Minggu, 26 Oktober 2008
PANGALEMBANA
KAGEM ALLAH
JABUR / MAZMUR 150 : 1 – 6
1-2
1. Halleluya !
Padha saosa puji
marang GUSTI ALLAH
ana ing pasucene !
Padha saosa puji
marang PANJENENGANe
ana ing cakrawalane kang santosa !
2. Padha saosa puji
marang PANJENENGANe
marga saka sakehing kakiyatane
padha saosa puji
marang PANJENENGANe
marga saka kaluhurane kang ngebat-ebati !
ALLAH saestu bingah
bilih sadherek ing pepanthan …
nilingaken dhawuh pangandika :
Rungokna sabda pangandika …
Saiba bungahing ALLAH
alalambaran ng sih piwlasing para sadherek
ngunggulaken gesang sampurna
Kitab Jabur / Mazmur 59: 5
Padha saosa puji
marang PANJENENGANe
kanthi kecer kang kumencring,
padha saosa puji
marang PANJENENGANe
kanthi kecer kang gumenjreng !
Patunggilan
ingkang kinasihan dening GUSTI YESUS
Ing dinten punika
kita sami sowan ing pangabekti
kanthi sesaosan syukur
awit ene ALLAH
ingkang kita puji sembah
sampun rawuh ing stengahing gesang kita
ing dinten-dintening kita badhe nglajengaken gesang
Gegayutan kaliyan bab punika
kita ing pangibadah samangke
ngaturi ALLAH ing kaluhuraning
ing samudayaning kaluhuran agung
Sesembahan kita samangke
mboten kendel ng dinten Minggu punika kemawon
Sesaosan syukur kita
ugi tetep badhe kita tindhakaken
ing gesang pigesangan kita salajengipun
Patunggilan
ingkang kinasihan dening GUSTI YESUS
kita punika abdi-abdining ALLAH
ALLAH ingkang sampun rawuh
nuweni kita
nimbali kita
samangkya kita wonten ing kawilujengan
ing margi tlatahing kaswargan,
Yerusalem enggal
Pujian kagem ALLAH
sae ing dinten samangke
ingkang kita pujekaken
Sae ing dinten kapengker
sampun kalampahan dening para umating ALLAH
Pakaryaning ALLAH
sae ing dinten punika
ngantos ing pungkasaning jaman
Sae kangge kaluhuraning ALLAH
sumangga kita alami sesarengan
saweg badhe lumampah
kebak kabingahan
saweg nampeni gesang langgeng
Patunggilan
awit dene ALLAH
sanes ALLAH ingkang tuwuh
saking kesadaraning manungsa
ingkang sampun ngalami gesang mubra-mubru
gesang kebak kabegjan karaharjan sacara tata lair
Patunggilan
ALLAH punika
ALLAH ingkang saweg rawuh makarya
ngentas sadaya bangsa lan manungsa
sadaya lumebeta
ing pepangkone paprentahaning ALLAH
Sae mbotening gesang kita
kita kedah ngaturi ALLAH
sadaya kaluhuran
ingkang sae
gesang sacara tata lair
nggih gesang sacara rohani
Tata lair kita sae
bilih ALLAH paring kasempatan
nindakaken sadaya kegiatan-kegiataning gesang
sacara jasmani
kacekapan sacara lair
kita sami kaparingan wekdal nyambut damel
ngraosaken kabingahan
ing salebeting nyambut damel
wekdal lan wektu kita alami
sampurna ing pakaryaning ALLAH
sadaya perkawis punika ngedab-edabi
bilih ALLAH paring berkah
