DIPUN YAKINAKEN LAN DIPUN UTUS SUPADOS NINDAKAKEN PASEKSI (Diyakinkan untuk diutus bersaksi)

Ibadah Minggu

Minggu, 8 April 2018

Pepanthan Gedangan

Tema Wulanan  :

KRISTUS wungu, Pracayaa lan disekseake…!

(Kristus bangkit, Percaya dan Bersaksilah…!)

Tema Minggu    :

DIPUN YAKINAKEN

LAN

DIPUN UTUS

SUPADOS

NINDAKAKEN PASEKSI

(Diyakinkan untuk diutus bersaksi)

                                       Waosan 1         : Para Rasul  4 : 32 – 35
                                       Waosan 2         : I Yohanes    1 :   1 – 10
                                       Waosan 3         : Yohanes     20 : 19 – 31

Sadherek patunggilan

ing pasamuwaning

SANG KRISTUS

ingkang kinasih

GUSTI YESUS

sampun nresnani kita sami

 lumangkung panyambut damelipun

 ing satengahing jagad.

Pakaryaning ALLAH SANG RAMA

 sampun katindhakaken dening  GUSTI YESUS

ing wiwitan ngantos purnaning panyambut damel

 kanthi sampurna.

Para Sadherek

patunggilan

Lelabuhaning ALLAH-

anggenipun ALLAH nresnani manungsa

sa- alam ndonya menika

nganti puputing nyawa-

seda sinalib

 ing redi golgota.

YESUS PUTRAning ALLAH

anggenipun nglabuhi manungsa dosa

 toh nyawa

 murih kawilujenganipun para titah

Rahayu tiyang

bilih wanuh lan mitadosi

dhawuh pangandikaning ALLAH

lumantar SANG SABDA

nggih menika lumantar

SANG KRISTUS YESUS

 ingkang sampun kalairaken

dening ROH SUCI

Ingkang sampun manjalma

dados manungsa suci

Rahayu kita

 para sadherek

ingkang mangertosi lan ngimani

 bab pakaryaning ALLAH menika :

GUSTI YESUS

sampun seda sinalib

 lan

sampun wungu

ing tinggang ndintenipun

 sak sampunipun kasarekaken

Rahayu tiyang

 ingkang mitadosi lan ngimani

pakaryaning ALLAH

ingkang adi luhung menika

Sabab

bab panebusing dosa-dosaning manungsa

sajosipun mboten saged

kaudi-

kaupaya dening manungsa

sebab kahananipun

manungsa dosa sadayanipun

 mila

 manungsa sampun dumawah

wonten ing telenging pati

Mboten wonten

manungsa

ingkang saged nampeni gesang langgeng

 karana pepejah langgeng menika

sampun dados

 upah pakertining manungsa

ingkang tansah tumindak lumawanan

dumateng karsa karsaning ALLAH

wiwit jamaning Adam

ngantos dumugeng samangke

Patunggilan

 ingkang dipun tresnani

 dening GUSTI YESUS

ALLAH ingkang ngutus

PUTRAnipun makarya

 ing satengahing jagad

 samangke sampun wungu

 saking antawisipun tiyang pejah

mila wontenan dhawuh dumateng kita :

Supadosa kita

para timbalan

ing wiwitan para murid-

sakabat 12

kalajengaken dumateng kita

…

Sami nindakaken tugas

nyekseni bab wungunipun GUSTI YESUS

lan

bab pakaryaning GUSTI YESUS

supados kesaksian

para utusaning GUSTI YESUS

saged nglajengaken anggenipun ALLAH

ngutus PUTRAnipun

murih kawilujenganing

para manungsa dosa

Menika ceceg 
kaliyan suraosing dhawuh-dhawuh pangandika

”Kaya anggonKU kautus

dening SANG RAMA,

kowe saiki

 iya padha DAKkongkon”

