Ibadah Panglipuran

Minggu, 6 Oktober 2013

Bpk. Wasto Almarhum

KRW 7

PRAJANJINING
 (SUPAOSING) 
ALLAH

TUMRAP 
GESANG LANGGENG

JABUR / MAZMUR 9 : 9 – 13

9.

Iya PANJENENGANe iku

kang ngukumi jagad kalawan adil,

sarta ngadili para bangsa kalawan patitis

10.

Iya mangkono iku

anggone SANG YEHUWAH

dadi pangauban tumrap wong kang katindes,

dadi pangauban ing wektu karubedan

11.

Tiyang ingkang wanuh kaliyan asma PADUKA,

punika sami kumandel dhateng PADUKA,

amargi PADUKA,

boten nate negakaken tiyang

ingkang ngupadosi PADUKA,

dhuh YEHUWAH

12.

Padha ngidunga masmur 
kagem SANG YEHUWAH,

kang adedhaton ing Sion.

Padha nyaritakna pandamele

ana ing tengahing para bangsa.

13.

Dene PANJENENGANe kang males

marang wong kang ngwutahake getih,

enget marang wong kang katindhes,

ora kesupen marang pasambate.

Patunggilan

ingkang kinasihan

dening GUSTI YESUS

 iba bingahing manungsa

 ingkang sampun tinunggilan

dening ALLAH

SANG YEHUWAH

ALLAH makarya

ing sauruting gesangipun

Ing sauriting gesang migesanganipun

ing wekdal urip

ing satengahing brayat kulawarga,

bangsa lan masyarakat

Bapa Wasto Almarhum

ugi kados dene kita sami

ingkang taksih katinunggilan

 ing pigesangan

 ing dalem asmanipun GUSTI YESUS

Bapa Wasto Almarhum

 sampun rampung

 anggenipun nindakaken pakaryan

peparinging ALLAH

ing satengahing gesang

 ing jagad punika

Mesti kathah karibedan

lan mawarni-warni prekawis

ingkang ndadosaken dhirinipun semplah

lan

mboten kiyat nandhang

kahanan gesang pigesanganipun

sacara tata raga jasmani

lan

tata jagad

ingkang gumelar menika

Bilih kita ndherek ngraos-raosaken

Ing gesang kita piyambak-piyambak,

kados-kados

kita menika mboten sanggup malih

Langkung-langkung

bilih panjangkah –

rancangan gesang kita

 langkung tebih mangajeng,

kita kepengin nggayuh ing pangangen-angen

bab-bab ingkang luhur

sacara tata lair kadonyan.

Kita asring

mbanding-mbandingaken dhiri kita

kaliyan tiyang sanes

 ingkang nguja-uja kadonyan,

kadrajatan-

kalenggahan

lan sanes-sanesipun

Sanget estu keduwung lan kuciwa

ing wekasaning gesang kita

Karana anamung ngendelaken

pepinginaning kawontenaning jagad

 ananging

 kanggening kita

sasedherek patunggilan

ingkang kinasihan

dening GUSTI YESUS

 lan

ingkang sami kasembadan saleh-

mursid-

temen-temen anggen kita

ndherek ing pakaryaning

 SANG ALLAH

YEHUWAH

ugi mesti sak mestinipun

kita taksih badhe tetep ngalami

bab bingah lan sisah

kados tiyang sanes-

tiyang ing sanjawining patunggilan

Ananging

wonten bentenipun

sadherek patunggilan

karana ALLAH kita

sampun paring prajanji

utawi

paring supaos

dumateng para pandherekipun

kados

 ing seratan ising kitab suci, 
...

kathah sampun kaseratan

conto ing Mazmur 9

ayat 11.

