingkang saweg nempuh ing gesang kita. Karana menika kita kedah tetep gegodelan dumateng GUSTI YESUS. Karana GUSTI YESUS estunipun kagungan panguwasa ingkang ngedap-edapi. Karana GUSTI YESUS estu saged kita endelaken.

Sumangga patunggilan kita ugemi lan kita sami adhepi sadaya bot repot, momotan, lan sadaya pacoban ingkang nempuh dhiri kita. Sageda kita tansah tanggon lan kiyat anggen kita gondelan nyuwun pitulungan dumateng GUSTI YESUS. Pramila kita mesti bakal badhe nampani makuthaning gesang, inggih menika gesang langgeng peparinging SANG KRISTUS YESUS. Sebab kathah-kathahipun saben tiyang enggal-enggal mlajeng nilar pacoban lan pados gampiling sesanggi srana makaten kathah tiyang mlajeng nilar GUSTI YESUS murih entenging gesangipun.

Sepindah malih patunggilan, bilih kita tetep kebak ing katresnan lan ing iman kapitadosan dumateng GUSTI YESUS lan kita estu-estu katitik tetep kiyat- tanggon anggen kita ndherekaken GUSTI YESUS mesti isi raosing gesang kita kebak tentrem rahayu. Sumangga kita tampeni gesang langgeng ingkang dados wujuding prasetyan- janjining GUSTI YESUS. Tetepa tanggon sanajan nampi pacoben awit saben tiyang ingkang rumaket caket kaliyan GUSTI YESUS si roh pacoben mboten nrimahaken. Tetepa kiyat lan tanggon. Tansaha nyuwun pitulungan dumateng GUSTI YESUS

GUSTI YESUS mberkahi kita. AMIN

KEMBUL BUJANA

   Rancangan Kotbah Ibadah Brayat : 

Kamis, 24 Oktober 2013 

KEMBUL BUJANA                  

Waosan :    

WAHYU 19 : 1 – 10  

( 9 )

Aku tumuli dingandikani mangkene, “Nulisa : Rahayu wong kang tinimbalan  marang bujana palakramane SANG CEMPE”. Sarta aku dingandikani maneh, “Iki sabda kang satuhu, iya pangandikane ALLAH”.

            Patunggilan ingkang kinasihan dening GUSTI YESUS. Sumpamia kita menika kaundang dening panguwasoing negari kados dene Bapak Presiden utawi Bapak Bupati ingkang kagungan kajat. Kados pundi raosing manah kita sebab karana kahanan kita menika anamung sami dados kawula alit. Kahanan kita ingkang sejatosipun mboten pantes ndherek sesarengan kembul ing pambujanan utawi pahargyan menika.

Patunggilan … Kados pundi raosing manah kita bilih bab menika estu kedadosan ?.  Punapa kedadosan menika  nggadahi artos kanggening kawula alit ingkang miskin- papa lsp ?

            Patunggilan ingkang kinasihan dening GUSTI YESUS. Ing ayat 10b. kaseratan bab Wontenipun pameca saking ROHing ALLAH lumantar Yohanes. Yohanes menika murid kekasihing GUSTI YESUS ingkang pungkasan migesang. ROH Pameca  menika ing basa Indonesia sami artosipun kaliyan Nubuatan ROH.  Lha pameca Pamecaning ROH ing wiwitan sampun sami kalampahan rikala ing jamanipun Yohanes.  Yohanes ngalami kapenuhan ing ROH sanalika taksih tetep mitadosi lan nggondeli iman dumateng GUSTI YESUS kados dene para rasul sanesipun ingkang sampun sami ngalami maneka warni karibedan, kaniaya lan sami kapinejahan. Manahipun Yohanes goreh karana kantun dhirinipun piyambak ingkang taksih migesang paring paseksi bab sinten ta GUSTI YESUS menika .

Patunggilan…. Saking 12 rasul : Yohanes menika salah satunggaling murid/ Rasul ingkang taksih gesang sebab rasul sanesipun sampun sami pinejahan rikala nindakaken paseksi bab YESUS KRISTUS. Dados kita saged pahami bilih ing jaman pungkasaning para rasul nindakaken pakaryan paseksi- utawi nggyaraken sinten ta SANG CEMPE ingkang dados korban panebusing dosa kanggening sadaya manungsa. SANG CEMPE menika YESUS ingkang kasebatan GUSTI- lan ugi kasebatan dados PUTRAning ALLAH. Dhiri SANG CEMPE kawartosaken kanthi pasemon panganten kakung. Lha kanggening kita selaku umat manungsa ingkang purun pitados dumateng  GUSTI YESUS- SANG CEMPEning ALLAH dipasemonaken dados pangantyan estri. Kita salaku pangantyan estri ingkang sami mapag rawuhing dintening GUSTI YESUS sang pangantyan kakung kanthi kebak ing kasetyan mboten tumindak cabul- bedhang. Kita sami kados dene para rasul ingkang sampun sami katinimbalan supados saged mareg ing pambujanan palakraman/ pesta perkawinan SANG CEMPE ngantosa dumugia pinejahan awit angger saged nyatunggil malih.

