( Buku Chotbah ) GALATIA 5 : 16 – 26 ; MATIUS 20 : 16 - 20

Ibadah Minggu

4 Maret 1973

GALATIA 5 : 16 – 26

(16) Maksudku ialah: hiduplah oleh ROH, maka kamu tidak akan menuruti keinginan daging. Sing dakkarepaké kuwi mengkéné: Uripmu padha katuntuna déning SANG ROH SUCI lan aja padha nuruti hawa-nepsuning daging.
(17) Sebab keinginan daging berlawanan dengan keinginan Roh dan keinginan Roh berlawanan dengan keinginan daging--karena keduanya bertentangan--sehingga kamu setiap kali tidak melakukan apa yang kamu kehendaki. Awit kareping daging kuwi sulaya karo kersané SANG ROH SUCI, lan kersané SANG ROH SUCI kuwi cengkah karo kareping daging. Sekaroné mau padha memungsuhan; mulané kowé aja tumindak manut karepmu dhéwé.
(18) Akan tetapi jikalau kamu memberi dirimu dipimpin oleh ROH, maka kamu tidak hidup di bawah hukum Taurat. Menawa kowé dituntun déning SANG ROH SUCI, kowé ora kawengku déning Angger-anggering Torèt.
(19) Perbuatan daging telah nyata, yaitu: percabulan, kecemaran, hawa nafsu, Penggawé sing jalaran saka kareping daging kuwi cetha, yaiku: laku jina, kotor, murang-tata;

(20) penyembahan berhala, sihir, perseteruan, perselisihan, iri hati, amarah, kepentingan diri sendiri, percideraan, roh pemecah, nyembah brahala, ilmu sihir, memungsuhan, seneng padu, mèri, brangasan, gumunggung, seneng gawé crah, lan tukar padu.
(21) kedengkian, kemabukan, pesta pora dan sebagainya. Terhadap semuanya itu kuperingatkan kamu--seperti yang telah kubuat dahulu--bahwa barangsiapa melakukan hal-hal yang demikian, ia tidak akan mendapat bagian dalam Kerajaan ALLAH. Padha sengit-sinengitan, endem-endeman, jibar-jibur, lan sapanunggalané. Tumrap kuwi mau kabèh, kowé dakélingaké, kaya enggonku wis tau ngélingaké kowé biyèn. Wong-wong sing uripé kaya mengkono ora bakal ditampa ana ing Kratoné ALLAH.
(22) Tetapi buah ROH ialah: kasih, sukacita, damai sejahtera, kesabaran, kemurahan, kebaikan, kesetiaan, Déné wohé panuntuning SANG ROH SUCI yakuwi: Katresnan, kabungahan, katentreman, sabar, sarèh, sumlondhoh, kabecikan, setya,
(23) kelemahlembutan, penguasaan diri. Tidak ada hukum yang menentang hal-hal itu. andhap-asor, ngwasani awaké dhéwé. Ora ana angger-angger sing nglawan prekara-prekara sing mengkono mau.
(24) Barangsiapa menjadi milik KRISTUS YESUS, ia telah menyalibkan daging dengan segala hawa nafsu dan keinginannya. Lan sapa sing dadi kagungané GUSTI YESUS KRISTUS, kuwi wis matèni sipat kedagingané dalah hawa-nepsu lan pepénginané pisan.

(25) Jikalau kita hidup oleh ROH, baiklah hidup kita juga dipimpin oleh ROH, ROHé GUSTI ALLAH wis maringi urip anyar marang kita, mulané iya PANJENENGANé sing kudu ngwaosi urip kita.
(26) dan janganlah kita gila hormat, janganlah kita saling menantang dan saling mendengki. Kita aja banjur dadi gumunggung, genti gawé seriking atiné wong liya, utawa kemèrèn.

MATIUS 20 : 16 - 20

(16) Demikianlah orang yang terakhir akan menjadi yang terdahulu dan yang terdahulu akan menjadi yang terakhir." GUSTI YESUS banjur ngandika: “Iya kaya mengkono kuwi wong-wong sing tekané kèri bakal dadi dhisik dhéwé lan wong-wong sing padha teka dhisik bakal dadi sing kèri dhéwé!”

