PANGUTUSANIPUN GREJA

Pangibadah Brayat

Kamis, 16 April 2015

TUGAS PANGUTUSANIPUN  GUSTI YESUS

TUMRAPING GREJA

LUKAS 10 : 1 – 11

Patunggilan

ingkang dipun tresnani

dening GUSTI YESUS

iba bingahing gesang kita

bilih kita

sampun cetha.

Cetha

Kamangertosan-

kauningan

bilih kita sami menika

kapilih lan kapiji

ing satengahing pasamuwan

kagunganipun GUSTI YESUS

Sejatosipun

sanes dhiri kita

ingkang milih lumebet

ing satengahing pasamuwan

sanes dhiri kita

ingkang sami mutusaken

ndherek

ing satengahing patunggilan

Kita saged makempal

ing satengahing greja

menika sanes

karana daya kasagedaning gesang kita

Bilih kita nurut- nlisik

 isining kitab suci-

isining sejarah suci

ing wiwitan mila

GUSTI YESUS PRIBADI

ingkang nimbali saben-saben pribadi

dalasan saben bangsa

Sakedik kita nyenyinau

tumprap timbalinipun Nabi Yesaya :

Aku nuli krungu swaraning PANGERAN

kang ngandika:

“Sapa kang bakal SUN utus,

lan sapa kang gelem mangkat

minangka utusaningSUN?”.

Aku banjur mujuk :

Sumangga,

mugi karsaa ngutus kawula!”

Nabi Yesaya katunggilan-

katuntunan

dening ALLAH

ngantos saged mangertos-

saged ngrungu swantening GUSTI ALLAH

lan

nabi Yesaya

saged munjuk- sagah masrahaken dhiri

dados utusaning ALLAH

Mila

ing ngriki

kita saged mangertosi

 bilih karsaning ALLAH PRIBADI

ingkang nimbali nabi Yesaya

lan

nabi YESAYA

kanthi gumolonging manah

cumadang

dados utusanipun ALLAH

Patunggilan 

ingkang kinasihan

dening GUSTI YESUS

sampun pinten dangunipun

kita sami sampun makempal

ing satengahing greja-

pinten dangunipun kita sami

dados warganing greja ...

sampun mataun-taun-

sampun puluhan taun ...

Jer kados pundi raosing manah kita

ing sawekdal kita

 kapiji lan kapilih

dados warganing pasamuwan-

dados pandhereking GUSTI YESUS ?

dados warga kratoning swarga

Sadherek patunggilan

kepareng kula nyuwun pirsa rumiyin,

kanthi pitakenan :

 Menapa ta artosipun greja menika

miturut panjenengan ?.

Menapa ta ancasipun-

tujuanipun greja menika

kabangun?.

Menawi kita pitados lan mitadosi

bilih saben tiyang

ingkang sami nunggil pitados

dumateng GUSTI YESUS

estu sami katunggilaken

saben tiyang

ingkang sampun katunggilaken

jelasipun tiyang menika

saestu sami saged

nampeni kakiyataken

lan

saged tansah kabangun imanipun

iman dalasan kakiyataning gesang

sami kabangun

ing satengahing patunggilan

Patunggilan

ingkang kinasihan

dening GUSTI YESUS

Saestu

GUSTI YESUS

mboten ngersakaken kita menika

dados manungsa

timbalaning GUSTI YESUS

 ingkang statis-

mandeg :

Mandeg anggenipun nampi karahayon

tentrem rahajeng

ananging kita kedah mboten mendel-

kedah nggadahi aktivitas gesang

ingkang estunipun nelakaken

 wujuding iman lan piandel kita

dumateng SANG KRISTUS-

GUSTI kita

YESUS

Iman tanpa tumindak

menika mati

Sinten ta tiyang utawi abdi

ingkang sami badhe kautus

lumampah-

tumindak ngabaraken pawartos rahajeng

ing saindenging jagad ?

