AJA DUMEH

Ibadah Minggu

 8 Juli 2012

Tema Wulanan :

Mekaten kanugrahanipun ALLAH

wontening pamanggih lan tindak-tanduk

Tema Minggu : 

AJA DUMEH

YEHEZKIEL 2 : 2 – 5

2 KORINTUS 12 : 7 – 10

MARKUS 6 : 1 - 6

Patunggilan

ingkang kinasihan dening GUSTI YESUS

Rahajeng

 kita sami

ingkang sampun nampi kawilujengan

 ingkang pinangkanipun

saking ALLAH

ALLAH

karsa paring utusan

kangge nimbali sok sintena tiyang

ingkang miturut karsanipun ALLAH

PRIBADI

Tiyang ingkang

kedahipun kaaturan

 kacawisi

anggenipun badhe nampi berkah

Anggenipun badhe nampi ‘berkah agung’

ingkang awujud

kaslametan-

 kawilujengan

Berkah ingkang murakapi

ing samukawis perkawis

sacara tata raga-

jasmani

 makaten ugi sacara tata karohanen-

gesang ngetut wingking

ing karsanipun ALLAH

Nabi Yehezkiel

ing wiwitan kapiji

dados utusaning ALLAH

ugi anamung manungsa limrah kemawon

 kados dening dhiri kita,

patunggilan

Nabi Yehezkiel

kautus ngadepi bangsa

ingkang sanget anggenipun ndukakaken-

bangsa

ingkang saestu

 damel sekel penggalihipun ALLAH

Yehezkiel

anamung manungsa limrah

ingkang nggadhahi raos rumaosing manah

 ‘alit’,

mboten nggadhahi kekiyatan

lan

mboten nggadahi kasagedan

Yehezkiel

 anamung cumawis dhiri-

Yehezkiel anamung nyadong

pamituntuning ALLAH

Ayat 6

(ing pamaosing kitab YEHEZKIEL 2  

kita lajengaken satunggal ayat)

Lan Sira (Dhawuhipun ALLAH),

anaking manungsa,

aja wedi

marang wong-wong iku

tuwin

marang tembung-tembunge,

sanadyan sira kinepung

ing  lateng lan eri,

sarta pamanggonira

 ana ing tengahe kalajengking.

Aja wedi

marang tembung-tembunge

 lan

aja ndhredheg

 ana ing ngarepe,

amarga

iku jinis kang ambeg mbalela

Yehezkiel

 kados dene para nabi sanesipun

 saestu

saged wawanrembag kaliyan ALLAH

 awit ROHing ALLAH

 sampun dumunung

 ing dhirinipun

Rohipun Yehezkiel

Sami  pinanggih

 kaliyan ROHing ALLAH

sapamirenging driya

kaucapaken

ing tutuk utawi lambe:

ALLAH ngutus Yehezkiel

Ayat 3

He,

anaking manungsa,

sira SUN utus

nemoni wong Israel,

 bangsa kang ambeg mbalela,

kang wus mbalela marang INGSUN.

Bangsa iki

dalah para leluhure

wus padha gawe duraka

 marang INGSUN

nganti tumeka

ing dina iki uga

Patunggilan

 ingkang kinasihan dening GUSTI YESUS

Ing saben wekdal

ALLAH karsa ngrawuhi kula

 saha panjenengan sadaya

ALLAH kepengin

wawanrembag kaliyan kita

ALLAH kepengin

ngutus kita

 ing sawerning babagan

‘ALLAH ingin mengutus kita

di dalam segala perkara’

Sinten ta kawula menika

GUSTI YESUS ?

Kados makaten sak mestinipun

kita para manungsa

inggih para nabi

ingkang kapiji

wongsal wangsul dening ALLAH

paring panjawab :

Sinten ta kawula menika

GUSTI YESUS ?

