PADHA BUNGAHA

Ibadah Minggu

Minggu adven 3

11 Desember 2011

Tema wulanan :

Punapa kula taksih setya ?

Tema Pekan :

PADHA  BUNGAHA

Tujuan :

Mapag rawuhipun GUSTI YESUS

ngemu teges

bilih sadaya pambudidayaning gesang

kedah mujudaken kapitadosan kita

 dumatheng GUSTI

                                               Waosan I   : YESAYA  35 : 1 – 10

                                               Waosan II  : YAKOBUS 5 : 7 – 10

                                               Waosan III : Matius    11 : 2 – 11

Patunggilan

kita menika

 sami kaparingan wekdal

 ingkang sayektos

 miturut rancanganing ALLAH

Lha makaten

 suraosing manah batos kita

 ing sawekdal-wekdal

 bilih kita tansah katunggil dening ALLAH

 ing wekdal sae

 punapa ing wekdal mboten sae

Ingkang kita raosaken

 anamung pangaken

 bilih ALLAH menika sayektos

 anggenipun paring pangrimatan

 lan

 kakiyatan-

semangat-

daya tahan

 dumateng kita

Anggening kita gesang

 migesang

Rina wengi

 kita sami katunggilan dening ALLAH

rahina

 ngantos dumugi angsluping surya

 kita sami kaparingan kakiyatan

 bilih kita mitadosi

 kados makaten

 mesthi kita badhe tansah

 ngalami kabingahan

ing wekdal sisah

 utawi

 bingah

ing wekdal kesrakatan

 utawi

 ing kaluberan

Utawi

ing mangsa tanem

kita ingkang nggadahi pangangen-angen

 bilih kita badhe panen

Makaten ugi ing wekdalipun nanem

 kita nyambut damel

 kanthi saestu-estu

Lha

 bilih kita ngalami mangsa hama

 nyerang tetaneman kita

Kita kedah tetep semangat

 miwiti malih nenanem taneman enggal

 kanthi pangajeng-ajeng

anggen kita badhe panen

Kados makaten

 para sadherek

gegambaraning gesang

 ingkang kebak kabingahan

Kabingahan

mboten karaosaken

anamung ing wekdal bingah kemawon

 ananging

ugi ing wekdal sisah

Punapa ing wekdal sisah

kita lajeng katut keli-

kentir

ing kasisahan

Patunggilan

ingkang kinasihan

 dening GUSTI YESUS

Mboten wonten prekawis

ingkang lurus

 radin

lempang

ing sauruting kita migesang

Kados ing reraosan kita

ing minggu menika

Nabi YESAYA

nedahaken bilih

kawontenaning bangsa pilihan

 sami ngalami kalungkrahan

karana katindhes

 lan

kabucal dumateng nagari Babel

Ing kahanan ingkang makaten

 Nabi YESAYA

 kautus paring pawartos

bilih ALLAH

 badhe paring pangluwaran-

ALLAH badhe mbebasaken sabangsa

Awit

 GUSTI ALLAH

 badhe rawuh lan ngrawuhi

Nabi YESAYA

Paring pepenget :