(17) Ketika YESUS akan pergi ke Yerusalem, IA memanggil kedua belas murid-NYA tersendiri dan berkata kepada mereka di tengah jalan: Nalika arep tindak menyang kutha Yérusalèm, ana ing dalan GUSTI YESUS nimbali para muridé rolas ndhéwé. Banjur ngandikani mengkéné:
(18) Sekarang kita pergi ke Yerusalem dan ANAK MANUSIA akan diserahkan kepada imam-imam kepala dan ahli-ahli Taurat, dan mereka akan menjatuhi DIA hukuman mati. 18 “Padha rungokna! Saiki kita padha menyang kutha Yérusalèm. Ana ing kana PUTRANe MANUNGSA bakal dipasrahaké marang para pengareping imam lan para ahli Torèt. Wong-wong mau bakal netepaké paukuman pati marang PANJENENGANé.
(19) Dan mereka akan menyerahkan DIA kepada bangsa-bangsa yang tidak mengenal ALLAH, supaya Ia diolok-olokkan, disesah dan disalibkan, dan pada hari ketiga Ia akan dibangkitkan." Sawisé kuwi wong-wong mau bakal masrahaké Panjenengané marang wong-wong dudu Yahudi, supaya dipoyoki lan dipecuti, banjur disalib. Nanging ing telung dinané PANJENENGANé bakal kawungokaké menèh saka ing pati.”
(20) Maka datanglah ibu anak-anak Zebedeus serta anak-anaknya itu kepada Yesus, lalu sujud di hadapan-Nya untuk meminta sesuatu kepada-NYA. Somahé Zébedéus sowan ing ngarsané GUSTI YESUS karo anak-anaké, banjur sujud lan arep ngaturaké panyuwunan.

Pasamuwan !

Dhawuh

 ingkang sampun sami kita tampeni sesarengan

 menika wau,

nelakaken tumrap prekawis-prekawis

 kajasmanen lan karohanen

Pikajeng cara kadagingan

makaten ugi karsanipun ROH

Soal 2 prekawis menika

 tansah lelawanan

Kados ing ayat 17

 katerangaken mekaten

 sebab karepe daging iku

nyulayani marang ROH

lan

karsane ROH

nyulayani marang daging

Lajeng kados pundi

 nggen kita sami ngalami perkawis menika ?

Menapa kita lajeng badhe gesang

 wonten ing alam kadagingan kemawon ?

Mongko kali-kalihipun

menika tansah lelawanan

Karsanipun ROH

menika suci

 mangka pikajenging daging

menika sulaya

kaliyan karsanipun ROH

 ugi saged kawastanan dosa

Awit ing ngriku katerangaken

bilih padamelanipun daging menika :

bandrek,

laku rusuh,

 brangasan,

sesulayan,

 gawe pati

 lan sapiturutipun

Lajeng padamelipun ROH menika :

Katresnan,

 kabungahan,

 atut rukun

 lan sapiturutipun

Lajeng kados pundi maksudipun

Prekawis menika kalawau

Pasamuwan !

Sejatosipun prekawis menika

satunggiling buah-buah rohani

 peparingipun ALLAH

ingkang tumuju dumateng kita

 supados kita

 sami mangertosi kados pundi

 bentenipun prekawis-prekawis

 kedagingan lan karohanen

Sampun ngantos kita sami

namung gesang wonten ing salebeting alam

 kajasmanen kemawon

Blakanipun

 kita kaparingan badan cara jasmani,

namunga kangge kaleksananing karsanipun ROH,

supados karsanipun ALLAH

 saged kalampahan :

Kados dene wonten ing Swarga

inggih makatena ugi

wonten ing bumi

 amrih rahayuning jagad menika

Pasamuan !

Inggih makaten

 anggenipun SANG KRISTUS pinasthi

nandhang sangsara nglampahi seda

sacara jasmani

menika amrih kaleksananing karsanipun ALLAH,

 temah GUSTI wungu,

 mekrat

kondur dateng dampar kamulyanipun

Makaten

Pasamuwan !

Pikajenging daging  lan karsanipun ROH

menika tansah lelawanan

 lan

menapa maksudipun

Sepisan malih

dene kita kaparingan dhawuh

arupi buah-buah rohani

menika wau

Ingih namung gesang

wonten ing alam kajasmanen kemawon

Nanging jasmani kita menika

 kanggea pirantosing kaluhuranipun ALLAH

saged kalampahan

wonten ing gesang kita

 temah kita

 badhe saged nampeni warisan

 kratoning ALLAH

Kados kasebadaken ing ayat 21,

 mekaten :

Bab prakara iku

 kowe pada DAK  prasabeni,

 kaya enggonKU

 iya wus prasaben ing maune,

 yen wong kang nglakoni mangkono iku

bakal pada ora oleh

warisan kratoning ALLAH

Mekaten

Pasamuwan !

Buah ROH

 ingkang sampun kita tampi sesarengan

 amrih saya sampurnaning gesang kita

 nggen kita

sami dados pendherekipun SANG KRISTUS

Mekaten

Pasamuwan !

