MANUT RANCANGANIPUN GUSTI

Ibadah Brayat

MANUT 

RANCANGANIPUN  

GUSTI 

MARKUS  11 : 20 - 25

Introitus

JABUR  149  : 4

4

Awit 
ALLAH tresna marang umaté, 
para wong kesrakat
bakal padha diganjar
keslametan.

Patunggilan

ingkang katresnanan 
dening GUSTI  YESUS

Sapindhah malih

kita sami nampi dhawuh 

bab pangatag :

Supadosa kita 

pitados lan mitadosi

GUSTI  YESUS sawethah

'utuh'

mboten mangro

mboten mangu-mangu

ananging wetah

gilig lan

utuh

bilih GUSTI  YESUS

ALLAH
 ingkang rawuh

nuweni kita

para umatipun

Katresnanipun GUSTI 

dumateng umat

nggih kita

para pitados

timbalaning GUSTI

 Rahayu 
para patunggilaning ALLAH

ing wekdal samangke 
taksih tetep lan 
netepi

sadaya dhawuh 
pangandikanipun

bilih punika 
kados dene wit anjir

ingkang ngedalaken woh

mesthi berkahing ALLAH

langkung luber malih

Bilih 
wit anjir punika

ingkang kagadang-gadang

kaarep-arep 
wohipun kathah-

gembel

ananging nyatanipun 
blas-

babar pisan

gundul

mboten medal wohipun

GUSTI  YESUS kala semanten 

kuciwa sanget 

wit anjir punika 
kasupatani-

dipun sumpahi

 dening GUSTI lan

dados garing

Makaten patunggilan

karana 
sih katresnaning ALLAH

kita kaparingan dhawuh

ingkang ngatag

dumateng kita-

'mendorong' 
gesang kita

supadosa dados 

saged 
nindakaken sadaya dhawuh

prentah

panuntuning ALLAH

mesthi kita

sami badhe saged 
ngedalaken woh

'hasil 
ingkang 'luar biasa' 


kathah prekawis

ingkang saestu 'ajaib' 

mboten kanalar

sarana iman kapitadosan

ingkang satuhu

bab prekawis 
ngedalaken woh lan

ngasilaken

punapa
 ingkang kakarsakaken

dening GUSTI  YESUS

mesthi 
badhe kalampahan-

badhe kadadosan

Patunggilan

Sinau 

saking 
bab wit anjir kalawau :

Petrus atur pitaken

dumateng GUSTI YESUS

kenging menapa
 bab wit anjir punika

kedahipun ngedalaken woh

Sabab saben tiyang

ingkang  nanem wit

mesthi ngajeng-ajeng wohipun

bilih anamung godong 
kemawon

mesthi 
murugaken kuciwaning manah

ingkang nggadah wit

kalawau

Patunggilan

Kita

ingkang  sampun sami atepangan 

kaliyan  GUSTI  YESUS

sampun sami pitados 

tunggil sapasedherekan

tunggil iman kapitadosan

 lan kaajeng-ajeng

dening ALLAH 
supadosa kita 
ugi 
sami saged ngedalaken woh

kados dene wit anjir

ingkang ngedalaken woh kathah

bilih kita 
mboten mekaten


kita badhe 
bakal kacabut saking siti
lan dados garing 
lan badhe kaobong

Pundi ingkang sae 
kanggening gesang kita ?


bilih kita sami
'berusaha' ngrimati 
iman kapitadosan 
peparinging ALLAH
punika ?


Kadosta pundi 
kawontenan kita
kita kedah
 ngaturaken saos syukur lan
panuwun


bilih ALLAH 
sampun paring dumateng kita
gesang lan
ngatag dumateng kita 


enggal-enggala 
saged ngrembaka 
tuwuhipun iman 
kapitadosan lan
ngedalaken woh


 'Barang' Darbek kita 
saged kawastanan
wit anjir
ingkang kebak woh lan
nengsemaken
 kanggening tyang kathah 
migunani 
kanggening tyang kathah 

Patunggilan

Sarana dhawuh punika
GUSTI YESUS 
nglajengaken
 anggenipun mucal
para murid
nggih bab ndedonga ...


