DINTENIPUN ALLAH

Ibadah Brayat 

Kamis, 21 Pebruari 2013

DINTENIPUN ALLAH

IBRANI 4 : 1 – 13

7b

PANJENENGANe

 nemtokake dina maneh,

yaiku  “dina iki”

Patunggilan

Rahajeng kita

ingkang sampun piniji lan kapilih

 dening ALLAH

 dados pandherekipun

Patunggilan

wonten perkawis pemilihan pejabat;

 Lah punapa menika pemilihan pejabat negari

 utawi

pejabat kemasyarakatan sanesipun

Mesti

 wonten panitia lan kepanitiaan

ingkang kajibahan mranata acara-

mranata tata cara pemilihan kalawau

Ing wiwitan mula

para calon sami kaparingan wekdal

anggenipun ngaturaken

visi- misi lan ugi janji-janji

dumateng para calon pemilih

Prasetyan lan janji

saged dados panimbang-nimbang

Lan ugi bab

punapa kemawon

 ingkang katindakaken dening panitia

ugi saged dados

 bahan panimbang-nimbang

Kita sadaya

umpamia dados pemilih

 mesti ugi badhe nimbang-nimbang

lajeng nyawisaken dhiri

anggenipun badhe milih

Anggenipun milih mangke

Mboten malih kanthi sikap ragu-ragu

kita ginakaken hak pilih

Patunggilan

kita sami ngraosaken

prajanji lan prasetyaning ALLAH

 ing dalem GUSTI YESUS

KRISTUS

Kita mesti

badhe langkung pitados lan mitadosi

Katinimbang

 dumateng calon-calon pemimpin

ingkang kedah kita pilih kalawau

Prasetyaning ALLAH

 mesti bakal kalampahan

Punapa kita taksih sami mrayogakaken

Lan

sami niteni

ing sadengah perkawis

 ing sauruting gesang

bab-bab kawilujengan,

kabingahan,

pangluwaran saking prahara

 lan bab-bab ingkang mesti

badhe kalampahan

 dumateng dhiri kita

 ing salajengipun kita migesang

bilih kita tetep nggatosaken dhawuh

pangandika lan tetep lumampah

ing margi peparinging ALLAH

Kita mesti mboten badhe ragu-ragu;

Menika Iman

Kita ginakaken hak pilih;

 Wonten margi

ingkang jembar lan sempit

Pundi ingkang kita raosaken

Lan

 pundi ingkang dados keputusan kita,

anggen kita badhe ndherek

 tut wingking

ing ngarsanipun ALLAH

Prajanjining ALLAH

 ing pungkasaning gesanging

 saben manungsa

 ingkang tansah mireng kabingahan

 inggih pawartosing Injiling ALLAH

 menika

Karana kabar kabingahan

 mboten kasideman

Kabar kabingahan

sampun kawartakaken lan kababar

 Kabingahan ingkang saestu

badhe lumampahan

 ing sauruting gesanging manungsa

Pranatan lan panguawaosing ALLAH

badhe pinunjul lan kabukten

 angger kita

purun mireng lan mbangun turut

Prajanjining ALLAH :

ALLAH badhe nyawisi papan palereman-

ALLAH badhe paring papan pakendelan

 ing salami-laminipun

papan ingkang kebak kabingahan

lan  

kebak kasukabingahan-

bebingah-bingah ingkang sanget

Ing Kratoning ALLAH-

Swarga

Patunggilan

Rinten dalu

 kita anamung saged sowan

lan

rinten dalu

 kita anamung saged pasrah

 ing ngarsaning ALLAH

Sebab prajanjining ALLAH :

 Bab dina iki

( ayat 7b

 

PANJENENGANe

nemtokake dina maneh,

yaiku  “dina iki” )

Dinten utawi wekdal

ingkang mboten kapirsanan

dening para manungsa

‘Hari TUHAN’-

 ‘Hari ini harinya TUHAN’

