AJA NGANTHI GUSTI ALLAH BUTAJENGAN- CEMBURU

Ibadah Brayat

Kamis, 27 September 2012

AJA NGANTHI

GUSTI ALLAH

BUTAJENGAN-

CEMBURU

1 KORINTUS 10 : 14 – 22

22a.

Utawa apa kita nedya

memungu bentering penggalihe GUSTI ?

(Maukah kita

 membangkitkan cemburu TUHAN ?)

Patunggilan

 ingkang kinasihan

dening GUSTI YESUS

Rinten dalu

kita kairid dening ALLAH

lan

saben-saben wekdal

kita tansah sowan

ing ngarsaNIPUN;

Ananging

kenging punapa menika sadaya

 sampun sami ndadosaken sekel penggalihing ALLAH ?

Kados dene reraosan

ing perikop saderenging perikop

 ingkang kita waos sesarengan

 ( 1 KORINTUS 10 : 1 – 14 )

Israel

 sacara jasmani

nggih menika Israel

ingkang sampun kabaptis

ing sagara

lan

sampun nampeni sihing ALLAH

ngantos damel sekeling penggalihing ALLAH

makaten ugi nabi Musa

sami kadamel sisah lan kadosan

Paukuman kangge bangsa

 ingkang anyenyembah dumateng roh-roh jahat,

rerupan ingkang awujudan rupi-rupining patung

 lan sanesipun

ing kakiyatan ingkang saestu kaanggep;

kados Reca pedet emas

ing jamanjing Israel lami

mesti menika sadaya nggadahi kakiyatan

 karana tansah kasembahan-

roh jahat manggen ing ngriku

makaten ugi ing wujud rerupan sanesipun

Padahal

Israel lami

sampun nampi sihing ALLAH

ingkang awujud pangentasan-

pangluwaran

lan

ing pambaptisan;

Israel lami sami sampun sami kabaptis

 ing satengahing seganten

Kenging menapa

Israel lami taksih kapejahan dening ALLAH

saben dintenipun 23.000

lan

 pinten-pinten tiyang tiwas

  karana sawer

makaten ugi

pinten-pinten tiyang katumpes

dening malaekating pati

Menika

Para sadherek sapatunggilan

Ingkang dados kaca pangilon

Lan

 ingkang dados pepeling kanggening kita

Kita ingkang sami kasebatan

dados Israel enggal-

nggih menika tiyang ingkang mitadosi KRISTUS

ALLAH

ALLAH

ingkang sampun mbaptis kita

 srana rahipun.

Rahipun

 sampun nucekaken gesang kita

Patunggilan

 ingkang kinasihan

dening GUSTI YESUS

Iba bingahing kita

 ingkang saben-saben wekdal

tansah kaundang

 ing peseta pambujanananing ALLAH

 kados samangke

anggen kita nindakaken pacawisan

ingkang sepisanan

Kita badhe ndherekaken Pambujanan Oikumene-

bujono suci sak ndonya

mbenjang Minggu tanggal 7 Oktober :

Kita samangke

sami kaengetaken malih

bab ndherek tut wingking

ing karsaning ALLAH

lumantaran serataning Rasul Paulus

dumateng Pasamuan Korinta.

Kita

ing wekdal dalu samangke

kaanggep ugi kados dene

Pasamuan Korinta

ingkang kagungan raos pangerten

lan

 saged nimbang-nimbang

saben dhawuh pangandikaning ALLAH

 lan

 sawarnining piwucaling Rasul Paulus.

Wonten satunggal perangan

 ingkang kaseratan

ing Pepakon 10

 nggih menika perang kaping 2 :

Sira aja gawe sesembahanira reca ukir-ukiran

utawa

sadhengaha rerupaning sabarang

kang ana ing langit dhuwur

utawa

 ing bumi ngisor,

apadene ing banyu sangisore bumi.

Sira aja nganthi sujud

utawa 

ngabekti marang iku,

 awit dene INGSUN

YEHUWAH ALLAHira iki

ALLAH kang butajengan (= cemburu),

kang nuweni kaluputaning para bapa

 ing anak putu

turun ping telu

lan

 ping pat,

mungguh wong kang padha sengit

marang INGSUN;

sarta kang nandukake palimirma

marang ewon-ewone wong

kang padha tresna

 marang INGSUN

lan

netepi marang pepakeningSUN

(PANGENTASAN 20 :  4)

Sinten tiyang

ingkang saged nuwuhaken butajengan

 utawi

cemburining ALLAH ?

