MUJUDAKEN KARSANING ALLAH SACARA NYATA

Ibadah Minggu

Minggu Biasa

Stola Putih

Suwaru, 26 Oktober 2014

09.00

http://alkitab.mobi/2/jawa/

Tema Wulanan    :

Kegagalan manungsa punika menapa wajar ?

Tema Mingguan:

MUJUDAKEN

 KARSANING  ALLAH

SACARA NYATA

 ( Mewujudkan kehendak ALLAH

secara nyata )  

MALEAKHI 2 : 1 - 9

1 TESALONIKA 2 : 8 -12

MATIUS 23 : 1 – 12

Pasamuwan

ingkang dipun tresnani

GUSTI YESUS

Wonten sadhengah pitakenan

dumateng dhiri kita

Ingkang sepisanan;

Menapa ingkang dados titikanipun

tiyang Kristen

 ing tindak-tandukipun?

Sumangga

dipun sebataken

 punapa kemawon

 titikaning tiyang Kristen

 menika

 …

(tresna, jujur, remen srawung, lsp )

Pitakenan ingkang kaping kalih;

Pundi ingkang Panjenengan remeni ?

Dados tiyang Kristen

ingkang sregep ‘ngibadah’

dhateng greja, 

dados aktifis greja,

nanging mboten ngetingalaken

tindak-tanduk

ingkang ngristeni.

Utawi

mboten aktif dhateng greja,

mboten dados aktifis greja

kados cariyos nyata menika:

Wonten satunggaling pawongan

 ingkang sengkut anggenipun nyambut damel

 ing sak margi-margi.

Sanajan anggene kerja sak dalan-dalan

Asiling panyambut damelipun  

telas sanalika kangge nyekapi kabutuhan sadinten

angger wareg kemawon,

Piyambakipun

mboten nate dhateng greja

duka kenging napa alesanipun.

Nanging

wonten kebiasaan

 ingkang saben-saben katindakaken :

Kalih dinten sepisan

semahipun mbekta 3 utawi 4 wungkus sekul

sekul-sekul menika

dipun paringaken

dhateng tiyang-tiyang ingkang mbetahaken-

terlantar 

(gelandhangan),

Sekul-sekul kalawau

dipun paringaken kanthi gratis. 

Kanthi pangucap:

“Kula sabrayat

mboten mentala

 karana

madharanipun tiyang-tiyang

sami kothong

ngantos pinten-pinten dinten.

 Krana kula

 mangertos lan saged ngraosaken

kados pundi sakitipun

yen dhong luwe;

wah menika…

namung sekul kemawon

kangge nggajel weteng”.

Makaten panjawabipun

sanalika dipun ajak wawanrembag

Pasamuwan

ingkang kinasihan

dening GUSTI YESUS

 Menika kalawau

estu cariyos nyata,

sanes cariyos kosong-

 goroh

Sumangga

dipun pilih-

 dipun cocogaken

kaliyan dhiri kita

piyambak-piyambak.

Kita remen ingkang pundi ?

Kados salah satunggaling aktifis greja

nanging patrapipun

 ing saben dintenipun

tebih saking katresnan.

Utawi

Kados dene salah satunggaling warga

ingkang mboten nate dhateng greja,

nanging saestu lan nyata

 anggenipun andum katresnan

dumateng sapepadha.

Kula lan panjenengan menika

 ingkang pundi

ing antawisipun gegambaran

ing nginggil kalawau ?

Utawi

Kekalih-kalihipun sami kita lampahi ?

Lho,

menawi mekaten

kados pundi pikajengipun….

“nyang greja …ora aktif,

 ning kelakuanne saben dina …

ya ora pati ketok katresnane…

dadi ora jelas…”

Ahhhh,

 ngapunten ingkang ageng,

patunggilan

kula namung maca rancangan kotbah Minggu

dinten samangke

ingkang jelas menika

 sanes Bapak, Ibu, Sedherek

 warganing pasamuwan GKJW Suwaru,

kados limrahipun

asring si pengkotbah mimbar

matur lan dedhawuh mekaten

Pasamuwan

 ingkang dipun tresnani dening GUSTI YESUS

 lan ingkang mbales katresnaning GUSTI YESUS

kanthi ngudi nindakaken tresna-tinresnan

dumateng sesami.

