Ibadah Brayat
Kamis, 21 April 2011
NGASORAKEN DIRI
NUWUHAKEN KAWILUJENGAN
YOKANAN 13 : 1 – 15
9
Unjuke Simon Petrus
marang PANJENENGANe,
“GUSTI,
sampun ngamungaken
suku kawula kemawon,
nanging dalah tangan
saha sirah kawula pisan”.
Rahajeng para sadherek
Sapatunggilan
Kita samangke
sami kakempaleken
ing patuwenan brayat
mliginipun
kita sami ugi cecawis
nyawisaken manah
lan batos kita
sauger kita
sami badhe sowan
mareg ing Pambujanan Suci
Patunggilan
ingkang kinasihan
rinten dalu
kita nindakaken pigesangan
sapinten kuciwanipun
anggen kita dereng saged
lumampah manut
ing pangrehing ALLAH
Patunggilan
samangke kita lereh sakedap,
‘ngaso
saumpami tyang nyamut damel’
kanthi menika
kita saged ningali
lan ngraosaken
sampun dumugi pundi
anggen kita nindakaken pakaryan
lan nindakaken pigesangan-migesangan
ndherek tut wingking
ing karsaning ALLAH
Saumpamia kita menika
dados pelados ing wande
…
Mesthi kemawon
kita njagi
tutur lan tumindak kita
sebab sadherek
ingkang saweg marung
kasebatan dados raja-
pelanggan itu raja….
Lan kita
dados pelados
Sakeca pancen
dados tyang ingkang dipun ladosi…
punapa kemawon
ingkang dipun karsakaken
mesthi badhe kaaturan-
badhe kaleksanan
Rahajeng kita
ugi ingkang sami dados
pelados-peladosing ALLAH
ing sauruting gesang migesangan menika
Kita sami njagi
tidak tanduk kita,
kita sami ngajeni
satunggal-satunggaling tyang
ingkang saweg sami sesambetan kaliyan kita,
kita rumaos klentu
bilih anamung ngeneraken
pepenginan dhiri kita pyambak
dalasan menika sadherek kita
ing satengahing migesangan kita
sami
sampun kita lirwakaken-
tidak kita perhatikan
Makaten para sadherek
kita saged ngraosaken
Iba luhuringALLAH
nindakaken leladosan
kanggening manungsa
ALLAH ingkang maha luhur
sami karsa tumurun
ing satengahing jagad.
GUSTI YESUS
nindakaken paladosan
mundhut posisi pelados
punapa kemawon
ingkang saweg kita betahaken
ing gesang migesangan kita
mesthi badhe kaparingaken,
ngantos saestu
kaaranan dados putraning ALLAH
utawi
ngantos kita kaaranan ‘anak RAJA’
GUSTI leladi
ngantos dumugi puputing nyawa
seda sinalib
nglabuhi gesanging manungsa
Patunggilan ingkang kinasih
Sumangga kita raosaken wewaosan
ingkang nembe kita tampeni
GUSTI YESUS
ngwijiki sukunipun para sahkabat 12
satunggal mbaka satunggal
ing pacawisan dinten riyadin Paskah
Dados para sadherek
ing adat agami Yahudi
nggih wonten pepengetan Riyadi Paskah;
Ngenget-enget
prastawa :
Anggenipun ALLAH
paring pangluwaran sabangsa
saking tanah pangawulan :
Mesir
ngantos lumebet ing tanah perjanjian–
Kanaan.
Sampun dados kabiasaan
kembul dedhaharan roti
tanpa ragi
lan ngunjuk anggur
sacara sesarengan
lan gilir gumantos
karana punika
ingkang kadhawuhaken
dening ALLAH
dumateng nabi Musa
sabangsa
kanthi manah cecawis
mangkat
nilar
tanah pangawulan-
Mesir…..
ngagem trumpah…
sabuk kaiket….
lan anyepeng teken;
Siap lumampah-
kaentasaken
saking pangawulan
Menika
wonten ing adat tatanan Yahudi
Ananging
ing Perjanjian Enggal
ing pundi GUSTI YESUS
sami ngladosi para sakhabat-
ngwijiki
suku-sukunipun para murid.
Tumindak makaten kalawau
Mboten wonten
ing adat Yahudi
lan ing agami Yahudi
ingkang wonten anamung
cecawis
enggal-enggal mangkat
lumampah
medal saking ‘tanah perbudakan’.
Patunggilan
sumangga kita raosaken
kenging menapa
ngantos dumugi semanten
anggenipun GUSTI YESUS
ngasoraken dhiri
anggenipun sami
nindakaken paladosan
dumateng para sakhabatipun ?
Patunggilan
wonten pamanggih
ingkang dereng trep
tumparing para sakhabat
kenging menapa GUSTI YESUS ngwisuhi
sukuning para sakabat
satunggal mbaka satunggal ?
Menika anamung gegambaran
lan nyariosaken
kedahing gesang lados linadosan.
Bilih GUSTI YESUS
ingkang sejatosipun ALLAH PRIBADI
ingkang sampun manjalma
ing bumi
(kita waos YOKANAN 1 : 1)
….
Ing kala purwa
SANG SABDA iku
wus ana,
dene SANG SABDA iku
ALLAH.
Lan ing ayat 5-8
saking kitab FILIPI 2
kacariosaken
anggenipun GUSTI ALLAH
ngesoraken dhiri
ngagem pamundhut dados
putraning tukang kayu
sanes dados
ratu ing satunggiling nagri….
