BARKAH LAN GODHANING RAJA BRANA

   IBADAH  MINGGU

14 Oktober 2012

Tema Wulanan :

Niat tetunggilan kaliyan GUSTI SANG KRISTUS

 ateges kedah wanton ngruncat

saking bebandaning raja brana

Tema  Minggon :

BARKAH

LAN

 GODHANING

RAJA BRANA

IBRANI  4 : 12 – 13

MARKUS 10 : 17 – 30

Patunggilan

ingkang kinasihan

 GUSTI YESUS

Iba pangertosan bab bandha

ndonya menika

 asring dados patokaning-

 ukuraning gesang

kanggening  para manungsa

Wonten satunggaling tiyang ngemis

 utawi

tiyang ingkang saweg pados dedana-

 nyuwun- nyuwun yatra

nanging bilih kita tamataken

satunggaling tiyang

 kaliyan tiyang sanes

 benten cara

wonten tiyang

ingkang minder bilih mbeta map,

 ngagem sandal

wonten tiyang

ingkang remen mawi mobil,

mawi proposal lan amplop,

ngagem rasukan ingkang sae-

necis

Tiyang menika tujuanipun sami

 ananging mesthi

angsal-angsalipun badhe benten

Samangke wonten perangan-

sebagian tiyang sanes

ingkang  sami kita sumurupi

 karana babagan bandha lan ndonya

 ugi ndadosaken mboten sami-

 mbentenaken perilaku

Biasanipun para pemimpin

 utawi

para kinurmat mesthi sugih

Para panguwasa,

tiyang ingkang wibawa

 karana kasugihanipun-

kathah bandha ndonyanipun

Ananging wonten

 satunggaling pryiyantun

asmanipun Mahadma Gandhi

Sang  pemimpin India

ingkang gesangipun sanget prasaja

mboten mentingaken bandha ndonya

Patunggilan

 ingkang kinasihan dening

GUSTI YESUS

Kita lajengaken malih pangraos kita

 kenging menapa

 kathah tiyang dumawah

 kecalan pikurmatipun,

ngalami kucem naminipun

….

(sinten kemawon tiyangipun

ingkang Panjenengan-

patunggilan sumurupi…)

Lha, tiyang  menika

 srana karana tumindak ‘korupsi’

 kakabaraken ing sadhengah kalawarti-

surat kabar lan mass media

( Kasus Gayus 1, Gayus 2,

 Angelina Sondakh, M Nasaruddin,

mantan Presiden Husni Mubarak saking Mesir)

Ing nalika jamanipun nabi Elia,

wonten Gehazi si baturipun nabi

…

( 2Para Raja 5)

Ananias lan Safira

 ing  jamanipun para rasul

(Para Rasul 5)

