Sedaya makhluk ingkang gesang ing donya, sami titahipun GUSTI ALLAH

Ibadah Minggu

22 Januari 2012

Tema Wulanan :

Wulan Penciptaan

Tema Minggu :

Sedaya makhluk

ingkang gesang ing donya,

sami titahipun

GUSTI ALLAH

Tujuan :

Manungsa mboten mbenten-mbentenaken

 kawontenanipun kaliyan makhluk sanesipun

KOHELET  3 : 16 – 22

19

Amarga pepesthen tumrap manungsa iku

padha karo kang tumrap kewan,

sakaro-karone  padha tinemune;

kang siji mati, sijine iya mangkono.

Sakarone padha-padha ambekan,

lan manungsa iku ora ngluwihi kewan,

amargo samubarang kabeh iku

tanpa paedah.

Patunggilan

ingkang kinasihan dening GUSTI YESUS

Sugeng enjang lan sugeng mangabekti

ing Minggu

 ing Wulan

 ingkang kaparingan tema :

 Wulan Penciptaan

Ing Wulan penciptaan menika

 kita sami kaparingan wekdal

kangge ngraos-ngraosaken

dununging gesang kita

 ing satengahing jagad raya menika.

Sinten ta kita menika, manungsa ?

Manungsa ingkang kedahipun gesang kados pundi ?

Manungsa ingkang kedah manut miturut

 pikajenging dhiri pribadi,

kelompok

utawi

manut miturut

dumateng lingkungan

utawi

 dumateng ALLAH

 ingkang sampun nyiptakan dhiri kita

 lan

jagad raya punika ?

Patunggilan

ingkang kinasihan dening GUSTI YESUS

Jer

kita mboten badhe

Adi gang

 Adi gung

lan

 Adi guna

Makaten

para sadherek sapatunggilan

 ingkang dados karsanipun ‘ALLAH SANG PENCIPTA’-

GUSTI PURWANING DUMADI,

GUSTI ingkang nyipta samudaya

 titah tumitah ing jagad raya

ALLAH mirsani

kawontenan kita sami –

satunggal lan satunggalipun

 punapa ingkang sami kita tindakaken sareng-sareng

utawi ingkang

saweg kita pikir

 ing manah kita

 pribadhi mbaka-pribadhi

Pamikir,

manah lan panyuraos

isining batos

GUSTI ALLAH

kuwagang ngosikaken

dalah kados mekaten ugi

roh pepeteng

ugi tansah makarya

 ugi tansah ngosikaken manah,

 batos lan panggraita kita

 sami.

Anamung bentenipun

bilih ALLAH ngosikaken bab-bab

 ingkang kebak suh tinresnan

dumateng sesami titah-

dumateng sesami manungsa

 lan

 sato kewan

 lan dumateng

 tetaneman

 ngantos dumugi lingkungan

ingkang dados panyunggi-

ingkang dados ‘pendukung’ gesang kita.

Kita

mboten saged sewenang-wenang

 anggen kita

 nindakaken pigesangan,

Lha makaten

 ingkang kadhawuhan dening ALLAH

 lumantar wewaosan kita,

 kalawau .

Sabab ingkang kagungan panguwasa agung

 nggih menika GUSTI ALLAH

 PRIBADI

Tujuaning gesang kanicipta punika

 srana tindak lan tumindak

manuta lan ngener

 ing pakaryaning ALLAH.

Manungsa kacinipta

langkung ngungguli para titah sanesipun

 nggih menika

sato kewan lan tetaneman

Punapa,

 benten lan saminipun antawising manungsa

dalasan sato kewan utawi tetaneman

…

punika bab menapa para sadherek ?

(sami lan bentenipun)

Kekalihipun

 kaparingan nyawa utawi gesang-

kekalihipun

 sami nggadahi tanggel jawab

 ngebaki bumi

kanthi tangkar tumangkar-

kekalihipun

saged ngraosaken wontening gesang

ingkang kalairaken-

lair

kekalihipun

kaparingan wekdal 

ngudi gesang

mliginipun pados tetedan

lan

 ing pungkasaning gesang

ugi badhe nampeni ngajal-

pepejah-

 pati

kekalihipun

menika makhluk  ingkang cinipta

 saking lebu

lan

 bakal bali dadi lebu

Manungsa

dalasan titah sanesipun

 sami kaparingan ambegan

Lha,

bab makaten punika

 sami kaseratan ing kitab KOHELET

/ kitab PENGKOTBAH

bab 3 kalawau

ingkang dados

dasaring kita saged mangertosi

bilih kita manungsa

 dalasan sato kewan

ugi tetaneman

menika wonten ing ngarsanipun ALLAH

 sami palenggahanipun-

 ‘sama kedudukannya’

 kanthi nitik ayat 18 – 20.