.ngantos karsa seda sinalib
ing redi Golgota
anggenipun nenetepi karsaning-
rancananganipun GUSTI ALLAH
ingkang kagungan karsa
milujengaken manungsa
saking dosa
Salaku GURU lan GUSTI
kersa nguwijiki
sukunipun para sakhabat……
Punapa mboten kuwalik !,
bilih ingkang samesthinipun
para sakhabat
ingkang kedah nguwijiki
sampeyaning GUSTI YESUS
satunggal mbaka satunggal
minangka wujuding bekti
lan pakurmat ?!
FILIPI 2 : 5 – 8
5.
Ing sajroning anggonmu
padha urip bebarengan
padha kadunungan pangangen-angen
lan pangrasa
kang uga tinemu
ana ing KRISTUS YESUS
6.
kang sanadyan ngagem wujuding ALLAH,
ewadene anggone sadrajat
karo ALLAH
iku ora kaanggep
barang darbek kang
kudu dikekahi
7.
nanging malah wus nyuwungake
sarirane piyambak,
lan ngagem wujuding abdi,
sarta wus dadi
padha karo manungsa.
8.
Apamaneh
ing sajroning wujud manungsa iku
PANJENENGANe
wis ngasorake sarirane
lan sumuyud
nganti seda,
malah nganti seda
ana ing kayu salib
GUSTI lan ugi GURU
menika sebataning para sakhabat;
Petrus lan para sakhabat
sampun trep
lan pas
anggenipun nampeni penjelasan
bab prekawis
ngesorake dhiri,
ngantos …
nyuwun sadaya badanipun
kawijikan
dening GUSTInipun …
9
Unjuke Simon Petrus
marang PANJENENGANe,
“GUSTI,
sampun ngamungaken
suku kawula kemawon,
nanging dalah tangan
saha sirah kawula pisan”.
Sanajan
ing proses ewah-ewahan
pehaman enggal
mboten sadaya murid
saged nampeni
anggenipun GUSTI YESUS
tumindak makaten….
Ayat 8a :
Petrus munjuk PANJENENGANe,
“PADUKA
sampun ngantos mijiki
suku kawula
ing salami-laminipun”.
Ing proses bab kawilujengan
ingkang badhe katampi
dening para sakhabat
karana tumindak 'ngasoraken dhiri' punika
saged katampi.
Mila
Petrus nyuwun
mugi sadaya gesangipun
kasarira
dening GUSTI YESUS….
8b
“YESUS paring wangsulan,
pangandikane :
Menawa AKU
ora mijiki kowe,
kowe ora duwe panduman
ana ing AKU”
9
Unjuke Simon Petrus
marang PANJENENGAN,
“GUSTI,
sampun ngamungaken
suku kawula kemawon,
nanging dalah tangan
saha sirah kawula pisan”.
Saged makaten
pamanggihing para murid :
Sarirane GUSTI YESUS
ingkang sampun ngesoraken dhiri
kangge nglabeti dosa
panerak kita
sami
para pandherekipun.
Kados dene kita ugi
ngrumaosi
lan ngakeni
bilih GUSTI YESUS
sampun karsa ngwijiki gesang kita.
Sumangga
kita kados Petrus
ingkang nyuwun
mugi sadaya gesangipun
ugi karesikan
dening GUSTI YESUS….
“GUSTI,
sampun ngamungaken
suku kawula kemawon,
nanging dalah tangan
saha sirah kawula pisan”.
Kita ndherek aktif
lan pro aktif
mboten anamung nengga GUSTI YESUS
ingkang ngrawuhi kita
ananging kita
kedah purun masrahaken
sadaya dosa
kalepataning gesang kita….
Sumangga GUSTI
PADUKA resiki…..
PADUKA ngwujiki kawula
bab perangan punika ……
kita sebataken
dosa
kekakirangan kita.
Kita mareni ….
Kita lebari…..
Sebab
bab pamerdi
asring mboten kaumumaken
ing satengahing pasamuwan
ananging kita pribadi
ingkang nggadahi momotan
bab prekawis panerak angger-angering ALLAH
kita marek
masrahken
satunggal mbaka satunggaling….
Kita rampungi.
Makaten para sadherek
pacawisan
ingkang kita alami sesarengan
kados dene pacawisan
ing wiwitaning GUSTI YESUS
ngwijiki suku
sarirane
para sakhabat
Pacawisan menika
kedah ngemungaken ewah-ewahanin gesang
para sakhabating GUSTI,
kanthi manah ajrih,
suyud tumungkul
saha nggetuni
tumindak laku ….
Kita kawangsulaken
dados anak-anaking RAJA-
putra-putraning ALLAH
ingkang badhe nampeni
gesang kamulyan
Kita
ugi kaajak
sami lados-linadosan
kados dhawuhipun GUSTI YESUS
ing ayat 14-15 :
14
Dadi Manawa AKU iki
kang dadi GUSTI
lan GURUmu
wus mijiki sikilmu,
dadi kowe
iya padha wajib
wisuh-winisuhan sikil.
15
Awit
AKU wis maringi tuladha
marang kowe,
supaya kowe kabeh
uga nindakake
kaya kang wis daktindakake
marang kowe
Sumangga
para sadherek sapatunggilan
kita sami cecawis
lumantaran gesang kita
lan ugi lumantar pakaryan kita
saben dinten
GUSTI YESUS ngersakaken.
GUSTI YESUS mberkahi kita
AMIN
Pamuji KPK 38 : 1, 2
Haleluya Puji GUSTI
Berkah
Pamuji KPK 148 : 1, 2
Nyawisi papan mring GUSTI
Pandonga
Pamaosing Kitab Suci :
YOKANAN 13 : 1 – 15
RENUNGAN ….
Pamuji KPK 263 : 1, 2
Etuking karahayon
Pandonga Syafaat
Pamuji KPK 149 : 1
GUSTI Nuntun
Berkah
