PASRAHNA URIPMU ANA ING PANGREHINGSUN

Ibadah Kaum Bapak

Selasa, 24 Juli 2012

PASRAHNA  URIPMU 

ANA  ING PANGREHINGSUN

I PETRUS 5 : 7 – 11

Patunggilaning kaum bapak

 ing KRW4

 ingkang dipun tresnani dening GUSTI YESUS

Saiba kita menika

 sadaya kemawon

kebak ing karingkihan lan kebak ing kamomotaning jagad

 ananging kita

sami mengertosi

dumateng pundi salajengipun

 kita badhe mapag rawuhipun GUSTI YESUS

Bilih kita sowan

 ing ngarsanipun menika ateges sanes karana kita

 ingkang kagungan pikajeng

lan kagungan panembah

 lan pangabekti

Kita

sowan ing ngarsanipun

 ing sawekdal diparengaken lan dipun kanthi irid.

…..

‘Ngger uripmu cukup semene wae

 dosamu SUN apura’

Ing wekdal kita tumindak leres

lan

ngener dumateng  GUSTI YESUS;

GUSTI YESUS

saestu sampun paring sih pangapunten-

awit dene pracaya kita

 ingkang sami kita wujudaken

 ing tata tumindak laku

 menika ingkang sagung kasebat

 pitados lan ngayahi pakaryan tugas tanggel jawab

 ing ngarsaning ALLAH

Kathah tiyang

 ingkang katinimbalan mareg sowan

 ing ngarsanipun GUSTI YESUS

 rikala sanget anggenipun nindakaken peladosan

 lan

 ugi kathah tiyang

ingkang dipun timbali-

 ing kahanan ingkang mrihatosaken sacara tata lahir-

sacara tumindak lan pamikir

 ugi mboten nyondongi

ing karsanipun ALLAH

Patunggilan

ingkang kinasih ing dalem Asmanipun

 GUSTI YESUS

Saiba

kita mboten mangertosi

kados pundi ingkang dados karsanipun ALLAH

Kapan wancinipun kita badhe katinimbalan ?

Karana

GUSTI YESUS ingkang sampun paring pangrimatan

 Lan

sampun paring dhawuh piwucal  

saben-saben wekdal tansah ngresakaken dumateng kita

 ‘wontena saat teduh’-

Wontenna  wekdal hening

kanggening kita mireng dhawuh pangandikaning

 ROH INGKANG SUCI

kados dene toya wening

 ingkang nyegeraken

Pamaosing isining kitab suci

ndadosaken seger lan nyegeraken gesang kita

 para bapak

bilih ROHing ALLAH nenuntun kita

 ngantos dumugi ing pangertosan :

Bilih ALLAH

 ingkang manunggil ing gesang kita

rinten dalu

sampun paring sih pangapunten

 lan

 paring wekdal dumateng kita

 supados saged wangsul

 ing PANGREHIPUN.

Mesthi wonten wekdal kanggening kita

 saged sujud sumuyud lan pasrah

 lan

 ugi kita saged masrahaken gesang

ing pranathaning ALLAH

Wekdal menika

 saged omber lan ugi saged samukawis wekdal

kemawon

Ing ngriki

GUSTI ALLAH

 nggih GUSTI kita YESUS

rawuh

nunggil lan makarya

 paring pitulungan dumateng kita

Ing ayat waosan;

 Ayat 7

Sakabehing sumelangmu

pasrahna marang PANJENENGANe

kang ngopeni kowe kabeh

makaten patunggilan

ingkang katresnan dening GUSTI YESUS

 bilih kita menika saestu kapitulungan

 lan

 kaparingan pangrimatan dening GUSTI ALLAH

 kenging menapa kita taksih sumelang-

taksih kuwatir lan mboten saged pasrah dhiri ?

Menika karana kita mboten ngimani

sacara prayogi lan leres

kita taksih ngendelaken dhiri pribadhi kita

piyambak-piyambak

Kahanan ing jagad

 pancen ewet lan mbetahaken samukawis 

kakirangan lan karingkihan mesthi bakal tumama dumateng dhiri kita

Patunggilan

 bilih kita nresnani dumateng GUSTI kita

 YESUS

 mesthi

kita ngudi daya

 kepengin nindakaken

sadaya karsa lan karsanipun

Pundi ingkang pinanggih ewet

 kita nyuwun pitulungan

 lan

 pundi ing gampil kalampahan

 kita ugi nyuwun panuntun

supados sageda langkung trep lan leres

ing sadaya tumindak

 awit sanes pikajeng lan pamikir kita

ingkang ngrumiyini ‘kalampahana’

ing sadaya bab

GUSTI YESUS

 wontena ing ngajeng suku lampah kita

Ayat 8

Padha diwaras budi sarta diprayitna,

jalaran mungsuhmu Iblis iku

 klinteran kaya singa nggero-nggero

 ngupaya manungsa

kang kena dimangsa

Patunggilan

ingkang kinasihan

 abot pancen anggen kita lumampah

ing gesang

Awit

 rikala kita saestu badhe ngener

lan

saestu badhe nindakaken dhawuh pangandika

tamtunipun si Iblis

 sampun ngrumiyini kita

 awit kita

 kedah kakawonanken

Iblis

 saestu sanget sora

 anggenipun badhe ngrebahaken kita

Kita

ingkang sumuyud

 kita kadamel lumawanan

dumateng GUSTI kita

YESUS

Kita kedah mawas dhiri

 Lan

 ngati-ati

cik ben kita mangertosi

bilih ingkang saweg kita alami menika

sanes panuntuning ALLAH

Kita saestu mangertosi

 bilih si Iblis menika

 julig

 pinter ngreka daya

nyami rupa

pungkasanipun

kita mangertos

bilih tumindak kita lan anggen kita mikir

 klentu lan mboten leres

Ayat 9

Tanggulangana

 kalawan pracaya kang santosa,

jalaran kowe padha sumurup

 yen kabeh sadulurmu

kang ana ing saindenging jagad

iya padha ketaman

ing sangsara kaya mangkono

Patunggilan

Kita ngalami kahanan ingkang sangsara

Menika mesthi kemawon

….