Bilih manungsa

nggadahi prekawis-perkawis

 ingkang sami

kaliyan sato kewan

18

Osikku

ing sajroning ati mangkene :

“Ana dene para anaking manungsa,

iku

bakal kauji

 dening GUSTI ALLAH

 lan bakal kaparingan sumurup,

 menawa dheweke  kabeh iku

 lugune kewan

19

Amarga pepesthen tumrap manungsa iku

padha karo kang tumrap kewan,

sakaro-karone  padha tinemune;

kang siji mati, sijine iya mangkono.

Sakorone padha-padha ambekan,

lan manungsa iku ora ngluwihi kewan,

amargo samubarang kabeh iku

tanpa paedah.

20

Sakarone

marani panggonan

 kang padha;

sakarone

dumadi saka lebu

 lan sakarone

bali menyang ing lebu

Patunggilan

 kados makaten suraosing pangosiking manah

 batos kita

ingkang katuntunan

dening ROHING ALLAH

 ingkang sami makarya

 ing wekdal sawekdal

kados dene

juru panyerat kitab Kohelet menika

anggenipun nampeni dhedhawuhing ALLAH

lumantar pangosiking manahipun

Wosipun

Sami dados tunggil titah

ingkang mboten wonten bedanipun

Bilih kita menika sami

nggih mboten wonten bedanipun

kalih titah sanesipun

Ananging

 para sadherek

patunggilan ingkang kinasihan

 dening GUSTI YESUS

Kita manungsa menika

 sami kabentenaken dening ALLAH

kaliyan sato kewan

 mliginipun

Manungsa nggadahi-

sato kewan sak sisih mboten anggadahi

…

Manungsa anggadhahi pamikiran-

kapinteran-

 akal budi

 lan

roh kawicaksanan

karana menika

manungsa saged nguwaosi sadaya titah tumitah

 ingkang kagelar

 ing sajagad

Manungsa kepingin mabur

saged mikir lan ndamel pesawat-

 kapal mabur

makaten sadhengah perkawis pangudi-

 usaha

kanggening nglestantunaken alam jagad-

 bumi saisinipun

punika

Manungsa kaparingan mandat

manungsa sami saged tumindak

sae lan leres

Patunggilan

 ingkang kinasih

punapa kita mboten rumaos begja

sami katitahaken

dados makhluk

ingkang kasebatan manungsa ?

Sebab manungsa

 benten kaliyan sato kewan

…

Manungsa

ing sajroning gesang

 nggadahi tujuan pigesangan

sawiji-wiji tumindak

mesthi wonten motif utawi tujuanipun

Aku nglakoni iki kanggo … mangkene

lan sapiturutipun

Patunggilan

 ingkang kinasihan dening GUSTI YESUS

rikala kita katitahaken

 mandat lan tanggel jawab

 ingkang kaparingaken dumateng kita

 nggih menika

kita kedah tansah niti priksa-

 niti dhiri

sinten jati dhiri kita menika ?