Tiyang ingkang wanuh 
kaliyan asma PADUKA,

punika
 sami kumandel dhateng PADUKA,

amargi PADUKA,

boten nate negakaken tiyang

ingkang ngupadosi PADUKA,

dhuh YEHUWAH

Sumangga sami kita amini

sadherek sapatunggilan

 jer

 kita sami nglampahi

punapa ingkang dados dhawuh pangandika

lan prajanji-prajanjining ALLAH

ALLAH 
mboten badhe nate 
negakaken tiyang

ingkang ngupadosi 
PANJENENGANipun

Sumangga kita tetep gondelan

 Lan

 tetep mitadosi

dhawuh pakaryaning ALLAH

srana makaten

kita tetep dados pribadi

ingkang sujud sumuyud

dumateng ALLAH.

Kita tetep saleh

anggen kita tumindak

nindakaken gesang

 tanpa nilar GUSTI kita
 YESUS

Titikaning gesang kita :

Kita 
taksih tetep 
saged saos syukur

lan

tetep 
saged nyariosaken

sadaya pakaryaning ALLAH

ing sauruting gesang kita

 pribadhi mbaka pribadhi

Kados seratan ayat 12

Padha ngidunga
masmur
 kagem SANG YEHUWAH,

kang adedhaton ing Sion.

Padha nyaritakna pandamele

ana ing tengahing para bangsa.

Sadherek Sapatunggilan

 ingkang kinasihan

dening GUSTI YESUS

pancen awrat sesanggihipun

kanggening brayat

ingkang saweg kapetatan katresnan

Brayat kita ing ngriki

sami ngarosaken

antawisipun bingah lan sisah

Bingah

karana Bapa Wasto almarhum

sampun estu tinunggil

kaliyan GUSTI YESUS

Sisah

 karana kathah prekawis

ingkang murugaken
manah sisah

Kedahipun

kita anamung nyumanggakaken

 mugi pakaryaning GUSTI YESUS

ingkang lumampahan

estunipun- 
sejatosipun

 GUSTI YESUS kagungan karsa

 ingkang endah

tumprap brayat

dalasan dumateng
 Bapa Wasto Almarhum

Bilih kita sami tetep mboten kendat –

mboten kendel

anggen kita nindakaken isining

raosing iman

 keimanan kita

Kita tetep mujudaken

sih katresnan 
dumateng ALLAH kita

ing dalem GUSTI YESUS

lan

sih katresnan
 tumrap brayat kulawarga-

sadherek sapatunggilan

lan

sesami kita

Kita tetep sregep memuji,

Sregep maos dedhawuhing ALLAH

 Sadaya ingkang kaseratan

ing Kitab Suci

 kita mangertosi lan kita tindakaken

 ing praktek pigesangan

 saben dinten

Lan lumantar pandonga-pandonga

kita tansah 
tetep sregep sesambetan

kaliyan GUSTI YESUS

saged-saged 
sadinten ambal 5 – 10

kita nindakaken

Pamuji,

Pamaosing kitab suci

lan

Pandonga

(3P)


Patunggilan

GUSTI YESUS mboten nate sare

anggenipun mireng lan nggatosaken

sadaya pasambat kita

GUSTI YESUS

estu remen anggen kita tansah

 sowan mareg

 ing ngarsanipun

ing saben wekdal

Prajanjinipun GUSTI YESUS

mboten nate mleset 
mesti kajawab karana

GUSTI YESUS

sampun maringaken

sadaya gesang pegesanganipun

 kangge kita

ing
‘Kajeng Salib'

Prastawa 
‘Kajeng Salib'

tansah ngengetaken

iba tresnaning GUSTI YESUS

dumateng kita’

Sadherek Patunggilan
punapa taksih wonten malih

bab ingkang gegayutan kaliyan katresnan

ingkang dereng GUSTI wujud paringaken

 dumateng kita

 para timbalan ?

mesti 
 ing wedalipun GUSTI YESUS 
sadaya badhe kalampahan

Bilih kita nggadahi sesambetan ? -

Bilih kapan kita paring piutang

dumateng GUSTI YESUS ?

karana GUSTI YESUS

sampun ngesokaken katresnanipun
 kanthi maluber

dumateng kita ?

GUSTI YESUS

mboten nggadahi utang

dumateng kita

para manungsa-

mliginipun dumateng kita

timbalanipun

sebab sadaya sedayanipun

sampun kaparingaken

dumateng kita

 ing wiwitan kita tinimbalan

rikala dados pandherekipun.

