TANGGEL JAWAB DADOS PUTRANING GUSTI

Ibadah Keluarga

( Persiapan  Perjamuan  Kudus )

Kamis, 29 Juli 2010

Minggu, 1 Agustus 2010

TANGGEL   JAWAB 

DADOS

 PUTRANING  GUSTI

NEHEMYA  1 : 1 – 11

Patunggilan

ingkang kinasihan dening GUSTI  YESUS

Bilih Panjenengan mireng

utawi nate ngrembag

bab rehab gedung greja menika,

 menika sanes lantaran rekadayaning para pinisepuh

lan diakening Pasamuan

ananging sampun dados kabetahaning

‘gedung uatawi bangunan menika-

100 tahun sekedap malih kita pengeti

ngadeging gedung greja menika

 lah kahanan ingkang makaten

ndadosaken prihatining para sadherek

ingkang saben dinten

 tansah cawe-cawe

utawi gampilipun

ugi mangertosi

kados pundi

kroposing payon ing nginggil

lan sanes-sanesipun

Patunggilan

ingkang kinasihan dening GUSTI  YESUS

kita menika

saged kasamekaken kaliyan

 kahananing Nehemya

ing rikala semanten dumunung

 tebih saking negarinipun

Israel

 karana sadhengah prekawis

 GUSTI  ALLAH sampun sami

 ndawahaken bebendunipun

dumateng umat

ingkang saweg ngalami pambuangan punika

 sanajan samangke

 sebagian warganing nagari sampun wangsul

utawi sebagian

 pancen mboten katut kabucal.

Nehemya ing wekdal samanten

 dumunung kitha Susan

nampi pawartos

saking sadherek satunggil bangsa

lan kapitadosan :

naminipun

Hanani.

Hanani

paring pawartos

bilih balowarti

utawi gapuraning kitha Yerusalem

sampun sami jugrug

lan kadongkel ing pundi-pundi papan panggenan

jugruging gapura

dalasan tembok Yerusalem

makaten ugi rubuhing papan pangibadah

ndadosaken si Nehemya

 prihatos manahipun

Manahipun trenyuh

lan sisah

 karana kitha Yerusalem

mliginipun ‘pintu gerbang’-

gapura,

 balowarti-

bebenteng

dalasan papan pangibadah punika

 sami dados kaunggulaning iman

 dumateng ALLAH.

Sami dados titikaning piandel

lan kapitadosaning umat

dumateng ALLAHipun,

 karana jugrunging saperangan

bangunan – bangunan menika

sami ndadosaken

sumbering kakiyatan

lan daya gesanging Nehemya

dalasan sabangsa ical.

Nehemya ngrumaosi

 bilih kakiyatan

dalasan daya juang-

pahargyan-

‘kewibawaaning para umat’ menika

saking jejeging bangunan-bangunan kalawau.

Karana menika

Nehemya ngrumaosi

bilih ALLAH

ingkang sami ngukum Israel

karana mboten setya tuhu …

Lah samangke

saben tyang sabangsa

sami sampun ngrumaosi

kesalahan lan kakiranganipun gesang

wantun sowan mareg malih

lan nggetuni sadaya dosa kalepataning.

 Israel sampun rampung

anggenipun ngalami bebenduning ALLAH

sampun kawangsulaken malih

ing ‘tanah tumpah darahnya’.

Sebagian

utawi sacara bertahap

 warganing nagari

 sampun kawangsulaken malih

 dene sebagian

taksih wonten ing papan-papan tebih

kados Nehemya

ingkang dados juru minum-

juru unjukaning raja Artahsasta….

muwun-

nangis

kenging menapa kados makaten

kahananing bangunan-bangunan menika

 kahananipun mrihatosaken ?

Kanthi pitakenan

dumateng sadherekipun Hanani,

Nehemya sampun mangertos bab punika.

Bab jugruging bebeteng-

 gapuraning Yerusalem

dene ugi papan pangibadah

Nehemya mareg sowan

ing ngarsaning ALLAH

kanthi pandonga

sesaosan syukur

 lan ugi nggetuni sedaya dosa

 lan dosaning umat

dalasan dosaning pribadinipun

Nehemya matur

bilih ALLAH

 inggih ALLAH ingkang setya tuhu

 netepi sedaya bab prekawis

 lelampahaning bangsa

 sabangsa Israel

ing rikala jamaning nabi Musa

 ngantos ing wekdal samangke

sami sampun kalampahan

Ayat 8 – 9

8. PADUKA

mugi ngengetana

ing sabda PADUKA

 ingkang sampun PADUKA dhawuhaken

dhumateng abdi PADUKA

 Musa wau,

inggih punika :

 “Manawa sira padha laku nasar,

sira bakal padha SUNsebar

ana ing antarane para bangsa.