 lan taksih kathah malih

Patunggilan

 ing ngriki

kita saged nggadhahi kesimpulan

 bilih barang kadonyan-

raja brana

 punika saged njunjung drajating manungsa

 ning ugi saged

nlomprongake manungsa

dhateng jurang kanisthan

 malah-malah anjog

dumugi ngajal-

pepejah

Sekedap mangke

 kita raosaken

 bab pepanggihaning para muda-

neneman sugih

kaliyan GUSTI YESUS

wawanrenbag bab bandha ndonya punika

Patunggilan

 wonten perangan seratan

 dhawuh  pangandika

 ingkang sajakipun mokal

 lan

 mboten gandheng ing reraosan

 isinipun kados-kados mboten runtut

ing pembahasanipun

Ing satunggal perikop-

satunggal judul

 mboten sami pembahasanipun

 lan kados kados mboten gandheng

lan malih

 mboten jelas sinten ingkang nyerat,

 ing pundi kitab Ibrani menika kaserat

 lan

katojokaken dumateng sinten

seratan menika

 sadaya mboten cetha

Nggih menika kawontenanipun seratan

 ing Kitab Ibrani 4

Ing perangan ayat 1 – 11

kados-kados mboten gandheng

kaliyan perangan ayat 12 – 13

(bab lumebu palereman

ing dinten  kaping pitu

anggenipun ALLAH makarya

ananging ALLAH taksih tetep makarya

ngantos dinten samangkya-

sebab taksih wonten dinten samangke

Ing dinten samangke

kita kaajak ngudi

purih sageda lumebet ing palereman

 ing dinten samangke- 

mboten ketriwal mboten mangkotaken ati

kados dene dintening bangsa pilihan

 anggenipun kaatag

sak saged-sagedipun  lumebeta

 ing tanah perjanjian

kedahipun sadaya manungsa enggal  kendel

anggenipun nindakaken pakaryan

kedahipun sadaya manungsa ugi mireng

 swantening ALLAH

mboten nglajengaken tumindak

 aja nganthi tumiba

amarga nuladha pambela

Ewasamanten,

Patunggilan

rehning tema

ingkang katemtokaken gegayudan

 kaliyan bab raja brana (barang darbe),

barang kadonyan,

dados ndadosaken ayat 12 – 13 punika

 saged ngemu ringkesan

 ingkang makaten:

Gusti Allah punika maha mirsa,

 sadaya tindak-tanduk,

solah tingkah,

mobah musiking manah,

 pangangen-angen kita,

 boten wonten ingkang boten kapirsanan.

Sadaya tamtu kapirsanan kanthi cetha.

Kalebet ugi

punapa manungsa punika saestunipun

 nindakaken pangandikanipun Gusti

klayan setya

punapa boten,

 Gusti Allah tamtu pirsa.

Patunggilan

sumangga kita lajengaken

ngraos-ngraosaken dhawuh pangandika-

 piwucalipun GUSTI YESUS

Ingkang kaseratan

 ing kitab MARKUS 10 : 17 – 30

 saged mangke kabantu

 kanthi maos kitab MATIUS 19 : 16 – 26;

 LUKAS 18 : 18 - 27

1

“Guru ingkang utami”
Miturut pamanggih Yahudi,

guru ingkang utami (sayektos) punika

 namung Gusti Allah Yehuwah pribadi.

 Gusti Yesus ing wekdal punika

kados-kados ngengetaken (nggiring)

 pamanggihipun tiyang sugih punika

 supadosa  mandeng (fokus)

dhateng Sang Yehuwah,

lan ngestokna punapa ingkang kawucalaken,

dipun ngandikakaken dening Allah

 ingkang kapacak ing kitab Toret.

2

“Wong sugih”
Ugi miturut pamanggih Yahudi,

tiyang sugih punika kaanggep (identik)

dados tiyang

 ingkang binerkahan sacara tata lair

(sugih raja brana).

 Ingkang makaten punika

 inggih awit saking

 karana kamursidaning gesangipun;

dados tiyang saleh-suci

(Wulang Bebasan 15: 6).

Contonipun:

Keluwarga. Bapa Abraham,

Bapa Ayub,

Sang Prabu Dawud, lsp.

Lah makaten

 pangakenipun tiyang sugih punika,

kasugihanipun

 sesambetan kaliyan kasalehaning gesang

 nindakaken pepakening Toret.

3

Tiyang sugih punika

kepingin mbuktekaken kasucening gesangipun

supados pikantuk pangaken

 saking GUSTI YESUS,

 priyagung ingkang kaanggep waskitha.

4

Eman sanget,

sareng tiyang sugih punika

 kadadar (kauji)

 dening GUSTI

 dhedhasar pepakenipun GUSTI ALLAH

 bab nresnani sesami

(KAIMANAN 19: 18),

sarana mbagi-mbagi (ngedum) kasugihanipun

 kangge tiyang miskin,

 tetela piyambakipun  boten  kiyad,

 boten sagah.

 Sadaya tumindak moral

 ingkang sampun dipun lampahi punika

namung tumuju kangge pribadinipun piyambak. 

 Sajatosipun

Patunggilan

radi ewed

manggihaken sesambetan (benang merah)

 ing antawisipun waosan punika

 kaliyan tema :

BARKAH LAN GODHANING

RAJA BRANA

Nanging,

 radi dipun peksa,

sacara prasaja

saged karingkes

 bilih GUSTI ALLAH punika pirsa

punapa tiyang sugih punika

langkung awrat dhateng pepinginanipun pribadi

punapa kabetahaning sesami,

langkung-langkung ingkang kacingkrangan.