Sumangga

kita tansah ngecaken

 saben dhawuh
 pangandikanipun ALLAH

 lan

kita tansah niti priksa

punapa sampun sami kebukten

sadaya prajanjining ALLAH menika
...

punapa sampun sami kalampahan

ALLAH

estu ngrantos sesambetan kita

sami 
sageda nuwuhaken

 berkah kenggening dhiri kita- 
lan

kanggening brayat kita

Punapa 
ingkang dereng kita lampahi

ing pakaryan pigesangan kita

 lha kenging menapa

kita taksih ngrantos
 sadaya prajanjianing ALLAH ?

enggal

sami-a kalampahan

ing pigesangan kita !

Sumangga
 kita tansah semangat 
nindakaken gesang pigesangan

ingkang sujud sumuyud

rumaket demateng GUSTI YESUS

 lha kanthi makaten 
...

 kita sami mboten anamung

ngrantos berkah-berkahing ALLAH

ing sauruting pigesangan kita 

ngantosa dumugi puputing nyawa kita

 ALLAH tansah paring berkah

GUSTI YESUS makarya

lan

mberkahi kita sami

AMIN

Ibadah Keluarga

Minggu, 6 Oktober 2013

di Kel.Bp. Wasto Alm (KRW 7)

1.      Votum/Berkat

2.      Pujian KPK  19 : 1

ANGLUHURKEN ALLAH

 

3.      Doa :

Ø  Syukur

Ø  Mohon pengampunan

Ø  Undang Roh Kudus.

           AMIN

Pembacaan Alkitab : JABUR / MASMUR 9 : 9 – 13

4. Pujian KPK  152 : 1

YESUS SANG PAMARTA

5. KOTBAH …..
6. Pujian KPK  169  : 1

SUMARAH MIRING ALLAH

7. Doa syafaat :

Ø  Syukur atas firman …

Ø  Syukur : menyerahkan persembahan

Ø  Kulawarga Bp Wasto Alm sabrayat

Ø  bubaran.  AMIN

Memuji  KPK 149 : 1

GUSTI NUNTUN

Berkat

LHO KOQ BUYAR ?

Waosan :

LELAKONE PARA RASUL  8 : 1b – 8

4

Wong-wong

kang buyar mau

padha ndlajahi

ing satanah kabeh

 karo ngabarake Injil

LHO KOQ BUYAR ?

Patunggilan

ingkang kinasihan

dening GUSTI YESUS

Wonten sadengah cariyos

bab reraosan

satunggaling sadherek

naminipun Cak No.

anggenipun Cak No

 midar mider sak dawanipun margi

 ing desanipun

ing wanci sonten-

anggenipun nelasaken wekdal

kanthi giyat olahraga

 mancal sepedha ontelipun

 sinambi “cuci mata”-

nyawang kaendahaning desa

 ingkang asri-

 nyawang kahanan sawah

 ingkang nembe ditanemi;

Sanget anggenipun kasengsem

ing kaelokanning pemandangan sarwa ijo seger menika,

Piyambakipun sempat mandeg anggenipun ngontel sepedha

lajeng namataken

pantun ingkang nembe katanem

gumelar katata ngebaki galengan.

Lajeng tuwuh pitakenan

ing manah batosipun Cak No:

“Lha,

iki nyang apa …

pari iki koq nandure  kudu 

ditata pisah-pisah,

ora ngumpul wae?”

Patunggilan

Srana ayat nats:

Lelakone Para Rasul 8 : 4

Wong-wong

kang buyar mau

padha ndlajahi

ing satanah kabeh

 karo ngabarake Injil

Ugi nuwuhaken pitakenan kanggening kita sami

bilih saweg nyawang lan ngraosaken

 tuwuhing-

ngrembakaning pasamuwan

 ing wiwitan.

Koq kudu ngalami panganiaya- ‘koq harus penderitaan’ ?.

koq kudu ngalami prastawa

nggegirisi lan kudu buyar sumebar?.

