PITENAH = FITNAH

Ibadah Keluarga

Minggu, 27  Maret 2014

PITENAH

(  FITNAH  )

LUKAS 11 : 14 – 23

Patunggilan

 ingkang kinasihan

 dening GUSTI YESUS

Saiba gesang kita

 estu sanget ngraosaken sisah,

 mboten saged jenak

nindakaken gesang saben dintenipun

 karana wontening pitenah

 ingkang kapitujokaken

dumateng dhiri kita

Menika conto

kahanan ingkang karaosaken;

Contoh sanesipun

…

 saged ngalami stress

lsp

Pitenah utawi tembung goroh

 mesti tebih saking kasunyatan-

tebih saking kaleresan

Bilih ing basa Indonesia

 wonten unen-unen:

Fitnah itu

lebih kejam

dari pada pembunuhan

Estunipun pancen leres.

Leres

 sami sampun ndadosaken gesanging tiyang

ingkang kapitenah

 kados tiyang

ingkang saweg kapinejahan

Gesang sarwa klentu -

‘serba salah’

 mboten wonten leres-leresipun

 lan

mboten wonten saenipun

karaosaken nampi pituduh klentu

 ing samukawis prekawis

pitenah

saged mepesaken gesanging tiyang

ingkang kapitenah kalawau

Lajeng kados pundi

 sikap kita

 menawi nampi pitenah

saking tiyang sanes ?

Patunggilan,

sumangga

kita sami nggatosaken

sikaping GUSTI YESUS

nalika nampi pitenah-

kapitenah

 dening satunggaling tiyang :

 Farisi utawi para ahli Toret

 bab ingkang kapitenahaken

gegayutan kaliyan tumindak

pakaryaning GUSTI YESUS

anggenipun PANJENENGANe

 nundungi dhemit-

setan

saking dhirining tiyang bisu

(LUKAS 11 : 15 ---

Nanging ana saweneh

kang padha ngucap mangkene,

 “Anggone nundhung setan iku

 nganggo pangwasane Beelzebul

panggedhening para setan”)

(MARKUS 3 : 22 ---

Dene para ahli Toret

kang teka saka Yerusalem

 padha ngucap,

 “Yen PANJENENGANe iku

 kapanjingan Beelzebul

 lan

anggone nundhungi setan

kanthi pitulungane panggedhene setan”)

(MATIUS 12 : 24 ---

 Nanging bareng para Farisi krungu

 bab iku,

banjur padha ngucap,

mangkene,

“Wong iku

 anggone nundhungi dhemit

 nganggo pangwasane Beelzebul,

pangedhening para dhemit”)

Pitenah

kados conto ing nginggil

kalawau

 dados senjata pamungkas

 anggenipun

sakathahing tiyang sagolongan

 kepingin ngawonaken GUSTI YESUS,

 sebab kanthi cara blaka-

 mawarni-warni cara

…

GUSTI YESUS

mboten saged kakawonanken

Lha samangke

ngangge cara pitenah-

kanthi alok-alok

bilih GUSTI ngginaken

 kakiyataning Beelzebul-

 kekuatan setan

 anggenipun paring kasarasan-

ngusadani-

 nyarasaken tiyang sakit

Patunggilan

Beelzebul menika

 nami wadanan

kangge dewa Baal- Zebul

Dewa

 ingkang dados sainganing ALLAH

 sesembahaning Israel

Mila

 Dewa Baal menika

sanget dipun gethingi

dening tiyang Israel

Baal

 kalambangaken

kados dene Iblis

Lha

kados makaten

 isining lan intining pitenah

 ingkang katumujokaken

 dumateng GUSTI YESUS

GUSTI YESUS

 nyambut damel

 sesarengan kaliyan

  utawi

 sesareng atas nami Beelzebul

Sacara jelasipun

 GUSTI YESUS

 Katudhuh

 bilih GUSTI YESUS menika

dados bagean 

utawi

dados anggotaning panguwasa pepeteng-

inggih punika setan

Patunggilan

ingkang kinasihan

dening GUSTI YESUS KRISTUS;

Sepindah malih

kados pundi

sikaping GUSTI YESUS

sanalika kapitenah ?

