PANGUWAOS ING BUMI LAN ING SWARGA

Ibadah  Brayat

Kamis, 23 September 2010

panguwaos 

ing bumi

lan 

ing Swarga

LUKAS  9 : 7 – 9

8. Ana maneh kang kandha,

yen Elia ngatingal maneh, 

lan uga ana kang kandha, 

yen salah sijining nabi 

jaman kuna wis wungu

Patunggilan 

ingkang kinasihan dening GUSTI  YESUS. 

Saben-saben wekdal

 kita asring kabingungaken

dening bab prekawis

sinten ingkang sampun makarya

ing satengahing jagad lan

ingkang makarya 

sawarnining prekawis 

ing jagad punika. 

Bilih punika GUSTI YESUS 

kenging menapa GUSTI YESUS

  kasebatan ALLAH 

 sanes kasebat anamung dados nabi ?.

GUSTI YESUS 

kados-kadosa manungsa 

ingkang sampurna lan

ngungkuli para nabi.

Mboten klentu bilih

wonten ingkang nyebat  

GUSTI YESUS menika 

satunggaling nabi 

ingkang misuwur

kados dene nabi Elia utawi

nabi-nabi sanesipun

ingkang wungu malih 

Patunggilan

ingkang kinasihan dening GUSTI  YESUS. 

Lamun kita 

kaparingan reraosan 

 bab GUSTI YESUS 

 dalasan ratuning Israel 

Prabu Herodes.

Prabu Herodes 

ingkang mboten mitadosi 

bab prekawis GUSTI YESUS. 

Karana mekaten  

GUSTI YESUS

ingkang kapireng 

ing talinganing Prabu Herodes 

sami kasamekaken 

kados dene para nabi lan 

wonten ingkang paring sebatan

bilih GUSTI YESUS punika

salah satunggiling nabi; 

Wonten ingkang mastani 

Nabi Elia, 

Nabi Yokanan Pembabtis lan

nabi-nabi sanesipun. 

Sapindah malih 

Panguwaosing jagad,  

contonipun 

Prabu Herodes 

mboten saged mangertosi 

bab-bab ‘sinten’ 

ingkang kasebat dados ratuning Swarga.

 Kados makaten kita,

para sadherek sapatunggilan, 

asring kita kasebat

  dados panguwaosing jagad 

sanajan ta kita anamung 

nggadhahi sakedhik ‘kekuasaan’

antawisipun  

ing bab-bab gesang pigesangan 

dhiri kita piyambak lan 

ing bab-bab padamelan kita- 

tumujunipun kita 

nggadhahi keahlian-keahlian 

ingkang mumpuni

supados kita saged ‘bertahan’ 

ing pigesangan 

ing satengahing jagad.

Patunggilan 

ingkang kinasihan dening GUSTI  YESUS.  

Prabu Herodes  

ugi anggadhahi panguawaos 

ingkang ageng.

Saged nindhaken bab prekawis

punapa kemawon, 

contonipun 

Prabu Herodes 

saged nenikahan kaliyan Herodias

ingkang taksih satunggal sasedherek, 

karana Herodias menika 

semahing sadherekipun piyambak lan

taksih kathah malih tumindak piala

sanesipun. 

Lha, 

bab menika nate kaelingngaken 

dening nabi Yokanan pambabtis 

ingkang melehaken Sang Prabu 

dumugi ngantos sami kakunjara lan 

katigas gulunipun

(Lukas 3 : 19-20 ; 9 : 9).

 Patunggilan

ingkang kinasihan dening GUSTI  YESUS. 

Rawuhing GUSTI YESUS 

ing satengahing jagad 

ugi nate kaaniaya 

dening Prabu Herodes, 

kita enget, 

bilih Maria 

dalasan Yusuf 

nate ngungsekaken GUSTI YESUS 

ingkang saweg taksih bayi 

ngungsi dhateng Mesir 

karana Herodes

lumampahan ing rancangan 

mejahi bayi-bayi 

ingkang umuripun 

ing sangandhaping 2 tahun- 

tujunipun kangge mejahi bayi YESUS 

(Matius 2 : 13-15).

Sanjawi menika 

paraga Herodes sanesipun- 

Tumindaking Herodes  

ingkang samangke 

ugi kados makaten,

 

mboten wonten bedanipun 

kaliyan Herodes-Herodes  

sanesipun kalawau. 

Patunggilan 

ingkang kinasihan 

dening GUSTI  YESUS. 

Kita kaatag 

ing ngriki, 

bilih manungsa

kados dene

dhiri kita piyambak-piyambak 

saged ugi nindakaken rancangan gesang 

punapa kemawon 

ingkang sulaya

ing ngarsanipun ALLAH.

Asring tumindak kita 

lumawanan

kaliyan rancanganipun ALLAH 

ingkang maha kuwaos.