Nggih menika

tiyang ingkang nglampahi dhawuh pangandika

ananging ugi

taksih ngugemi gugon tuhon-

 kakiyatan sanesipun

ing sanjawining ALLAH kita

 ing ndalem ASMANING KRISTUS

 YESUS.

Langkung-langkung

 kanggening kita

ingkang sampun nampi

PANJENENGANipun

 KRISTUS

 kanthi wujud pambaptisan

 lan

ugi ingkang saestu nindakaken

 wujuding iman

kanthi ndherekaken kembul bujana suci

Ananging bilih

tindak laku kita

 ugi kados dene

 ingkang kaalaman dening Israel lami :

 Nyembah brahala-

Wong sabangsa iku padha lungguh,

mangan lan ngombe;

banjur padha ngadeg

 lan

 seneng-seneng jejogedan

 (ayat 7),

nindakaken laku cabul

(ayat 8);

 nyoba marang KRISTUS

 (ayat 9);

padha grundelan

(ayat 10)

Tumindak ingkang kados mekaten menika

badhe ndadosaken

tiwasing gesang kita

wonten ing ngarsaning ALLAH kita

YESUS;

Kita sami

dipun kersakaken supados

nindaken gesang kanthi jejeg-

ngati-ati

aja nganti tumiba

(ayat 13)

Kita

 sami mboten kepareng

 ndamel cemburuning ALLAH-

‘menduakan ALLAH dengan Roh lain’

Sumangga

kita ngimani satunggaling kakiyatan

 nggih menika

ALLAH kita

YESUS KRISTUS kemawon

 Lan

Kita enggal nilar

 sadaya kakiyatan sanes

Sumangga kita amini

 Kanggening kita

ingkang tansah anamung nyenyuwun

ing pandonga

dumateng KRISTUS YESUS kemawon

Kita amini

kita mesthi badhe nampeni kawilujengan

 sanes nampi katiwasan pepati.

Bilih kita nampeni pacoben (ayat 13)

menika kawastanan pacoben limrah-

 lan

sinten tiyang ingkang nindakaken sujud sumuyud

lan

 nindakaken katresnan dumateng ALLAH

 boten badhe nampi pacoben ?.

Bilih tiyang

langkung raket rumaket dumateng ALLAH

 lan

nilar allah sanes-

nilar kakiyata sanes-

 nilar roh-roh jahat

Jelas langkung ageng malih pacobenipun.

Ananging

ALLAH ingkang setya tuhu

paring dhawuh bilih mboten badhe negakaken

 saben tiyang pitados

ingkang satuhu

ing tumindak ngener

ing katresnaning ALLAH

Pacoben menika

mboten nglangkungi kakiyatan kita

 para pitados

Lah

bilih samangke

 kita mboten saestu ngener

katresnaning ALLAH

Sepindah malih

bilih samangke

 kita mboten saestu ngener

katresnaning ALLAH

punapa ALLAH badhe mbentengi gesang kita

 lan

ALLAH badhe nguwalaken kita

saking sadayaning karibedan

Punapa ALLAH

badhe ngluwari kita saking pepati ?

Punapa ALLAH

badhe negakaken

bilih kita mboten males

katresnaning ALLAH

Pepenget

 bab katresnaning ALLAH

 lumantaran pabujanan suci

ingkang saben-saben kita tumuti

sumangga

kita jawab

 kanthi tumindak ing kasetyan

 ingkang satuhu

Mesthi

GUSTI YESUS

langkung melasi gesang kita

AMIN

Votum/Berkat

Pamuji KIPAS  31 : 1, 2 Padha saosa puji sukur

Ndedonga :

Syukur

Nyuwun sih pangapunten

Undang Roh Kudus.

AMIN

Pembacaan Alkitab : 1 KORINTUS 10 : 14 - 22

Pamuji KIPAS 32  : 1, 2  Rahayu wong wedi asih    

KOTBAH …..

Pamuji KIPAS 104  :  1, 3 Ing wekdal badhe bujana suci  

Doa syafaat :

Memuji  KIPAS 128  : 1  Kinanthi ing GUSTI

Berkat