( Buku Chotbah 4 ) YOHANES 15:9-17 ; KISAH PARA RASUL 1:4–11 Kowe pada tresna tinresnanana dikaya enggonKU nresnani kowe

Ibadah Minggu

3 Juni 1973

PakonKU iku

mengkene : 

Kowe

pada tresna tinresnanana

dikaya enggonKU

nresnani kowe

YOHANES 15 : 9 – 17

9  Seperti BAPA telah mengasihi AKU, demikianlah juga AKU telah mengasihi kamu; tinggallah di dalam kasih-KU itu.

      Enggon-KU nresnani kowé, kaya SANG RAMA enggoné nresnani AKU. Padha tetepa ana ing   

       katresnan iki.
10 Jikalau kamu menuruti perintah-KU, kamu akan tinggal di dalam kasih-KU, seperti AKU menuruti perintah BAPA-KU dan tinggal di dalam kasih-Nya. 

       Menawa kowé padha nglakoni pepakon-pepakon-KU, AKU bakal tetep nresnani kowé. Ora  

       béda karo AKU dhéwé: SANG RAMA nresnani AKU, sebab AKU nglakoni dhawuh-dhawuhé  

       SANG RAMA.
11 Semuanya itu KUkatakan kepadamu, supaya sukacita-KU ada di dalam kamu dan sukacitamu menjadi penuh.Kabèh iki 

       DAKkandhakaké marang kowé, supaya kowé uga ngrasakaké kabungahan-KU, lan supaya 

       kabungahanmu dadia sampurna.
12 Inilah perintah-KU, yaitu supaya kamu saling mengasihi, seperti AKU telah mengasihi kamu. 

        Pepakon-KU mengkéné: Kowé kudu padha tresna-tinresnan, padha kaya enggon-KU  

        nresnani kowé.
13 Tidak ada kasih yang lebih besar dari pada kasih seorang yang memberikan nyawanya untuk sahabat-sahabatnya. 

        Katresnan sing gedhé dhéwé yakuwi menawa wong rila mati kanggo nglabuhi mitrané.
14 Kamu adalah sahabat-KU, jikalau kamu berbuat apa yang KUperintahkan kepadamu. 

        Yèn kowé padha nglakoni apa sing Dakdhawuhaké marang kowé, kowé dadi mitra-mitra-Ku.
15 AKU tidak menyebut kamu lagi hamba, sebab hamba tidak tahu, apa yang diperbuat oleh tuannya, tetapi AKU menyebut kamu sahabat, karena AKU telah memberitahukan kepada kamu segala sesuatu yang telah KUdengar dari BAPA-KU. 

         Kowé ora padha DAKsebut batur menèh, awit batur ora ngerti apa sing lagi ditindakaké  

         déning bendarané. Kowé padha DAKsebut mitra, awit kabèh sing DAKrungu saka 

         RAMA-KU wis dakkandhakaké marang kowé.
16 Bukan kamu yang memilih AKU, tetapi AKUlah yang memilih kamu. Dan AKU telah menetapkan kamu, supaya kamu pergi dan menghasilkan buah dan buahmu itu tetap, supaya apa yang kamu minta kepada BAPA dalam nama-KU, diberikan-NYA kepadamu. 

          Dudu kowé sing milih AKU, nanging AKU sing milih kowé, lan DAKdadèkaké utusan,  

           supaya kowé metokaké woh akèh kaya wit anggur mau, sing wohé lestari ing selawasé.  

           RAMA-KU bakal maringi apa waé sing koksuwun atas jeneng-KU.
17 Inilah perintah-KU kepadamu: Kasihilah seorang akan yang lain.

          "Iki dhawuh-KU marang kowé: Padha tresna-tinresnana.”

KISAH PARA RASUL 1 : 4 – 11

4 Pada suatu hari ketika Ia makan bersama-sama dengan mereka, IA melarang mereka meninggalkan Yerusalem, dan menyuruh mereka tinggal di situ menantikan janji BAPA, yang--demikian kata-NYA--"telah kamu dengar dari pada-KU. 

