KAWILUJENGAKEN KANGGE DADOS AGEN KAWILUJENGAN

IBADAH  MINGGU

23 Maret 2014

Minggu Pra Paskah 3

Tema Wulanan :

Pakewed sanes dados penghambat ananging dados tantangan

Tema Pekan    :

KAWILUJENGAKEN

KANGGE DADOS

AGEN KAWILUJENGAN

Kita kaslametaken kangge lelados dhumateng GUSTI

(Diselamatkan

untuk

menjadi agen keselamatan)

Bacaan 1         : Keluaran 17: 3-7

Bacaan 2       : Roma 5: 1-2, 5-6

Bacaan 3        : Yohanes 4: 5-26

Patunggilan ingkang kinasihan dening GUSTI YESUS

Saben kita ngaturi ROHing ALLAH tumuruna-

 lumebua

ing manah

batosing dhiri kita

Kita nggadahi iman

 kapitadosan :

Bilih sesambetan kita

kaliyan GUSTI YESUS

 estu kados dene wit-witan-

tetuwuhan

ingkang oyod-oyoding sami tumuju

 ing sapinggiring kalen-

 ingkang toyanipun mboten nate asat

Patunggilan

wonten ilustrasi

 mbok menawi cariyos menika

 pancen kedadosan

(Wonten satunggaling tiyang ingkang naminipun Pak A.

Ing tengah-tengah masyarakat

Pak A mboten linuwih (tidak menonjol),

Pak A

kados dene tiyang biasa sanesipun,

gesangipun pas-pasan,

 mboten sugih,

Pak A namung buruh tani.

Nanging  nalika Pak A tilar donya …

damel gumune kathah tiyang.

Awit ingkang nglayat menika

kathah pejabat pamarintah

lan pengawal-pengawalipun,

temahan

 griyanipun ingkang alit,

dados kebak tiyang.

Nalika salah satunggaling pejabat pamarintah

 kaparingan wekdal paring sambutan,

panjenenganipun cariyos :

Bilih almarhum menika

tiyang ingkang nggadhahi lelabuhan (jasa)

 ingkang ageng tumrap negari kita;

dados kedah dipun urmati

 kanthi sanget.

Ing cariyos

ugi kasebataken bilih

almarhum menika

turunan (asing)-

tiyang manca.

Lajeng Nalika sak sampunipun Pak A

 dipun akeni dados warga negari Indonesia,

Piyambakipun  ndherek berjuang

 ngrebut kamardikan.

Karana ageng sanget

raos syukuripun

almarhum sampun dipun akeni

 dados warga negari,

ngantos piyambakipun

 purun paring pangurbananan-

purun berjuang

kangge kamardikaning bangsan

Sanadyan

nalika sampun ndungkap sepuh ….

almarhum pindah dhateng padusunan

 lan

gesang dados tiyang biasa,

nanging

 ageng sanget lelabuhanipun

 kagem negari.)

Kados dene Pak A

 ingkang sampun purun berjuang

lan

kersa berkorban

 kagem negari ingkang sampun paring berkah

 dhumateng dhirinipun-

 kaakeni dados warga negari.

Patunggilan

Kita mangke

ugi badhe ngarosaken

 kados pundi wanita Samaria

dalasan Rasul Paulus

 ingkang sampun kaslametaken

dening Gusti Yesus,

lajeng lelados,

martosaken bab Gusti Yesus

dhumateng bangsa Samaria

ing kithanipun

 lan

 dhumateng sakathahing para bangsa

Patunggilan

Rahayu kita

 ingkang tansah netepi dhawuh-

dedhawuhing ALLAH

 lumantar sabda-

pangandika

ingkang tansah kita pireng

lan

tansah kita cakaken

 ing pigesangan kita pribadi-

mbaka pribadi

Patunggilan

estu gesang kita

 binerkahan

sih piwelasing ALLAH

saged kita raosaken

 mboten miturut cariyos

Cariyosing tiyang sanes !