Patunggilan

 ingkang dipun tresnani

 dening GUSTI YESUS

Sumangga

kita sami sacara pribadi

lan

sacara patunggilaning tiyang pitados

utawi

pasamuwan-

grejaning ALLAH

ugi nyeksekaken 
bab wungunipun GUSTI YESUS

 ingkang kebak kamulyan

lan

kebak ing panguwasaning ALLAH

Dados utusan

 kedah nggadahi keyakinan

ingkang leres

supados kita saged 
wedaraken paseksi-paseksi ingkang

 gegayutan kaliyan 
PRIBADIning GUSTI YESUS
lan 
gegayutan  kaliyan lumampahing
 pakaryaning ALLAH

Kita kedah mangertos

kanthi saestu

 Paseksini kita kedah jelas ,

kedah leres

lan

kedah nggadahi pengaruh

 ingkang sae,

karana wonten kawibawaning ALLAH.

Saderengipun kita

ngayahi tugas dados seksi

mesthi kita langkung rumiyin

dipun yakinaken

sinten Gusti Yesus

SANG JURU WILUJENG

penebus dosa-dosaning manungsa

menika

lan

menapa wujuding

pakaryanipun Gusti Yesus

 ing jagad kala rumiyin

ngantos dumugi wekdal samangke

karana GUSTI YESUS sejatosipun

tetep mboten ewah-

‘tidak berubah’

 rumiyin ngantos dumugi samangke

Kita lan greja

ingkang kacawisaken

nampeni tugas paseksi

 kedah nggadadhi sesambetan

 ingkang raket

kaliyan GUSTI YESUS

 lan

 kedah nggadahi manah

 ingkang kebak kesetyan lan  kiyat

 anggenipun nglampahi sesambetan

sacara pribadi

kaliyan ingkang ngutus

 inggih menika GUSTI YESUS

Ingkang kawastanan

dados seksi lan atur paseksi

 menika

 boten anamung

srana tembung lan pocapan

 kemawon

ananging ugi 

srana pandamel

 ingkang sae lan nyata.

Patunggilan

Bilih nalika

para murid-

 sakhabat

 kalimputan raos ajrih lan rangu-rangu

gegayutan kaliyan

bab wungunipun Gusti Yesus

Wonten Maria, Petrus

ugi Thomas

 lan sanes-sanesipun

Menapa samangke

kita ugi

 taksih ajrih lan rangu-rangu

lan

dereng mantep anggenipun kita

 nampi cariyos

 bab kasangsaran-

seda-

sinalibing GUSTI YESUS

lan bab wungunipun GUSTI YESUS?.

Gusti Yesus

saben-saben rawuh

ing satengahing para murid

lan

paring dhawuh :

Tentrem rahayu anaa ing kowe kabeh

Tegesipun tembung tentrem rahayu

saben-saben kadhawuhaken:

 Mugi GUSTI ALLAH

 maringi sedaya

 bab ingkang sae;

lajeng

menapa tujuanipun Gusti Yesus

 ngaturi salam:  