           Nalika para rasul lagi padha ngumpul bebarengan, GUSTI  YESUS paring dhawuh marang  

           para rasul mau, mengkéné: “Kowé aja padha lunga saka kutha Yérusalèm, nanging 

           ngentènana kebabaring janjiné RAMA-KU, kaya sing wis Dakkandhakaké marang kowé.
5 Sebab Yohanes membaptis dengan air, tetapi tidak lama lagi kamu akan dibaptis dengan ROH KUDUS."  

           Sebab Nabi Yohanes mbaptis kowé nganggo banyu, nanging sawetara dina menèh kowé 

           bakal padha kabaptis nganggo ROH SUCI.”
6 Maka bertanyalah mereka yang berkumpul di situ: "TUHAN, maukah ENGKAU pada masa ini memulihkan kerajaan bagi Israel?

            " Nalika para rasul lagi padha kumpul karo GUSTI  YESUS, banjur padha nyuwun pirsa 

            marang Panjenengané: “GUSTI , menapa ing samenika Kratonipun Israèl badhé 

            Panjenengan pulihaken?”
7 Jawab-Nya: "ENGKAU tidak perlu mengetahui masa dan waktu, yang ditetapkan BAPA sendiri menurut kuasa-NYA. 

             Pangandikané GUSTI  YESUS: “Mbésuk jaman apa lan kapan, kuwi ditemtokaké déning  

             SANG RAMA piyambak, manut ing sakeparenging kersané. Kowé padha ora prelu 

             nyumurupi.
8 Tetapi kamu akan menerima kuasa, kalau ROH KUDUS turun ke atas kamu, dan kamu akan menjadi saksi-KU di Yerusalem dan di seluruh Yudea dan Samaria dan sampai ke ujung bumi.

             " Nanging kowé bakal padha diparingi kasektèn, yakuwi samasa SANG ROH SUCI wis 

              nedhaki kowé, ateges kowé wis dikwasani déning PANJENENGANé. Lan kowé bakal 

              padha dadi seksi-KU ana ing kutha Yérusalèm, ing tanah Yudéa kabèh lan ing tanah 

              Samaria, malah ing salumahing bumi.”
9 Sesudah Ia mengatakan demikian, terangkatlah Ia disaksikan oleh mereka, dan awan menutup-NYA dari pandangan mereka. 

              Sawisé ngandika mengkono, GUSTI  YESUS nuli mékrad menyang swarga. Para rasul 

              padha neksèni mau, nganti Panjenengané ora ketingal, merga kaaling-alingan méga.
10 Ketika mereka sedang menatap ke langit waktu Ia naik itu, tiba-tiba berdirilah dua orang yang berpakaian putih dekat mereka,  

              Nalika lagi padha ngawasaké enggoné mékrad mau, dumadakan ana priya loro ngadeg 

              ana ing jèjèré, nganggo sandhangan putih.
11 dan berkata kepada mereka: "Hai orang-orang Galilea, mengapakah kamu berdiri melihat ke langit? YESUS ini, yang terangkat ke sorga meninggalkan kamu, akan datang kembali dengan cara yang sama seperti kamu melihat DIA naik ke sorga.

              " Priya mau padha ngandika: “Kowé, wong-wong Galiléa, yagéné padha ngadeg ana ing 

              kéné tumenga ing langit ? GUSTI  YESUS sing kokdeleng mékrad menyang swarga, bakal 

              rawuh menèh, patrapé iya kaya sing kokdeleng kuwi.”

Para kekasih !

Jejering reraosan

 ing dinten menika

kapendet saking ayat 12

ingkang mekaten :

PakonKU iku mengkene :

Kowe pada tresna tinresnanana

dikaya enggonKU

nresnani kowe

Para kekasih !

Dasar Kristen

ingkang ageng piyambak

 menika wonten 2 prekawis

 inggih menika :

I.                    Tresna dumateng ALLAH

II.                  Tresna dateng sesami

Menika terang lan jelas

 wonten ing pangandikanipun GUSTI YESUS,

 mekaten :

Sira tresnaa marang YEHUWAH ALLAHira

 dikalawan gumolong atinira

tuwin

gumolong nyawanira 

sarta

gumolong budinira

iya iku

pepakon kang dingin lan kang gedhe dhewe

Dene kang kapindo

 kang pada perlune

kaya kang ngarep mau

iku surasane mengkene :

 Sira tresnaa ing sapepadanira

dikaya marang awakira dhewe

Apa sasurasane Toret lan Kitabe para nabi

 iku wus kawengku

ing pepakon 2 mau

Para kekasih !

