SEMBADA ING IMAN KAPITADOSAN

Pangibadah Piranti Gideon

Minggu, 28 September 2014

SEMBADA

 ING 

IMAN KAPITADOSAN

YOEL 3 : 1 – 8

7

Lah bakal padha SUN tangekake

saka panggonan pangedolira mau,

sarta

nampekake panggawenira iku

marang sirahira dhewe.

Patunggilan

pirantosing GUSTI YESUS

Iba bingahing gesang kita

bilih kita

 kaanti-anti dening ALLAH

dados umat ingkang piniji-

pinilih

kasengkeraken

tuwin kayasa

 dados bangunan-

yeyasaning ALLAH.

Dados patunggilan

 ingkang nampeni berkah

 sihing ALLAH

Patunggilan

Sinten

ingkang rumaos kabegjan

 ing gesangipun ?

Patunggilan

Kita

 ingkang dados umating ALLAH,

 sanes-

mboten

malih dados memengsahing ALLAH

Cariyos lelampahan

makaping-kaping umating ALLAH

 sanget anggenipun ngalami bebendhuning ALLAH

 karana

mboten setya tuhu

anggenipun ngecakaken dhawuh

pangandikaning ALLAH

Pinten-pinten wekdal

Sampun sami kabucal

dening ALLAH-

kabuwang

dumateng tlatah nagari sanes-

kabucal

ing tanah pangawulan.

Bangsa Filisti,

 Sidon lan Tirus

sami ngedum tanah prajanji Yehuda

dalasan tlatah Israel-

kathah malih

 emas salaka

dalasan isining bumi kapendhet-

 karayah.

Punapa malih

isen-isening bale griya

 lan

 kathah wujuding pirantosing

Padalemaning ALLAH

 sami karampas

kabekta medal

saking tanah suci Yerusalem

Patunggilan

Malah-malah

wonten saperangan warganing nagari Israel

dalasan warganing nagari Yehuda

 ingkang sami kasade

dados budak

dumateng bangsa Yunani.

Para warganing bangsa pinilih

sami kaedol

 supados sami nilar tanah prajanjining ALLAH

Sanget dukaning ALLAH

 tumrap umat

 ingkang wanton kumawantun lumawanan

dumateng karsaning ALLAH

Sanajan menika

Patunggilan

umat pilihan GUSTI ALLAH.

 ALLAH ugi badhe ndhawahaken paukuman.

Langkung-linangkung malih

 dumateng umat

 ingkang dados memengsahaning ALLAH

Tumindak kadurakan

mboten wonten batesanipun

sinten kemawon

ingkang badhe ngalami bebenduning ALLAH ?.

Inggih;

 Sinten ingkang kumawantun

lumawanan dumateng ALLAH.

Bangsa kinasih

sami kaukum

ing bebendu

Israel dalasan Yehuda

Sami nampeni paukumaning ALLAH-

 para anak lanang wadon

sami kaedol lan sami kalintokaken

Mboten wonten malih ajining gesang

karana ALLAH

estu ngukum para umating

Patunggilan

Umat

ingkang mboten ngibadah

mesti tansah wantun lumawanan

dumateng ALLAH

La makaten ugi

dumateng umat

ingkang kasebatan dados memengsahaning ALLAH

sami saged kawelasan

 karena kasetyan lan pambangun turutipun

 dumateng ALLAHing Israel-

 Inggih bangsa Yehuda

Sarana ngagem bangsa sanes

ALLAH

saweg ngukumi umat pilihanipun

Patunggilan

Bangsa

 ingkang kawastanan memengsahing ALLAH

 inggih menika bangsa-bangsa

ingkang sami kumawantun nyenyawiyah

 Asmaning ALLAH

lan

sami nilar pambangun turutipun

 dumateng ALLAH

 lan

 ugi sami nilar

 ing pranataning ALLAH

Katresnaning ALLAH

 mesti badhe kalintoni

dados wujuding paukumaning ALLAH

Patunggilan

Bangsa-bangsa

 ingkang sami kumawantun njarah

isining peraboting Padaleman suci-

 emas salaka

 lan sanes-sanesipun

Bangsa

 ingkang sami kumawantun

 ngusung isining prabotan Padaleman Suci

dumateng papan pamujaning para dewa-

para sesembahan sanesipun

Kados dene

 ingkang kalampahan dening bangsa Filisti

ALLAH

 sanget anggenipun duka

punapa malih bilih wonten umat

 ingkang sanget anggenipun anyenyawiyah,

sacara iman sami nindakaken (zinah- perselingkuhan)

