Ndherek Gusti Yesus mbetahaken tekad wantun nilar sadaya pikajeng tuwin karemaning pribadi

Ibadah Minggu

28 Oktober 2012

Tema Bulanan  :

Rumaket dhateng Sang Kristus

 ateges

nguwalaken dhiri

saking jireting bandha donya

Tema Minggon :

Ndherek Gusti Yesus

 mbetahaken tekad

wantun nilar

sadaya pikajeng

tuwin karemaning pribadi

YEREMIA  31 : 7-9
IBRANI  5 : 1-6
MARKUS  10 : 46-52

Patunggilan ingkang kinasih

Yeremia 31: 8-9

 paring cariyos pepenget

 dumateng kita

bilih  Gusti Allah

saestu maha tresna lan kebak ing kawigatosan

 dhumateng umatipun.

Gusti Allah

kersa nimbali para umatipun

 saking papan-papan tebih

lan

saking sakehing padunungan

 ingkang pating marenca.

Sadaya umat kakempalaken dados satunggal,

 wonten umat

 ingkang saweg nandhang sangsara

lan

saweg nandhang sesakit.

Umat sami katuntunan lumampah

ing margi ingkang rata-

margi ingkang sekeca

Lumampahan dhateng negari

 ingkang loh jinawi,

 papan panggenan

 ingkang subur seger,

kathah lepen-lepenipun

 Gusti Allah

 saweg ngluwari umat

 saking kasangsaran lan kanisthan

umat kapindhah

 lumebet dhateng karaharjan lan kamulyan.

Patunggilan

ing Kitab Ibrani 5 : 1 - 6

Kita sami mangertosi lan ngimani

 bilih

Gusti Yesus

katetepaken dados

Imam Agung

ingkang jumeneng dados ‘pengantara ‘

antaraning Gusti Allah lan manungsa

Gusti Yesus

minangka dados sesulihing umat

 anggenipun umat nyaosaken kurban

 kangge panebusing dosa,

lan

anggenipun umat nyaosaken kurban

 nyuwun sih pangapunten

 lan

nyuwun berkahing Gusti Allah

 Gusti Yesus

 ingkang kita imani

lan

 ingkang kita pahami

Bilih GUSTI YESUS

mboten anamung nyaosaken kurban

 kados limrahipun para umat ,

ananging

Gusti Yesus piyambak

sampun nyaosaken sarira-

dhirinipun

dados “tumbal”-

 dados kurban

(kados ingkang kawartosaken

lan

kababaraken

ing Kitab IBRANI  9 : 14

…..

mendahane maneh rahe KRISTUS,

kang marga dening ROH

kang langgeng

wis ngurbanake sarirane piyambak

konjuk ing ALLAH

 minangka pisungsung kang tanpa cacad,

iku bakal nucekake rumangsaning ati kita

 saka panggawe kang tanpa guna,

 supaya kita

 bisa ngabekti marang ALLAH kang gesang ).

Lha samangke

kita badhe ngraos-ngraosaken

 isining Kitab

Markus 10 : 46 – 52

Umat Yahudi

 anggadahi riyadin Paskah

ingkang dados riyadin

 ingkang paling ageng

kabandhing riyadin sanesipun.

Saben-saben mapag dinten Paskah,

 umat Yahudi

saking pundi-pundi papan

sami dhateng

ngempal

ing kitha Yerusalem

Lare jaler

 ingkang sampun ngancik umur 12 taun

sami kaajak mangabekti

 ing Padaleman Suci

 ing Yerusalem.

Wonten margi ageng

Patunggilan …

ingkang kasebatan margi ziarah

karana margi menika

dipun langkungi para peziarah.

Margi

ingkang tebihipun 20-an km

saking Yerikho - Yerusalem

Sinten kemawon

 ingkang kasebatan para peziarah punika ?

Wonten para imam lan ahli Toret

ingkang dipun dherekaken

 dening tiyang golongan.