Dasar 2 prekawis menika

menawi kita teliti

secara mendalam

saestu jembar lan luas sanget

artosipun

Ing ngriku

 Katerangaken

 bilih sedaya suraosipun Toret

menapa malih sedaya

 kitabipun para nabi

sampun kawengku

 sedaya wonten ing ngriku

Dados

jelas lan ceta sanget

bilih dasar Kristen

 ingkang utama

menika awujud katresnan

Para kekasih !

Prekawis menika

 saestu nyata lan sanyatanipun

Umpama :

 Si A tresna kaliyan si B

Keluarga si A tresna dumateng keluarga si B

Bangsa A tresna dumateng bangsa B

Lah

saiba endah

lan

tentremipun jagad menika

Katresnan iku nasabi samubarang

Para kekasih !

Mangka dasar 2 prekawis menika

menapa sampun wonten

 ing manah kita ?

Prekawis menika

 kedah lan wajib tumindak

wonten ing gesang kita

Tiyang ingkang pitados

dateng GUSTI YESUS

wajib lan kedah

olah ing katresnan

Langkung-langkung kita

  para umat

 ingkang sampun pinilih,

 piniji

dening SANG KRISTUS

Tiyang Kristen menika

 tiyang ingkang kapilih

 dening GUSTI YESUS

kapilih dening ALLAH

Pasamuwan !

Sinten kemawon

ingkang badhe ndherek GUSTI YESUS

 senadyan ngrepo kados menapa

mboten badhe saged

menawi GUSTI mboten nimbali

Menika terang

 wonten ing ayat 16

mekaten :

Dudu kowe kang pada milih AKU,

 nanging AKU kang milihi kowe

Dados

tiyang Kristen menika

SANG KRISTUS piyambak

ingkang milih,

SANG KRISTUS

 ingkang nimbali

ALLAH piyambak

 ingkang nimbali

Mila

Para sadherek !

Begja sanget

dene kita para tiyang Kristen

Kita tiyang ingkang kebak dosa

duraka menika

dipun pilih dening ALLAH

saperlu kangge

 ngundangaken pawartos rahayu

ngundangaken Injiling SANG KRISTUS

ngundangaken pangandikanipun ALLAH

supados jagad

ingkang kebak pepeteng menika

sageda kaparingan pepadang

Semanten agenging katresnanipun ALLAH

 dateng kita

ngantos kita sami kapilih

dados kagunganipun

Mila

 kita  wajib nindakaken katresnan

 dateng sesami kita

supados srana mekaten

 kita dados dilah

wonten ing satengahing masyarakat

Temahan

para tiyang

 sami badhe wanuh

dateng SANG KRISTUS

Pasamuwan !

Dasar ingkang I

Tresna dateng ALLAH

Umumipun

 ingkang kathah-kathah

 ingkang wonten ing manah kita

 utawi

 ingkang dipun pentingaken

 namung prekawis

 ingkang sepisan

 inggih menika

tresna dateng ALLAH

Mangka GUSTI dhawuh :

Kang pada perlune

kaya kang ngarep mau

kinen tresna dateng sesami

Sejatosipun

nggen kita sami tresna dateng GUSTI

ing salebeting manah

 umumipun

sampun

 nanging secara realitas-

 kenyataan

nggih saestu kirang

nggen kita nelakaken katresnan

dateng GUSTI

Sebagai conto

pangabekti ing dinten Minggu

 ketingal sepen,

kempalan-kempalan Kemis-

brayat lan sapiturutipun

Dasar ingkang II

 inggih menika

 tresna dateng sesami

Menawi kita

 sami mawas

 ing gesang padintenan kita

kados-kados

prekawis katresnan menika

 kaanggep remeh

Mangka sejatosipun

menika dasar Kristen

ingkang ageng piyambak

Sanajan kita sampun sami memuji-

ngluhuraken asmanipun ALLAH

mangka

kita dereng nindakaken katresnan

 dateng sesami

 tamtu badhe tanpa guna

Kita sampun sami bekti lan tresna

 dateng ALLAH

mangka

 dereng nindakaken katresnan

 dateng sesami

 sampun tamtu

inggih dereng cekap

Awit GUSTI dhawuh :