Anamung lebu kemawon,

 karsa lan usaha punapa

 ingkang badhe kita alami sesarengan

manungsa

 titahipun ALLAH

supados gesang kita sami

langgeng

ing jagad punika

 kanthi tata lan sae

Patunggilan

 ingkang kinasihan

 dening GUSTI YESUS

Iba begjaning kita

 bilih kita sami saged mujudaken

 wujuding sesaosan syukur

Sabab

 kita mboten katitahaken

dados sato kewan

utawi

dados wujuding tetaneman

Makaten

 para sadherek

kita saestu

 kedah rumaos syukur

dumateng ALLAH

Rumaosa bingah

 awit sami kaparingan gesang

 ingkang kebak kamulyan

 lan

kasampurnan

tinimbang titah sanesipun

Kamulyan lan kasampurnan

peparinging ALLAH

ingkang saestu amuwujud

 ing gesanging manungsa

Manungsa katinimbalan

 dados rencang dameling ALLAH

 makarya

ngusahakaken

kamulyan lan kasampurnaning gesang

 ing alam ndonya menika

Sih katresnan

kedah katindakaken

ing gesang masyarakat

 ing gesang masamuwan

 lan

 ing gesang bebrayatan

Gesanging masyarakat

sabangsa nagari

punika dados tanggel jawab kita

 dikaya ngapaa kita

ndherek cawe-cawe

ndherek tumindak kasaenan

mboten ndherek ngrisak tatanan

lan pranatan

ingkang wonten

Sebab manungsa kanicipta

 kanthi tatanan lan pranataning ALLAH

 milanipun

kita ugi kaparingan kamulyan dan kasampurnan

anggenipun anggadhahi tujuan sageda ndherek

ing tatanan lan pranantaning gesang

ing padintenaning gesang

tahun lan mangsa

Pundi ingkang sae

 sampun katedahaken ing satengahing jagad

lah makaten conto lan tuladha

 kanggening kita samangke

 ing tatanan lan pranataning ALLAH

(Wangsul malih

 kita saged niti sadaya pakaryaning ALLAH

 kang nyipta lan niti pakaryaning GUSTI YESUS

 ingkang dados conto

 tuladha kita)

Tresna tinresnan

 dumateng sasedherek tunggal titah

makaten ugi kita kedah saged mujudaken

 katresnan tumrap lingkungan pigesangan kita

 tumrap titah sanesipun

Gesang mboten mentingaken dhiri pribadi

 ananging ngengeti sato kewan

tetaneman

ingkang ugi kanicipta

 dening ALLAH

Punapa kita saged gesang piyambakan

dene titah sanes sami tumpes ?

 Prayoginipun

kita ndherek cawe-cawe

 nglestantunaken jagad raya alam lan saisinipun

 sanajan sacara tata ekonomi

sejatosipun sanget andhap

 mboten ekonomis-

mboten nguntungaken

kedahipun tetep katindakaken

 karana menika

‘demi kelestarian lingkungan dan hidup kita bersama’-

kangge kelestatunan gesang

upahipun makaten

 bilih kita nindakaken

sadaya dhawuh pangandikanipun ALLAH

 kita mboten kedah etang-etangan

untung lan rugi

sebab menika

 pancen kedah katindakaken

 karana kapitadosan ndherek ing tatanan

pranataning ALLAH

upah ingkang kita tampi

ing mbenjang wekdalipun

 nggih menika

makuthaning gesang langgeng

Bilih kita engeti

 sinten dhiri kita

kabanding titah sanesipun

Lah

GUSTI ALLAH karsa ngenget-enget kita

sanadyan kita

sampun dumawah ing ndonya

ingkang kebak dosa

 ananging GUSTI YESUS rawuh

 ngrawuhi dhirining manungsa

 sedya nyawisi

 bab kawilujengan

 sacara tata kadonyan

 nggih makaten sacara tata

 kaswargan

Sumangga

 kita ndherek ing panyambut dameling ALLAH

nindakaken pakaryan-pakaryan

 lan

 nglajengaken pakaryan-pakaryaning ALLAH

 ing satengahing jagad samangke

 kita mboten badhe kakirangan

 sacara tatanan ekonomi

sebab

bab menika ingkang asring dados kekuatiran kita

para manungsa

Kita waos malih

ayat dhawuh

ing wiwitaning pangibadah :

4. Manawi kawula ningali langit pakaryanipun asta PADUKA, punapa dene rembulan saha lintang-lintang ingkang sampun PADUKA tata,

5. manungsa punika punapa ta, dene PADUKA engeti ?

Punapa ta anaking manungsa punika, dene PADUKA galih ?

6. Ewadene PADUKA dadosaken langkung andhap sakedhik katimbang kaliyan titah ing swarga, sarta PADUKA makuthani kalayan kaluhuran saha kamulyan

(JABUR / MASMUR  8  : 4 – 6)

Iba bingahing kita

 Patunggilan

 ingkang sampun mireng lan ngraosaken

dedhawuh pangandika

bab ‘penciptaan’

awit dene posisi kita

 saestu luhur

 wontening ngarsaning ALLAH

 bilih kita purun manut

tumandhang

 ndherek pakaryaning ALLAH

Kita benten

kaliyan titah sanesipun

 ananging kita

badhe sami

bilih kita tebih lan nebih

 saking JURU CIPTA

 nggih kang NYIPTA

 jagad lan saisinipun

Sugeng makarya

ndherekaken pakaryaning ALLAH

 kanthi ngengeti dununging-

 posisi kita menika

 wonten ing ngarsaning ALLAH

GUSTI amberkahi kita

AMIN

VOTUM : (Jumeneng)