Patunggilan

Bilih gabah-

wiji pantun kasebar

 ing siti- kaeler- katanem

ing  salebeting siti

mboten lajeng pejah

ananging malah tuwuh gesang

 trubus dados bibit

taneman pari

Bilih

 ing gesang pigesanganipun GUSTI YESUS

anggenipun memucal

paring kesaksian

bab Kratoning ALLAH-

bab pigesangan langgeng

GUSTI YESUS

ugi ngalami pangiaya

ngantos pinejahan

lajeng wungu saking pati

Kados bibit pantun kalawau

 katanem ing salebeting siti

lajeng tuwuh-

semi

ngantos cukup ing umur

lajeng kapindhah dhateng sabin-

katata rapi

kapisah-pisah

kados ingkang karaosaken lan dipun tingali

dening Cak No

 kalawau.

Bab kasangsaran lan sedaning

 GUSTI YESUS

sampun kaweca

 ewon tahun saderengipun

GUSTI YESUS

 Lair- makarya- seda sinalib lan wungu

Seratan pameca-

 nubuatan  Nabi Yesaya

saged kita waos ing kitab

YESAYA 38 : 17

Kasisahan ingkang pait punika

 sanyata dados kawilujengan kawula;

PADUKA ingkang njagi nyawa kawula

supados

boten kacemplung ing luwenging karisakan.

Mila panganiaya-

kasisahan-

penderitaan

 ingkang pait kalaman

dening GUSTI YESUS

 menika dados sarana-

cara caranipun ALLAH

anggenipun badhe mitulungi kita

 supados mboten kacemplung

ing luwenging karisakan-

supados mboten kacemplung

 ing luwenging antaka

panganiaya-

kasisahan-

 penderitaan ingkang pait

kalaman dening GUSTI YESUS

 menika dados sarana- cara caranipun ALLAH

njagi lan mitulungi kita

supados saged nampi kawilujengan

Mila,

 Kita

 sami kaatag

 supadosa purun ngalami gesang

 ing panganiaya

salebeting kita ndherek GUSTI YESUS-

Aja golek urip sak kepenake dhewe,

 kudu gelem nyambut gawe

 manggul salib-

 nyelaki awak

(menyangkal diri)

Kita kedah gesang

kados makaten-

 gesang ingkang katata

kasumebar

ing saindenging jagad

Kita kedah purun gesang sangsara-

kebak ing panganiaya

 karana ndherek nekseni pakaryaning GUSTI YESUS

Kita mboten sisah ajrih nyonto

nuladani GUSTI YESUS

 ing kasangsaran

MARKUS  9 : 12  

PANJENENGANe banjur ngandika:

 “Mula pancen mangkono,

Elia rawuh dhisik prelu mulihake samubarang .

Nanging kepriye dene kok katulis

mungguh PUTRAne MANUNGSA

yen PANJENENGANe iku

kudu nandhang sangsara akeh sarta disawiyah?

Kados mekaten

Patunggilan

 Nubuatan-

 pameca

bab rawuhing GUSTI YESUS

PUTRAning ALLAH

mungguh dados PUTRAning MANUNGSA

 GUSTI YESUS

kedah nandhang kasangsaran lan kasawiyah-wiyah

Patunggilan

Pasamuwan wiwitan

 ngantosa dumugi

pasamuwan ing wekdal samangke

 sejatosipun

 inggih sampun kaweca kados makaten.