I.                    Tresna dateng ALLAH

II.                  Tresna dateng sesami

sarta kalih-kalihipun

sami perlunipun

Iba rahayunipun

 lamun para putraning ALLAH

sami olah ing katresnan

iba anggenipun nengsemaken

 lamun pasamuwan Suwaru

sami olah katresnan

kados dene SANG KRISTUS

anggenipun nresnani dateng kita

Ngantos mboten ngeman

 sariranipun sinangsara,

sinalib,

 amrih kita sami wilujeng

PakonKU marang kowe

iku mau

 supaya kowe pada tresna tinresnanana

Koor : Sebaut

Pasamuwan !

Samangke

perangan ingkang kaping 2

Inggih menika

 tumrap mekradipun GUSTI

 dateng Swarga

Ing ngriki

kita badhe ngraosaken

ayat  ingkang kaping 11 :

He !

Wong Galileya

kepriye dene kowe

 pada ngadeg ana ing kene

 nganggo tumenga marang langit

YESUS kang wus kasengkakake

saka ing antaramu

menyang ing Swarga

 iku bakal rawuh patrape

kaya enggonmu

 pada ndeleng sumengkane

menyang ing Swarga

mau

Pasamuwan !

Inggih ing wiwit sumengkanipun

 GUSTI menika sacara manungsa

 para murid sami sisah

 sami rumaos lola,

sami rumaos pisah kaliyan GUSTI

menika saat perpisahan

antara para sekabat kaliyan GUSTI

Para sakabat

 sami ketenggengen

 tumenga dateng langit

Sacara manungsa

menika stunggaling wekdal pepisahan

 ingkang pungkasan-

terakhir

Kangge para sakabat ,

nanging kados pundi

menapa inggih lajeng tetep mekaten kemawon

 ing salebeting sami ketenggengen

Awit sariranipun GUSTI

 kaaling-alingan ing mega,

Lah wonten malaekating PANGERAN

paring dhawuh :

YESUS

 kang wus kasengkakake

saka ing antaramu

menyang ing Swarga

iku bakal rawuh

patrape kaya enggonmu

pada ndeleng sumengkane

menyang ing Swarga mau

Lah

sepinten bingahing para sakabat

 menika satunggaling panglipur

 satunggaling pangajeng-ajeng

 ingkang saestu mbingahaken :

 Bakal rawuh

Menika

 ingkang dipun ajeng-ajeng

dening para sakabat,

para rasul

ngantos dumugi sapriki

inggih pangajeng-ajeng kita

 sadaya

Pasamuwan !

Kados pundi sejatosipun ?

Menapa inggih saestu

 SANG KRISTUS menika

 badhe rawuh malih ?

Pasamuwan !

Sejarahipun SANG KRISTUS

 menika  sejarah kaswargan

sejarah Sorgawi

sejarahipun ALLAH piyambak

Para nabi sami memeca

menika petunjuk saking ALLAH

 dados ingkang dhawuh menika ALLAH

ingkang dipun weca menika inggih ALLAH PRIBADI

Para nabi sami memeco :

 Bilih SANG KRISTUS

badhe miyos wonten ing Betlehem,

 saestu sampun kalampahan

 badhe sinangsara cinampak lan sapiturutipun sampun kalampahan

 badhe kasalib nglampahi seda

sampun kalampahan

badhe wungu

saestu sampun wungu

badhe mekrad

sampun kalampahan

 kaseksen dening para sakabat

ingkang sami tumenga-

ketenggengen

Pasamuwan !

Pameca menika

 kantun satunggal :

Badhe rawuh malih

 dhateng jagad ngriki,

menapa menika badhe wurung ?

Pasamuwan !!