Wonten kalih tuladha

 saking wujuding sikaping GUSTI YESUS

kangge kita sami

Tuladha

ingkang sapisanan :

GUSTI YESUS

karsa njlentrehaken

utawi

karsa nyetakaken

lumantar dedhawuhipun

 bab wontening kraton

ingkang sawgh ngalami dredah

utawi

 crahing ing perangan

bagean-bagean badanipun

 lumawanan

perangan bagean-bagean badanipun

piyambak

mesti kraton kalawau

 badhe rentah-

buyar-

 bubar

Saben brayat

ingkang tumindak crah

ing gesangipun

 mesti brayat menika

 mboten saged lestantun

(ayat 17 – 18)

17

Nanging

YESUS ora kekilapan

 marang pikirane wong-wong mau,

mulane banjur ngandika :

 “Saben kraton kang pecah,

iku mesti rusak

 lan

saben brayat kang wargane

padha dredah

mesti rusak

18

Menawa iblis

 iku uga dredah

karo awake dhewe

kepriye bisane leatari

 kratone ?”

Bilih Beelzebul

sami nukari

utawi

 anggotanipun perang

kaliyan anggotanipun piyambak

mesti kratonipun setan

ugi badhe kawon

Patunggilan

GUSTI YESUS

anggenipun dedhawuh

nglajengaken bab prekawis :

wontening satunggal

cara kangge ngaweonaken setan

inggih menika

 kanthi ngendelaken

 daya panguwaosing GUSTI ALLAH

(ayat 20-22)

20

Nanging menawa AKU

 nundhung setan

nganggo pangwasaning ALLAH,

sayektine

 Kratoning ALLAH

 wus rawuh

ana ing satengahmu

21

Menawa

 ana wong kang rosa

sarta gegamane ganep

 kanggo ngreksa omahe dhewe,

barang darbeke bakal slamet

Sabab

 mboten wonten daya panguwaos sanes

 ingkang linangkung

katinimbang

daya panguwaosing GUSTI ALLAH

Tuladha

Ingkang kaping kalih :

Kedah ngandelaken

 panguwaosing SANG ROH SUCI

 lan

tansaha nunggil kaliyan GUSTI YESUS

Bab menika

 ingkang dipun tandesaken

 dening GUSTI YESUS-

bab sumende

 dumateng ALLAH SANG ROH SUCI

dalasan

dumateng ALLAH SANG PUTRA

 GUSTI YESUS

Bilih umpaminipun

wonten tiyang mboten ngakeni

 panguwaosing SANG ROH SUCI

tiyang kalawau

badhe nampi pidana

Mila

saben tiyang

 kedahipun tansaha sak saged-sagedipun

nunggil kaliyan GUSTI YESUS-

 bilih mboten nunggil

 kaliyan GUSTI YESUS

 ateges

tiyang menika

saweg nglawan-

 lumawanan

dumateng PANJENENGANipun

Lan

kangge sok sintena tiyang

ingkang mboten nggadahi manah

 kepengin nunggilaken

tiyang-tiyang utawi nunggilaken pasamuwan

 dumateng GUSTI YESUS

Kanggening tiyang

 ingkang mboten nunggil

lan

Kanggening tiyang

Ingkang mboten nyatunggilaken

pasamuwan

dalasan saben-saben tiyang

 dhateng GUSTI YESUS

Tiyang

 ingkang kados mekaten

sejatosipun saweg badhe

nuwuhaken crah

utawi saweg nebihaken

 pasamuawan s

aking katresaning GUSTI ALLAH

Patunggilan

Saking cariyos

bab pitenah menika

 kita sami saged nampi pangertosan

 bilih pitenah

anamung saged kalawan

kanthi sikap tegas

 ananging kakanthi kasabaran,

 manah andhap asor,

 sabar sareh

 lan

 kebak ing sih piwelas

Bilih kita

 nglawan pitenah

kanthi raos benci,

nepsu dendam

lsp

Jelas

 kanthi cara menika

bakal badhe nuwuhaken

reribet enggal

Sumangga

Patunggilan

 swawi kita tansaha celak

rumaket

 kaliyan daya kakiyataning GUSTI ALLAH

 ing dalem GUSTI YESUS

Murih kita sami katebihaken

 saking sadaya panguwasaning setan

Sumangga

 kita sapatunggilan

 tansaha nyuwun kapinaringan manah

ingkang kebak kasabaran

nalika saweg nampi pitenah

GUSTI

 mesti paring kakiyatan lan berkah

AMIN

Votum/Berkat

 Pujian Kipas  5 : 1, 2, 3

ALLAH yeku pangen kula

 

Doa :

Ø  Syukur

Ø  Mohon pengampunan

Ø  Undang Roh Kudus.

           AMIN

Pujian Kipas  12 : 1, 3

Kados sangsam kang kasatan

Pembacaan Alkitab : LUKAS 11 : 14 – 23

 KOTBAH …..

Pujian Kipas    36 : 1, 2

Rahayu kang utama lakune

Doa syafaat :

Pujian Kipas 129 : 1

GUSTI NUNTUN

Berkat