Kipas 123 : 1, 3     NGLUHURAKEN ALLAH

Pasamuwan ingkang dipun tresnani GUSTI  YESUS

Sumangga kita sowan ing ngarsanipun ALLAH

kanthi manah tulus lan

kanthi kebak ing pangajeng-ajeng

anggen kita nampeni berkah peparingipun kanthi pangaken  :

Bilih ALLAH ingkang nitahaken langit lan bumi

inggih ingkang luber ing susetyanipun

tumrap sadaya pra titahipun

Sih rahmat lan Tentrem rahayu

ing patunggilaning SANG RAMA,

SANG PUTRA,

tuwin SANG ROH SUCI

tumraha ana ing gesang kita

sapasamuwan

AMIN

(pinarak)

2.    INTROITUS    :    JABUR / MASMUR  8  : 4 - 6

4. Manawi kawula ningali langit pakaryanipun asta PADUKA, punapa dene rembulan saha lintang-lintang ingkang sampun PADUKA tata,

5. manungsa punika punapa ta, dene PADUKA engeti ?

Punapa ta anaking manungsa punika, dene PADUKA galih ?

6. Ewadene PADUKA dadosaken langkung andhap sakedhik katimbang kaliyan titah ing swarga, sarta PADUKA makuthani kalayan kaluhuran saha kamulyan

Kipas 138 : 1, 8, 9      ALLAH  MAHA ASIH

3. PENGAKEN  DOSA …Matius  22 :  37 - 40

ndedonga :  …AMIN

4. Kipas 158 :  1      MANDENG ING GUSTI

5. PAWARTOS  RAHAJENG : ((   Jumeneng …

1 YOHANES  4 : 7 – 8

7. Para Sadulur kang kinasih, payo kita padha tresna-tinresnan, amarga katresnan iku asale saka ALLAH, lan saben wong kang nindakake katresnan, iku laire  saka ALLAH lan wanuh karo ALLAH

8. Sapa kang ora nindakake katresnan iki ora wanuh karo ALLAH, sabab ALLAH iku katresnan

Kipas 139 : 1            GUSTI  YESUS  RATU ADIL

6. PELADOSAN  FIRMAN :

PANDONGA:    … AMIN

PAMAOSING  KITAB SUCI :

KOHELET  / PENGKOTBAH 3 : 16 – 22

Iba begjanipun kita sapasamuwan

ingkang tansah  tresna dumateng ALLAH.

Tansah ngorong lan

kepengin mireng dhawuh-dhawuh pangandika tuwin

ngudi nindakaken ing gesang pigesangan kita sami

AMIN 3X …..

KOTBAH  … Sedaya makhluk ingkang gesang ing donya, sami titahipun GUSTI ALLAH

Kipas  36   : 1  RAHAYU KANG UTAMA LAKUNE (Mazmur 119)

7. PANGAKEN  IMAN  RASULI … pinarak ))

8.     PANDONGA  SYAFAAT :

     

9. PAMISUNGSUNG : Samangke wanci wekdalipun …

Dasar  : MAZMUR  69 :31-32

31.Asmaning ALLAH bakal dak puji kalawan kekidungan, sarta PANJENENGANe dakluhurake kanthi kidung panuwun

32.Ana ing paningaling ALLAH iku luwih becik katimbang sapi lanang, ngluwihi sapi lanang kang wus ana sungune lan atracak belah ; 

KIPAS  47  :  1 - … DHUH NYAWAKU ASUMYAKA (Masmur 146)

PANDONGA   :  ….

10.    PENGUTUSAN & BERKAT : (Jumeneng)

Kipas  128 : 1     KINANTHI ING GUSTI

Sumangga patunggilan kita mengkeraken papan pangibadah ,

Sumangga kita enget-enget bilih ALLAH sayektos mangertos ing  bab

sadaya prakawis ingkang saweg kita alami

kados dene ing dhawuh pangandika …….

“Pepakon-pepakon iku ora abot,

amarga kabeh kang lair saka ALLAH

iku ngalahake jagat,

yaiku pracaya kita.

Sapa ta kang ngalahkake jagad,

kajaba wong kang pracaya

menawa YESUS iku Putrane ALLAH ?

I YOHANES 4  :  3b - 5

(kita tampeni berkah) :

Sih rahmat lan tentrem rahayu

tumuruna ana ing gesang kita patunggilan

ing dinten samangke

ngantos dumugeng wekasaning jaman

Rahajeng tyang ingkang tansah

mangabekti dumateng ALLAH  SANG  RAMA,

SANG  PUTRA,

tuwin  SANG  ROH  SUCI

AMIN

KIPAS  98     PAMUJI BAKDA WINULANG