Ibadah Minggu
14 Nopember 2010
Tema Wulanan :
GUSTI ALLAH etuking pangajeng-ajenging gesang
Tujuan :
Supados warganing pasamuwan mangertos
ing bab tandha-tandha dinten rawuhipun GUSTI
ingkang kalih lan saged cumawis
PRATANDHA
ING BAB DINTEN
INGKANG PUNGKASAN
I. MALEAKHI 4 : 1 – 2a
Lah dina iku
bakal teka,
murub kaya pawon;
Sakehe wong
kang sembrono lan
sarupane wong
kang nglakoni duraka
bakal pada dadi kaya dami,
sarta dina kang teka iku
bakal ngobong wong-wong mau, -
mangkono pangandikane SANG YEHUWAH
GUSTIne sarwa dumadi, -
nganti ora ngarekake oyod lan
pange siji-sijia
2. Balik sira
kang padha wedi
marang asmaningSUN,
bakal padha kaplethekan
padhanging srengenge
kabeneran
kang nggawa kawarasan
ana ing swiwine.
II. II TESALONIKA 3 : 7 – 12
III. LUKAS 21 : 5 – 19
Patunggilan ingkang kinasihan
dening GUSTI YESUS
Patunggilan
rahasia tumedhaking GUSTI YESUS
ingkang kaping kalih
mangke
sampun kaweca
ing kitab suci
Ing Kitab Suci
Kawedaraken
bilih rawuhing GUSTI YESUS
ing nembe mbenjang
bakal kairingan tandha lan
pratandha
kaelokaning ALLAH.
Sinten
ingkang mursid lan
ngabekti
ing salamining gesang
mangke
ing wekdalipun GUSTI badhe rawuh
mboten badhe bingung,
mboten badhe ajrih lan
kebak ing pitakenan
sabab
sadaya punika
badhe kalampahan miturut
ing karsaning ALLAH
Dene karsane ALLAH
sampun kaimanan
Sampun ta
kapitadosanipun kiyat
ngrantos-antos mebnjang kapan
GUSTI badhe rawuh.
Ing sawanci-wancia ugi
sampun siap.
Makaten para sadherek sapatunggilan
cecawisaning para timbalan
ingkang sayektos
pinanggih setya tuhu
dumateng timbalanipun
Patunggilan
ingkang kinasih
karana makaten
kita menika
sami dados seksi-seksinipun ALLAH
ingkang gesang
ing alam ndonya
samangke.
Lah
kenging menapa kita
sami ajrih
sababipun menapa ?
Karana wontenipun
paprangan ageng lan
sanget nggegirisi,
wonten bencana-bencana alam lan
mawarni-warni pagebluk-
penyakit lan
mawarni-warni perkawis
ingkang sami
mboten saged kita cariyosaken
malih.
Tyang
ingkang dereng saestu pidatos lan
dereng saged nindkaken
sadaya dhawuh pangandikaning ALLAH.
Nggih badhe kelu-
katut
ing prahara punika
Pracayaning gesang
mboten saged mitulungi malih
karana katut
ing ombyaking prakawis-prakawising gesang-
praharaning gesang
Patunggilan
ingkang kinasih
dening GUSTI YESUS
Rubedaning gesang kita
ing wekdal samangke
ugi
ing wekdal titiwancining GUSTI YESUS rawuh
mbenjang
Rahasia punika
mboten wonten
satunggaling tiyang lan
jalma
ingkang mangertosi-
menika sengkeraning ALLAH
ALLAH PRIBADI
ingkang sami dados
punjering gesang pigesangan lan
tuking gesang
Rahasia
tetep rahasia
Ananging para sadherek
ing kitab LUKAS 21 kalawau
sampun kaweca
bilih GUSTI YESUS
kagambaraken ngalami seda
sinalib lan
kaaniyaa-
kasiksa
pejah
ing raga
GUSTI YESUS
sampun wungu malih
ing tigang ndintenipun
BAB pasemon
jugruging padaleman suci lan
ing tigang ndintenipun
badhe kawangun malih
menika saestu
sampun sami kalampahan
ing dhiri pribadining
GUSTI YESUS
Rahajeng kita
ingkang sami sampun
saged mitadosi
bilih sadaya prakawis
ingkang sampun kaseratan
ing Kitab Suci menika
mesti
badhe kalampahan lan
badhe kabangun enggal malih
Padaleman Suci
ing tigang ndintenipun
Ing pigesangan enggal
ing wungunipun GUSTI YESUS lan
ing pangwasaning GUSTI YESUS
Rahayu saben tyang
ingkang sami sampun mitadosi
bab punika
sabab mangke
mesthi ugi badhe ngalami
kaenggalaken
ing raga kasukman
Ing bumi
ingkang enggal lan
tatanan gesang
sanalikaning GUSTI YESUS ngrawuhi jagad
ingkang kaping kalihipun malih
mangke
Patunggilan
Kita sami lumampah
ing pangajeng-ajeng
rawuhipun GUSTI YESUS
ingkang kaping kalihipun
Punapa kita sami
sampun siap
ing cecawisaning gesang ?