Pandonga ingkang sae
ingkang badhe kaunjukaken
ing ngarsanipun ALLAH
nggih punika pandonga
ingkang leres ing motivasi
leres ing tumindakipun


Mboten anamung lamis-
'penuh kepura-puraan'-
ndedonga
anamung
 kangge pados pangalembana
saking tyang sanes

Sanes punika :


Iki lho....aku
bisa ndedonga apik

dhawa

tur apik tata basane

Kados pundi 
caranipun ndedonga

ugi anamung kepengin pamer

ing satengahing pakempalan

kanthi swara

ingkang sora lan

kebak kasombongan :

Aku lagi ndedonga

netepi dhawuhing ALLAH

kanthi makaten

tyang kathah ngacungi jempol :

Wong iki pancen mursid

jarene wong

Bab ndedonga

sanes 
kangge kapentingane dhiri

cik ben dipun wastani sae

dening tyang sanes

Ndedonga punika

kedahipun 
nggatosaken isining manah lan
ngunjukaken kahananing gesang
ing pisowanan
ing ngarsanipun GUSTI


Punapa manah kita 
resik
mboten  nggadhahi momotan
jejember lan nistha

Punapa kita
sampun paring sih pangapunten
dumateng tetiyang
ingkang nggadhahi kalepatan
dumateng kita


Kita 
kedah kebak sih piwelas lan
mbucal sadaya raos-raosing manah
dados reregeding manah



Bilih kita 
taksih mendhem
nggadahi 'dendam'
kepengin males 
dumateng tiyang sanes
sadherek kita
ingkang sampun tumindak lepat
dumateng kita-


dereng kita amputen
ngantos dumugi wekdal samangke


Punika 
ndadosaken pitakenan ....
punapa GUSTI YESUS
 badhe mireng
sadaya pandonga lan
badhe ngabulaken
 panyuwun kita ?


Awit 
anggen kita
saben-saben sowan
ing pandonga ...
kita ugi nyuwun sih pangapunten
sih piwelasing ALLAH


ananging kita
mboten melasi-
ngapunten
dumateng sadherek kita

Sumangga

Patunggilan

 Kita nata gesang kita malih
paring sih pangapunten
ingkang saestu


mbucal
 sadaya jejembering manah lan
najising gesang kita


Kanthi makaten
kita 
sampun nindakaken
punapa ingkang 
GUSTI YESUS
karsakaken


Pundi ingkang sae
kita tindakaken
dene 
ingkang awon
kita bucal


Samangkya kita
badhe saged ngraosaken
isining manah
ingkang kebak kabingahan


Berkah-berkahing ALLAH
ingkang 
kita suwun
kita unjukaken
mesthi 
punika migunani kanggening
gesang kita 
lan kanggening sadherek 
sanesipun

Sumangga

kita lajengaken
ing gesang  pigesangan padintenan
anggen kita tata-tata lan
mranata gesang
ingkang kebak kasaenan
kaliyan tiyang sanes


Kita sami saged ngraosaken
manah
 ingkang bingah 
sadangunipun
kita lumampah leres
trep 
kaliyan sadherek sanes


mboten wonten sesinggedan lan
'pembatas'


GUSTI YESUS
mesthi karenan
ing penggalihipun kados
ingkangkaserat ing ayat


JABUR- 
MAZMUR 149 : 4


Awit dene
PANGERAN  YEHUWAH 
karenan marang umate
para wong andhap asor
bakal dimakuthani 
kalawan karaharjan


Jer kita gesang
manut panuntun lan
ingkang punapa
GUSTI YESUS
 karsakaken
kanggenipun kita
para umat kagunganipun


Kados dene wit anjir 
kaarep-arep wohipun
Makaten ugi kita
kaajeng - ajeng wohing
 pandamel kita


anggen kita nindakaken
sadaya karsanipun ALLAH


Kita kedhah mangertosi
punapa 
karsanipun ALLAH
kanggening gesang kita :

Kita
kedhah langkung mangertosi 
malih
karsanipun ALLAH :


Lamun kita 
mboten badhe klentu
ing atur pandonga
Kita mangertosi
 karsanipun ALLAH


Kita nindakaken
 karsanipun ALLAH 


Mesthi 
kita saged nyenyuwun
punapa ingkang kita betahaken
manut miturut karsanipun ALLAH


Kita mboten anamung nyuwun
sadaya pepenginan lan
kabetahan kita
 manut miturut
kabetahan kita 
piyambak


Kita sami mangertosi
karsanipun ALLAH lan
ngudi nindakaken
ing gesang pigesangan
saben dintenipun


Makaten
kita unjukaken
 pandonga kita :


Supadosa 
kita saged 
ngedalaken
 wohing pigesangan
kanthi manah
ingkang resik
kita sowan
ing pandonga










AMIN