Wonten rombongan peziarah sanes

 ingkang asesarengan kaliyan Gusti Yesus

 cacahipun saestu kathah sanget;

ing antawisipun tiyang golongan lan para murid

Anggenipun lumampah

sinambi mireng piwucal

lan

nggatosaken kasektenipun-

 nggatosaken ‘kuasa-

panguasaning GUSTI YESUS,

 ingkang kadherekaken tindakipun

sinambi wawan rembag (diskusi)

ing sauruting margi.

Patunggilan

ingkang kinasihan

dening GUSTI YESUS

Bartimeus,

tiyang wuta

 ingkang ndheprok

 ing sapinggiring margi ageng

saben-saben taun

 nyadhong piwelasing para peziarah.

Bartimeus

sanajan kahananipun kados makaten

ugi mireng-

mangertosi

 yen Gusti Yesus

saweg tindak lumampah

badhe langkung

ing margi menika

Bartimeus kepingin saras,

 Bartimeus nguwuh-uwuh

 kanthi sora

 nyuwun kasarasaken.

Tamtu kemawon

 panguwuhipun Bartimeus

sanget ngganggu

 lelampahan lan konsentrasinipun

 tiyang kathah.

Pramila

Bartimeus dipun aruh-aruhi

aja bengak-bengok,

 Bartimeus kapurih mendel.

Patunggilan…

Sumangga

kita gatosaken

tigang waosan kita menika

 

Tetiga waosan kita punika

nedhahaken bilih Gusti Allah

tansah kagungan penggalih

 lan

 tansah tumindak

enggal paring pitulungan

dhumateng para kagunganipun.

Gusti Allah

karsa ngentas umat

 saking mawarni-warni reribet :

 Umat ingkang saweg kajajah ing tanah pangawulan;

Umat ingkang saweg wonten bebandaning dosa / pati (Ibrani);

Umat ingkang ugi saweg ing karibetan-

kados dene  Bartimeus

ingkang saweg nandhang kasekenganing badan

GUSTI ALLAH

karsa enggal paring pitulungan

Samangke

kados pundi

Patunggingan

ingkang katresnanan

dening GUSTI YESUS

Kedahipun

kita para manungsa

paring wangsulan-

 paring tanggapan

karana sampun nampeni pitulungan

 lan

 sampun nampeni sihe-

 katresnanipun Gusti ALLAH ?

Patunggilan 

Wonten gambaran nyata

bab pemimpin lan tokoh

Ing wekdal samangke

 ing jaman ingkang sampun sepuh menika;

 Kita sami saged ningali

Lan

 saged ngraos-ngraosaken

kawontenaning

para  “pejabat”

utawi

 tokoh publik

ingkang karubung

dening para wartawan,

Rikala para wartawan

sami kepingin kulak warta

 saking pejabat

utawi

saking tokoh punika.

 Upaminipun bab-bab ingkang kawigatosan

 ingkang gegayudan kaliyan prakawis

 ingkang saweg actual-

ingkang saweg kadadosan

ing satengahing masyarakat.

Kados dene kasus korupsi kelas kakap.

Mesti

para wartawan

sami ngaturaken pitakenan warni-warni

lan

kathah.

 Asring pitakenaning para wartawan

mboten kajawab

utawi

mboten angsal wangsulan katrangan

 ingkang maremaken.

 Wangsulan

utawi

katrangan

 ingkang katampi

sok-sok anamung sasekecanipun

si tokoh pemimpin

atur paring wangsulan-

 angger mangsuli.

Wosipun

 para wartawan

mboten nampeni kawigatosan

 lan

mboten nampi wangsulan

ingkang nglegakaken manah.

Benten kaliyan GUSTI YESUS

 SANG TOKOH

 ingkang gayeng

 anggenipun ngladosi

wawanrembag

dumateng tiyang sagolongan

 lan

sok sintena tiyang

ingkang sami pepanggihan

Gusti Yesus

sanget migatosaken pasambat-

 panguwuhipun Bartimeus.

Gusti Yesus kendel-

TUHAN YESUS berhenti.

Gusti Yesus ngarsakaken sesambetan

 ingkang langkung celak

 lan

ingkang langkung cetha

 kaliyan Bartimeus.

Gusti Yesus nimbali Bartimeus

  Gusti Yesus ndangu Bartimeus:

 “Karepmu dak kapakake?”.

