SATUNGGAL

Ibadah Brayat

Kamis, 18 Nopember 2010

SATUNGGAL

MATIUS  25 : 14 - 30

Patunggilan ingkang kinasihan

dening GUSTI  YESUS  KRISTUS

Miturut Panjenengan :

Angka satunggal punika

kathah punapa sakedhik ?

Kathah tyang ingkang mastani-

Nyebat

 bilih satunggal punika sakedhik.

Nanging wonten ingkang asung jawaban :

 gumantung angka satunggal punapa …..

Satunggal rupiah punika sakedhik

Satunggal yuta rupiah nggih kathah

Satunggal menit punika sakedhap

Satunggal dinten punika lumayan

Satunggal tahun punika wekdal ingkang lami.

Punapa malih menawi satunggal abad

Satunggal upa punapa maknanipun….

Satunggal piring sekul punika nembe kasebat neda

Satunggal wakul sekul punika kangge dedhaharan sakaluwarga

Sepisan malih… gumantung satunggal punapa ?

Ing waosan kita

wonten pasemonipun GUSTI  YESUS

 menggah talenta.

Pasemon punika

tamtu sampun kita pahami lan

sampun apal

nanging kepareng ing ngriki

 kita nliti waosan punika sapisan malih.

Wonten Bandara ingkang badhe kekesahan,

mila lajeng matur

nimbali Batur-baturipun.

Batur-batur punika

sami kaparingan bagean piyambak-piyambak :

Wonten ingkang nampi

 Gangsal talenta,

Kalih talenta lan

Satunggal talenta

Ingkang  nampi gangsal lan

 kalih talenta

sami nglampahaken bageanipun.

Temahan nuwuhaken hasil

gangsal lan kalih talenta

Nanging ingkang nampi satunggal talenta

mboten nglampahaken bageanipun

Malah mendem

ing salebeting siti

Sakonduripun Bendara

saking anggenipun kekesahan….

Para Batur

 paring atur

menggah panyambut damelipun

piyambak-piyambak

Ringkesing cariyos

Bandara punika

 bingah-bingah

 menggah panyambut damelipun

tumprap Batur

ingkang nampi gangsal lan

 kalih talenta

Ananging kosok wangsulipun

Bendara kalawau

 sanget duka

dumateng Batur ingkang mendem

satunggal talenanipun

ing salebeting siti

Patunggilan ingkang kinasihan

dening GUSTI  YESUS KRISTUS,

kenging menapa

Batur ingkang nampi gangsal lan

 kalih talenta

punika kapuji…..

nanging ingkang nampi satunggal talenta

 malah kaukum ?

Kita saged manggihaken wangsulan

utawi penafsiran :

1.       

Batur menika

anggadahi raos ajrih

utawi minder

ing manah

( ayat 24-25)

<< 24 Kang tampa satalenta

 uga banjur maju klawan matur :

Bendara,

 kula ngertos,

bilih panjenengan punika

tiyang kereng

 ingkang ngeneni

ing papan ingkang mboten

panjenengan sebari lan

 ngempal-ngempalaken

 saking papan

ingkang mboten panjenengan

 tanemi

25 Mila

kanthi ajrih,

 kula lajeng kesah

nyimpen talenta panjenengan

 ing salebeting siti.

 Lah mangga

 panjenengan tampeni

 punapa ingkang dados

 kagungan panjenengan ! >>

awit ningali bageanipun

paling alit

ing antawispun para Batur

sanesipun

2.       

Ingkang nampi 5 lan 2 talenta

sanget sregep

tapi ingkang nampi satunggal talenta

kesed

(ayat 26)

<< 26 Bendarane banjur mangsuli :

He,

abdi kang ala lan

 kesed,

kowe wis ngerti,

yen aku ngeneni

ing papan kang ora dak sebari lan

ngumpul-ngumpulake

 saka papan kang ora dak tanduri >>

Punapa leres

Patunggilan ….

bilih satunggal talenta menika alit ?