Ananging karana dhiri kita

sampun estu nampeni

 ing sauruting kita

nindakaken pigesangan

dhiri kita samangke

 wontena ing kahanan

ingkang kebak kasisahan,

karubedan,

kacingkrangan

lan

 nggadahi raos minder,

 mboten nggadahi panguwasa

lan

mboten nggadahi kawasisan-

 kapinteran ingkang pinunjul

Ananging  engeta

Sadherek sapatunggilan

 bilih kita samangke

 sami dados tetimbalaning ALLAH-

 kita samangke sami dados pribadhi

 ingkang kapiniji-

kapinilih

saengga kita

saged nampi

bab pawartos kabingahan

 bab rawuhing ALLAH

bab INJILing SANG KRISTUS

 ing satengahing jagad

ngantos puput nyawanipun

 ing redi GOLGOTA

 SANG KRISTUS YESUS

 JURU WILUJENG

 piandeling tiyang pitados :

 YESUS KRISTUS menika

PRIBADHI

ingkang mitulungi kita

ingkang sami ngentas dhiri kita

 saking toya jejember-

 bletokan

 ingkang worsuh kahananipun

Kawilujenganing GUSTI ALLAH

estu sampun kita tampeni menika

sanes karana kasaenaning dhiri kita,

sanes anggen kita tumindak lampah

 netepi saben dhawuh

 pranataning ALLAH-

 mboten karana usaha dhiri kita pribadhi

kawilujengan menika kita gayuh

Sanajan sae lan leres

kanggening dhiri kita

 ingkang sampun nampi :

 SANG KRISTUS YESUS

selaku JURU WILUJENGing gesang

ananging tetep klentu

bilih kasaenaning dhiri kita

 dados piandel-andel

bilih karana usaha dhiri kita

 saged nampi kawilujengan

Sanajan ora ngibadah-

ora ndedonga

nanging ora tau rerasan,

ora tumindak ala

marang sapepadhan

“aku mesti bisa lumebu mring Swarga”

Menika pemanggih ingkang klentu

-sadherek sapatunggilan

Pamanggih ingkang klentu-

Bilih kita nilar pangaken :

GUSTI YESUS PRIBADHI

ingkang paring berkah

lan

GUSTI YESUS PRIBADHI

ingkang sampun melasi

 dumateng gesang kita

 lan

sampun nebus sadaya dosa

 kalepatan kita

Sumangga

 kita lajengaken

 anggen kita nglampahi kasaenan

mbaka kasaenan

 ingkang dados wujuding panjawab kita

 tumrap sadaya berkah-

Sumangga

 Kita tansah mujudaken sesaos syukur

ing gesang kita

dumateng GUSTI YESUS

Sumangga

 kita sami nilar

sadaya wujuding sesambatan

 ingkang ngaya wara

dumateng GUSTI ALLAH kita

Kados dene

 umat Ibrani-

Umat Israel

ingkang kapimpin dening Musa

Abdining ALLAH

Mbrontak lan lumawan

 ing saben-saben

Ngaya wara-

 nggrudel-

sesambatan

karana ngelak

 mboten wonten toya

Musa Abdining ALLAH

sampun sami ngraosaken

 lan

sampun sami nyipati

kados pundi wewatekaning bangsanipun-

bangsa ingkang mboten kagungan raos

saos syukur

padahal sampun kauwalaken

 saking saking tanah pangawulan Mesir

Bangsa menika

tansah damel sekeling penggalihing ALLAH

 sanajan

ALLAH tansah tetep

kebak ing sih katresnan

Kanggening pribadi Musa

 abdining ALLAH

ngantos tuwuh manah prihatos lan kuwatos:

ayat 4b:

 Punapa ingkang badhe kawula tandukaken

 dhateng bangsa punika ?

Sakedhap malih

 kawula temtu dipun benturi sela !

ALLAH

ingkang maha tresna

 paring dhawuh pawangsulan:

Ayat 5 :

Sira lumakua

ana ngarepe umat

kaiiringa dening para para tuwa-tuwa  Israel

sawatara,

 dene teken

 kang wus tau sira gawe nyabet bangawan Nil

 iku gawanen,

nuli mangkata !