mesthi luber ing samukawis prekawis
ananging bilih ALLAH ngeparengaken
kita ngalami kacingkrangan ing gesang
mboten wonten bab prekawis
ingkang mbingahaken kita
kedahipun kita
nggih taksih tetep saged
memuji lan ngluhuraken ALLAH
saestu
kita menika kapundhut
dening ALLAH
ing satengahing kita gesang
ing alam ndonya
sinten ingkang mitadosi ALLAH
mesthi nggih badhe katunggilan dening ALLAH
sinten ingkang pracaya
dumateng ALLAH
mesthi badhe kaparingan jawah
ing sacekapipun
kaparingan wohing gesang
ngedalaken woh kacekapan
ing dinten saben dintenipun
kacekapan punika kacekapaning ALLAH
ALLAH paring berkah
sacekapipun tumprap patunggilan
ingkang nyantosakaken gesangipun
ing margi peparinging ALLAH
ALLAH langkung sae
tinimbang allahing jagad
Allahing jagad
anamung ngegungaken kakiyataning gesang
mubra-mubru
kacekapan ndonya
ananging kapisahaken
dening pati salami-laminipun
Kaluhuran kagem ALLAH
Kaluhuran ingkang saestu
mujudaken kaluhuran ingkang sejatos
ing dinten-dinten samangke
ngantos ing pungkasaning jaman
kathah cariyos
para sadherek
wonten tiyang Kristen risak gesangipun
“hancur kehidupannya
karena kurang dapat memuliakan ALLAH
persembahan hidupnya
tidak sampai ke hadiratNYA”
Patunggilan
ingkang katresnanan dening GUSTI YESUS
kita samangke
tetep wonten kahanan
ingkang ajrih asih dumateng ALLAH
ajrih asih ateges
ajrih
ngabekti
tetep manut
ing samukawis prekawis
mboten nyebal ing pamikir
mboten nyebal ing tumindak
mboten nggayuh babagan jagad lan saisining
Menawi kita nyebal….
“Keberhasilan”ipun sanes peparing ALLAH
Pepujenipun ugi sanes kagem ALLAH
Janji gesang langgeng sampun uwal saking dhirinipun
ALLAH mboten wanuh
Janjinipun ALLAH
saestu sami kabucal
ing salebeting gesang
ing alam ndonya
jamaning sampun ringkih ing kapitadosan
gebyaring jagad sampun ndadosaken
ulaping urip ngudi jagad lan saisinipun
Kathah patunggilan
conto
gesang ingkang ringkih
ananging kakiyatanipun langgeng
saiba bingahing gesang
bilih nilar ndonya
nyambut damel ngudi pakaryaning ALLAH
Sae kita ingkang nembe nampi kanugrahan
kasaenaning gesang luber
ing samukawis barang jagad iku kabeh
karana ALLAH paring wekdal
nguji
nguji
lan nguji
sapinten katresnan lan ketaatan kita
dumateng ALLAH
Sae kita ing wekdal samangke
Patunggilan …
kita tansaha ngudi gesang
ingkang kebak pangalembana kagem ALLAH
Suraosing
isining kitab Jabur Mazmur
ayat 1 lan 2
1. Halleluya !
Padha saosa puji
marang GUSTI ALLAH
ana ing pasucene !
Padha saosa puji
marang PANJENENGANe
ana ing cakrawalane kang santosa !
2. Padha saosa puji
marang PANJENENGANe
marga saka sakehing kakiyatane
padha saosa puji
marang PANJENENGANe
marga saka kaluhurane kang ngebat-ebati !