awit kita

taksih gesang ing satengahing jagad

Lha

makaten karsanipun GUSTI YESUS

 supados saben-saben dhiri kita

 nandang kasangsaran

kita enggal ngaturi GUSTI YESUS

 supados tansah paring pitulungan

lan

paring pranathan

Kita

 kedahipun saged asaos syukur

 bilih kita

 ingkang saweg dumawah ing kahanan

 ingkang nyengsaraken

kita mboten badhe kalajeng-lajeng dumawah

ing wewengkoning si Iblis

Ayub kapitulungan

Rama Abraham kapitulungan

Prabu Dawud kapitulungan

Dosa

 ingkang njalari kita dumawah

ing kasangsaran ageng

 tansah kaparingan pangluwaran-

 dipun lebur

dening GUSTI kita

YESUS

Iba bingahipun kita

 ingkang ugi nandhang kangsangsaran

 kados dene YESUS GUSTI kita

ing wekdal PANJENENGANipun nindakaken peladosan

 ing satengahing jagad

Kita kaparingan unggul

Patunggilan

 ingkang kinasihan dening GUSTI YESUS

Ing ayat 10

Dene GUSTI ALLAH

sumbering sakehe sih rahmat,

kang wis nimbali kowe kabeh

ana ing SANG KRISTUS

 marang kamulyane kang langgeng,

 bakal nyampurnakake,

neguhake,

nyantosakake sarta ngukuhake kowe,

sawise kowe padha nandhang sangsara

 ing sawatara mangsa

Iman kapitadosan kita badhe

 kasantosakaken lan kateguhaken,

kasampurnakaken lan kakukuhaken

mila kasangsaran kita

 ing wekdal samangke

 ingkang saweg kita alami

 mboten badhe misahaken kita

kaliyan GUSTI ALLAH

ingkang samestu sampun karsa nimbali

 lan

karsa nebus dosa kita

 menika peparinge ALLAH

awujud sadaya kasaenan,

 kamulyan langgeng

ingkang asumber saking sih rahmating GUSTI ALLAH

Sumangga

kita ngudi lan tetep kiyat

nampi kasangsaran

ing satengahing gesang kita punika

 angger kita mboten katut keli

ing pangglituking si Iblis

Sabab

Iblis sampun kakawonaken dening ALLAH

sumangga

kita nyenyuwun dumateng ALLAH

supados kita sami ugi

saged kiyat lan saged ngawonaken

 si Iblis

Ayat 11

Iya PANJENENGANe iku

kang kagungan panguwaos langgeng

 salawas-lawase !

 Amin

Makaten kasunyatan

 ingkang sejatos

Kasunyatan

bilih ALLAH ingkang kagungan panguwaos

 sanes si Iblis

ingkang langkung pinunjul panguwaosipun

Mila

 kita kedah mboten klentu … ing slamining gesang

 ing jagad punika

 dumateng sinten kita kedahipun

 nyuwun pitulungan  lan kakiyatan

 sebab menika sadaya

 anjalari kita mangkenipun

 ing wekdal katinimbalan

 ing gesang langgeng

kita menika pinanggih gesang utawi pejah

Bilih ALLAH paring gesang langgeng

 mesthinipun si Iblis

ingkang kaukum

ugi badhe paring pejah

dumateng kita ing satengahing kalanggengan

 sebab kita sampun katampik dening ALLAH

 sebab kita salamining gesang ing jagad

sami mboten wanuh dumateng ALLAH

 makaten ALLAH

ugi mboten anepangi dumateng dhiri kita

 ing titi wancinipun

Menika upah ingkang kita tampi

 ing salamining gesang

samangsa wekdal

ing satengahing jagad

Sumangga

kita nggetuni lelampahan ingkang klentu

mumpung taksih kaparingan wekdal

 enggala kita wangsul malih

 ing pangrehing ALLAH

supados panguwasaning ALLAH

 enggal kaparingaken

nggih menika gesang ing kalanggengan

GUSTI YESUS

 ingkang amberkahi kita

AMIN

Berkat
Kipas 47 : 1  Dhuh nyawaku asumyaka

Pandonga

Maos Kitab suci : I PETRUS 5 : 7 – 11

Kipas 92 : 1  Sabdanipun ALLAH

Kotbah/Renungan ….

Kipas 131 : 1, 2    GUSTI mugi sampun langkung

Pandonga syafaat:

Ø  Bangsa lan nagari

Ø  Pasamuwan

Ø  Brayat

Ø  Sadherek kamomotan, sakit

Ø  Anak-anak

Ø  Brayating ingkang kagungan dalem

Ø  Amin

Kipas 128 : 1  Kinanthi ing GUSTI





<a href="http://www.mobilraya.com/?mitra=kangguruaust" rel="nofollow" >Mobil Bekas</a>

<a href="http://www.rumahraya.com/?mitra=kangguruaust" rel="nofollow" >Pasang Iklan Properti</a>

 <a href="http://www.ti.co.id/?mitra=kangguruaust" rel="nofollow" >Wirausaha Modal Kecil</a>