Ayat 6:

Lah INGSUN bakal jumeneng

ana ing ngarepira

ana ing ndhuwur gunung parang

 ing Horep,

sira banjur nyabeta  parang iku

temah bakal metu banyune,

satemah

bangsa iku

bakal padha bisa ngombe

Patunggilan

Ing Masa lan Meriba

dados pratanda bilih bangsa menika

 sampun madoni lan sampun padha nyoba

 dumateng ALLAH

Pancen

 Sadherek Patunggilan

ndherek GUSTI ALLAH-

ndherek GUSTI YESUS

pancen mboten tansah tetep

pinanggih sekeca

 salamining gesang

Sanajan

ing pungkasaning gesang kita

kita sami badhe

 nampi katentreman-

 kamulyan

saha gesang langgeng

Swarga kanggening kita

 sami dados tujuan

 ingkang pinasti

karana saged kita gayuh

karana piwelas lan srana pitulunganing

GUSTI YESUS

GUSTI YESUS

sampun mranatani

ing sauruting gesang kita

Punapa kita mboten badhe saos syukur

Lha punapa kita badhe sami

 kaliyan bangsa Israel ?

Sanajan rumpil

angel-

kathah tantanganing gesang kita

 mbotena

kita tansah sesambatan lan nggrundel

lan

lumawan dumateng karsaning ALLAH

 nggih tansah lumawan

dumateng SANG KRISTUS

 YESUS

Patunggilan

Kanggening Rasul Paulus

 benten malih

Sejatosipun

Rasul Paulus kados dene Wanita Samaria

ingkang karsa unjuk saos syukur

lan

 karsa-

 purun ngabaraken Injiling ALLAH

 bab kabar kasukan

Rasul Paulus

Ing Kitab ROMA 1 : 14-15

14

Aku kapotanganbudi

marang wong Yunani,

mangkono uga

marang bangsa-bangsa kang ora wanuh

 marang ALLAH,

wong wasis lan wong bodho

15

Iya kang mangkono iku,

 kang njalari aku

uga kepengin martakake Injil

marang kowe

kang padha manggon

ing Roma

Patunggilan

Rasul Paulus

 kapotangan budi

 lan

kepengin martakaken Injil

Rasul Paulus

 mboten mbenten-mbentenaken

 sawarning tiyang

 ingkang sampun sesrawungan

kaliyan dhirinipun-

punapa tiyang menika

sampun wanuh kaliyan GUSTI YESUS

punapa dereng wanuh-

punapa menika

tiyang Yahudi-

Yunani

lan sanes-sanesipun-

punapa tiyang nenika nggadhahi kawasisan-

kapintera utawi bodho

Rasul Paulus

 saged tumindak kados makaten kalawau

karana

Rasul Paulus

sampun sami kaparingan

 sih katresnan dening ALLAH-

dening GUSTI YESUS

Rasul Paulus

 sampun kaentas

….

samangke rumaos

sampun dados murid pepilihaning ALLAH

sampun nampeni mahkutaning gesang—

gesang langgeng

Rasul Paulus

 ingkang rumaos

 sampun kawilujengaken gesangipun

 samangke kepengin martosaken

 bab kawilujengan menika-

kepengin martosaken kabar kasukan-

 kabar Injili

Patunggilan

Rasul Paulus

 langkung mantep malih

 anggenipun nyekseni sadaya pakaryaning ALLAH

 tumrap dhirinipun

Kapitadosaning Rasul Paulus

wonten bab timbalaning dhiri

saben tiyang-

makaten ugi kangge kita

ingkang sami wanuh lan pracaya

dumateng GUSTI YESUS

Estunipun sadaya kalawau

 kados ingkang kaalaman

 dening Rasul Paulus

kados isining seratan Rasul Paulus

Ing kitab Roma 5: 1-2, 5-6

1.       

Kita sapatunggilan

ingkang sampun sami kagungan kapracayan

bilih YESUS KRISTUS menika  

GUSTI ALLAH PRIBADHI.

Jelas hubungan- sesambetan kita

 sampun karukunaken

kaliyan  GUSTI ALLAH

2.       

