ANAK PANGANTEN SEKALIAN
ALLAH PARING DHAWUH
DCN & ES
ALLAH rawuh ana ing gesang kita
paring dhawuh pangandika tumrap brayat kita
Semana sih katresnananing ALLAH
paring kesempatan tumrap kita
anggen kita nindakaken gesang
manut nurut ing sapangrehing ALLAH
Apa kang wus kaparingake
iku dadi berkah tumrap kita
Sisihan jodho kang sembada
iku sisihan ingkang ALLAH parengake kangge kita
Sapira gedhene sih katresnan kita marang sisihan kita
iku kudu ngluwihi somah marang wong tuwane
Awit ALLAH wus nyatunggalake
loro dadi siji,
Siji ing ngarsane ALLAH
Saderek ingkang katresnanan dening GUSTI YESUS
Kita sami sampun dados piranti
alating ALLAH
ing brayat enggal
kudune mung tansah ngunggulake
sih katresnaning ALLAH
ngluwihi samubarang kang ana ing jagad
Punjering urip santosa sacara lair batin
bilih gesang kita
anamung ana ing panuntuning ALLAH
Prayogi linuwuh iku ana
ing salawase urip kita bebrayatan
anggen kita padha ngudi
lan nindakake sapangrehing paprentahing
ALLAH
nunggil
nuntun
nuweni
brayat kita
Ayo kita pasrahake
samubarang kang ana ing satengahing brayat kita
Siji masalah,
rong masalah
telung prakara lan
papat prakara
dadi prasasat
kita mung lumaku ing panuntuning ALLAH
Sepisan,
pindho,
telu,
papat
kabeh ana ing pangrehing ALLAH
Sabanjure kita lumadi ing karsane ALLAH
Berkah kacukupan iku asale saka ALLAH
Poma kita kaparingan putra
iku dadi berkah
angger kita padha sengkut ngabekti dumateng ALLAH
punapa ingkang kita alami
aja mlaku dhewe
kudune sengkut ugi
pasrah ana ing pandonga
nyuwun panuntuning ALLAH
gedhe ciliking prakara ing brayat
ALLAH mesthi pirsa lan
kita ngaturi ALLAH
nuntuna kita sabrayat
ALLAH ingkang dadi punjering berkah
kabingahan lan kakuatan kita
Punjering kakiyatan iku
anamung ALLAH ingkang kita bekteni
ALLAH kita
ingkang kita suwuni
Nyenyuwuna ing samubarang prakara
mesthi kakiyatan lan kaentengan kang sumunar ing brayat kita
kakuatiran ora ana
Brayat kita mesthi ngalami kahanan ingkang ewet
ananging ALLAH mboten negakake
pramila aja nyingkur ALLAH
ing sadengah prakara ingkang saweg nempuh ing brayat kita
Tumindak adil lan bener miturut panuntuning ALLAH
kita sami ngadepi bebrayatan enggal lan
kanggo salawase urip
pegat nyawa kita
mungkasi katresnan kita
tumrap saderek sabrayat
sisihan kita
Iba bungahing katresnan
ingkang sejati
ana ing gesang patunggilan salawase
ing dina-dinane bebrayatan kita
ALLAH mberkahi kita
AMIN