“Kawula GUSTI, PADUKA ngutusa kawula ...”;

Menika panjawabing Yesaya,

Sang nabining ALLAH 

“Kawula GUSTI YESUS

para pandherek lan abdi PADUKA

warganining greja

GKJW Pasamuwan Suwaru

saking KRW 9”

Patunggilan

ingkang dipun tresnani

dening GUSTI YESUS

GUSTI YESUS

sampun ngrumiyini miji lan milih

saben tiyang

ingkang kapurih dados abdi timbalanipun

Lha

tiyang menika

ugi kapatah lan kaparingan tugas

dening GUSTI YESUS-

GUSTI ALLAH

Mawi cariyos

bab piwucaling GUSTI YESUS; 

Mawi cariyos

bab pitedah lan panuntuning GUSTI YESUS,

para sakabating GUSTI YESUS

sami kautus lumpahipun

ngrumiyini tindaking GUSTI YESUS,

kanthi dhawuh :

70 sakabat menika

kedah kabagi anggenipun tindak

nglampahi tugas

Kedah tindak lan ngayahi tugas

dados utusaning GUSTI YESUS :

cacahipun kali-kalih

tindak kasebar

dumateng saben kitha-kitha

ingkang badhe katuju

lan

kitha-kitha

 ingkang sami badhe kalangkungan

dening GUSTI YESUS :

GUSTI YESUS

paring tugas lan panguwasa

Panguwasa

ingkang njangkepi tugas

peparinging ALLAH menika

antawisipun arupi :

Roh kekendelan,

Roh kesembuhan,

Roh pengusiran lan Roh kasekten;

Lan sanes-sanesipun malih

(LUKAS 10 : 17-19)

Patunggilan

ingkang dipun tresnani

dening GUSTI YESUS

Menika wujuding tugas

 utawi

tugas ‘latihan’

ingkang kaparingaken

dening GUSTI YESUS

sanalika GUSTI YESUS

taksih memucal lan makarya

ing satengahing jagad

jelas kahananipun sesarengan

kaliyan para murid-

sakabatipun

Para murid-

para sakabat

sami kaajak ndherekaken makarya

sangkul sinangkul

nindakaken tugas-tugas saking ngaluhur;

 Salah satunggiling tugas menika

antawisipun

bab enggala rawuha

paprentahan kratoning ALLAH-

utawi

ndhatengaken-

mbabaraken bab kratoning ALLAH

ing satengahing jagad menika

Mugi saben manungsa

sami saged ngraosaken

tentrem rahajeng-

shallom-

‘assalam mualaikum’

ingkang saben-saben kaulukaken

bilih para murid

pinanggih sesaminipun;

menika tugasing para murid-

sakabating GUSTI YESUS

(Ayat 5 :

Manawa kowe lumebu

ing sawijining omah,

padha ngucapa mangkene dhisik :

Tenrem Rahayu

mugi wontena ing dalem ngriki)

Patunggilan

ingkang dipun tresnani

dening GUSTI YESUS

Samangke

kanggening kita

ingkang ugi sami kanisebatan

dados sakabat lan muriding GUSTI YESUS-

inggih greja

ingkang gesang ing jaman samangke

lan

ingkang badhe gesang tuwuh

ing sauruting wekdal mangke

ugi nampi ‘tugas panggilan dari ALLAH’-

kita ugi nampeni tugas saking GUSTI YESUS

greja ugi kita sami kasebatan

ingkang nampi pangutusan-

tugas tanggeljawab saking ALLAH

Panenan kathah anganing juru panen sathithik

Ayat 2 :

Pangandikanipun GUSTI YESUS :

“Panene pancen gedhe,

nanging sing derep mung sathithik.

Mulane padha nyenyuwuna

marang kang kagungan panen,

supaya karsaa ngintunake

wong-wong kang derep

ing panenan”.

Patunggilan

ingkang dipun tresnani

dening GUSTI YESUS

Kabar kabingahan

sampun kawartosaken

dening GUSTI YESUS

ing kala kapengker

ngantosa dumugi

ing wekdal samangke

pawartos menika

sampun tumanem

ing satengahing jagad.