Pancen leres

bilih satunggal talenta

kawastanan sakedhik

bilih kabanding kaliyan 5 lan 2 talenta

Satunggal talenta

 menika sejatosipun

 sanes gunggung ingkang sakedhik

malah-malah

estunipun kathah sanget

Talenta punika

ukuran arta YUNANI

 ingkang paling inggil

Ing kamus Kitab Suci

 mawi Basa Indonesia

Kaserat

bilih satunggal talenta punika

sami kaliyan 6.000 dinar

Lan

1 dinar

sejatosipun saged kangge tumbas

satunggal menda

 miturut ing Ensiklopedia Alkitab

Ateges

 bilih anggadhahi arta satalenta

 kita menika

saged tumbas 6.000 menda

utawi saged ugi

 kanthi satunggal talenta

tumbas 200 lembu

Ketawispun anamung sakedhik-

alit

nanging estunipun kathah sanget

Mila ing ngriki

sageda sami

kita pahami

 alasanipun

kenging menapa Bandara

sanget anggenipun duka

rikala mangertosi

bilih artanipun anamung kapendem.

 Sabab Batur kalawau

 anamung mbanding-mbandingaken dirinipun

kaliyan kancanipun,

mila sanget rumaos alit

Ananging menawi jujur,

arta bageanipun punika

pranyata kathah sanget……

Patunggilan

ingkang kinasihan

 dening GUSTI  YESUS KRISTUS

Kita ugi asring

mbanding-mbandingaken dhiri lan

berkah

 ingkang kita tampi

kaliyan kawontenanipun tyang sanes

ingkang sami nampi rejeki

langkung kathah lan

dados minder-

rumaos asor

Kamangka bilih kita mbandingaken

kaliyan tyang sanes

ingkang nampi kahanan ‘ekonomi’-

berkah ingkang alit-

ing sangandhap kita…..

Kita sanget saged ngaturaken

 panuwun sokur

 ing ngarsanipun GUSTI ALLAH.

Menawi kita anamung minder….

kita mboten saged ningali potensi

peparingipun GUSTI ALLAH

 sanesipun

 ingkang taksih saged

 kita ginakaken

 kangge kahanan gesang kita,

 lingkungan kita lan

 pasamuwan kita

Patunggilan ….

Ing pambukaning pangabekti brayat

ing tahun 2011 punika

Swawi kita

 anggadhahi sikap

ingkang langkung OPTIMIS malih

bilih GUSTI ALLAH

sampun  paring berkah lan

 badhe paring berkah

ingkang cekap

kanggening gesang kita-

 malah-malah kepara luber

Sampun ngantos

 kita anggadhahi sikap

 kados dene

Batur ing waosan kalawau

 ingkang nggadhahi sikap

 PESIMIS

GUSTI ALLAH

sampun paring dumateng kita

kahanan gesang

ingkang sarwi jangkep

Mila

kita wujudaken pambanguning dhiri

pambanguning kaluwarga

pambangunan Lingkungan lan

pambangunaning pasamuwan

Kalebet ing tahun 2011 menika

Kita

 badhe miwiti rehab utawi

miwiting pembangunan

kanggening gedung greja kita

Swawi kita nyengkuyung

kanthi tenaga

Pikiran lan

Kanthi berkahing GUSTI ALLAH

ingkang sami sampun kita tampi

Sampun ngantos

 sepindhah malih

kita anggadhahi sikap ingkang

 PESIMIS

Patunggilan

 ingkang kinasihan

 dening GUSTI  YESUS

Sadaya angka-angka

 kawiwitan

mesthi saking angka satunggal lan

sadaya kamajengan

mesthi kawiwitan

dening satunggaling tumindhak

Satunggaling lintang

sampun nuntun para majusi

saged pinanggih BAYI  SUCI

Satunggal manungsa

 nggih menika kula lan

panjenengan sadaya

 sanget aji

 ing ngarsanipun GUSTI ALLAH.

Swawi kita miwiti

 nindakaken pambanguning greja

 kanthi satunggaling tekad lan

satunggal tindakan nyata

GUSTI ALLAH

 nggih GUSTI kita YESUS

 tansah lan sampun paring berkah

dumateng kita sami

AMIN

Pembukaan

VOTUM / Salam Berkat

KPK  16 : 1, 3

Puji mring ALLAH kang maha wisesa

DOA

 PEMBACAAN  ALKITAB : MATIUS  25 : 14 - 30

KPK  62  :  1, 3

Karahayoning Tyang Mursid

RENUNGAN .......

KPK  63  :  1, 2, 3

Berkahing ALLAH

DOA SYAFAAT

• 
  

KPK   149  : 1

GUSTI Nuntun

BERKAT