Saking pangertosan kalawau

ingkang saged kita cathet nggih punika:

1

GUSTI YESUS selaku Sang Sabda

saestu pirsa

punapa ingkang dados kekiranganipun

tiyang sugih punika.

Tiyang menika langkung maelu bandhanipun

 tinimbang maelu dhawuhipun Allah

 lan

nresnani sesami

 (PANGANDARING TORET 6: 5).

Pancen biasanipun

 manungsa langkung  “nremen nyatunggil”

dumadhateng bandhanipun

Ing wiwitaning Purwaning Dumadi,

manungsa

sampun katepangaken

 kaliyan barang kadonyan

 ingkang kasad mripat.

Saya dangu

 manungsa saya pinter ngolah bumi

 lan

 raja kaya isen-isening bumi,

tangkar-tumangkar

 sangsaya mbekta kasugihan,

kacekapan lan kasugihan.

 Manungsa sangsaya saged ngraosaken

 paedahipun barang kadonyan,

mbekta kacekapan

tumrap gesanging manungsa

GUSTI ALLAH nate dhawuh

 bilih gesanging manungsa punika

 dumunung ing sadaya barang tumitah

 (PURWANING DUMADI 1: 28, 29; 9: 2, 3).

.

Kita,

Patunggilan

Enget cariosipun si sawer (Iblis) ing taman Eden

ingkang “numpaki” woh-wohan njlomprongaken manusa.

Iblis ing jaman samangke “numpaki” bandha kadonyan

 ngajak manusa ngantos dados materialis

(karem sanget lan kabanda raja brana).

wiwit bayi cenger

sesambetan kaliyan barang kadonyan

.
Dangu-dangu

manungsa ngraosaken agenging paedahing

 barang kadonyan

(pola hidup: Time is money; no money is dead).

Ing ngriki

 barang kadonyan

saestu  nemtokaken

manusa saged gesang punapa boten

 (materi/ bandha ndonya punya fungsi yang vital).

 Langkung kathah bandha

ateges

langkung mapan lan aman.

GUSTI ALLAH

 ingkang paring gesang

dados sumbering gesang

 sampun dipun geser,

sampun dipun kawonaken

 dening raja brana.

Adhedhasar pangertosan punika,

patunggilan

1

manungsa

kedahipun  langkung nengenaken

sesambetanipun

kaliyan GUSTI ALLAH

 lan

langkung ngengeti

bilih manungsa

 dados pasemon gambar

 lan

 rupanipun ALLAH

 tinimbang kaliyan bandha kadonyan.

2

Sesambetanipun manungsa

kaliyan raja brana

 kedahipun dipun alami

 srana anggenipun langkung mandeng

dhateng GUSTI ALLAH.

Punapa kita badhe dados tiyang lamis (munafik),

 kados-kados boten betah

barang kadonyan ?

Mugi pangertosan

ingkang kita serep sesarengan

 ing wekdal samangke  

saged dados sangu

anggen kita terus nglajengaken gesang

 ndherek timbalaning GUSTI

 gesang ing satengahing bangsa,

 nagari lan masyarakat

Sumangga

kita njagi drajading dhiri kita.

Sampun ngantos raja brana

dados sandhungan

 anggen kita mujudaken lan mraktekaken

 katresnanipun GUSTI

dhateng sesami.

Sumangga

kita tanjakaken

berkahipun GUSTI

 ingkang warni-warni wujudipun

(kalebet bandha kadonyan)

 kalayan wicaksana,

 sae lan leres,

kanthi kiering

 mbekta saos sokur kita

 dhumateng Gusti,

 tuwin murih

 raharjaning gesang bebrayan.

AMIN

IBRANI  4 : 12 – 13

4:12 Pangandikané Allah kuwi asipat gesang lan sekti, lan luwih landhep tinimbang sakèhing pedhang sing landhep kiwa-tengen; kang tumamané nganti bisa misahaké nyawa lan roh, ros-rosan lan sungsum. Bisa netepaké ala lan beciké pikiran lan karepé manungsa.
4:13 Ora ana prekara siji waé sing ketutupan ana ing ngarsané Gusti Allah, jalaran samubarang kabèh katon ngégla ana ing paningalé. Kita kabèh kudu padha tanggung jawab marang Panjenengané tumrap sakèhing penggawé kita dhéwé-dhéwé.