 Sabangsa mboten kepareng
kecalan pangajeng-ajeng

tuwin

semangat dayaning gesang

Sabangsa

 sami kaatag

 supados dados pepadhang

tumprap tiyang sanes

GUSTI ALLAH

mboten ngersakaken

tumprap Nabi YESAYA dalasan sabangsa

pejah salebeting gesang

nglokro ing sauruting urip

utawi

 sami kecalan pangajeng-ajeng

ingkang dados sumbering ‘daya tahan’-

semangating gesang

GUSTI ALLAH

paring prasetya-

prajanji

ingkang saged nuwuhaken panglipuran

 lan

 pangajeng-ajeng

GUSTI ALLAH mboten nate absen

GUSTI ALLAH mboten nate sare

Lan

GUSTI ALLAH mboten nate nilar

 para kagunganipun

 ngantos ngraosaken

gesang piyambakan

 GUSTI ALLAH mboten nate nilar

 para kagunganipun

ngantos nemahi panandhang

GUSTI

 badhe rawuh

ing salebeting gesanging manungsa

 lan

rawuhing GUSTI menika

badhe mbekta ewah-ewahaning gesang

nggih menika

gesang ingkang saestu sae

Kados kahanan

 ingkang kagambaraken

 ara-ara samun lan palemahan mati

bakal bebungah,

surak-surak lan negedalaken-

metohaken sekar-

metohaken kembang

 ingkang kathah lan endah

ara-ara samun bakal metokake sumber

 lan sapiturutipun

Patunggilan

 ingkang kinasihan

 dening GUSTI YESUS

 Kita samangke

ugi kaparingan pawartos

bab gesang ndherek GUSTI YESUS

 kados ingkang kaseratan

 ing Kitab YAKOBUS

ingkang nedhahaken

bilih kita menika

kedah disabar lan mantep

 lan nyantosakake ati-

 batos

 kados dene tiyang tani

nengga mangsa rontog

lan

 nengga udan mangsa semi

Lha makaten

kita kedah sabar lan mantep

 ing piandel-

ing kapitadosan 

kados dene para Nabi

 kados dene Rama Ayub

ing sanalika ngalami karibedan,

 tetep langkung pitados

lan

disabar lan matep.

Berkah

 tuwin karahayon

 ingkang kaantos-antos-

kaajeng-ajeng

 punika badhe nuwuhaken kabingahan

Nggih

Kabingahan

 ingkang mboten gumantung kahanan

 sae punapa mboten sae

Tiyang pitados

tetep saged nindakaken kabingahan

 karana nggadahi piandel

bilih gesangipun menika

kawengku

ing astanipun GUSTI ALLAH

 ingkang kebak welas asih

 lan

ageng

ing sih palimirma

Patunggilan

Kita ugi sami nampeni cariyos

 bilih YOKANAN PAMBAPTIS

 menika

nate nampeni panandhang

 ngantos dumugi kakunjaran lir dumugi pinejahan

karana ‘ngritik’ lelampahaning Herodes

 kaliyan Herodias

Babar pisan

YOKANAN PAMBAPTIS

 mboten owah ginggsir

dumateng piandelipun

Piyambakipun

 saged dados conto

 kanggening tiyang pitados

ing bab babagan kasetyan

Sanalika

YOKANAN PAMBAPTIS

 ngutus utusan

 para sakhabatipun mareg sowan

 ing ngaarsanipun GUSTI YESUS

saperlu nerang-

nyuwun penjelasan

utawi neges

 sinten ta sejatosipun

GUSTI YESUS punika

Karana mireng-mireng

 sadaya bab pakaryaning GUSTI YESUS

ingkang sampun katindakaken

menika saestu condong

 kaliyan pangajeng-ajengipun

GUSTI YESUS

 ing wekdal punika

nyebat

YOKANAN saestunipun

dados Nabi lan Malaekating GUSTI

 ingkang saweg ngrumiyini tindake GUSTI YESUS

Dhawuh pangandikanipun GUSTI YESUS menika

 njangkepi dhawuh

ingkang kaseratan

ing kitab MALEAKHI 3 : 1 –

  Lah

 INGSUN nglampahake utusaningSUN,

SUN dhawuhi ngrata dalan

 ana ing ngarsaningSUN!

Kalawan dadakan

PANGERAN kang sira goleki iku

 bakal rawuh

ing padalemane!.

Lan Malaekate prasetyan

kang sira karepake iku

 rawuh-,

mangkono pangandikane SANG YEHUWAH

 GUSTIne sarwa dumadi

Samangke

 kados pundi patunggilan

kekasihing GUSTI YESUS

 anggen kita

sami metukaken GUSTI YESUS

ing gesang pigesang kita

 sadayanipun

punapa kanthi manah ingkang kebak kasetyan

 lan pangajeng-ajeng ? 

Sepindhah malih

 punapa kita taksih lan tansah setya ?

 Setya dumateng pakaryan lan timbalan kita

minangka tiyang pitados ?

Bilih kita saweg nampi panandhang

 lan

saweg ngadepi reribed

 punapa menika saged ndadosaken

 kabingahan kita sumingkir ?

Kakiyatan kita

lan

pangajeng-ajeng kita

saged tuwuh

lan

saged ndadosaken  tuwuhipun

 dayaning gesang

sanalika kita tansah ngengeti

 bilih GUSTI YESUS

mboten nate ABSEN

 ing salebeting panandhaging manungsa

 lan

GUSTI YESUS

 mboten nate SARE