Tentrem rahayu

 anaa ing kowe kabeh

Salam menika

badhe saged ngantepaken

iman kapitadosanipun

para murid

mekaten ugi kengge ngantepaken

iman kapitadosan kita

ing jaman samangke-

 ing jamaning ROH ALLAH

 makarya-

Utawi

ing jamaning kita

 lan para murid-

sakhabat

 mboten malih

 saged sawang sinawangan

lan

mboten saged nindakaken

pasrawungan sacara tata lair

 kamanungsan kita

kaliyan GUSTI YESUS

Sabab GUSTI YESUS menika

utusaning ALLAH

ingkang kautus nyekseni

bab bab katresnaning ALLAH

 tumrap manungsa

GUSTI YESUS

menika utusaning ALLAH

 ingkang kalairaken

dening ROHing ALLAH-

 dening ROH SUCI

lan

GUSTI YESUS menika

dados wujuding SABDA PANGANDIKA-

 wujuding DHAWUHing ALLAH

 ingkang kajalmekaken-

ingkang kalairaken

dados daging lan rah

GUSTI YESUS kebak kasucen

 mboten wonten dosa-dosaninipun

 karana kados makaten

kahananipun ALLAH

ingkang maha suci

anggenipun rawuh

 ing satengahing ndonya

mawi utusan saking swarga-

saking ngaluhur

murih ingkang suci saged nebus

manungsa ingkang kebak dosa-

jejembering ndonya

 Kanthi kebak kawibawaning ALLAH

 Panjenenganipun

GUSTI YESUS paring piwucal-

 GUSTI YESUS paring paseksi

bab ALLAH SANG RAMA

bab kaswargan

lan

 bab-bab panguwasaning ALLAH

Salah satunggalipun

GUSTI YESUS

 paring piwucal

dumateng tiyang nem-neman

 ingkang unjuk pitakenan

GUSTI YESUS

 ugi nangekaken-

nguripaken Lazarus

 ingkang sampun pejah 4 dinten

Lha samangke

 GUSTI YESUS

ingkang estu-estu

sampun seda- sinalib-

kasarekaken lan wungu

ing tigang dintenipun

 kanthi nedahaken

asta lan lambungipun

 sarta

maringi dawuh timbalan-

amanat

 ingkang tansah kedah dipun enget-enget

dening pandherekipun-

dening gerjanipun.

Menapa kita samangke

kajaba mireng maos

 isining paseksi Kitab Suci

lan

ugi sampun ngraosaken

 mukjizat panguwasaning ALLAH

 lumantar Asmanipun GUSTI YESUS-

 lan pakaryaning SANG ROH SUCI-

ROHing GUSTI YESUS

 ing pigesangan kita

satunggal-satunggalipun ?

Bilih dereng …

mesti mangke

GUSTI YESUS

SANG ROH SUCI

badhe bakal paring wekdal

 nyetakaken

sinten DHIRInipun menika

lan

 kados pundi ROH SUCI-

ROHing ALLAH kautus

 njangkepi kita-

njangkepi grejanipun

anggen kita-

anggenipun greja

badhe tumindak makarya

paring paseksi

ing satengahing jagad samangke

Menapa wonten

kanggenipun kita

 ingkang mboten cetha

 bab seda wungunipun GUSTI YESUS

Menapa wonten

 ingkang mboten cetha

bab tugas utusan dumateng

 GUSTI YESUS dening

ALLAH SANG RAMA

Ugi samangke

sami katugasaken

dening GUSTI YESUS

 dumateng kita

 para sakhabat-

pandherek-pandheripun GUSTI YESUS

 tuwin

grejanipun

 kedah nglajengaken

 mbabaraken paseksi bab kabar kabingahan-

bab kabar kawilujengan

 kangge manungsa sajagad !.

Menapa wonten

ingkang mboten cetha

 lan

dereng ngraosaken

 mukjizatipun GUSTI YESUS ?.

Menapa kita taksih rangu-rangu

 dumateng GUSTI YESUS

 ingkang kedahipun kita seksekaken-

kita wartakaken

ing satengahing pigesangan kita

 dumateng jagad samangke ?

Karana kita

sami dados pandherekipun GUSTI YESUS

 sampun nampi pengutusan-

sampun sami kautus

 dening GUSTI YESUS

 kangge nggelaraken kabar kawilujengan-

kabar katentreman-

lan

 kabar bab penebusing dosa

Sumangga
 kita sengkut makarya 
mbabarken kanthi gumolonging ati

Enget para sadherek
 bab kabar wunguning manungsa 
saking pepati 
sampun kawiwitan 
dening GUSTI YESUS
 menika saestu nyata 
mboten anamung ‘isapan jempol’- 
sanes kabar ‘hoax’- 
kabar goroh