Mesthi

 nggadahi manah

 ingkang alit lan mboten sagah

Kita enget Yesaya,

 Musa

lan sanes-sanesipun

Menika

 sikap moralitas

ingkang nyagedaken kita sami

saged nampi kanugrahaning ALLAH

ALLAH karsa mitulungi kita

 jer kita

 saged lumampahan lan tumindak nindakaken

sadaya pakaryaning ALLAH

Angel-

ewet lan mokal-

babar bisan ora masuk akal-

 ana nalaring manungsa

 ananging kabeh iku

bisa kelakon

 awit sapa ta

kang tumindak iku kabeh

Iku kabeh

ALLAH ingkang makarya

 ngagem dhirining para utusan

 ing sapamirenging talingan

 katindhakake …

hasile mesthi ngedap-edabi

Patunggilan

 ingkang kinasihan dening GUSTI YESUS

Rasul Paulus

ugi makaten
Sinten ingkang mboten mangertosi

rasul pepijining ALLAH menika

karana Rasul Paulus

…

saestu

dados rasul ingkang ageng kawibawanipun,

luwas- amba pangertosanipun

 lan nggadhahi

bab-bab ingkang sakmesthinipun

 nglangkungi

 para utusan sanesipun

Rasul Paulus

mboten saged kabanding

kaliyan para nabi lan para rasul sanesipun

Mesthi

rasul Paulus

saged nggadhahi manah mongkog,

sombong

 lan

adigang adigung

karana rasul Paulus menika

 manungsa ingkang luar biasa

Makaten kahananipun Rasul Paulus

Kahanan

 ingkang sarwa linuwih

tambah linuwih malih

 karana ALLAH karsa nimbali

 dados utusan

lan

ALLAH ugi njangkepi

ing samukawis  bab

Pangertosaning Rasul Paulus

 ‘amat sangat luar biasa’

Kesombongan rohani

mesthi

saged tuwuh ing peladosanipun

Ananging ALLAH

 mboten ngersakaken

bab menika kadadosan

ALLAH mboten ngersaken

Rasul Paulus ngalami peribahan

dados sombong

Rasul Paulus

 kedah tetep dados pribadi

ingkang andhap asor

mituhu ing karsanipun ALLAH

Rasul Paulus

kaganjar sesakit-

 istilahipun kaparingan ‘duri dalam daging’-

kaganjar eri ana ing daginge

Ayat 7

Lan

 supaya aku

aja ngunggul-unggulake awak

marga saka anane wahyu-wahyu

kang linuwih iku

…..

Patunggilan

 ingkang kinasihan dening GUSTI YESUS

 pancen ewet nglampahi tugas

tanggel jawab peparinging ALLAH

Sakmesthinipun kita kedhah manut

Ngener

 ing pangrehipun

Bab-bab punapa

 ingkang kita alami

sadaya karana peparinging ALLAH

saestu

mboten saged dados alasan

kanggening kita sami tumindak

adigang adigung adiguna

Kita

 kedah tetep ngalami gesang

 ingkang prasaja

 kebak ing kesabaran

lan

netepi bab prekawis ingkang ewet-

kasangsaran ngantosa dumugi pinejahan

Karakter ing gesang kita

kedah pinejahan saking raos

 rumaosing manah sombong

Rasul Paulus ugi ngalami

bab ingkang makaten

Ngicali raos sombong

amrih sageda nindhakaken

 karsaning ALLAH

Tuwung PADUKA mugi kasingkiraken

 ngantos ambal kaping tiga

 GUSTI YESUS

Anggenipun ndedonga

Ananging GUSTI YESUS

kakarsakaken dening ALLAH SANG RAMA

 ngalami kasangsaran agung

 ewadene  kamulyaning ALLAH

saged lejar kababar

Rasul Paulus

ugi makaten ngantos ambal kaping tiga

 nyuwun dumateng ALLAH :

eri ing daginging kapundhut-a

Pranyata,

ROH ing dhirinipun

kedah katampi kanthi andhap asoring manah

 tebih saking sikap sombong

ROH ingkang nenuntunYehezkiel nabining ALLAH

Ugi ROH ingkang nenuntun Paulus Rasuling ALLAH

Eri ing daging sampun ndadosaken dhiri

tansah enget :

‘Aku ora oleh sombong’,

Aku kudu sabar lan sareh


Kita lajengaken para sadherek

bab pakaryaning GUSTI YESUS

GUSTI YESUS

mboten ngegungaken DHIRI

GUSTI YESUS

ngaturi pakaryaning ALLAH

langkung andhap asor ing tumindak

Kathah mujizat katindakaken

lumawanan kaliyan adat biasanipun

Jagad mboten saged nampi,

anamung kebak kaeraman

…

‘Putraning Maryam si tukang kayu

 koq bisa memulang lan nindakake pakaryan

 ingkang kebak mujizat’