Punapa
ingkang kedah kita siapaken ?
Rumaosing manah kita-
kita menika
sinten lan
GUSTI YESUS menika
sinten ?
Rahajeng kita
ingkang sami mastani
bilih GUSTI YESUS punika
putraning ALLAH
ingkang makarya lan
ingkang badhe ngrampungi
sadaya pakaryaning ALLAH
Lah
punapa kita
sampun sami ndherekaken
ing pakaryaning ALLAH
salami kita gesang ?
Patunggilan
rawuhing ALLAH
mboten sami
badhe ngajrih-ajrihi kita
tyang ingkang sampun sami mitadosi
sadaya pakaryaning ALLAH
Patunggilan
ingkang kinasihan
dening GUSTI YESUS
Kita punika
sami kaatag
supadosa sami saged
tetep
ing panyambut damel
nindakaken pakaryan-pakaryaning ALLAH
ingkang pundi
kita saweg ayahi sesarengan
Dene bilih Rasul Paulus
ingkang sampun paring pepenget
dumateng pasamuwan
ing Tesalonika
bilih GUSTI YESUS menika
enggal badhe rawuh malih
ingkang kaping kalihipun
Kawontenan
Pasamuwan Tesalonika
sami saged kagolongaken
ing 3 (tigang) kelompok
anggenipun nindakaken
pakaryaning gesang pigesangan
Kelompok ingkang sepindhah
nggih punika
kelompok ‘aji mumpung’
saestunipun
piyambakipun anamung ngendelaken
tumindak dosa kemawon
kanthi pamikiran
mumpung GUSTI YESUS
dereng rawuh
aku isih bisa ngrasakake
‘swarganing ndonya
Kelompok kaping kalih
nggih menika
kelompok ingkang mboten maelu
bab prekawis
rawuhipun GUSTI YESUS-
kelompok ‘acuh tak acuh’
kelompok ‘masa bodoh’
piyambakipun anamung
ngrantos rawuhipun GUSTI
nanging mboten
nyambut damel babar pisan
Kelompok ingkang kaping tiga,
nggih punika
kelompok ingkang namung nengenaken
bab-bab karohanen kemawon
mboten nindaken padamelan
ingkang asipat jasmani
karana miturut piyambakipun
punika pandamel nglaha
lajeng tebih saking gesang
ingkang tulung tinulungan
lajeng sabanjuripun saged
ndadosaken momotaning pasamuwan
Rasul Paulus
mboten makaten anggenipun
paring conto
tuladha
ing pigesanganipun lan
anngenipun paring piwucal
Rasul Paulus
tetep kemawon
tumindak makarya
sacara tata jasmani
kanggening nyekapi kebutuhan
kajasmanenipun
nanging ugi
Rasul Paulus
tetep kemawon makarya
ing kerasulanipun
kanthi kebak
ing tanggeljawab.
