AJA DADI GUSTI

Pangibadah Brayat

Kamis, 22 Februari 2018

Ing Kel Bp. Ciptoadii

KRW 7

Waosan : Rum 3: 21-31

Nats:

29

“Karomaneh Gusti Allah iku

apa mung dadi Gusti Allahe

wong Yahudi bae?

Apa Panjenengane iku

 dudu Gusti Allahe

bangsa-bangsa liya uga?

Iya,

Panjenengane

 iya dadi Gusti Aliahe

bangsa-bangsa liyane uga”

AJA  DADI  GUSTI

Patunggilan

ingkang kinasihan

dening GUSTI YESUS

Saking reraosan Renungan Pancaran Air Hidup,

wonten seratan makaten :

Ing satengahing gonjang-ganjinging

bangsa lan nagari

kathah tiyang

ingkang rumaos

sami dados Gusti.

Sami rumaos mangertosi kaleresan sejati,

lajeng ndakwa tiyang sanes

 kafir sejati.

Piyambakipun rumaos paling bener,

lan  

ndakwa tiyang sanes keblinger.

Rumaos dirinipun menika

ageng lan adi kuwasa.

Rumaos dirinipun menika

paling dipuntresnani Gusti,

lajeng rumaos …

 bilih suwarga

sampun dados milik pribadhi.

Patunggilan

ingkang kinasihan

dening GUSTI YESUS

Tamtu sadaya tiyang ngagama,

ngrumaosi bilih agaminipun punika

paling sae lan paling leres.

Utawi kosok wangsulipun …

tamtu mboten wonten

 tiyang ingkang ngrasuk agama,

 rumaos

bilih agaminipun punika

 mboten sae lan mboten leres.

Mesthi

 boten wonten tiyang ngagama

 ingkang purun

 iman kapitadosanipun

dipun wastani luput lan keblinger.

 Mekaten ugi

Patunggilan

ingkang dipun tresnani

dening GUSTI YESUS

Tiyang

 ingkang dados  pandherekipun Gusti Yesus,

punapa kalebet kita

sami ugi

nggadahi raos rumaos ingkang kados makaten.

Punapa kita nggadhahi kapitadosan

bilih Gusti Allah sampun milujengaken kita

sadaya manungsa dosa

wonten ing dalem asmanipun

 Gusti Yesus Kristus.

Sapindah malih

kanggening dhiri

kita

punapa kita lan sok sintena kemawon

tiyang

ingkang pitados dumateng Gusti Yesus,

lan sarta manut netepi

punapa ingkang dados karsanipun GUSTI YESUS,

mesthi badhe nampi kawilujengan ?.

Lajeng minangka tiyang Kristen,

punapa mesthi otomatis wilujeng?

Dene

 punapa tiyang ingkang sanes Kristen

 punika,

mboten wilujeng?

Kamangka tiyang sanes

ugi sami ngupados kawilujengan.

Patunggilan

ingkang dipun tresnani

dening GUSTI YESUS

Iba bingahing gesang kita

karana sampun sami kaparingan prajanji

dening GUSTI ALLAH

bilih kita mangke

sami saged nampeni kawilujengan.

Ananging patunggilan

tamtunipun bab kawilujengan menika

sanes prakawising manungsa

 ingkang saged namtokaken :