Bilih ALLAH ndhatengaken

bab kawilujenganing umat

kanthi ngutus para nabinipun

kosok wangsulipun,

kita manungsa- 

kados dene Prabu Herodes,

anamung ngugemi pikajenging manah

punapa malih 

ingkang dados karemenan

ing jagad

sami kaudi. 

GUSTI YESUS rawuh 

ing satengahing jagad 

nggih dados pepadhanging jagad 

kanthi paring pengenget- 

panggulawentahing gesang lan

paring margi kaleresan

ingkang anjog 

dhateng Kratoning Swarga-  

Kratoning ALLAH 

ingkang maha luhur. 

Patunggilan  

kita sami kaatag

supadosa mboten lumampahan 

kados dene Sang Prabu Herodes 

ing rikala GUSTI YESUS 

taksih alit 

utawi kados dene 

Herodes sanesipun 

rikala GUSTI YESUS 

ingkang sami saweg makarya.

Pramila 

kita sami kaengetaken

bilih panguwaosing jagad

 saged tumindak punapa kemawon 

ingkang saged nyulayani 

dumateng karsaning ALLAH.

Ananging bab Kratoning Swarga 

dalasan gesang miturut tatananing ALLAH 

ingkang sampun kaaturaken 

dening para nabining ALLAH

  sami mboten kagugu lan kaanggep

malahan sadaya

mboten kapirsanan- 

mboten kapireng lan 

mboten kamangertosan 

dening panguwaosing jagad. 

GUSTI YESUS 

ingkang sampun cetha- 

sampun jelas-jelas nidakaken 

bab-bab kaelokan-  

bab-bab kaswargan lan 

mujizat-mujizat

ingkang ngedap-edapi,

ananging para panguwaosing jagad 

mboten saged mangertosi

bilih karana nggadahi pamikiran :

‘kalau bukan hitam pastilah putih’ 

(bilih sanes cemeng nggih mesthi pethak).

Makaten sadherek sapatunggilan

kita menika

sami saged kaaranan 

kados dene panguwaosaing jagad 

ingkang asring-asring

mboten saged mbedakaken

pundi ingkang sae, 

pundi ingkang leres lan 

ugi pundi ingkang migunani 

kanggening gesang-pigesangan kita.

Kanthi andhap asoring manah 

bilih kita sami 

saged nindakaken karsa-karsaning ALLAH 

menika karana 

kita kaparingan kasagedan 

ingkang mijilipun

saking ngaluhur.

Kados dene para nabi 

ingkang sampun kaparingan kasagedan 

medar wangsit 

ing wekdal-wekdal saderengipun 

 GUSTI YESUS rawuh- 

miyos 

ing satengahing jagad.  

Para nabi 

sampun paring piwucal-  

pepenget lan 

panuntun 

kanggening gesang pigesanganipun

para umat.

Rahajeng kita para sadherek

  bilih kitha menika,

sampun lamun dangu anggenipun GUSTI 

mirsani kahananing gesang kita 

pribadi mbaka pribadi

punapa sampun sami celak 

utawi dereng nyelak

dumateng panguwaosing Swarga. 

Kita ingkang sami nebih 

utawi sampun tebih, 

anggen kita lumampahan.

  Sampun mboten nyumerepi malih 

bab-bab panguwasaning Swarga- 

dumateng GUSTI  YESUS kemawon, 

kita asring tumindak geguyonan-

kita lumampah miturut pikajeng dhiri kita

piyambak,

dalasan lumawanan 

dumateng sadaya rancanganipun ALLAH. 

Kangge menapa kita ngenget-engeti

bab prekawis 

ingkang dereng lumampahan, 

karana bab GUSTI  YESUS menika 

anamung kandeg

ing cariyos kemawon- 

mboten nyata 

kanggening gesang kita. 

Lha makaten, 

isining manahing Prabu Herodes

anggenipun anggadhahi pamikir

 bab GUSTI  YESUS-  

SANG PANGUWAOS 

Kratoning Swarga. 

Kita sapindhah malih

kaengetaken lan

kaatag 

supadosa saged nilar 

ing sadaya bab prekawis

ingkang ndadosaken kita

rumaket kaliyan panguwaosing jagad 

dalasan sadaya isinipun. 

Sasaged-sagedipun, 

kita sami tumuju

tunggal pamikir- 

tunggal paningal lan 

tunggal pangrungu

ing dhawuh pangandikaning ALLAH.

Sabab,

bab Dhawuh pangandika punika  

kados dene GUSTI  YESUS PRIBADI 

ingkang rawuh 

ing jamanipun Prabu-prabu Herodes

sapiturutipun. 

Prabu Herodes 

anamung ngendelaken kekuasaan dhirinipun 

pribadi. 

Sumangga, 

kita sami nggetuni lan

balik wangsul

mireng-mirengaken-

ningal-ningali lan

mikir-mikiraken 

bab Kratoning Swarga

punapa karsaning ALLAH, 

kanggening gesang kita samangke.  

GUSTI  YESUS amberkahi kita.  

AMIN