lan

mboten nindakaken pakurmatan ingkang satuhu

Piwales-

 paukumaning ALLAH

dumateng bangsa Filistin

makaten ugi

ingkang sami dados memengsahaning ALLAH

 sanget kapatrapan

miturut pandamelipun

Contonipun bangsa Filistin

ingkang sami ngedol tinuku

 lan

sami nglintoni para warganing bangsa taklukan

kaliyan samukawis barang kabetahan.

Bangsa Filistin

 ugi nampi bebendu

 ingkang makaten ugi-

 sami ngalami kasade-

 kaedol ugi

dumateng bangsa Syeba

Menika dados wujuding paukuman

ingkang sami kadhawahaken

lan

 ingkang sampun kadhawuhaken

sadaya sami kalampahan

  Lah

 bakal padha SUN tangekake

 saka panggonan pangedolira mau,

 sarta nampekake panggawenira iku

marang sirahira dhewe.

Hukum Tabur Tuai

makaten wujuding

paukumaning ALLAH

 dumateng saben tiyang-

saben bangsa

 lan

saben tiyang lan bangsa pinilih

 ingkang mboten ering

ing pikurmat dumateng ALLAH

Sumangga

 kita sasedherek

sami ngatos-atos

anggen kita nindakaken peladosan

dumateng GUSTI ALLAH kita-

 GUSTI ingkang dados sesembahan

gesang kita

Dhawuh pangandikanipun estu sanget

nggadhahi daya panguwasa

jer kita ugi

sami saged sami nampi berkah

 utawi

paukuman

GUSTI ALLAH

 mboten mawang tiyang

lan

 mboten mawang bangsa

miturut tanduk-tumanduk kita sami

 anggenipun GUSTI ALLAH

nimbali paring berkah

utawi

ndhawahaken paukuman

Sumangga

 sepisan malih

sami kita gatosaken timbalaning GUSTI YESUS

tumrap gesang kita

GUSTI YESUS mberkahi kita

AMIN

Berdoa/ Berkat

# Ucap syukur
#Mohon pengampunan

#Mohon kekuatan dan pengertian, tuntunan

( baca + merenungkan Firman )

Amin

KPK 60 : 1  ALLAH PANGEN KULA

Pembacaan Firman :

YOEL 3 : 1 - 8

KPK 97 :1 TANSAH SAMEKTA

RENUNGAN

KPK 121 : 1  KINANTHI ING GUSTI

DOA SYAFAAT

#Ucapan syukur atas Firman

#Ucapan syukur persembahan/ pamisungsung
#Penyerahan diri dan mohon kekuatan penyertaan- PD Gidion

#Doa untuk keluarga 

Amin

PRACAYA MURAKABI SAMUBARANG KANG KASUWUN

Persekutuan Doa Gideon, 

Selasa 16 Oktober 2014

PRACAYA

MURAKABI

SAMUBARANG

KANG KASUWUN

YESAYA 9 : 7 – 11

Saos syukur kita

 ing patunggilaning GUSTI YESUS

Pracaya iku 

murakabi 

ing samubarang

Pracaya iku 

mitulungi saben manungsa

 angger mantep

Kanthi Pracaya

bakal nampeni kabingahan

Patunggilan

GUSTI YESUS

 anggenipun memucal-

 ndhidik saben tiyang 

kinantenan sih katresnan

 murih saben tiyang menika

saged nampi pakaryanipun.