MARKUS 10 : 17 – 30

10:17 Nalika Gusti Yésus nglajengaké tindaké, ana wong nututi karo mlayu. Wong mau banjur sujud ing ngarsané, karo matur: “Rama Guru, ingkang utami. Kula kedah nglampahi menapa, supados angsal gesang ingkang sejatos?”
10:18 Gusti Yésus ngandika: “Yagéné kowé kokngarani Aku utama? Ora ana wong sing utama. Sing utama kuwi mung Gusti Allah piyambak.
10:19 Mesthiné kowé wis ngerti angger-anggeré Gusti Allah, yakuwi: ‘Kowé aja matèni wong, aja laku jina, aja nyolong, aja goroh, aja ngapusi, ngajènana bapakmu lan ibumu.’ “
10:20 Wong mau nuli matur menèh: “Rama Guru, angger-anggeripun Gusti Allah menika wau sampun kula lampahi sedaya, wiwit kula taksih laré.”
10:21 Gusti Yésus mirsani wong mau kanthi kebak ing katresnan, tumuli ngandika: “Isih saprakara sing durung koklakoni, yakuwi: Bandhamu kabèh edolen. Banjur dhuwit pepayoné edum-edumna marang para wong miskin, temah kowé bakal olèh bandha ana ing swarga. Yèn wis, kowé banjur balia mréné menèh, mèlua Aku.”
10:22 Bareng krungu dhawuhé Gusti Yésus mengkono kuwi, wong mau gela banget. Mula banjur mundur saka ngarsané Gusti Yésus klawan ati sedhih, sebab bandhané akèh banget.
10:23 Gusti Yésus banjur mirsani marang para rasul kabèh. Nuli ngandika: “Angèl temen wong sugih dadi umat ana ing Kratoné Allah.”
10:24 Para rasul padha dheleg-dheleg, gumun ngrungokaké ngandikané Gusti Yésus mau. Gusti Yésus banjur ngambali ngandika: “Mlebu ana ing Kratoné Allah kuwi pancèn angèl banget.
10:25 Luwih gampang unta mlebu ing bolonganing dom, tinimbang karo wong sugih mlebu dadi umat ana ing Kratoné Allah.”
10:26 Krungu pangandika mau para rasul saya kagèt, banjur padha takon-tinakon: “Yèn mengkono, banjur sapa sing bisa olèh keslametan!”
10:27 Gusti Yésus banjur mirsani para rasul kabèh, tumuli ngandika: “Tumrapé manungsa kuwi mau kabèh mokal. Nanging ing ngatasé Gusti Allah, ora ana barang sing mokal!”
10:28 Rasul Pétrus banjur matur: “Kawula sedaya menika rak ugi sampun nilar samukawis, lajeng ndhèrèk Panjenengan.”
10:29 Gusti Yésus ngandika: “Iya, mulané padha éling-élingen! Saben wong sing ninggal brayaté, ninggal seduluré lanang lan seduluré wadon, ninggal bapakné, ninggal ibuné, utawa ninggal anak-anaké lan ninggal palemahané merga saka Aku lan merga Injilé Gusti Allah,
10:30 wong kuwi mesthi bakal tampa luwih akèh menèh. Bakal tampa tikel satus, ya omah, ya sedulur lanang, ya sedulur wadon, ya ibu, ya anak-anak, ya palemahan, senajan wong mau ora luput saka panganiaya. Lan mbésuk ing akérat wong mau bakal tampa urip sing sejati.