Bilih GUSTI
pancen sampun paring
kasagedan-kasagedan-
talenta
Panyambut damel
kanthi tnggung jawab
nedahaken bilih kita
sami kados dene Rasul Paulus
ugi mujudaken panganti-anti
ing bab dinten rawuhing GUSTI
Rasul Paulus
paring pepenget
bab tumindak
ingkang mboten wonten
paedahipun
nggih punika ‘bergosip’-
mbucal wekdal-
nglaha.
Wekdal
ingkang mboten kasumurupan lan
mboten kamangertosan
kapan bab rawuhipun GUSTI YESUS
kedahipun kita
isi kanthi sikap cumawis
ing samukawis
ing pigesangan –
tetep nyambut damel
nyekapi
sadaya kabutuhan tata kajasmanen
Patunggilan
bab piwucalipun GUSTI YESUS
nggih punika nyondongi
kaliyan pamecanipun
ing tembe mbenjang
wonten gesang malih
sak sampunipun pejah
GUSTI YESUS paring dhawuh
karana DHIRInipun
ingkang gesang langgeng menika
badhe ngalami pinejah lan
badhe wungu malih
ing dinten kaping tiga
Saumpamia menika
Padaleman suci
ingkang kabongkar lan rubuh
Padaleman Suci
Yeyasane Prabu Sulaeman
ingkang sampun kabangun malih
sabab sampun nate karubuhaken dene bangsa Babel
menika mbetahaken wekdal mataun-taun
La kenging menapa
GUSTI YESUS paring dhawuh
ing tigang dinten
badhe kadegake
badhe kabangun malih
Miturut sakathahing tiyang
ingkang mireng pamecanipun GUSTI YESUS
menika bab ingkang mokal
mboten badhe saged kalampahan
Nanging
miturut dhawuh piwucalipun GUSTI YESUS
menika bab karohanen lan
bab kajasmanen
Padaleman Suci
nggih menika Dhirinipun GUSTI YESUS
pusat pepujan kita sami
Ing dalem GUSTI YESUS
wonten pigesangan langgeng
salami-laminipun
sok sintena tiyang
ingkang pitados
ing wancinipun mangke
karana kapitadosanipun
mangke badhe kawungokake
Sanajan awrat
gesangipun
saged ugi kaaniaya
kasiksa
kakuya-kuya
lan sapiturutipun’
Gesang ndherek GUSTI YESUS
pancen gesang
kebak ing ‘perjuangan’
kedah purun rekaos
manggul salibing dhiri pribadi
nggih salibing GUSTI YESUS
ingkang dados kakiyataning gesang kita
karana GUSTI YESUS
sampun ngrembat dosa lan
dosaning para manungsa
sadayanipun
Wungu
saking pejah
menika piwucaling GUSTI YESUS
kanggening sadaya umat
ingkang pitados
Sumangga
kita tansah sregep nyambut damel
kados dene ‘talenta’-
peparinging ALLAH
tumprap gesang kita piyambak-piyambak
Kita nyambuit damel
ing pakaryaning ALLAH
ngantos kita katimbalan pejah
karana dosa dosaning manungsa lan
kita katangekaken malih
ing dintening ALLAH
ngrawuhi manungsa
ing jagad
ing jamaning jaman
pungkasan
Sregep nyambut damel
kagem kaluhuranipun GUSTI ALLAH lan
nampeni sadaya prekawis
ing pigesangan kita
sampun nglaha
anggen kita gesang samangke
GUSTI YESUS amberkahi kita
AMIN
1. VOTUM / BERKAH :
KPK 60 : 1, 2 ALLAH pangen kula
Pasamuwan
Sugeng pinanggih ing patunggilaning SANG KRISTUS YESUS
Kita sidhem sawetawis …
Bilih ALLAH ingkang nitahaken langit lan bumi
inggih ingkang dados tuking gesang
luber ing sih susetyanipun
tumrap kita sadaya pra titahipun
Sih rahmat lan Tentrem rahayu
ing patunggilaning SANG RAMA,
SANG PUTRA,
tuwin SANG ROH SUCI
tumraha ana ing gesang kita
sapasamuwan
AMIN
2. INTROITUS : MATIUS 24 : 13 - 14
13. Nanging sing sapa
mantep tekan ing wekasan,
iku bakal kaslametake
14. Sarta Injiling Kraton iki
bakal kawartakake
ing saindenging jagad
minangka paseksi
marang sakehing bangsa.
