PISUNGSUNG SOKUR LAN KASETYAN

Ibadah Brayat

Kamis, 1 Nopember 2012

PISUNGSUNG 

SOKUR LAN KASETYAN

MAZMUR 50 : 1 – 14

14, Ngaturna panuwun

minangka kurban marang GUSTI ALLAH ,

 lan luwarana nadarmu

marang KANG MAHALUHUR !

Patunggilan

ingkang kinasihan dening GUSTI YESUS

 ing wekdal dinten Minggu mangke

 kita badhe sami ngawontenaken Riyadin Undhuh-undhuh; Nggih menika

riyadin pepenget bab kasetyaning ALLAH

anggenipun ALLAH sampun paring pangrimatan

 dumateng sadaya titah

 ing jagad

mliginipun dumateng kita

sadaya manungsa.

Ing pasamuwan agraris

kados dene pasamuwan kita menika.

Para leluhur kita-

GKJW

Ngudi nyondongi

punapa ingkang dados isining

reraosan kitab suci  

kanti ngawontenaken ibadah syukur

 kados dene

 ingkang sami kawucalaken

ing wiwitaning Kitab Torat Musa

Inggih menika bab-bab

 ingkang gegayutan kaliyan pepenget

 bilih sumbering berkat

 ingkang awujud panenan

punika asalipun saking ALLAH pribadi-

 sanes saking dewa-dewaning bangsa

 sanjawining Israel ;

Ugi sanes

karana kakiyatan dhiri pribadining Israel

 sabangsa

Jer

 GUSTI ALLAH PRIBADI kemawon

 ingkang sampun nitahaken langit lan bumi

saisinipun.

Lan GUSTI ALLAH PRIBADI

ingkang mranata mangsa

 ( Kita sami enget

cariyos Yusuf

sang pemimpi

 ing prastawa paceklik

 lan

kemakmuraning bangsa Mesir ?

 lan

cariyos Nabi Eliya

abdining ALLAH

 ingkang kuwagang nyetop

lan

 ndawahaken toya jawah

 ing bumi ?)

Patunggilan

ALLAH PRIBADI

ingkang kagungan panguwasa

 lan

ALLAH PRIBADI

 ingkang patut dipun mulyakaken

 dening pasamuwan-pasamuwan

ingkang saweg nampi pepanen

awujud rupi-rupi panenan.

Sumangga

kita klempakaken

 kados dene para leleluhur kita

ingkang sami nglempakaken

lan

sami ngunjukaken pamisungsung

hasiling panenan tegil,

sabin,

kebonan;

hasiling kewan ingon

utawi

 yatra-

barang hasiling dol tinuku

Mboten lepat bilih kita ingkang gesang

ing jaman samangke

ananging mboten nggadahi keprigelan-

keahlian ngolah siti-

 tanah pertanian

sebab kita sami dados

pegawai,

sebab kita sami dados

pedagang-

pengrajin lan sanes-sanesipun

kita taksih tetep katuntutan

supados kita saged maujudaken

sesaosan syukur dumateng ALLAH

sesembahaning dhiri kita

 kados ingkang kaseratan

 ing Kitab Mazmur 50 ayat 14.

 Ngaturna panuwun

minangka kurban marang GUSTI ALLAH ,

lan luwarana nadarmu

 marang KANG MAHALUHUR

Amsal 3 : 9 -10 

9.

PANGERAN YEHUWAH

 luhurna

kalawan bandhamu

lan

sarana kawitaning

 sakehing pametumu;

10.

 Temah lumbungmu

 bakal dikebaki nganti luber,

lan

pamipitanmu luber anggure

Patunggilan

ingkang kinasihan

 dening GUSTI YESUS

Prabu Dawud

 paring pepenget dumateng kita

 lumantar Bani Asaf

bilih kita

kados dene bangsa Israel

 kedah nindakaken pangibadah ingkang sejatos;

Ibadah mawi pamisungsung.

Tumindak pangibadah ingkang makaten

 kedah kaleksanan

kangge mujudake raos syukur

 lan

kangge ngengeti

 bilih ALLAH sampun nganti gesang kita-

sampun nganti gesanging Israel

Tumindak pamisungsung syukur

sanes tumindak nyuguh

sebab GUSTI ALLAH

 mboten mbetahaken tetedhan lan unjukan

 kados dene pemahaman lan praktek

pigesanganing bangsa sakiwa tengening Israel

Ananging

kanggening Israel

makaten ugi kanggening kita

menika mujudaken pamisungsung syukur,

pamisungsung korban,

nazar utawi janji iman

dumateng ALLAH MAHA LUHUR

Patunggilan

Pengalaman imaning Prabu Dawud

menika dipun lajengaken

dening Prabu Salomo,

kados ingkang kacontokaken

ing seratan Kitab Amsal

ingkang nembe kita waos kalawau

lan

ing seratan Amsal sanesipun

Miturut Prabu Salomo

sesaosan syukur

 ingkang katindakaken dening umat

menika

awujud nyata

saking pangertosan iman

 bab kayektosanipun GUSTI ALLAH

Pangertosan iman

bab kayektosanipun GUSTI ALLAH

mboten anamung kalampahan

 ing ibadah Bait Suci

ananging kedah ugi

kaleksanan lan katindakaken

 ing prilaku sadinten-dinten

Pangertosan iman

 kedah kawujudan

ing tata gesang perilaku

ingkang setya

Makaten ugi

 praktek bab pangertosan iman

 malah-malah langkung kedah saged

 kawujudaken ing tata gesang perilaku

 sanalika nampeni berkah panenan

ing mangsa panen

saking wiwitaning hasil panenan

Bangsa Israel

 lan makaten ugi kita

sami kaatag

supados sageda mulyakaken  GUSTI ALLAH

GUSTI ALLAH saestu

 mboten ngawrat-awrati kita

gegayutan kaliyan bab

pamisungsung menika

GUSTI ALLAH

anamung kepengin mirsani lan ndadar

sapinten giliging iman kita

Estunipun GUSTI ALLAH

 sampun nyawisi berkat-berkat

 matikel-tikel

kagem umatipun;

Langkung-langkung dumateng umat

 ingkang estu mujudaken kasetyan  

Menika

Bapak Ibu Sadherek patunggilan

dhawuhipun GUSTI ALLAH

ingkang tansah nyawisi berkah karahayon

Sumangga

kita berusaha mujudaken kualitas iman

kita piyambak-piyambak

 dumateng GUSTI ALLAH

ing pahargyan sesaosan syukur

riyadin undhuh-undhuh

GUSTI YESUS mberkahi kita

AMIN

1.      Votum / Berkat

2.      KJ 60  :  1   Hai makhluk alam semesta

3.      Pandonga

• Syukur …
• Pertobatan …
• Nyuwun kasucen lan kakiyatan … ROH SUCI

maos kitab suci

Amin

4.      Maos Kitab Suci :  :  Mazmur/Jabur 50 : 1 - 14

5. KJ 51  :  1, 2  Kitab suci hartaku

6.      Kotbah ….

7.      KJ 439  : 1  Bila topan k’ras melanda hidupmu

8.     Doa syafaat

·     

9.      KJ 406  : 1   Ya TUHAN bombing aku 

10. Berkat