ALLAH PRIBADI

ingkang nuwuhaken taneman menika-

‘Karya ROH KUDUS

sedang berkarya hari-hari ini’-

ALLAH ROH SUCI

sanget anggenipun memucal

lan

sanget anggenipun nginsafaken

saben pribadining manungsa

(enggala mratobat lan nampi

tentrem rahajeng saking ALLAH)

jer saben tiyang

saged pitados lan mitadosi

sinten GUSTI YESUS menika-

SANG JURU WILUJENG-

ALLAH ingkang sanget saestu

dados sesembahaning para pitados.

Patunggilan

ALLAH ingkang saged nuwuhaken

lan

ALLAH ingkang saged ugi numpes

sajagad menika

ALLAH ingkang ngukum

kados dene Sodom lan Gomora

sebab ALLAH ing ndalem GUSTI YESUS

sampun paring dhawuh

(Ayat 12:

bilih dosaning jagad-

dosaning manungsa

ing jaman menika-

ing jaman pungkasan mangke

langkung ageng

tinimbang Sodom lan Gomora)

Patunggilan

ALLAH PRIBADI

ingkang ngutus kita

supados nyebar wiji

lan

ngutus kita ugi

supados nyirami saben-saben wiji

lan

ugi supados ngamini

bilih ing titi wancinipun

kita ugi badhe ndherek panen-

kita badhe ngunduh wohipun

Patunggilan

Sejatosipun ALLAH PRIBADI

ingkang nyawisi wiji tetaneman kalawau

 lan

ALLAH PRIBADI ingkang nuwuhaken

ALLAH

ingkang sanget sampun rawuh

lan

terus badhe rawuh ngrawuhi manungsa

Patunggilan

Samangke kita kautus

ngrumiyini GUSTI YESUS

nyawisaken saben kitha-

saben papan panggen-

manah batosing anak-anaking manungsa

supados saged nampi bab pawartos

bab badhe rawuhing GUSTI YESUS

ingkang kaping kalihipun

Panggoda-

roh pepeteng-

rohing jagad

pancen kuwat

lan

rosa-

asu ajag-

kalajengking,

ula,

singa-

rohing si jahat

pancen luar biasa

kiyatipun

Ananging

Patunggilan

srana panguwasa

ingkang sampun dipun paringaken

dumateng kita sami

para utusaning ALLAH

mesthi langkung unggul

Lha menika

SANG ROH SUCI

ingkang kedah kita unggulaken-

sanes dhiri kita

 pribadi

Saben utusaning ALLAH

sampun kaparingan jangkeping panguwasa

supados kababar anggenipun nindakaken peladosan-

jejibahanipun.

Patunggilan

Punapa kita ajrih-

para sadherek ajrih, mangu-mangu

bilih kacadangaken tindak lumampah

nindakaken peladosan bab kesaksian

bilih GUSTI YESUS menika

SANG JURU WILUJENG ?

Punapa kita ajrih

kautus kados dene cempe-

domba

dumateng tengahing asu ajag-

srigala ?

Sumangga

kita enget-enget

bab piwulanging GUSTI YESUS

bilih ROH

ingkang adedalem

ing dhiri kita menika

langkung ageng panguwasanipun

tinimbang rohing jagad

utawi

roh-roh ingkang wonten ing jagad menika

ROH SUCI

ingkang adedalem ing gesang kita-

GUSTI YESUS-

GUSTI SANG ROH SUCI

PRIBADI

ingkang badhe nenuntun

lan

ingkang badhe mbentengi gesang kita,

mesti kita saged menang

mesti kita saged menang

Amin, para sadherek !