 Aku mesthi mlebu Kraton Swarga

Sliramu ora bisa mlebu

sabab bab Kraton Swarga menika

sanes manungsa kagungan hak namtokaken

Karana manungsa

 kebak dosa 

manungsa sami tumindak duraka

ing sauruting pigesangan

 manungsa tetep kemawon ngendelaken

kakiyatan

 kaluwihaning gesang

bandha ndonya

pangkat kadrajatan

lan saperangan prekawis bab ndonya

bab ndonya barang ndonya

dipun dadosaken ukuran

bilih uripku wis mesthi slamet

wilujeng

 sabab aku wis sregep taberi ngibadah

 nyambut gawe leladi ana kebon anggure GUSTI

Aku luwih apik tinimbang liyan

Lan taksih kathah malih

ukuran-ukuraning manungsa

kangge dhirinipun

anggenipun ngeklaim bab kawilujengan

Manungsa

 saged nggampilaken bab Swarga

 lan

bab kawilujengan menika

Patunggilan

ingkang dipun tresnani

dening GUSTI YESUS

Sanget

Patunggilan…

kita mboten nggadahi panguwasa

lan

 mboten saged namtokaken

mengko mbesuk

aku mlebu ana ing Swarga

ing tembe anggonku ndungkap ajal

aku mesthi mlebu Swarga

Enget

 Sadherek Patunggilan

kita menika

 sanes Gusti lan kita ugi

mboten nggadahi panguwasa

ing badan dhiri kita piyambak

bab umur

bab wektu

sepira suwene aku urip

ana lama ndonya

bab apa kang bakal kelakon ana ing uripku

5 menit

10 menit

2 ndina

Seminggu

Setahun

2 tahun

Apa sing ana ngarepku

Aku ora weruh

Kados makaten Patunggilan

Wosing suraosing dhawuh pangandika

bab GUSTI YESUS

GUSTI YESUS kersa seda sinalib

ngrembat dosa dosaning manungsa

kanthi kebak lubering sih katersnan

 lan

kebak sih kasetyan

 dumateng ALLAH SANG RAMA

murih kababar katresnaning ALLAH

tumrap sadaya manungsa

ALLAH SANG RAMA

 mboten mbedak-mbedakaken

sinten manungsa menika

 satunggal-satunggalipun

Tujuaning ALLAH

 Jelas

 murih paring kawilujengan

 ngluwari manungsa

saking paukuman pati

 murih sageda nampeni gesang langgeng

Menika prastawa Paskah

 ingkang badhe kita pengeti sesarengan

Sumangga

kita ngenget-enget lan cecawis dhiri

 lan

 tansah niti priksa

sinten ta dhiri kita sejatosipun

tumrap sesama kita

 lan

 tumrap GUSTI ALLAH

Punapa mesthi aku

bisa lumebu Kratoning ALLAH ?

Menapa  anamung srana ngendelaken dhiri

 ingkang kayasa-

kadamel saka lebu menika

 lan

ing dhiri kita tansah tumindak dosa

 kalepatan-

mboten suci-

mboten kudus

Sebab Kratoning ALLAH menika suci-

kudus

panggenaing para suci-

manungsa

ngkang sampun kasucekaken …

ALLAH

ingkang nucekaken

dhirining manungsa

sarana Rahipun ing suci

Rahipun sampun tumetes

saking redi Golgota

salibing KRISTUS

dados seksi prasetyaning ALLAH

anggenipun ngudi kawilujenganing manungsa

Patunggilan

ingkang dipun tresnani

dening GUSTI YESUS

Sinten manungsa

ingkang sami badhe kawilujengaken ?

Manungsa ingkang kawilujengaken

…

Nggih punika

 saben tiyang

ingkang karsa ngakeni

 bilih GUSTI YESUS PUTRAning ALLAH

ingkang sampun nebus lan ngluwari

dhirinipun saking dosa

lan

ngluwari manungsa sadaya

saking bebenduni paukuman pati langgeng

Sadaya manungsa

ingkang nindakaken piwucal-

 prentahing ALLAH

nuladhani gesanging GUSTI YESUS

 ingkang kebak katresan

 tansah nresnani sesaminipun

Mboten mawang

 sinten manungsa menika

menapa agaminipun

Sadaya manungsa

 asal mitadosi KRISTUS-

YESUS-

ISA utawi nabi ISA

 lan ing gesangipun katunggil-

 katuntun dening ROHing ALLAH-

ROH SUCI

Lan ing gesangipun

nyerminaken gesanging KRISTUS YESUS

Sumangga Patunggilan

Kita tansah

nyuwun pangapunten lan tansah mratobat

ing saben-saben wekdal

karana kita

asring- wongsal-wangsul

nindakaken dosa lan damel sekel

 penggalihing ALLAH

Sumangga kita nyuwun pasrah

Nyuwun manah

 ingkang kebak kesabaran

lan

kebak katemenan

anggen kita

badhe tansah jumangkah

 lumampah

kaliyan GUSTI YESUS

 ing saben ari nipun

GUSTI YESUS amberkahi kita

AMIN

Pangibadah Brayat

Kamis, 22 Februari 2018

Ing Kel Bp. Ciptoadi

KRW 7

Votum / Berkat

KPK 34  :  1, 2   SUNG SEMBAH PUJA

Pandonga

Syukur …

Pertobatan …

Nyuwun kasucen lan kakiyatan … ROH SUCI

maos kitab suci

Amin

Maos Kitab Suci :  RUM 3 : 21 – 31

KPK 148  :  1, 2   NYAWISI PAPAN MRING GUSTI

Kotbah ….

KPK 319  :  1, 2   ENDAHE SADULURAN

Doa syafaat

Syukur dhawuh pangandika

Atur pisungsung

Bangsa negari

Greja… Ranc Paskah

Warga sakit, momotan, reribed

Kel Bp Ciptoadi

Bibaran

Amin

KPK 345  TENTREM RAHARJA (2X)

   Berkat