Pikajenging daging

tansah sulaya kaliyan karsanipun ROH

 lan

mekaten eloking karsanipun ROH

 nuntun dateng kita

supados karsanipun ALLAH

saged kaleksanan

wonten ing jagad  ngriki

temah para manungsa

 ingkang tansah manut ing karsanipun

 sami kapitulungan rahayu

 sami bebingah

 nampeni warisan kraton Swarga

 ingkang langgeng

Mila

Pasamuwan !

Kados pundi kita para pitados ?

Kita para pandherekipun SANG KRISTUS ?

Kita para ingkang sampun kabaptis

ingkang ateges nampeni ROH SUCI

Menapa ROH SUCI

 ingkang sampun kita tampeni menika

sampun kita rimati

Pasamuwan !

Menawi kita ngengeti prekawis menika

 saestu badhe keduwung

kita badhe mandeg

dateng pundi purug kita

Mboten wonten malih

 kejawi kita

 enggal-enggal nyirami rohani kita

supados enggal ngedalaken-

mbucal woh :

brangasan,

drengki,

kumeren

 lan sapiturutipun;

 Badhe gantos :

katresnan,

kabungahan,

atut runtut,

sareh

 lan sapiturutipun

Menawi mekaten

 saestu karsanipun GUSTI

badhe tetela

wonten ing gesang kita

Temah

 kita saestu dados

pirantosing karsanipun ALLAH

Kaleksanan

wonten ing jagad ngriki

Koor Ibu-ibu : Kudengar suaraMU

Pasamuwan !

Samangke

perangan ingkang kaping kalih

 inggih menika

prentahipun GUSTI dhateng kita

Tumrap sumebaring pawartos

 tentrem rahayu

GUSTI dhawuh :

AKU wus kaparingan

 sakehe panguwasa

 ana ing swarga  lan ing bumi.

Kang iku

 kowe padha lungaa

 Sarupane para umat

 padha anjingna dadi muridKU

Dhawuh ingkang pungkasan :

Lah AKU

nunggal karo kowe

 ing sadina-dina

 kongsi tumeka wekasaning jaman

Pasamuwan !

Sejarah Injil menika

 sejarahipun SANG KRISTUS

Sejarah kaswargan

 sejarah sorgawi

sejarah ILAHI

ingkang mboten saged  kabendung

 dening manungsa

awit prekawis menika

 karsanipun ALLAH PRIBADI

wiwit kina makina

saderengipun SANG KRISTUS

sampun diweca

 dening para nabi

ngantos jamanipun SANG KRISTUS

 dumugi sapriki

Injil tetep ‘berjalan terus’

Sinten ingkang saged ‘merobah’-

ngribah

utawi

 mungkasi prekawis menika

kejawi SANG KRISTUS piyambak

inggih ALLAH piyambak

PANJENENGANipun

 ingkang kagungan karsa

Pasamuwan !

Samangke

 ing salebeting jaman

 ingkang sampun sepuh menika

 ingkang ugi kawastanan

 jaman akhir menika

Sinten

 ingkang bertanggung jawab

bab prekawis menika

 mboten sanes inggih kita sadaya

 para umat

 ingkang sampun pinilih

 dening SANG KRISTUS

 perlu lan kedah

 nggelaraken pawartos rahayu menika

 supados karsanipun ALLAH

enggal saged kaleksanan

kados dene wonten ing swarga

 inggih makaten ing bumi

Lah menika

 satunggaling gesang

 ingkang sampurna

Katresnan,

kabungahan,

atut rukun

ingkang tumuju dateng Yerusalem anyar,

 kraton swarga

ingkang sampun kacawisaken

wiwit jagad tinalesan

Pasamuwan !

Sumangga

kita tansah enget

 dateng dhawuhipun GUSTI :

Kang iku

kowe padha lungaa

 sarupaning para umat

 padha anjingna dadi muridKU

Ingkang kagungan sejarah

 badhe rawuh

ingkang kagungan karsa

badhe rawuh

Menawi kita

 ngantos kerumiyinan

 ingkang badhe rawuh menika

kita dereng nindakaken prentahipun

 kados pundi jawaban kita

Menapa paedahipun

 nggen kita sami pinilih ?

Sinten ingkang komo wantun

 langkung-langkung mbendung

dateng karsanipun SANG KRISTUS

SANG MESIAS

SANG MAHA RAJA

ingkang kagungan panguwasa

 ing swarga lan ing bumi

Sagung ilat

 pasti badhe nyebut

saliring dengkul

 pasti badhe asujud

dateng SANG KRISTUS

 SANG RATU ADIL

ingkang kagungan sejarah sorgawi

sarta ingkang kagungan karsa

amrih rahayuning jagad menika

Menawi kita

sami purun niteni

saestu rawuhipun SANG KRISTUS

sampun celak

Langkung-langkung

menawi kita niti

dateng panyuwuning para mursid

tumrap melaripun kraton swarga

Kados kasebat

ing kidung pasamuwan 91

Dhuh GUSTI

 mugi anggelar kraton TUWAN

 ing sajagad menika

 terlaksana ngantos sapriki

Dene salajengipun :