Sinten tiyang 
ingkang ndherek
 ing gesang seda
 sinalibing GUSTI YESUS
 ugi badhe ndherek ing wunguning GUSTI YESUS

Sinten tiyang dosa lan pitados 
lan
 nindakaken sadaya dhawuh-dhawuhing ALLAH
 lumantar sadaya
 dhawuhing GUSTI YESUS 
menika badhe nampi kawilujengan

Enget para sadherek 
bilih bab tanginipun tiyang pejah 
sampun kawedaraken- 
‘sudah dinubuatkan 
oleh nabi Yehezkiel
 dan
 sekarang
 sudah digenapi
 di dalam kebangkitan daging
 oleh TUHAN YESUS’

Yehezkiel 37 : 9

Aku tumuli dipangandikani

mangkene :

“Sira medhara wangsit

marang

rohing kahuripan iku,

medhara wangsit,

he,

anaking manungsa,

lan tutura

marang rohing kauripan iku

mangkene:

He rohing kauripan,

mangkene pangandikane

PANGERAN  YEHUWAH:

Sira tekaa

saka ing keblat papat,

wong-wong

kang pinatenan iki

padha sira damonana,

supaya padha urip

maneh!”.

Sumangga para sadherek

menapa ingkang sampun kita pireng,

ingkang kita tingali

lan

 ingkang sampun kita seksini

 secara pribadi sampun kita alami

ing pigesangan kita pyambak-piyambak

Sumangga

 samangke kita gyaraken-

kita sekseaken

 dumateng para sadherek

ingkang dereng wanuh

 kaliyan GUSTI YESUS

Nyuwuna pepadhang lan pangantiyaning

GUSTI YESUS

mesti kita badhe kasagedaken

Kanggening para sadherek kita

 ingkang badhe nampi paseksi kita

GUSTI YESUS

 paring dhawuh

(YOHANES 20 : 29b)

“Rahayu wong kang padha ora ndeleng,

nanging pracaya”

GUSTI YESUS mberkahi kita

AMIN

Ibadah Minggu

Minggu, 8 April 2018

Pepanthan Gedangan

1.      VOTUM: (Jumeneng)

KPK  60  : 1, 2    

ALLAH PANGEN KULA

Patunggilan

pangabekti enjang samangke

sami kita alami

kanthi pangaken

bilih ALLAH ingkang nitahaken langit dalasan bumi

ingkang mboten nate nilar pakaryan Astanipun

ing salaminipun

Sumangga kita tampeni berkah:

Sih rahmat lan Tentrem rahajeng

ing patunggilaning SANG RAMA,

SANG PUTRA,

tuwin SANG ROH SUCI

tumraha ing gesang kita sapasamuwan

AMIN

2.    INTROITUS    : Yehezkiel 37 : 9

Aku tumuli dipangandikani

mangkene :

“Sira medhara wangsit

marang

rohing kahuripan iku,

medhara wangsit,

he,

anaking manungsa,

lan tutura

marang rohing kauripan iku

mangkene:

He rohing kauripan,

mangkene pangandikane

PANGERAN  YEHUWAH:

Sira tekaa

saka ing keblat papat,

wong-wong

kang pinatenan iki

padha sira damonana,

supaya padha urip

maneh!”.

(pinarak)

KPK  17  : 1, 2     

PAMUJI KONJUK MRING ALLAH

3.PENGAKEN  DOSA…Matius  22 :  37 – 40

ndedonga :  …AMIN

KPK  70  :  1, 2, 5            

LUMADI ING GUSTI

5.PAWARTOS  RAHAJENG :((Jumeneng …

MATIUS 19: 17 - 21

17.

PANJENENGANe

ngandika marang wong iku,

“Apa sababe,

dene kowe takon marang AKU

bab apa kang becik?.

Kang becik iku mung siji.

Ewadene

menawa kowe kepengin lumebu

ing urip,

tetepana sakeheing pepakon”.

18.