Pasamuwan

Ing Kitab Matius 23 : 2

Para Ahli Toret lan tiyang Farisi

sami nglenggahi kursi Musa

Para ahli Toret lan tiyang Farisi menika

 kalebet Majelising Agami

 ingkang kasebat Sanhedrin

Dados Majelising Agami ;

 Para Ahli Toret lan tiyang Farisi menika.

Nggadhahi  wewenang

 mranata sedaya kegiataning agami

bangsa Israel

Tiyang-tiyang menika

dhines ing kitha-kitha

ngemban jejibahan,

antawisipun:

mutusi saben tuwuh prekawis kriminal (piawon),

mutusi prakawis-prakawis pidana mirunggan,

utawi

ndamel lan ngedalaken serat

keputusan pangadilan

bab-bab kados

ingkang kasebataken ing ngajeng kalawau

bilih saben-saben

wonten prekawis-prekawis

ingkang perlu penyelesaian.

Tiyang-tiyang menika

nggadahi kalenggahan lan nglenggahi

kursi Musa,

 nanging sanes minang pantawis

 antawisipun umat kaliyan Allah

sepindah malih

sanajan tiyang-tiyang menika alenggah

 ing kursi Musa

kanthi mawarni-warni tugas lan kekuasaan

tiyang-tiyang menika

mboten lan sanes

dados perantara-

penghubung

antawising umat kaliyan ALLAH

kados nabi Musa-

lenggah ing kursi,

nanging mboten kados nabi Musa

 ingkang dados pantara-

 penghubung

antawising umat kaliyan ALLAH

Ahli Toret dalasan tiyang Farisi

 anamung nglenggahi kalenggahan

 ‘kursi’ pangadilan kemawon

ugi kagungan tugas

 nerangaken isining angger-anggering Toret

 kanthi rinci

lan

ugi nggadahi tugas

memulang tiyang kathah

 bab margi

kados pundi kedahipun ngecakaken

 angger-angger Toret menika

 tumrap prekawis-perkawis tartamtu.

 Mimbar kajeng

 ingkang dados jangkeping

 ‘kursi’ Musa,

Mimbar kajeng

kados ingkang dipun damel

dening nabi Ezra,

si ahli kitab

ingkang wasis-

pinter

 ing bab angger-angger Toreting Allah

 (NEHEMIA 8: 5

Imam Ezra,

ahli kitab iku,

 jumeneng ana ing mimbar kayu,

 kang ginawe

pancen kanggo keperluan iku.

Kang ngadeg

ana ing sisih tengene :

 Matica, Sema, Anaya, Uria,

 Hilkia lan Maaseya,

dene ing sisih kiwane :

Pedaya, Misael, Malkia, Hasum, Hasbadana,

Zakhariya lan mesulam)

Pasamuwan

Tiyang Farisi dalasan Ahli Toret menika

nggadahi kemampuan kados Ezra.

Wangsul malih bab Kursi Musa,

Musa kagungan kursi-kursi

ing saben kitha

(PARA RASUL 15: 21

Amargi

sampun wiwit jaman rumiyin

angger-anggeripun Musa punika

kaundhangaken

wonten ing saben kitha,

saha dumugi sapriki

ing saben dinten Sabat

 kawaos

wonten ing papan-papan pangibadah ).

Saking sanginggiling mimbar

utawi

kalenggahan

ingkang syah lan kinurmatan

mitrut tata hukum mangatus-atus taun

ngantos maewu-ewu tahun;

Tiyang-tiyang Farisi

makaten ugi

 para Ahli Taurat 

sami medharaken angger-anggering Toret

Cekak aosipun,

Pasamuwan

 ingkang dipun tresnani

GUSTI YESUS:

tiyang-tiyang menika

sanget nggadhahi  peran penting-

 nggadhahi panguasa agung

ing bab-bab samukawis

sadangunipun pangibadah umat

sami kaleksanan

 dhumateng Allah,

malah-malah sanget-sanget

anggenipun kasebat

sami nglenggahi kursi Musa

lan

 ingkang saweg sarwi jejibahan

minangka sesulihing GUSTI ALLAH

 anggenipun nindakaken pangadilan

tumrap prakaranipun umat.