Supados kita saged menang;

Sepindhah malih

kita sami kautus

supados mboten ngendelaken kakiyataning dhiri

 kita pribadhi-

kita kedah ngendelaken

kakiyatani ALLAH-

kita kedah ngengeti

bilih kita menika anamung cempe

ingkang mboten kagungan daya

kakiyatan babar pisan

Kados pundi anggenipun

 badhe lumawanan

dumateng asu ajag

Patunggilan

ingkang dipun tresnani

dening GUSTI YESUS

Kita kedah ngendelaken

 Kakiyatan saking GUSTI YESUS-

kita kedah ngendelaken

panuntuning SANG ROH SUCI-

inggih ALLAH PRIBADI

Kita kedah gesang

kebak ing katresnan-

kita kedah setia tuhu,

 tulus

 lan

nggadahi semangat

anggen kita lelados

Kita kedah purun nilar

sawernining kaendahan lan kakiyataning jagad-

kita kedah wantun lan purun

ngadepi bebaya lan sawernining panggoda-

kita mboten ulap

dumateng bab kasugihan banda

ndonya brana-

kita ugi kedah sanggup nampi

wujuding sesakit

secara jasmani

lan

sanget taksih kathah malih

Patunggilan

(Salib menika wujuding kakiyatan

kula lan panjenengan sadaya;

wujuding kakiyatan

Bapak, Ibu, Sadherek lan anak-anak)

Kita kedah purun lan saged nilar

sadaya wujuding pamikiran

sacara daging lan sacara jagad-

Kita kedah estu saged mujudaken

giliging tekad lan manah

anamung dumateng GUSTI YESUS

Patunggilan

 (GUSTI YESUS sampun nresnani kita-

kita ugi kedah

saged mbales katresnanipun GUSTI YESUS)

Samangke sumangga kita sami

ngayahi tugas-tugas

ingkang wonten

 ing satengahing patunggilan-

wontena ing gesang kita

nggegreja-

masamuwan

ugi tugas-tugas peladosan

 ing sanjawining patunggilan/ greja

Contonipun

bab krisis sosial-

bab tata cara pasrawungan-

etika-

moraling para nem-neman

kita

Contonipun sanesipun

bab kematepaning iman

ing salebetipun pigesangan

ingkang mawarni-warni kemajuanipun

Lan

taksih kathah malih

conto-conto sanesipun

ingkang saged dados tugas

tanggel jawab kita sami

.....

mesthi GUSTI YESUS mangke

badhe nedhahaken

tugas punapa

ingkang kedah kita lampahi-

tugas punapa

ingkang kedah kita tindakaken

Sumangga

kita sami nyumadangaken gesang kita

 pribadi

kagem peladosaning GUSTI YESUS

tuwin

kagem kaluhuraning ASMAning GUSTI YESUS

Mugi

 gesang kita kebak tentrem rahajeng

 lan

rawuhing Kratoning ALLAH

sami kababar sacara nyata

ing saindenging jagad

Mila

kita lan sasedherek patunggilan

ingkang sampun kapiji

ingkang sampun tinimbalan

sami saged lumebet lan ngraosaken

gesang ingkang kebak kraharjan

ing Kratoning ALLAH-  

ing gesang ingkang kebak kraharjan

 ing ndalem GUSTI kita-

YESUS KRISTUS

AMIN

1. Votum / Berkat

2.       KPK 34 :  1, 3   SUNG SEMBAH PUJA

3. Pandonga

• Syukur …
• Pertobatan / Nyuwun pangapunten…
• Nyuwun kasucen lan kakiyatan … ROH SUCI

maos kitab suci

Amin

4. Maos Kitab Suci :  :  LUKAS 10 : 1 – 11
5. KPK 196  : 1, 3  SABDANIPUN ALLAH

Intro : YESAYA 6 : 8

Aku nuli krungu swaraning PANGERAN

kang ngandika:

“Sapa kang bakal SUN utus,

lan sapa kang gelem mangkat

minangka utusaningSUN?”.

Aku banjur mujuk :

Sumangga,

mugi karsaa ngutus kawula!”

6. Kotbah ….
7. KPK 91  : 1  PRABOTING PERANG ROHANI

8. Doa syafaat
• 
  
9. Kipas 325  : 1   KANGEN MRING GUSTI 
10. Berkat