Saiba bungahing gesang kita patunggilan
awit kita taksih tetep
ing pangrehing ALLAH
Sejatosipun
kita kedah ngisi gesang kita
ing dinten-dinten samangke
kanthi tetep ngenget
ngilingi
bilih kita sami sampun karawuhan dening ALLAH
katebus
kaslametaken
kaudi kaserep
ing wewangkoning ALLAH
Patunggilan
kita samangke kagendheng
sageda nindakaken pamuji saos syukur
tumpraping gesang ngalembana ALLAH
Kanthi slukat akawat sadasa
clempung lan unen-unen sanesipun
suling terbang lan kencer
Sumangga kita ungelaken kalasangkaning gesang kita
tansaha tetep
ing kabingahan asurak-surak
jejogedan
ngluhuraken ALLAH
Janji prasetyaning ALLAH
mboten ewah gingsir
ing dinten samangke
ngantos dumugeng delahan langgeng
Kitab Wahyu 15 : 2 - 4
2. Aku banjur weruh rerupan
kaya sagara kaca
campur geni,
sarta kaya wong-wong kang wis unggul
anggone perang karo kewan iku
dalah recane,
sarta cacah petungane jenenge,
padha ngadeg
ana ing pinggiring sagara kaca mau
Sarta iku padha nyekel clempunge ALLAH
3. Wong-wong iku
padha ngidungake kidunge Musa,
abdine ALLAH,
lan kidunge SANG CEMPE,
unine,
“Agung saha elok pakaryan PADUKA,
dhuh PANGERAN, ALLAH
ingkang MAHA KWAOS !
Adil saha leres
sadaya margi PADUKA,
dhuh RAJAnipun sadaya bangsa !
4.Dhuh PANGERAN,
sinten ingkang mboten ajrih,
saha mboten ngluhuraken asma PADUKA ?
Awit namung PADUKA piyambak
ingkang suci ;
amargi sakathahipun bangsa
sami badhe sowan
sarta nyembah sujud dhumateng PADUKA,
sabab sampun tetela
leresing sadaya pangadilan PADUKA”
Sumangga para sadherek
kita tansah netepi
sadaya karsa lan karsaning ALLAH
Setya tuhu kita
“ketaatan kita”
kauji ing wektu-wektu kita gesang
ing satengahing jagad
“pengenalan kita akan ALLAH”
rumaketing gesang kita
cumawisan …
dening ALLAH
ingkang tansah ngegaraken ASTAnipun
Patunggilan
ingkang katresnanan dening GUSTI YESUS
Katresnanipun ALLAH
saestu ngantos
dumugeng wekasaning jaman
Jaman ingkang enggal
nggih jaman ingkang langgeng
ALLAH saestu kagungan rencana
Jawabing ALLAH
ing bab ngluhuraken ASMAnipun
kagema anamung kagem ALLAH
lestantun selami-laminipun
ngantos dumugeng jaman ingkang enggal
Kratoning ALLAH
Isinipun
mujudaken paprentahan
ingkang ngluhuraken lan memuji-muji ALLAH
Sampurna pakaryanipun
Kaluhuran
kagem ALLAH
saestu mbingahaken ALLAH
Pacawisaning gesang kita
lumebeting riyadin undhuh-undhuh
“ hari raya persembahan kali ini”
Miruggan
“khusus”
kagem ALLAH
awit kita tansah rumaket
caket
kaliyan ALLAH
Bungah sisah
kita anamung ALLAH
ingkang kita puji
sesambetan kita
kaliyan jagad samangke
anamung sesambetan
makarya
nyambut damel
ing kebon anggure ALLAH
Saos syukuring gesang kita
nyumrambahi gesang langgeng
ing tembe
ALLAH rena penggalihipun
karana kita ngugemi
sadaya dhawuh pangandikanipun
AMIN
Votum
KPK 116 : 1, 2, 3 Pasrah sumarah mring GUSTI
Berkah
Introitus : YESAYA 61 : 10 – 11
KPAK 182 : 1 ( 3X) Riyadin saosan
Pandonga
KPK 146 : I, 2, 3 GUSTI YESUS PAMARTA
Pawartos Rahajeng : Rum 8 : 26 - 28
Pangaken Sadahadat 12
KPK 181 : 1, 2, 3 Saosan Syukur
Pamaosing Kitab Suci : Mazmur 150 : 1 – 6
Pandonga
KOTBAH…
KPK 188 : 1, 2, 3, 4 Kidung pisusung
Doa syafaat
Ngempalaken pamisungsung
KPK 187 : 1 -- Pisungsung jiwa raga
Waosan : Jabur 50 : 14 – 15
Pandonga
KPK 321 : 1, 2 Ngantya nagri sampurna
BERKAH