Ing kasunyatanipun,

Pasamuwan.

Pigesanganipun tiyang-tiyang menika :

Para Ahli Toret 

makaten ugi tiyang-tiyang Farisi,

 tindak-tandukipun

 tebih saking luhuring tanggel jawab

kados ingkang sami

dipun ajeng-ajeng.

Tiyang-tiyang menika

 namung pados kondhanging asma

lan

kaunggulaning dhiri,

lan sanget sombong- ngongasaken dhiri

 ing babagan bab Toret.

Temahan Pasamuwan,

ing ayat 3

 saking Injil MATIUS;

Gusti Yesus

ngengetaken para murid:

“Mulané

padha lakonana lan padha turuten

sakèhing piwulangé.

 Nanging

kowé aja niru kelakuané,

awit wong kuwi

dhéwé

ora padha nglakoni

 apa sing padha diwulangaké.” 

Dados,

srana karana sikap manahipun

mboten trep,

pramila tidak-tandukipun

ugi mboten pinanggih leres,

mboten selaras

kaliyan piwulanging agami

ingkang dipun rasuk-

 ingkang dipun imani.

Sikap Relijiusitasipun

para Ahli Toret dalasan tiyang-tiyang Farisi

sanget dados pepalangipun dhiri

Pasamuwan

 ingkang katresnanan

dening GUSTI YESUS

Wonten satunggaling buku

 mawi judul : 

Sastra dan Religiusitas 

Buku ingkang dipun serat taun 1982

 lan

buku menika

pikantuk penghargaan dados

 buku nonfiksi terbaik 

 ing Indonesia,

panjenenganipun Romo Mangunwijaya

njlentrehaken bab relijiusitas.

Romo Mangunwijaya;

Nerangaken bilih relijiusitas menika

benten kaliyan agami.

Agama utawi religi

miturut Romo Mangunwijaya :

Nengenaken kelembagaan, 

Nengenaken tumindaking pangabekti

 dhumateng GUSTI ALLAH

 sacara resmi utawi sacara hokum-

 pranatan-pranatan

lan

 angger-angger

 sarta miturut tatanan-tatanan

lan

sadaya pedoman piwucal,

 lan makaten ugi

 ing tumindaking

pedoman-pedoman organisasi

tumrap gesanging bebrayan

ing gesanging masyarakat.

Pangertosan Religiusitas :

Langkung lebet lan wiyar malih

tinimbang pangertosan

saking tembung agami,

tumindaking religiusitas menika

 saking telenging kalbu,

‘dari dalam hati nurani’;

patrap pribadi

gegayutan kaliyan

raketing jiwa.

Langkung rumaos tinimbalan

kangge ngamalaken piwulanging agami.

Mangga Pasamuwan

kita sami ngengeti

sinten ta Romo Mangunwijaya punika,

ingkang kondang

lan

ingkang dados

salah satunggaling tokoh multidimensi.

Romo Mangun sebatan asma cekakipun.

Panjenenganipun Romo Mangun menika

 salah satunggiling

tokoh Greja Katolik,

gesangipun Romo Mangun

langkung kathah katelasaken

kagem kawula alit.

Panjenenganipun Romo Mangun,

Sanget anggenipun mbelani para warga

 kurban gusuran Waduk Kedungombo ing Jawi Tengah,

waduk utawi dam paling ageng

ing Jawi Tengah

 Romo Mangun

 dados inspirator atas pemukiman kumuh

 ing pinggiran Kali Code

Yogyakarta

Kados pundi

pemukiman kumuh

 ing pinggiran Kali Code

Yogyakarta menika kasulap-

 kabangun

  saged dados papan pemukiman

ingkang endah lan sehat.

Anggenipun Romo Mangun berjuang

ngentas masyarakat-

 kawula alit

sarwi tumindak ingkang prasaja

kados dene GUSTI YESUS pribadhi

 rikala makarya

ing satengahing umat manungsa,

 Romo Mangun;

Tanpa tandha-tandha

 utawi

tanpa ngagem agemanipun

 bilih panjenenganipun-

 Romo Mangun menika

sejatosipun pemimpin umat.