Karana kita pracaya- pitados

 mila

 GUSTI YESUS KRISTUS

 ugi maringi lan marengaken

dumateng kita sami

murih saged ngraosaken sih rahmating ALLAH

lan

 sih rahmating ALLAH menika

kebak panguwasa nguripi

 gesang kita salami-laminipun

  mila

 kangge kita sami

 ingkang wekdal samangke

tansah bebingah lan tansah nganti-anti-

ngrantos

panduman kamulyaning GUSTI ALLAH

 ing tembe

3.       

ROH SUCI kaesokake-

 kaparingake

dumateng kita;

 Lha kanthi makaten

kita sami saged ngraosaken

 sihe katresnaning GUSTI ALLAH

Kita saged raosaken

tuwuhing sihe katresnaning GUSTI ALLAH

 wiwit wonten manah batos kita

 piyambak-piyambak;

Lajeng ing dhiri kita sacara badan wadag

ugi sanget saged karaosaken

Kalajengaken ing dhiri kita

 tansah tuwuh pangajeng-ajeng

ingkang mboten damel gelaning

manah batos kita

4.       

Kita

Manungsa

 mboten kuwagang

mboten saged milujengaken dhiri kita

piyambak

 ing wekdal ingkang katamtokaken

dening GUSTI ALLAH

Kita

mboten saged milujengaken dhiri kita

piyambak

 nanging GUSTI YESUS

 sampun seda sinalib

kangge nebus-

ngluwari kita

tiyang dosa

Patunggilan

serataning Rasul Paulus

dhateng pasamuwan Rum

intinipun ngemu bab Keslametan

menika mboten namung kangge

 bangsa Yahudi kemawon

nanging ugi kangge bangsa Yunani

lan

ugi kangge sedaya bangsa

 ingkang wonten

 ing donya menika.

Makaten ugi kangge tiyang 

utawi

 bangsa Samaria

Tiyang Samaria,

miturut  pemanggihipun bangsa Yahudi,

mboten kaslametaken,

menapa malih menika priyantun wanita

karana priyantun wanita

ing jaman semanten mboten kapetang,

Priyantun Wanita Samaria

ingkang kaparingan kawilujengan

dening GUSTI YESUS

 karana saged anepangi lan mitadosi

 sinten sejatosing

 Jati DHRIning GUSTI YESUS

Priyantun Wanita menika

 nampi GUSTI YESUS

dados JURU WILUJENGING gesang

kanthi kebak bebingah

Bebingah

sepindhah malih bebingah

 karana sampun nampeni kawilujengan

Patunggilan

Cariyos salajengipun

 si Wanita Samaria menika

 purun nyekseni

sinten sejatosipun GUSTI YESUS

Mboten nggadhahi raos ajrih-

Mboten rumaos

dados Wanita kang tinampik

 ing satengahing pasrawungan masyarakat

Mboten rumaos semplah

karana tamtu kemawon wonten ‘nada sinis’-

 wonten tetembungan ingkang nglarani

 manah batosipun

Anggenipun si Wanita Samaria

 andum cariyos paseksi-

midar-mider nyekseni :

Sinten GUSTI YESUS

SANG KRISTUS menika-

SANG MESIAS JURU WILUJENG

ingkang sami karantos

Manah batosipun mboten semplah

 si Wanita kalawau

terus kemawon nggiyaraken-

nyekseni sinten ta sejatosipun

 GUSTI YESUS

 SANG JURU WILUJENG punika

Si Wanita Samria kiyat-

 mboten semplah

ngadepi kasangsarning gesang

mboten sesambatan malih

Sanajan wonten Conto

 pangunen-unen :

Wong wadon koq arep nggurui aku-

 kaum priyantun kakung

Patunggilan

Prastawa penginjilan-

mbabaraken kabar kabingahan

 bab kawilujengan menika

pranyata saged katampi

dene sakathahing tiyang Samaria

 kados seratan Kitab YOHANES 5

 ayat 39 :

 Sakehing wong Samaria

ing kutha kono iku

 padha pracaya

 marang PANJENENGANe

awit saka paseksine wong wadon mau

Patunggilan

Ing cariyos isining Kitab Suci :

Tiyang-tiyang Samaria

sami kaslametaken sedayanipun

 dening GUSTI YESUS KRISTUS.