Patunggilan…

 Gusti Yesus

 sanget migatosaken kapentinganipun tiyang sanes-

 kepentinganipun tiyang sakit;

GUSTI YESUS

Mboten mentingaken dhiri

pribadinipun piyambak.

Gusti Yesus mboten meksa-

 TUHAN YESUS tidak memaksakan kehendakNya,

Gusti Yesus ngaosi-

TUHAN YESUS menghormati pepinginanipun si wuta-

 Bartimeus

 Gusti Yesus kepingin mireng lan pirsa punapa ingkang sejatosipun dipun betahaken dening Bartimeus.

Gusti Yesus sampun mirsani

sikaping Bartimeus

 anggenipun mboten kendel-kendel

 nguwuh-uwuh

nyuwun pitulungan

dumateng Gusti Yesus,

Gusti Yesus pirsa

 bilih Bartimeus nggadhahi kapitadosan

ingkang teguh

bilih GUSTI YESUS

 kwaos lan karsa

paring kawaluyan

tumrap dhirinipun.

Panjawabing GUSTI YESUS:

“Pangandelmu kang mitulungi kowe.”

Bartimeus mboten nggadhahi raos “bimbang”

Utawi

 raos mangu-mangu,

Bartimeus kebak keyakinan.

Bartimeus enggal-enggal nanggapi

 timbalanipun Gusti Yesus.

Piwucal punapa

Para sadherek

Sapatunggilan

ingkang saged kita tampi 

kanggening gesang

adhedhasar pangertosan-pangertosan

ingkang gegayutan kaliyan Bartimeus ?

Bartimeus ngrumaosi

bilih sawetahing gesang

 dados kagunganipun Sang Kristus.

 Sacara tata lair-

secara fisik

sampun kasarasaken,

Bartimeus

mboten cacat malih,

mboten gadhah raos minder-

rendah diri malih,

mboten ngarep-arep malih

 tumrap piwelasing tiyang sanes-

 mboten ngemis,

 Sacara kasukman-

sacara karohanen

ugi rumaos

sampun kapitulungan rahayu,

 Bartimeus

 sampun dipun wilujengaken,

Sampun dipun apunten dosanipun.

Karana  

ing masyarakat Yahudi

nandhang sakit cacat-

contonipun wuta

Penyakit menika

 kaanggep wonten sesambetaning kaliyan dosa

.

Patunggilan ….

Bartimeus

saestu saged masrahaken sawetahing gesangipun

 dhumateng Sang Kristus

 Bartimeus ndherekaken

tindaking Sang Kristus.

Paseksenipun Kitab Markus :

“… wong picak mau bisa ndeleng,

banjur ndherekake tindake Gusti Yesus”.

Bartimeus boten nuruti pikajengipun piyambak,

Bartimeus ndherekaken tindak 

lan 

ngener ing karsanipun Gusti Yesus.

Ndherekaken Sang Kristus 

GUSTI YESUS

tumunten ndherekaken tindakipun Gusti Yesus. 

Bartimeus rumaos sampun nampi pitulungan

 ingkang ageng sanget saking Gusti Yesus.

Patunggilan

Kita sami lumebet gesang

ing perkembanganing jaman

ingkang sangsaya modern-

 maju,

ing jaman industrialisasi

lan

jaman kapitalisme.

Ing jaman manungsa sibuk migatosaken

 kabetahaning pribadi-

 individualisme (mentingaken dhiri).

Gesang kita samangke

sampun sami kecalan pirukun,

kecalan gotong royong,

 tulung tinulung

Patunggilan

sumangga kita sami

ndherekaken tindakipun

 Sang Kristus

 ing satengahing bangsa kita

Indonesia

 sumangga kita sami

 ngecakaken pangertosan-pangertosan

 bab nyalib kapentingan pribadi,

lan langkung migatosaken

 kapentinganing sesami

GUSTI YESUS

sampun langkung ngrumiyini

nindakaken peladosan

dumateng sesamining manungsa,

dene menapa kita dhereng ?

GUSTI YESUS mberkahi kita

AMIN