Patunggilan ….. Seratan Kitab Wahyu: Nyerat sadaya bab-bab ingkang condong kaliyan paseksinipun GUSTI YESUS/ SANG CEMPE. Kitab Wahyu ingkang dados nubuatan SANG ROH ugi paring paseksi bab-bab punapa kemawon ingkang saweg badhe kalampahan ing pungkasaning jaman ?

Patunggilan …. Sami kita amini lan kita ptadosi bilih ROHing ALLAH sampun paring pangertosan dumateng kita lumantar paningal-paningal (=eskatologi) ingkang katampi dening Yohanes rasuling GUSTI YESUS. Prekawis punapa ingkang badhe kalampahan kanggening kita sadherek sapasamuwan lan prekawis punapa kanggening saben tiyang dosa bilih purun mratobat lan nindakaken sadaya dhawuh pangandikaning ALLAH utawi kosok wangsulipun saking pitados dados mboten purun mangabekti nindakaken sadaya wujuding kapitadosan kita miturut ing karsanipun ALLAH ing satengahing gesang punika. Kados pundi gesangipun ing pungkasaning mangke ? Sadaya sampun kaseratan miturut pamecaning ROH

            Patunggilan …… Kanggening Tetiyang sagolongan ingkang mboten wanuh kaliyan CEMPEning ALLAH utawi mboten wanuh kaliyan GUSTI YESUS menika kanthi jelas kacariyosaken mangangge pratandha materai tandhaning si kewan. Tetiyang sagolongan ingkang mboten wanuh kaliyan CEMPEning ALLAH jelas sampun nyingkur GUSTI YESUS- jelas sampun cabul karana langkung sanget anggenipun ngendelaken si sundel ageng (=Pelacur besar) utawi si tukang  ngrisak jagad- bumi. Manungsa sagolongan menika saestu sanget anggenipun  sami mitadosi panguwasaning jagad ingkang nyasaraken. Panguwasaning jagad menika estunipun ugi nggadahi daya panguasa ingkang ngedab-edabi lan saged nuwuhaken kasangsaran ageng kanggening para pitados timbalaning GUSTI YESUS- SANG CEMPEning ALLAH.

Patunggilan …… Samangke kanggening tetiyang ingkang wanuh dumateng SANG CEMPEning ALLAH. GUSTI YESUS paring dhawuh lumantar pamecaning SANG ROH SUCI kanthi ngagem Yohanes kados ingkang kaseratan ing ayat 9 : Aku (=Yohanes) tumuli dingandikani mangkene, “Nulisa : Rahayu wong kang tinimbalan marang bujana palakramane SANG CEMPE”. Sarta aku dingandikani maneh, “Iki sabda kang satuhu, iya pangandikane ALLAH”.

Patunggilan…. Ing sanjawining pambujanan palakramane SANG CEMPE tetiyang ingkang mboten wanuh sampun nampeni paukuman salami-laminipun kados gegambaran asep kumelun lan geni langgeng salaminipun. 

Sumangga patunggilan …. Kita ing wekdal samangke tansaha ngucap Amin, Haleluya !. lan tansah saos puji syukur dumateng ALLAH kita, lan tansah tumindak wedi asih dumateng PANJENENGANipun. Kita ing wekdal samangke ngantos dintening kembul pambujanan palakramanipun SANG CEMPE tansaha ngalami kabingahan ageng, tentrem rahayu. Kita salaku panganten putrid sampun karumanti lan badhe kaparingan pangagem mori putih resik gumilap menika wujuding kautamaning para suci- ‘perbuatan-perbuatan benar’ orang-orang kudus.

            Patunggilan….  Iba bingahing kita. Karana kita ingkang sampun nyumurupi kados pundi dinten kembul pambujanan badhe kalampahan ing dinten palakramaning SANG CEMPE. Lan iba bingahing kita karana sanget karantos dening GUSTI YESUS kados dene pangantyan putri. 

GUSTI YESUS mberkahi kita. 

AMIN