Wonten Filsafat utawi piwulang luhur

 mulangaken :

Bilih manungsa menika

 awujud badan-jiwa.

Jiwa

ingkang membentuk raga

utawi 

jiwa yang menubuh,

sanes raga utawi badan

 ingkang kaisi jiwa.

Wonten ing buku

seratan Romo Mangun

dipun terangaken :

 Bilih sedaya

 obah musiking raganipun manungsa,

saged dipun mangertosi kanthi lebet

 temahan badan wadhag menika sanget saged

ngetingalaken hakekat isining jiwanipun.

Leres pancen,

 bilih aktif  utawi sregep kemawon

 taksih kirang,

sregep utawi aktif kedahipun

dipun jangkepi

 kanthi laku ingkang selaras

kaliyan piwulang lan nilai-nilai kekristenan 

karana tumindak

 ingkang mekaten menika

minangka wujuding karohanen kita.

 Kaum Farisi lan para ahli Toret

ingkang aktif

 ing babagan agami,

 ananging miskin ing lampah,

malah saged dados watu ingkang nyandhungi

(Ayat 13 saking Kitab MATIUS 23 :

“Bilai kowe,

he, para ahli Toret lan para Farisi,

wong-wong lamis,

awit kowe nutup

lawang-lawang

KRATONing SWARGA

 tumprap wong,

 sebab kowe dhewe

ora mlebu

lan

wong-wong kangarep lumebu

 koq alang-alangi).

Makaten kangge kita

Sadaya

sa-Pasamuwan

bab religiusitas utawi karohanen kita

ugi saged badhe saya teguh

 menawi kita sami

purun dados umat

ingkang taat bergereja 

lumantar ibadah-ibadah

lan

 lumantar kegiatan-kegiatan greja

sanesipun.

Ingkang badhe dipun undhuh-

ingkang badhe raosaken

  ing salebeting gesang masamuwan

 nggih menika ngudi utawi mengusahakan

 kangge mbangun religiusitas utawi karohanen.

Pasamuwan

ingkang katresnanan

 dening GUSTI YESUS

Sadaya wujuding timbalan

tumrap dhiri kita

nggih menika

sampun ta ngantos kita sadaya mandheg

ing altar-

ing ngajenging mimbar

 lan

ing latar greja

kemawon,

Sumangga kita lajengaken

anggen kita sami nyebar

 kabar kabingahaning Injil

dhateng sedaya tiyang !.

 Sampun ngantos kendel

anggen kita  

nindakaken laku utami,

 kita kedah ndadosaken

Sabdanipun GUSTI YESUS

 minangka panuntun lampah utami kita.

 AMIN.

VOTUM : (Jumeneng)

Kipas    5 : 1, 3    ALLAH yeku pangen kula

Pasamuwan

Shalom!

Sumangga kita sami

 nindakaken pangibadah

kanthi kebak pangaken bilih

bumi saisining menika

katitahaken dening ALLAH

lan

wonten ing rancangan

sih katresnaning ALLAH

….

ALLAH ugi ingkang sampun miji-

milih kita saderenging jagad kanicipta

Sumangga kita tampeni

berkahing ALLAH :

Sih rahmat lan Tentrem rahayu

ing patunggilaning SANG RAMA,

SANG PUTRA,

tuwin SANG ROH SUCI

tumraha ana ing gesang kita

sapasamuwan

AMIN

2.    INTROITUS    :    YAKOBUS 1 : 7

7.

Wong kang mangkono iku

 aja duwe pangira,

 menawa bakal nampa apa-apa

saka GUSTI

8.

Jalaran wong kang atine mangro

 ora bakal tentrem uripe

(kaaturan pinarak)

3. Kipas   146 : 1, 2 Asmaning GUSTI kula

 4. PENGAKEN  DOSA …

Matius  22 :  37 – 40

37

PANJENENGANé ngandika marang wong iku, 

"Sira  tresnaa marang PANGERAN ALLAHira

kalawan gumolonging atinira,

lan gumolonging nyawanira,

sarta gumolonging budinira.

38

Yaiku angger-angger

kang gedhé lan luhur dhéwé.

39

Déné angger-angger kang kapindho

 kang padha karo iku,

yaiku: 

Sira tresnaa

 ing sapepadhanira

dikaya marang awakira dhéwé.