Unjuke wong mau,

“Pepaken ingkang pundi?”.

YESUS tumuli dhawuh,

“Sira aja memateni,

sira aja laku jina,

sira aja nyenyolong,

sira aja ngucapke paseksi goroh.

19.

Sira ngajenana bapa-biyungira

lan

sira tresnaa

marang sapepadhanira

kaya marang awakira dhewe”.

20.

Unjuke wong anom iku

marang PANJENENGANe,

 “Punika sadaya sampun kula tetepi,

kula taksih kirang panapa malih?”.

21.

YESUS ngandika

marang wong iku,

 “Yen kowe arep sampurna,

wis lungaa,

barang darbekmu kabeh dolaana,

lan

 pepayone kabeh

wenehna marang wong miskin,

satemah kowe

oleh bandha ana ing swarga,

banjur mrenea, melua AKU”.

6. PELADOSAN  FIRMAN :

PANDONGA:… AMIN

PAMAOSING  KITAB SUCI :

                                                         

KPK  195  : 1          

 ISINING KITAB SUCI

                                       Waosan 1         : Para Rasul  4 : 32 – 35
                                       Waosan 2         : I Yohanes    1 :   1 – 10
                                       Waosan 3         : Yohanes     20 : 19 – 31

begja kita sapasamuwan

karana tansah sami tresna dumateng ALLAH.

Tansah ngorong lan

kepengin mireng dhawuh-dhawuh pangandika tuwin

kepengin ngudi anggen kita badhe nindakaken ing gesang sapadintenan

AMIN 3X …..

KOTBAH  …

DIPUN YAKINAKEN

LAN

DIPUN UTUS

SUPADOS

NINDAKAKEN PASEKSI

(Diyakinkan untuk diutus bersaksi)

KPK  168   : 1 - 3   

Ndedonga lan makarya

7.PANGAKEN  IMAN  RASULI…pinarak))

8.PANDONGA  SYAFAAT :

*Saos syukur dhawuh pangandika …

*Bangsa & negari

*Pasamuwan-pasamuwan

ing pundi-pundi papan & Pepanthan (marenca Gedangan)

Greja>

Warganing greja—sakit, adiyuswa, bebingah Ultah nenikahan/ kelairan, sadherek ingkang saweg nindakaken Jejodohan ugi saweg cecawis anggenipun badhe mbangun bebrayatan

Sadherek ingkang pados padamelan

Anak-anak— (ulangan/ujian)sekolah/ kuliah

Greja>rancangan Undhuh-undhuh

Bibaran>>AMIN

9.PAMISUNGSUNG:Samangke wanci wekdalipun …

KPK  187  :  1 - …

PISUNGSUNG JIWA RAGA

Dasar  : MAZMUR  69 :31-32

31.Asmaning ALLAH

bakal dak puji kalawan kekidungan,

sarta PANJENENGANe dakluhurake

kanthi kidung panuwun

32.Ana ing paningaling ALLAH

iku luwih becik katimbang sapi lanang,

ngluwihi sapi lanang

kang wus ana sungune lan atracak belah ;

10. PENGUTUSAN & BERKAT:(Jumeneng)

Patunggilan

sumangga kita mengkeraken papan pamujanan menika kaliyan mmbekta tekad semangat mwujudaken timbalaning GUSTI YESUS

ing pigesangan kita-

 makarya SANG ROH SUCI ing gesang kita sapasamuwan

KPK   326  :  1   

KORI INGKANG MENGA

(kita tampeni berkah):

Sih rahmat lan tentrem rahayu

saking

RAMA,

SANG  PUTRA,

tuwin  SANG  ROH  SUCI

tumuruna ana ing gesang kita sapatunggilan

ing dinten samangke

ngantos dumugeng Maranatha-

GUSTI YESUS rawuh ingkang kaping kalihipun

AMIN

Lagu : Haleluya... Haleluya.... Haleluya... Amin