Bilih tiyang-tiyang Samaria menika

purun pitados

GUSTI YESUS

Sampun kersa nimbali wanita Samaria

Cekak aosipun si Wanita Samaria

ingkang katampik-

posisinipun

wonten ing sapinggiring gesang

 pigesanganing masyarakat-

 Si Wanita Samaria

dados tiyang pinggiran

mboten kaetang posisinipun

Srana lumangkung wawanrembag

 kaliyan GUSTI YESUS

GUSTI YESUS estu langkung mangertosi

 isining manah

batosing

si Wanita Samaria

Bab toya sumur Yakub

 ngantos toya pigesangan langgeng

 ingkang mboten nate asat lan telas

Imanipun si Wanita Samaria

 tuwuh

awit GUSTI YESUS kersa meca

 lan

 nedahaken kalepatan

 tuwin dosa-dosanipun

Si Wanita Samaria saged ngakeni

bilih GUSTI YESUS menika

SANG MESIAS

 ingkang saweg karantos rawuhipun

YOHANES 5 

ayat 25:

 “Kula mangertos

bilih Mesias badhe rawuh.

 Ingkang ugi kasebut KRISTUS,

punika sarawuhipun

badhe nyumerepaken samukawis

 dhateng kula sadaya”

Pangandikanipun GUSTI YESUS

 ing ayat 26 :

“Iya AKU iki PANJENENGANe

kang lagi ngandikan karo kowe”

Lha

 ing ngriki kita sami mangertosi

bilih GUSTI YESUS

 kepareng mbikak rahasia :

 Sinten jati DHIRInipun-

Sejatosipun GUSTI YESUS

 SANG JURU WILUJENG-

SANG MESIAS

Reraosan kita

 ing Minggu samangke

 saged dados kaca benggala

punapa kita

asring minder

 nalika badhe lelados,

ajrih dados seksinipun GUSTI YESUS,

Punapa kita saged kados dene wanita Samaria

ingkang sampun dipun slametaken

 dening Gusti Yesus

dados margining keslametan

kagem tiyang sanes.

Mboten malih ngetang

 kathah lan agenging

 tantangan,

 reridhu,

kasisahan

ingkang ngendon-ngendoni semangat

paseksi kita

bab GUSTI YESUS

Sampun ngantos

kita sami kaliyan bangsa Israel

 ingkang tansah sesambatan

Sumangga

dados agen kawilujengan

 kanggening sadherek sanes

 ingkang dereng wanuh pitados

GUSTI YESUS mberkahi kita

AMIN

LITURGI   IBADAH  MINGGU

23 Maret 2014

http://alkitab.mobi/2/jawa/

VOTUM : (Jumeneng)

KPK   38 : 1, 2  HALLELUYA PUJI GUSTI

Pitulungan kita

saking GUSTI ALLAH

ingkang nitahaken langit lan bumi,

kasetyanipun langgeng salaminipun

 lan

mboten nate nilar pakaryan Astanipun

Tentrem rahajeng

pinangkanipun saking ALLAH SANG RAMA

 lan

 GUSTI kita

 YESUS KRISTUS

AMIN

2.    INTROITUS    :    ROMA 1 : 14-15

14

Aku kapotanganbudi marang wong Yunani, mangkono uga marang bangsa-bangsa kang ora wanuh marang ALLAH, wong wasis lan wong bodho

15

Iya kang mangkono iku, kang njalari aku uga kepengin martakake Injil marang kowe kang padha manggon ing Roma

(kaaturan pinarak)

3. KPK   78 : 1, 2  TINIMBALAN DENING GUSTI

4. PENGAKEN  DOSA …

Sumangga kita sami tumungkul ndendonga

Sami ngakeni sadaya dosa kalepatan kita  :

Dhuh GUSTI ALLAH kang Maha Suci,

Kawula sowan wonten ing ngarsa PADUKA

Dhuh ALLAH, kawula ngakeni sadaya dosa lan panerak

 ingkang tansah kawula lampahi saben dinten,

ing minggu-minggu kepengker.