1.      VOTUM : (Jumeneng)

      KPK  25  : 1, 2  Ngabekti  mring GUSTI

Pasamuwan Sugeng siyang

kanthi pangucap :

Karana sih susetyaning  ALLAH

Kita sami saged makempal mangabekti ngluhuraken  ALLAH

Tuking gesang kita pinangkanipun saking ALLAH

Tentrem rahayu

ing patunggilaning SANG RAMA,

SANG PUTRA,

tuwin SANG ROH SUCI

 pada lulusa

ing gesang kita sapasamuwan

                                     AMIN

    (duduk)

      

2.    INTROITUS    :    LUKAS 16 : 13c - 15

           13c. Kowé ora bisa ngawula marang GUSTI ALLAH lan uga  

                   ngawula marang Mamon.”
           14   Wong Farisi padha krungu apa sing dingandikakaké déning

                   GUSTI YESUS mau kabèh, mulané padha mèncep, sebab  

                   wong-wong mau padha karem bandha.
            15 Nanging GUSTI YESUS ngandika marang wong-wong mau:   

                 “Ana ing ngarepaning manungsa kowé padha bisa kandha yèn  

                 kowé kuwi bener, nanging GUSTI ALLAH pirsa apa sing ana

                 ing jeroné atimu. Sebab apa sing dianggep pinunjul déning

                 manungsa, kuwi dianggep asor ana ing ngarsané GUSTI  

                 ALLAH.      

 KPK  9  : 1, 2    Pamuji konjuk ALLAH MAAGUNG

3. PENGAKEN  DOSA : …Matius  22 :  37 - 40

ndedonga :   …AMIN

4. KPK  46  :  1, 2, 4  Panelangsa

5. PAWARTOS  RAHAJENG : (( Jumeneng …

1 PETRUS 5 : 8b - 11

8b. Iblis mungsuhmu klinteran kaya singa nggero-nggero golèk memangsan.
9 Padha mantepa ing precaya lan Iblis lawanen, awit kowé padha sumurup yèn kanca-kancamu tunggal precaya sajagad wrata uga ngalami nandhang sangsara sawetara.
10 GUSTI ALLAH sumbering sih-rahmat, sing wis nimbali kowé kabèh lantaran SANG KRISTUS marang kamulyan kang langgeng, bakal nyampurnakaké kowé lan maringi kasantosan lan kekuwatan sing ora bisa gingsir.
11 Iya PANJENENGANé kuwi sing kagungan pangwasa langgeng ing selawasé. Amin.

6. PENGAKEN  IMAN  RASULI … pinarak ))

    KPK  165   :  1    Jatining katresnan

7. PELADOSAN  FIRMAN :    PANDONGA:    … AMIN

    PAMAOSING  KITAB SUCI :    IBRANI 4 : 12 - 13      

                                       MARKUS 10 : 17 – 30

   KPK 137 : 1, 2  Kang langgeng sihe ALLAH

     KOTBAH  … BARKAH LAN GODHANING RAJA BRANA

             

        KPK  89 : 1  Pasrah

8.     PANDONGA  SYAFAAT :  

Ø  Saos syukur dhawuh pangandika …

Ø   Bangsa & negari

Ø  Greja> dauran penatua/diaken; perayaan Natal/seabad > warga pepanthan/marenca

Ø  Warganing greja—sakit, lansia, Anak-anak—sekolah,padamelan,jodoh

Ø  Bibaran> AMIN      

9.       PAMISUNGSUNG : Samangke wanci wekdalipun …

          Dasar               :   WULANG BEBASAN 3 : 9 -10

           9  Allah urmatana srana barang-darbèkmu,lan srana pametumu 

                    sing wiwitan.
               10 Srana mengkono, lumbungmu bakal kebak isiné, lan       

                    anggurmu bakal nganti lubèr-lubèr.

          KPK  187         :  1 - … Pisusung jiwa raga

          PANDONGA   :  ….

       

   PENGUTUSAN & BERKAT : (Jumeneng)

       KPK   341    Pamuji bakda winulang

Sumangga sadaya dedhawuhing ALLAH

Ingkang kita pireng  kita tindakaken miturut rancanganipun

 mesthi saged kita lampahi

karana GUSTI  YESUS nunggil ing gesang kita

(kita tampeni berkah) :

Sih rahmat lan tentrem rahayu

tumuruna ing gesang kita patunggilan

 ing dinten samangke

 ngantos dumugeng wekasaning jaman

Rahajeng tyang ingkang tansah mangabekti dumateng ALLAH  SANG  RAMA,

 SANG  PUTRA,

tuwin  SANG  ROH  SUCI 

AMIN