40

Kabèh isining Torèt lan kitabé para nabi

iku gumantung

 ing angger-angger loro mau."

Srana Dhawuh Pangandika kalawau:

Kanggening kita sapasamuwan

mboten wonten malih alesan

 mboten sagah

utawi

mboten sanggup nindakaken katresnan

miturut katresnan peparinging GUST YESUS

ingkang sampun sami kita tampi

sesarengan

Sumangga

kita samangke sami anelangsani

Kados pundi

anggen kita dereng saged nindakaken

 sadaya piwucal

 bab katresnan menika

Sumangga

 kita ugi sami ngakeni

 sadaya dosa panerak kita-

 Dosa-dosa turunan

Awit

 kita dereng kanthi estu saged

dereng saged tresna

 dumateng sesami kita

 lan

dumateng para titah sanesipun

Sumangga

kita ngakeni …

Sumangga

kita aturaken lumantar

 pandonga

…

(DHUH ALLAH SANG RAMA…

kawula aturaken sadaya kalepatan dosa kawula…

.

Amin)

5. Kipas  139 : 1, 4  GUSTI YESUS RATU ADIL

6. PAWARTOS  RAHAJENG : ((   Jumeneng …

1YOHANES 5 : 9 – 12

9.

Kita padha nganggep marang paseksine manungsa,

ananging paseksine ALLAH iku

 ngluwihi.

Amarga iki paseksine ALLAH,

yaiku :

PANJENENGANe anekseni

mungguhing KANG PUTRA

10.

Sing sapa pracaya marang PUTRAning ALLAH,

iku nduweni paseksi mangkono

ana ing batine;

Sing sapa ora pracaya marang ALLAH,

 iku nganggep

PANJENENGANe dora,

amarga ora ngandel

marang paseksi kang wis kaparingake ALLAH

 mungguhing KANG PUTRA

11.

Anadene paseksine

yaiku :

ALLAH wus maringake urip

 kang langgeng,

 lan urip iku

 dumunung ana ing

SANG PUTRA

12.

Sapa kang nduweni SANG PUTRA ,

 iku nduweni urip.

Sapa kang ora nduweni PUTRAning ALLAH,

iku ora nduweni urip

7.  Kipas  67 : 1  Cariyosipun GUSTI YESUS

8. PELADOSAN  FIRMAN :

PANDONGA:    … AMIN

PAMAOSING  KITAB SUCI :

Bacaan I   :  MALEAKHI 2 : 1 – 9 // Lagu : Amin- amin- amin

Bacaan II  :  1 TESALONIKA 2 : 8 -12 // Lagu : Amin- amin- amin

Bacaan III :  MATIUS 23 : 1 – 12 // Lagu : Amin- amin- amin

Iba begjanipun kita sapasamuwan

ingkang tansah  tresna dumateng ALLAH.

Tansah ngorong lan

kepengin mireng dhawuh-dhawuh pangandika tuwin

ngudi nindakaken ing gesang pigesangan kita sami

AMIN 3X …..

KOTBAH  …MUJUDAKEN  KARSANING  ALLAH

SACARA NYATA

 ( Mewujudkan kehendak ALLAH secara nyata )

9.     PENGAKEN  IMAN  RASULI … pinarak ))

10.     PAMISUNGSUNG : Samangke wanci wekdalipun …

Dasar  : MAZMUR  69 : 31

12. Kipas  :  138 : 1 - … ALLAH ma asih

11.       PANDONGA  SYAFAAT :

  

13.    PENGUTUSAN & BERKAT : (Jumeneng)

Sumangga patunggilan kita sami pengkeraken papan pangibadah menika,

Sumangga kita lajengaken sadaya pangertosan kita :

Kipas:  144 : 1, 3    Kumandel mring ALLAH

(kita tampeni berkah) :

Sih rahmat lan tentrem rahayu

tumuruna ana ing gesang kita patunggilan

ing dinten samangke

ngantos dumugeng wekasaning jaman

Rahajeng tyang ingkang tansah

mangabekti dumateng ALLAH  SANG  RAMA,

SANG  PUTRA,

tuwin  SANG  ROH  SUCI

AMIN

Haleluya 3X

AMIN