Kaweca

badhe ngalami Kasisahan ingkang pait

Karana

pasamuwan-pasamuwan menika

sejatosipun dados satunggal badan

 sajuga

 ingkang asesirah

 GUSTI YESUS

 mila mboten mokal malih

bilih pasamuwan-pasamuwaning KRISTUS YESUS

ugi badhe lan saweg

 nandhang kasangsaran lan kasawiyah-wiyah

Lan,

Sanget-sanget mokal

 bilih wonten warganing pasamuwan-

 inggih kita sami

bilih ing sauruting nindakaken pigesangan

 tut wingking

ing karsane GUSTI YESUS

 mboten ngalami kasangsaran-

kasisahan-

 kepaitan gesang

karana ndherek

ing margi kawilujenganing KRISTUS YESUS

Patunggilan

Samangke kita

ugi ngengeti malih

dhawuh pangandikanipun GUSTI YESUS

karana kanthi nggodeli dhawuh pangandika

 lan

nuladha pigesanganipun GUSTI YESUS

 kita saged kiyat lan saged tuntas

anggen kita sami nindakaken tugas-tugas ayahan-

 ‘pekerjaan’ ngabaraken Injil-

Ngabaraken kabar kabingahan-

Ngabaraken kabar kawilujengan

dhumateng sadaya manungsa

ing salumahing bumi-

 ngantos dumugi pucuk-pucuking bumi

sanajan kita

 mesti ngalami rubeda, kasisahan, panganiaya

lan

 kaancam ing pati

Makaten dhawuh

pangandikanipun GUSTI YESUS

YOHANES 4 : 34

Pangandikanipun YESUS,

“Kang dadi panganKU yaiku

anggonku nglakoni karsane PANJENENGANe

kang ngutus AKU,

sarta ngrampungake ayahane”.

Patunggilan

Punapa kita samangke

kados dene Saulus

ing wiwitan-

punapa kita samangke

badhe dados Saulus-Saulus enggal

 ing jaman pungkasan menika

kanthi kakiyatan-

panguwaos saking para imam

lan

imam besar

 badhe numpes sadaya pandhereking KRISTUS ?

Kita saged kemawon

 nggadahi pepinginan :

Numpes sadherek sapatunggilan

karana doktrin

 pengajaran

pemahaman agami

 ingkang benten

 bab KRISTUS YESUS

 lan pakaryanipun-

sebab benten pemahaman

 lan

benten anggenipun kita

nerapaken gesang pigesangan

 ing satengahing pasamuwan

bab-bab ingkang gegayutan

 kaliyan pengutusaning KRISTUS YESUS

sak sampunipun

seda sinalib- wungu lan paring ROH SUCI

Kenging menapa

ing sak sisih

tuwuh Saulus-Saulus enggal

 lan

sak sisih sanes saged tuwuh gesang pigesangan

 kados dene

pasamuwang ingkang wiwitan

 ingkang ajrih asih dumateng GUSTI YESUS-

ingkang sanget nindakaken gesang patunggilan

 ingkang kebak sih katresnan-

ingkang tansah makempal ndedonga

ngraos-ngarosaken dhawuh-dhawuh pangandika

 lan

memuji ngluhuraken GUSTI YESUS-

 lan

ugi sami ngalami gesang mencar

gesang mboten aman sanalika

 kados dene winih

 ingkang kasebar

 ngantos medal saking tlatah Yerusalem

ngantos dumugi tlatah Yudea, Samaria,

ngantos pucuking bumi-

ngantos dumugi tlatah Tanah Jawi

papan panggenan kita gesang

 samangke

Mila,

 kita sapatunggilan

kedah ngatos-atos

 punapa ingkang sami kita tindak

 tandukaken samangke

 ing salebeting makarya

dados pandhereking KRISTUS YESUS

 sampun leres lan cunduk ing karsanipun?!-

 kita saged bingah-bingah tumindak

kados tumindaking Saulus:

 nyepengi- nyiksa nganiaya-

mejahi lan kathah tumindak sanesipun

utawi

kita badhe tetep ngondeli

bab kawilujengan

sanajan ngalami kasisahan panganiaya

kanthi tetep

Nyonto tuladaning GUSTI YESUS:

“Kang dadi panganKU yaiku

anggonku nglakoni karsane PANJENENGANe

kang ngutus AKU,

sarta ngrampungake ayahane”.