Malah tanda-tanda

badherawuhipun SANG KRISTUS

saestu sampun ceta

sampun celak

Prasetyanipun ALLAH

pasti badhe kelampahan prajanjinipun

GUSTI

pasti ‘terjadi’-

 kedadosan

Wanci enjing sampun dados sonten,

 ndungkap suruping surya

Sumangga

kita sami sedya ndandosi manah kita

piyambak-piyambak

Sumangga

 kita enggal nindakaken katresnan

 dhateng sesami

Sumangga

 kita enggal mbangun pirukun

 sampun ngantos

kita sami kablejog rawuhipun SANG KRISTUS menawi kita ngantos kablejog rawuhipun GUSTI :

Aduh lae :

Playunira menyang ngendi

lamun wohira mung dami,

mung dadi pakaning geni

Korining Swarga  sampun kinunci

Pasamuwan !!

Mumpung GUSTI taksih welas

dateng kita

taksih wonten wekdal

 kita nindakaken katresnan

 dateng sesami

Taksih wonten wekdal

 kangge mbangun manah kita

 piyambak-piyambak

Mumpung kori

taksih menga

 yen kaineban kori

 tan wonten kang mengani

Saiba belainira

lamun nampik kadarmanya

Mbesuk GUSTI yen wis tebih

sira nangis melasasih

Rahayu tiyang ingkang tresna

dumateng ALLAH

 tuwin tresna dateng sesami

Halleluyah

Amin

Votum

Kipas 51 PAMUJI BEBUKANING KEMPALAN

Mugi sih rahmate GUSTI

Lan sihe SANG RAMA

Wah patunggile ROH SUCI

Tumraha ing kawula

Amin

Barkah

Introitus : MASMUR 84 : 2, 3, 11

Dhuh YEHUWAH GUSTInipun balatantra padaleman TUWAN iba anggenipun nengsemaken nyawa kawula ngengleng ngantos lesah dene cecengklungen dateng pelataranipun YEHUWAH

Manah kawula sami sumyak saking kangenipun dumateng ALLAH ingkang gesang

Saestunipun kawula wonten ing pelataran TUWAN namunga sadinten kemawon punika prayoginipun nglangkungi enggen kawula wonten ing sanes panggenan sewe dinten

Amin !

Kipas 21 : 1, 5 

Dasar Kraton Swarga :

MATIUS 5 : 3 – 12

3 “Begja wong sing rumangsa ringkih ana ing ngarsané PANGERAN; awit wong sing kaya ngono kuwi sing dadi umat ana ing Kratoné ALLAH.
4 Begja wong sing prihatin; awit bakal padha dilipur déning GUSTI ALLAH.
5 Begja wong sing andhap-asor, awit bakal padha tampa prasetyané GUSTI ALLAH

6 Begja wong sing kepéngin banget nglakoni kersané GUSTI ALLAH; awit GUSTI ALLAH bakal gawé mareming atiné.
7 Begja wong sing seneng melasi wong liya; awit bakal diwelasi déning GUSTI ALLAH

8 Begja wong sing resik atiné; awit bakal wanuh marang GUSTI ALLAH.
9 Begja wong sing padha seneng ngrukunaké, awit bakal disebut para putrané GUSTI ALLAH.
10 Begja wong sing disiya-siya merga enggoné nglakoni kersané GUSTI ALLAH; awit wong sing mengkono kuwi sing dadi umat ana ing Kratoné ALLAH.
11 Begja kowé menawa diwewada, disiya-siya lan dipitenah merga saka enggonmu dadi murid-KU.
12 Para nabi sadurungé kowé iya padha disiksa kaya mengkono. Padha bungaha lan dipadha gembira, sebab gedhé ganjaran sing bakal kaparingaké déning GUSTI ALLAH marang kowé.”

Sahadat 12

Pisungsung : Kipas 32 : 1, 2, 3

Ndedonga

Koor Ibu-ibu : Tugas adi kang premate

Sabda mulya :

YOHANES 15 : 9 - 17

PARA RASUL 1 : 4 - 11

Kipas 152 : 1, 3

Ndedonga

KOTBAH

Kipas 156 : 1, 3, 5

Ndedonga

Kipas 52

Barkah