9. Nanging manawa

 padha mratobat marang INGSUN

sarta netepi lan nglakoni

ing pepakeningSUN,

sanadyan wong panunggalinira iku

padha anaa ing poncoting langit,

mesthi padha SUNKlumpukake

saka ing kono

 lan SUNgawa menyang

ing panggonan kang wus SUNpiji

 kanggo padununganing asmaningSUN”

Patunggilan

ingkang kinasihan dening GUSTI  YESUS

Rumaosing manah kita

 ugi sami kados dene Nehemya

ingkang saestu nggegilut

saben dhawuh pangandikanipun ALLAH,

nliti lan mriksani

sadaya bab kawontenaning gesang

 sabangsa-

sapatunggilan

bilih ALLAH sampun ngluwari

sadaya bab prekawis

ingkang tinempuh

dumateng brayat agung Israel.

 Israel kaparingan luwar

 saking paukuman

lan sami saged wangsul

dumateng tlatah nagarinipun

Nehemya

tetep ndendonga

kangge bangsanipun

 makaten ugi kangge paprentahaning

Prabu Artahsasta

 ing pundi Nehemya kapundut dados

abdinipun Sang Prabu punika.

Nehemya ndedonga

 kanggening Sang Prabu

supados manahipun paring piwelas

bab kawontenan ingkang kasanggi

 dening para umat

sabangsa Israel

Ayat 11

Dhuh GUSTI ALLAH,

 talingan PADUKA

mugi nilingna

 dhateng pandonganipun abdi PADUKA

saha pandonganipun para kawula PADUKA

 ingkang kanthi eklasing manah

 ngabekti dhateng asma PADUKA,

saha abdi PADUKA

mugi PADUKA angsalna damel

ing dinten punika

saha manggiha

 sihpiwelasipun tiyang punika”

Patunggilan

ingkang kinasihan dening GUSTI  YESUS

Rumaosing manah kita

 menapa kita sami kaliyan Nehemya

 ingkang saweg mbiyantoni

 bab pambangunaning balowarti –

bebenteng-

papan pangibadah

saha gapuraning Yerusalem

Nehemya ugi ndendonga

kangge usaha-usahanipun :

mugi ing dinten menika

nampeni berkah sih piwelasipun ALLAH

 lajeng dinten menika ugi

saged angsal damel

lan kaparingan sih piwelasing

Prabu  Artahsasta

Saestu para sadherek

bilih kita waos

ing bab salajengipun

 bab 2

Nehemya sami kautus

dening Sang Prabu Artahsasta

tindak Yerusalem

lan ugi nampeni

sawerning pambyatoning Sang Prabu Artahsasta

kangge pambangunaning Yerusalem

Iba bingahipun

 para sadherek

ing dinten pacawisan

lan ing sakedap malih

 kita ndherekaken Pambujanan Suci

 kita ngengeti

piwelasing ALLAH

Sih katresnaning ALLAH

lan ugi pambangun turuting

sadaya warganing pasamuwan

 ingkang saweg kabangun

ing iman lan kapitadosanipun

Ugi GUSTI mesthi

badhe paring margi

anggen kita badhe ngrehab

gedung pamujanan-

greja kita menika

mugi GUSTI

paring berkah

lumantar pandonga

saha panyambut damel kita sadaya

 ing dinten-dinten

 ingkang badhe kita alami

sesarengan

 kanthi makaten

 kita ugi saged urun pambyantu

 kanggening pambangunaning greja kita,

 sacara fisik

makaten malih ing tata cara

iman kapitadosan

kita nyenyuwun

 mugi GUSTI

mbangun gesang kita sadaya

 warganing Pasamuwan

Patunggilan

ingkang kinasihan dening GUSTI  YESUS

Pambangun turuting kita

dumateng ALLAH

saged katiti priksa

saking sapinten agenging kita

 ndherek makempal

 memuji

 ngluhuraken ALLAH

 ing saben-saben kegiatan pangibadah

lan sanes-sanesipun

Pambyantu

panyengkuyunging

para warganing Pasamuwan

sami dados wujuding pambangunan

sacara rohani

Sumangga kita kempalaken

sadaya daya,

dana,

pamikiran

 lan sanes-sanesipun

kagem pambangunaning papan pangibadah-

grejaning ALLAH

ing Suwaru

Mugi GUSTI

tansah rawuh paring dhawuh pangandika

lan nenuntun

lelampahaning kegiatan

 rehab gedung greja kita menika

Swawi kita ndherekaken

Bujana Suci Pembangunan GKJW

 kita ugi nyawisaken dhiri

 supadosa kita ugi sami s

aged anyengkuyung pambangunan

 ingkang saweg badhe katindakaken

Mugi GUSTI  ALLAH 

amberkahi kasanggupan

 lan panyengkuyung kita

 lumatar gesang, brayat lan sadapa pakaryan kita

Mugi kabangunna grejaning ALLAH ing GKJW

AMIN

1. Votum / Berkat
2. KPK 26  :  1, 2, 3   Puji panuwun

3. Pandonga
4. KPK  195  : 1, 2, 3   Isining Kitab Suci

Maos Kitab Suci :  NEHEMYA  1 : 1 – 11

KPK   137  : 1, 2  Kang langgeng sihe ALLAH

5. Kotbah ….

6. Doa syafaat

7. KPK   325  : 1   Kangen mring GUSTI
8. Berkat