 Umat TUWAN

bani Israel

mugi enggal ingantukna

dateng nagrinya pusaka,

 tobata mring RATUnira

Menapa sacara rohani

 sampun wangsul

 malah cara jasmani bangsa Israel

 ingkang sami nglembara dateng pundi-pundi

samangke wangsul

dateng nagri pusakanipun

Dene panyuwun

 ingkang pungkasan

sampun mboten wonten malih

kejawi namung :

Dhuh GUSTI kawula

YESUS

TUWAN mugi nunten rawuh

 supados Israel

 klawan pra umat sajagad wrata

semesta alam

ngluhurna TUWAN sabyantu

Pasamuwan !

Wanci enjing

sampun dados sonten

 ndungkap suruping surya

 ingkang ateges

 wanci siyang

badhe dipun pungkasi

sumangga kita sami cumawis

Ing wekdal menika

 ugi

sumangga kita sami masrahaken

 gesang kita

 piyambak-piyambak

manut ing karsanipun GUSTI

manut ing karsanipun ROH

Saestu rahayu

 Tiyang

 ingkang tansah nyingkir

i dateng pikajenging daging

sarta

 manut ing karsanipun ROH

Halleluyah

Amin

Votum

Kipas 51 PAMUJI BEBUKANING KEMPALAN

Mugi sih rahmate GUSTI

Lan sihe SANG RAMA

Wah patunggile ROH SUCI

Tumraha ing kawula

Amin

Barkah

Introitus : MASMUR 42 : 1 - 6

1 Kidung piwulang anggitané bani Korakh kanggo pemimpin penyanyi.
2 Kados sangsam ingkang ngorong dhateng toyaning lèpèn, mekaten pangoronging nyawa kawula dhateng PADUKA, dhuh ALLAH.
3 Nyawaku ngorong marang ALLAH kang gesang; mbésuk kapan bisaku sowan ing ngarsané?
4 Aku nangis rina wengi; mung luhku waé sing dadi panganku. Merga sedina muput wong padha ngunèni aku, “ALLAHmu ana ngendi?”
5 Atiku sedhih samasa aku kèlingan dhèk semana, nalika aku bebarengan karo wong akèh, mlaku ing ngarep, sowan ing Pedalemané ALLAH karo surak-surak lan memuji sokur, ing kraméané dina riaya.
6 Dhuh nyawaku, yagéné kowé sedhih? Yagéné kowé sumelang? Ngarep-arepa marang ALLAH! Awit Panjenengané bakal dakpuji. PANJENENGANé kuwi ALLAHku lan JURU SLAMETku!

Kipas 12 : 1, 2, 3  

Dasar Kraton Swarga :

MATIUS 5 : 3 – 12

3 “Begja wong sing rumangsa ringkih ana ing ngarsané PANGERAN; awit wong sing kaya ngono kuwi sing dadi umat ana ing Kratoné ALLAH.
4 Begja wong sing prihatin; awit bakal padha dilipur déning GUSTI ALLAH.
5 Begja wong sing andhap-asor, awit bakal padha tampa prasetyané GUSTI ALLAH

6 Begja wong sing kepéngin banget nglakoni kersané GUSTI ALLAH; awit GUSTI ALLAH bakal gawé mareming atiné.
7 Begja wong sing seneng melasi wong liya; awit bakal diwelasi déning GUSTI ALLAH

8 Begja wong sing resik atiné; awit bakal wanuh marang GUSTI ALLAH.
9 Begja wong sing padha seneng ngrukunaké, awit bakal disebut para putrané GUSTI ALLAH.
10 Begja wong sing disiya-siya merga enggoné nglakoni kersané GUSTI ALLAH; awit wong sing mengkono kuwi sing dadi umat ana ing Kratoné ALLAH.
11 Begja kowé menawa diwewada, disiya-siya lan dipitenah merga saka enggonmu dadi murid-KU.
12 Para nabi sadurungé kowé iya padha disiksa kaya mengkono. Padha bungaha lan dipadha gembira, sebab gedhé ganjaran sing bakal kaparingaké déning GUSTI ALLAH marang kowé.”

Sahadat 12

Pisungsung : Kipas 32 : 1, 2, 3

MASMUR 65 : 1 – 5

Ndedonga

Sabda mulya :

GALATIA 5 : 16 – 26

MATIUS 20 : 16 - 20

Kipas 88 : 1, 2, 3

Ndedonga

KOTBAH

Kipas 91 : 1, 4, 5

Ndedonga

Kipas 98

Barkah