MakananKU ialah

melakukan kehendak DIA

 yang mengutus AKU

dan

menyelesaikan pekerjaanNYA

Panganiaya, kasisahan, kepaitan gesang,

dipun mengsahi tyang sanes

ngantosa dipun pejahi sacara rohani-

karakter kita

utawi

 dipun pejahi sacara jasmani 

menika panganan kita

saben dinten

Patunggilan

Sumangga kita nyonto

 tumindakipun pasamuwan wiwitan

ing pigesangan kebak sih katresnan,

sangkul sinangkul ing bot repot

anggenipun nindakaken

sadaya dhawuh

pangandikaning GUSTI YESUS

tetep sregep ing pandonga-

ngraos-ngraosaken dhawuh

pangandikaning GUSTI YESUS

lan

tansah memuji

ngluhuraken Asmanipun GUSTI YESUS

 ing sadanguning wonten Yerusalem

sanajan ing kahanan panganiaya-

lan sanes-sanesipun

meksa

sasedherek patunggilan

 kedah nyebar mencar sumebar

ngantos dumugi ing tlatah Yudea- Samaria

 lan ngantos pucuking bumi

tetep martosaken kabar kabingahan-

tetep nindakaken paseksi

 bab wunguning GUSTI YESUS

lan

mukjizat pakaryaning SANG ROH SUCI

Ngantos dumugi

tlatah Tanah Jawi

papan panggenan kita

 migesangan samangke

Ngantos tuwuh lan sumebar

ngrembakaning pasamuwan-pasamuwan GKJW

Patunggilan

Sumangga

 kita tetep nuladhani

lelampahaning pasamuwan wiwitan

 sinaosa kedah

nandhang kasangsaran panganiaya

 pasamuwan wiwitan

tetep ngabaraken Injil kabingahan

Sumangga

Kita ngucap lan nuladha

 kados dene ingkang kadhawuhaken

GUSTI YESUS

“Kang dadi panganKU yaiku

anggonku nglakoni karsane PANJENENGANe

kang ngutus AKU,

sarta ngrampungake ayahane”.

Ateges

kita kedhah siap

nandhang kasangsaran panganiaya

 kados-kados kasangsaran panganiaya

 menika

dados panganan kita

saben dintenipun

 amrih kita saged estu

nindakaken-

nglakoni karsane GUSTI YESUS.

Sebab

GUSTI YESUS

 ingkang ngutus kita

ugi sampun ngrampungaken ayahanipun.

Sumangga

Kita tindakaken

tugas tanggel jawab

saking GUSTI YESUS menika

 ngantos sak rampungipun-

ngantos pupating nyawa kita

AMIN

GUSTI YESUS mberkahi

Pangibadah Brayat

Kamis, 26 April 2018   Pkl. 16.00

Ing Kel Bp Pdt. Sungkono    (KRW 6)

Votum / Berkat

Kipas 5  :  1, 2   ALLAH YEKU PANGEN KULA

(MAZMUR 23)  

Introitus : 

MARKUS  9 : 12  

PANJENENGANe banjur ngandika:

 “Mula pancen mangkono,

Elia rawuh dhisik prelu mulihake samubarang .

Nanging kepriye dene kok katulis

mungguh PUTRAne MANUNGSA

yen PANJENENGANe iku

kudu nandhang sangsara akeh sarta disawiyah?

YESAYA 38 : 17

Kasisahan ingkang pait punika

 sanyata dados kawilujengan kawula;

PADUKA ingkang njagi nyawa kawula

supados

boten kacemplung ing luwenging karisakan.

Kipas 81  :  1   PAMARTA KULA AGESANG     

Pandonga

Syukur …

Pertobatan …

Nyuwun kasucen lan kakiyatan … ROH SUCI

maos kitab suci

Amin

Maos Kitab Suci :  PARA RASUL  8 : 1b – 8

Kipas 95  :  2, 4      ING WAKTU BADHE WINULANG

Kotbah ….

Kipas 36  :  1, 3, 5  RAHAYU KANG UTAMA LAKUNE 

(MAZMUR 119)

Doa syafaat

Syukur dhawuh pangandika

Atur pisungsung

Bangsa negari

Greja… Program Kegiatan

Warga sakit, momotan, reribed

Kel Bp Pdt. Sungkono

Bibaran

Amin

Kipas 144 : 1  KUMANDEL ING ALLAH

   Berkat