 Kawula asring mireng dhawuh-dhawuh pangandika

 ananging kawula kirang saged nglampahi kanthi setya tuhu.   

Asring kawula mboten nindakaken-

 mboten praktek gesang katresnan.

Kados dene piwucal PADUKA dumateng kawula :

"Sira  tresnaa marang PANGERAN ALLAHira kalawan gumolonging atinira, lan gumolonging nyawanira, sarta gumolonging budinira.

Kawula anamung pinter wicara lan ngrembag

bab katresnan PADUKA

ananging kawula kirang saged ngraosaken kasangsaran

ingkang kasanggi

dene para sadherek sanes.

Kawula asring mentingaken dhiri pribadi.

Tumindaking pangibadah kawula

asring dados wujuding keegoisan kawula

 Dhawuh-dhawuh ingkang kawula pireng

anamung kangge kasugihaning rohani dhiri pribadi.

Kawula dereng saged ngorbanaken dhiri

kangge katentreman sesami kawula.

Pangibadah kawula

anamung kandeg ing rutinitas.

Kawula tebih saking piwucal PADUKA :

 Sira tresnaa ing sapepadhanira dikaya marang awakira dhéwé.

 Karana punika

 kawula nyuwun sih pangapunten,

Mugi PADUKA karsa ngenggalaken roh dalasan pikiran kawula.

Kepareng PADUKA ngagem lan ngutus kawula sami

kangge ngabaraken kabar kabingahan

 lan

mujudaken katresnan

dumateng saben tiyang

 ingkang celak lan tebih.

Mugi Asma PADUKA,

GUSTI YESUS KRISTUS

 sesirahing greja

 kaluhuraken.

AMIN

5. PAWARTOS  RAHAJENG : ((   Jumeneng …

1 KORINTUS 15 : 58

Mulane para sadulurku kang kinasih,

kowe padha dibakuh, ditanpa gingsir,

lan tansah disregep

 anggonmu nglakoni ayahane GUSTI !.

 Awit kowe padha sumurup,

yen ana ing patunggilaning GUSTI,

kangelanmu mesthi ora muspra

(pinarak….)

6.  KPK 148  : 1  NYAWISI PAPAN MRING GUSTI

8. PELADOSAN  FIRMAN :

PANDONGA:    … AMIN

PAMAOSING  KITAB SUCI :

Bacaan 1         : Keluaran 17: 3-7

Lagu : Amin- amin- amin

Bacaan 2      : Roma 5: 1-2, 5-6

Lagu : Amin- amin- amin

Bacaan 3         : Yohanes 4: 5-26

Lagu : Amin- amin- amin

Iba begjanipun kita sapasamuwan

….

AMIN 3X …..

KOTBAH  …

KAWILUJENGAKEN

KANGGE DADOS

AGEN KAWILUJENGAN

KPK  153 : 1 GUSTI YESUS KRISTUS

9.     PENGAKEN  IMAN  RASULI … pinarak ))

10.     PANDONGA  SYAFAAT :

11.       PAMISUNGSUNG : Samangke wanci wekdalipun …

Dasar  : MALEAKHI 3 : 10 

KPK  188: 1- … ASUNG PISUNGSUNG

PANDONGA   :  ….

13.    PENGUTUSAN & BERKAT : (Jumeneng)

Sumangga patunggilan kita wujudaken tumindak kasucen

 srana praktek gesang ingkang kebak sih katresnan

KPK  82 : 1    TEKADING MANAH KULA

(kita tampeni berkah) :

Sih rahmat lan tentrem rahayu

tumuruna ana ing gesang kita patunggilan

ing dinten samangke

ngantos dumugeng wekasaning jaman

Rahajeng tyang ingkang tansah

mangabekti dumateng ALLAH  SANG  RAMA,

SANG  PUTRA,

tuwin  SANG  ROH  SUCI

AMIN

KPK  345  TENTREM RAHARJA