Pracaya 

bilih GUSTI YESUS menika

 ALLAH 

lan 

purun nindakaken 

saben dhawuh pangandikanNYA

Samubarang prakawis 

badhe saged kalampahan;

Kados dene 

mindah redi

 dumateng seganten

Iman

 ingkang kapulung 

dening GUSTI YESUS

Iman

 njalari samukawis prekawis 

saged kalampahan

Srana iman 

pakaryaning ALLAH 

saged kababar

Patunggilan

Sinten tiyang 

ingkang mitadosi

 bilih GUSTI YESUS menika 

ALLAH

ROHing ALLAH 

badhe nyantosakaken gesangipun

ROHing ALLAH

badhe paring pitulungan 

nyantosaken imanipun

ROHing ALLAH

 lumantar iman sawiji 

swawi ndadosaken 

barang ingkang mokal

sami saged kedadosan

Patunggilan

Iman

 saged mranatani 

saben gesanging manungsa

Jaman samangke

 jaman ingkang ngendelaken

 ilmu pengetahuan 

lan 

akal budi

Jaman samangke

 jaman ingkang ngendelaken

 kakiyatan-kakiyataning jagad;

 Roh-rohing jagad

Jaman 

ingkang sarwi samar-samar

 antawisipun kaleresan lan dosa

Pakaryaning roh dosa 

ugi nuntut iman kapitadosaning 

para manungsa

Roh dosa 

ugi njanjekaken 

kabingahan-kabingahan lan kasaenaning gesang

Patunggilan

Rahajeng kita 

ingkang tetep bakuh 

ing iman kapitadosan

 bilih ing dalem GUSTI YESUS KRISTUS 

mboten wonten malih kabingahan 

lan 

mboten wonten panguwasa-panguwasa 

ingkang ngungkuli kasampurnanipun

Bilih ndherek GUSTI YESUS

 tamtu mbetahaken 

giliging iman kapitadosan

 mboten perlu kacampur 

ing iman dumateng 

panguwasa-panguwasa sanes

Bilih ndherek GUSTI YESUS

 sampun ta malih mangu-mangu 

bab kados pundi

 ing salajenging pigesangan kita

Sebab 

GUSTI YESUS enggal makarya

 mujudaken samukawis 

miturut kaleresan 

ing dhiri kita 

lan 

ing dhirining para pitados

Kanthi panyuwunan

 utawi

 mboten nyenyuwuna ugi

 kita tetep 

bakal badhe nampi

 peparinging GUSTI YESUS

Sebab lampahing tiyang pitados 

tansah tinunggilan gesangipun

Patunggilan

Kita waos malih

 ayat 10 :

SANG YEHUWAH

 nuli nglurugake para panggedhening 

wadya-bala Rezin

 lan 

ngangkatake para musuhe:

ayat 11b :

Sanadyan iki mau 

kelakon kabeh, 

dukane durung mendha, 

sarta astane

 isih kaagagake

Menika

 patunggilan 

ALLAH kita 

ingkang mboten kendel lan mendel 

anggenipun paring patrapan- 

paukuman

 bilih manungsa kekasihipun

 mboten nggatosaken timbalan 

lan 

tetep ngudi kaleresan 

miturut akal budi 

lan

 kapracayan sanesipun

Manungsa

 ingkang pitados

 saged mangertosi

 bilih ALLAH

 mboten badhe kendel lan mendel

Manungsa

 ingkang pitados

 tansah ajrih asih nindaken  dhawuh-dhawuh

 pangandikanipun ALLAH

Dhawuh pangandikanipun ALLAH

 tumrap Rama Yakub :

‘Pagere bata ambruk, 

kita arep ngedegake pager watu tatahan; 

Wit sikmah padha ditegori, 

bakal kita saline wit eres’

ALLAH

 paring dhawuh

 ngengetaken 

bilih ing brayat agunging Rama Yakub

 sampun tuwuh iman kapitadosan 

ing sanjawining ALLAHing 

Rama Yakub

Punapa ALLAHing Yakub

 mboten saged mbentengi ?-

 kados-kados 

bebentenging ALLAH

 kapasemonaken pager bata 

ingkang saestu mboten kiyat

 tinimbang pager 

saking panguwasa sanes

 ing sanjawining kakiyataning ALLAH-

 pager watu tatahan 

ingkang dados bebenteng 

dados sesulihing iman 

kapitadosaning umat

Wit sikmah 

kagantos taneman wit eres-

 tuwuh ngrembakake iman 

kagantos kaliyan iman 

ingkang langkung sae

 miturut penilaianing jagad

Patunggilan

Kita

 ugi asring kesupen 

kados dene

 tedak turune Rama Yakub; 