Bilih kita

 ing wekdal samangke

 taksih gesang

 karana ALLAH

taksih paring wekdal

Dinten-dintening GUSTI menika

 kedahipun

kita lampahi kanthi saos syukur

karana GUSTI YESUS

taksih paring wekdal dumateng kita

Dinten-dinten peparinging GUSTI

 kedahipun kangge nucekaken diri

kanthi sarana mireng,

 kanthi maos dhawuh-dhawuh pangandika

sebab dhawuh

 ingkang suci lan gesang

badhe nucekaken lan migesangaken kita

 angger kita pracaya lan nindakaken

dedhawuhipun ALLAH

ing saben-saben wektu peparinging ALLAH

Ndedonga

memuji

dadosa wujuding sesambetan kita

kaliyan GUSTI YESUS,

ALLAH kita-

tumindak laku

 ingkang ngecakaken

 saben dhawuh pangandikaning ALLAH

 Anjog dumugi

ing kepasrahan lan ketaatan total

 dumateng ALLAH

Taksih wonten wekdal

 kanggening kita

amrih kita sami saged nampeni

dinten palereman-

Kita taksih kaparingan wekdal

anggen kita sami saged lerem

 lan

ugi sami saged nampi manah

 ingkang kebak kasampurnaning ALLAH

Sadaya menika

 anamung saged katampi

lan

saged kalampahan

awit karana  GUSTI YESUS KRISTUS

saestu sanget anggenipun nresnani kita

lan

ALLAH ugi saestu paring kabar kabingahan

ingkang murugaken kita sami

saged tumuju

 ing palereman

 ing dintening ALLAH

‘Hari TUHAN’-

Dintening ALLAH

mboten kayektosan-

 mboten kasumurupan

dening kita

Wonten sadherek

ing tahun kapengker,

 wonten malih ing wulan-

minggu kepengker

 ugi kala wingi

 lan

ing kalawau siang kasarekaken

Saben tiyang

badhe manggihi dintening ALLAH

Iba bingahing kita

 ingkang sampun kacawisan papan palereman

 lan

kaparingan pitedhah bab-bab dinten palereman

 menika

GUSTI YESUS

nate paring dhawuh

MATIUS 22 : 14

Sabab akeh

 kang tinimbalan ,

nanging mung sathithik

kang pinilih

Sumangga

 kita lajengaken

anggen kita gesang mbangun turut,

anggen kita ngudi nindakaken karsanipun GUSTI,

 lan

anggen kita tansah saos syukur

 bilih kita taksih saged

‘byar melek-

wungu’

numapaki dinten enggal

 peparinging GUSTI-

kita saos syukur

sebab taksih kaparingan wekdal

 lan

saos syukur anggen kita saged nyumurupi

wontening dinten palereman

 bilih kapan wekdalipun

kita kita anamung nyumanggakaken

 dumateng GUSTI

….

Kita sami cecawis lan nata dhiri

Maos-

mireng-mirengaken isining Kitab Suci-

dedhawuhing ALLAH,

 memuji saos syukur

lan

nindakaken pandonga

Ingkang utami ing gesang kita

Ingkang kedah kita alami 

anamunga gesang sesarengan

 kaliyan GUSTI YESUS

Ingkang dingin-

 ingkang utami

kita kedah ngudi-

 kita usahakaken

Kita lumampah nglajengaken pigesangan

mboten miturut pangangen-angening dhiri

 lan

mboten manut ing kawontenaning jagad

awit kita

tansah paring papan lan wekdal

dumateng GUSTI YESUS

supadosa tansah nenuntun kita

sami

2 PETRUS 3 : 9 – 11

9

GUSTI ora mblénjani janji

sing diparingaké,

kaya penganggepé sawenèhing wong.

Satemené PANJENENGANé

nyabari kowé,

awit kersané

aja nganti ana wong

sing nemu karusakan,

malah kabèh wong

padha balia lan mratobata

saka dosa-dosané.

10

 Nanging

Dina rawuhé GUSTI YESUS

 kang kapindho kuwi

tekané kaya maling.

Ing Dina mau

 langit bakal sirna

 klawan swara gumuruh nggegirisi

lan

 pérang-pérangané jagad

bakal kobong,

semono uga bumi

 dalah saisiné

 kabèh bakal sirna.

11

 Sarèhné samubarang kabèh mau

 bakal kasirnakaké

kaya mengkono,

mulané

saiba enggonmu

 kudu ngudi

supaya uripmu

suci lan mursid.

Patunggilan

kita kedah ngudi gesang-

ngudi urip suci lan mursid-

saleh

GUSTI YESUS

lah ALLAH

mboten mblenjani janji-

kita saged ugemi

 mesti kita

 badhe nampi dinten palereman

 karana kasetyan kita

Makaten ugi

kanggening kita

 ingkang saestu ragu-ragu

lan

estu mboten mitadosi

dhawuh pangandikaning ALLAH

 nggih pamiwucaling GUSTI YESUS 

iba sungkawaning manah

 ing dinten pakendelan menika

GUSTI YESUS mberkahi kita

AMIN

1.      Votum / Berkat

2.      KPK 9 :  1, 3   PAMUJI KONJUK ALLAH MA AGUNG

3.      Pandonga

• Syukur …
• Pertobatan …
• Nyuwun kasucen lan kakiyatan … ROH SUCI

maos kitab suci

Amin

4.      Maos Kitab Suci :  :  IBRANI 4 : 1 – 13 (7b)

5. KPK 148  :  1, 3  NYAWISI PAPAN MRING GUSTI

6.      Kotbah ….

7.      KPK 326  : 1  KORI INGKANG MENGA

8.     Doa syafaat

·       

9.     Kipas 120  : 1   KUMANDEL MRING ALLAH 

10. Berkat