Sawise iku
bakal tekane dina wekasan
KPK 74 : 1 ( 2X ) Pracaya mring GUSTI
2. PENGAKEN DOSA : …Matius 22 : 37 – 40
37. PANJENENGANe ngandika marang wong iku, “Sira tresnaa marang PANGERAN ALLAHira kalawan gumolonging atinira, lan gumolonging budinira
38. Yaiku angger-angger kang gedhe lan luhur dhewe
39. Dene angger-angger kang kapindho kang padha karo iku, yaiku : Sira tresnaa ing sapepadhanira dikaya marang awake dhewe.
40. Kabeh isining Toret lan kitabe para nabi iku gumantung ing angger-angger loro mau”.
ndedonga : …
AMIN
4. KPK 148 : 1 Nyawisi papan mring GUSTI
5. PAWARTOS RAHAJENG :
JABUR 16 : 7 - 11
7. Aku ngalembana marang SANG YEHUWAH, kang paring pitedah marang aku; malah ing wayah bengi aku digegulang dening telenging batinku
8. Aku tansah madhep marang SANG YEHUWAH, manawa PANJENENGANe jumeneng ana ing tengenku, aku mesthi ora nganti keguh
9. Mulane atiku bungah-bungah lan nyawaku asurak-surak, malah dagingku bakal manggon kalawan tentrem.
10. Amargi PADUKA boten masrahaken kawula dhateng ing teleng palimengan; PADUKA boten marengaken manawi kekasih PADUKA ngantosa sumerep kluwat
11. PADUKA ingkang nedahaken margining gesang dhateng kawula; kabingahan pinanggih luber wonten ing ngarsa PADUKA; ing asta PADUKA ingkang tengen wonten kanikmatan ingkang langgeng
6. PENGAKEN IMAN RASULI … pinarak ))
KPK 175 : 1 Tyang rahayu
7. PELADOSAN FIRMAN :
PANDONGA: … AMIN
PAMAOSING KITAB SUCI :
Maleakhi 4 : 1 – 2a
KPK 164 : 1 Agunging sih rahmat
Tesalonika 3 : 7 – 12
KPK 164 : 1 Agunging sih rahmat
Lukas 21 : 5 – 19 ( 7 )
KOTBAH … PRATANDHA ING BAB DINTEN INGKANG PUNGKASAN
KPK 71 : 1, 3 Manggul salib
8. PANDONGA SYAFAAT :
9. PAMISUNGSUNG : Samangke wanci wekdalipun …
Dasar : MALEAKHI 3 : 10
Sira padha nggawaa pisusung prasepuluhan kabeh menyang ing gedhong
Parawatan, supaya ing padalemaningSUN anaa tandhon pangan; tumuli
INGSUN titi priksanen, -mangkono pangandikane SANG YEHUWAH
sarwa dumadi, -apa sira ora SUNwengani inebe langit, sarta apa INGSUN
ora ngesoki berkah marang sira nganti luber ?
KPK 187 : 1 - … Pisungsung jiwa raga >>PANDONGA : ….
10.. PENGUTUSAN & BERKAT : (Jumeneng)
Rawuhing GUSTI YESUS
mboten kanyana-nyana
kita kedah tansah cecawis
saben dinten
saben wekdal
Lumantaran sihe peparinging ALLAH
kita sami rumaketa
ing patunggilaning SANG KRISTUS .
GUSTI YESUS tansah nganthi gesang kita
KPK 336 : 1 GUSTI kang nganthi (kita tampeni berkah) :
Sih rahmat lan tentrem rahayu
tumuruna ana ing gesang kita patunggilan
ing dinten samangke
ngantos dumugeng wekasaning jaman
Rahajeng tyang ingkang tansah
mangabekti dumateng ALLAH SANG RAMA,
SANG PUTRA,
tuwin SANG ROH SUCI . AMIN