Kita kesupen

 dumateng piwucaling tiyang sepuh kita 

bab-bab panguwasa

 lan 

bab-bab kakiyating iman

dumateng GUSTI YESUS KRISTUS

Kita 

anamung mawang 

sacara raga jasmani-

 bab-bab 

ingkang kasat mripat

Kita kesupen 

bilih ing sadaya kawontenan

 ingkang kakarsaken 

dening GUSTI YESUS- 

sadaya

 sami kanicipta sae lan luhur

Sepindhah malih :

 Sae lan luhur

 karana ALLAH

 ingkang mbebentengi lan njagi

 anggenipun saged tetep jejeg

 ngadeg

Makaten 

dhawuhing GUSTI YESUS- 

ALLAH SANG YEHUWAH :

ayat  8 :

Cikben sumurup  

sabangsa kabeh ….

kang celathu 

kalawan 

angkuh lan lumuhur-luhur :

ayat 9 :

‘Pagere bata ambruk,

 kita arep ngedegake pager watu tatahan;

 Wit sikmah padha ditegori,

 bakal kita saline wit eres’

Sepindhah malih : 

Sae lan luhur

 karana ALLAH 

ingkang dados bebenteng lan njagi 

tetep ngadeg jejeging 

iman kapitadosan 

sampun ngrebahaken sadaya

 andel piandeling gesang- 

bebentenging gesang

 ingkang kasandingaken 

kaliyan panguwasaning ALLAH

Sepindhah malih : 

Sanadyan paukumaning ALLAH

 sampun kadhawahaken-

Sanadyan

 iki mau kelakon kabeh, 

dukane durung mendha, 

sarta astane 

isih kaagagake

Patunggilan

Sumangga 

kita sami enggal-enggal rumaket

 ngrangket 

dumateng ALLAH- 

SANG KRISTUS YESUS-

 SANG YEHUWAH

 GUSTIne sarwa tumitah.

Kita 

kedah ngenggalken malih 

iman kapitadosan kita 

lan

 nggetuni sadaya 

tindak lumampahing gesang kita

PRACAYA

MURAKABI

SAMUBARANG

KANG KASUWUN

Kanthi kapitadosan 

tumrap 

punapa ingkang kita gadhahi samangke

 dados wujuding pangrimataning ALLAH 

dumateng gesang kita

Kita 

tansah suwunaken malih 

kanthi iman kapitadosan

 supados ALLAH

 nglestantunaken gesang kita, 

mboten sisah menga-mengo 

ningali kawontenaing sadherek sanes.

Bilih kahanan kita 

pancen asor- 

mboten nyekapi

 kanggening kita gesang mubra-mubru—

anamung

 dumateng GUSTI YESUS kemawon 

kita sowan 

mareg

 nyuwun samubarang

 kabetahaning gesang

 kita.

Anamung dumateng GUSTI YESUS 

iman kita pasrahaken :

 Punapa GUSTI YESUS 

mboten badhe midangetaken ?

GUSTI YESUS mberkahi kita

AMIN

Pandonga/ berkat

KPK 91 : 1 PRABOTING PERANG ROHANI

Pandonga:

Maos Kitab : YESAYA 9 : 7 – 11

KPK 51 : 1 GUSTI PANGANGGEL KULA

Kotbah:

Pandonga:

KPK 64 PASRAH MRING GUSTI

SIH KATRESNAN INGKANG NGEDALAKEN WOH

Rancangan Renungan Ibadah Brayat: 

Kamis, 21 Agustus 2014

SIH KATRESNAN

 INGKANG 

NGEDALAKEN WOH

1 TESALONIKA 3 : 4 – 13

12. Sarta maneh, muga GUSTI karsa ndadekake saya wuwuhing katresnanmu nganti luber marang padha sadulur lan marang wong kabeh, padha kaya anggonku iya padha nresnani kowe.

Patunggilan …. Sinareh kita menika mboten saged gesang piyambak tanpa pitulunganing tiyang sanes mila kita kagulang supados tumindak katresnan. Rahajeng kita ingkang saged ngraosaken sesambataning tiyang sanes. Pasambating tiyang sanes menika saged kaucap utawi kalair lan saged ugi mboten kalairaken sacara lesan.

Patunggilan …. Ulat lan tindak tanduk saged nedahaken kaprihatosaning dhiri. Kados conto cariyos : Ing sawijining wekdal wonten lare amping-amping ing sajawinipun toko lajeng tanganipun ngranggeh mendet ‘obat’. Lajeng tumindaking lare kalawau kasumurupan dening Ibu ingkang njagi toko. Lare kalawau dipun dukani lan kadunungaken kalepatanipun mawi pangucap ingkang keras ngantos kapireng dening Bapak ingkang marung sadeyan sekol. Lajeng, Bapak menika mundhut pirsa dumateng lare kalawau : “Wong tuamu lara ta ?” (Lare kalawau mendel mboten paring panjawab ngantos muwun). “Wis iki Bapak bayar obate lan iki sop lan sega gawanen mulih”. Lare kalawau tetep mendel langsung nilar Bapak ingkang maringi sop menika.

Patunggilan …. Raosing manah ingkang nampi pitulungan mesti mboten saged kendel mendel. Saos syukur ingkang mboten kaucap ing tutuk lan lambe mesti kabeta ngantos sadanguning gesang. Ing pamikir lang pangraosing manah mboten saged nyelaki katresnaning tiyang ingkang kanthi tulus paring pambyantu. Mbok menawi kados makaten raosing manah kita bilih ugi ngalami gesang kados lare kalawau.

Lajeng kados pundi bab katresnan ingkang kita tampi saking tiyang sanes ing sauruting gesang kita ?. Kados pundi dayaning katresnan ingkang kita tampeni saking sakathahing tiyang ing sauruting gesang kita ngantos dumugi wekdal samangke bilih kita ugi taksih nampeni mawarni-warni wujuding katresnan ?.

Patunggilan ….  Lare menika saged nggadahi katresnan ingkang luber karana sampun nampi pengalaman dipun tresnani.  Kathithik sadanguning 30 tahun; si Lare menika sampun dados dokter ingkang kebak welas asih. Lan Bapak ingkang sadeyan sekol lan nate paring sop mboten kasengaja ugi nampi pitulunganing Lare menika. Bapak ing yuswa sepuh lan nandhang gerah, penyakitipun awrat (sanes penyakit limrah). Tamtu si Bapak estu mbetahaken ragat ingkang kathah. Ananging Patunggilan … Cariyos KATRESNAN INGKANG NGEDALAKEN WOH : Estu mboten kanyana si Lare samangke saged  mbales katresnaning si Bapak kanthi nglunasi sadaya tagihan griya sakit. Ing kwitansi tagihan wonten seratan tangan : Sadaya sampun kabayar lunas 30 tahun kapengker kaliyan obat-obatan lan sak bungkus sop anget.

Patunggilan … lubering katresnan ingkang kabagi dumateng tiyang sanes pranyata saged dados tuwuhing katresnan ing dhirining sadherek sanes ingkang kita tresnani. Punapa malih bibit katresnan ingkang kita sebar dumateng lare, anak-anak- putra wayah kita, mesti ing tembe dewasa anak putra wayah kita menika ugi tuwuh dados pribadi ingkang kebak katresnan.

Rasul Paulus nanem wiji katresnan ing Pasamuwan Tesalonika. Pasamuwan Tesalonika ing titiwancinipun ugi sampun saged ngedalaken woh. Pasamuwan Tesalonika sanget anggenipun nyinau nindakaken gesang katresnan ing satengahing patunggilan.

Ing wiwitan buka anggenipun Rasul Paulus memucal bab katresnan; Rasul Paulus paring wawasan bab kasangsaran ingkang mesti badhe kaalaman dening saben tiyang pitados mila Rasul Paulus ngaturi supados bab katresnan kedah katandukaken lan katindaken dumateng para sadherek ingkang ngalami pacoben utawi kasangsaran kalawau.

Patunggilan……Gegayutan kaliyan reraosan kita bab katresnan menika kados pundi kahanan dhiri kita ?.   Punapa kita sampun sami purun gantos ginantos lumadi gesang ing sih katresnan ?. Punapa buktinipun ?. Sumangga kita tilik utawi kita padosi !.

GUSTI YESUS mberkahi kita. AMIN

u

2