Para nabi dalah utusaning ALLAH

 mboten katampi ing kutha kelahiranipun

Dumawahing dosa

 langkung awrat katebus

Dumawahing dosa

ndadosaken kita langkung remen

maiben

dumateng ALLAH

Rasul Paulus

mboten tumindak makaten

 ananging nglampahi kanthi manah

 ingkang kebak saos syukur

 bilih ing karingkihan

 kakiyataning gesang

tansah kaparingan dening ALLAH

Yehezkiel

ugi makaten

 ing kahanan ingkang langkung awrat

karana bangsa ingkang langkung kiyat

taksih lumawanan dumateng ALLAH 

gesangipun-

 Yehezkiel kaatag

 supadosa tansah ngendelaken

 panuntuning ALLAH

GUSTI YESUS,

PRIBADI

 ingkang dados panuntuning gesang

 lan

 dados panutaning gesang

 langkung lembah ing manah,

 sabar ing samukawis bab,

kersa tindak makarya ing samargi-margi

kersa paring pitulungan lan pangentasan

Dadosa lebur DHIRInipun

 ing kasangsaraning gesang

 ing satengahing jagad

Mujizat

mboten mandeg

 ing wekdal pracayaning manungsa

mboten wetah

Pracayaning manungsa

tansaha kabangun

dados perangan

 ingkang aji

Bilih ALLAH

 saestu nresnani umat

ingkang dados pilihan

Pepijining ALLAH

langkung titis

langkung prayogi

kawilujengan peparinging ALLAH

kacawisaken

 dumateng sok sintena tiyang

 ingkang purun-

kersa  nampi para utusan

Para utusan

 mboten adigang adigung adiguna

Makaten ugi kita

 ingkang sami katimbalan

ndherekaken ing peladosan

jejebahan menika

 kedah kita tindakaken

tebih saking raos reraosan :

‘kesombongan’

Sombong njalari kita

dumawah ing dosa

Aja dumeh-

aja nduweni rasa mumpung

Timbalan

kedah kita tampi

pengutusan lelados

kedah kita ayahi

Rahajeng kita para sadherek

ingkang sampun manut

ing sapangrehing ALLAH

GUSTI YESUS mberkahi kita

AMIN

LITURGI   IBADAH  MINGGU

VOTUM : (Jumeneng)

KPK 26 : 1, 2     NGLUHURAKEN ALLAH

Pasamuwan …..  :

ALLAH ingkang nitahaken langit lan bumi

ingkang ngluberaken susetyanipun

tumrap sadaya pra titah

Sih rahmat lan Tentrem rahayu

Ana ing patunggilaning SANG RAMA,

SANG PUTRA,

tuwin SANG ROH SUCI

tumraha ana ing gesang kita sami

sapasamuwan

AMIN

(pinarak)

2.    INTROITUS    :    YOHANES 3 : 30

4. PANJENENGANe iku pinesthi saya mundhak, nanging aku iki saya suda

KPK 29 : 1     KAMULYANIPUN GUSTI

3. PENGAKEN  DOSA …Matius  22 :  37 - 40

ndedonga :  …AMIN

4. KPK 43 :  1, 3      NYUWUN ENGGALING MANAH

5. PAWARTOS  RAHAJENG : ((   Jumeneng …

1 KORINTUS 13 : 4

Katresnan iku sabar,

katresnan iku loma;

ora kemeren,

ora gumunggung

lan

 ora kumenthus

GALATIA 5 : 19 – 23

19.Dene panggawening daging wus cetha:

laku cabul, laku rusuh, hawa nepsu, 20.panyembah brahala, sihir, sesatron, pasulayan, kameren, kanepson, pamrih, padudon, cecongrahan, 21.drengki, endem-endeman, ropyan-ropyan lan sapanunggalane.

Tumprap sakabehe iku

kowe dak elingake

kaya kang wus daktindakake biyen-

menawa sapa kang nindakake bab-bab kang kaya mangkono iku,

ora bakal tampa warisan KRATONING ALLAH

22.Dene wohing ROH yaiku:

katresnan, kabungahan, tentrem- rahayu, sabar- sareh, paramarta, kabecikan, kasetyan, 23.alusing budi, bisa ngemudheni dhiri.

Ora ana angger-angger kang nglawan iku mau kabeh

KPK 193 : 1,  2, 3           MUNG SAWIJI KABEGJAN SEJATI

6. PELADOSAN  FIRMAN :

PANDONGA:    … AMIN

PAMAOSING  KITAB SUCI :

YEHEZKIEL 2 : 2 – 5

2 KORINTUS 12 : 7 – 10

MARKUS 6 : 1 - 6

Iba begjanipun kita sapasamuwan

ingkang tansah  tresna dumateng ALLAH.

Tansah ngorong lan

kepengin mireng dhawuh-dhawuh pangandika tuwin

ngudi nindakaken ing gesang pigesangan kita sami

AMIN 3X …..

KPK 134    : 1, 2  AJA ADIGUNG, ADIGANG, ADIGUNA

KOTBAH  …

AJA DUMEH

7. PANGAKEN  Sahadhat Kalih Welas … pinarak ))

Kawula pitados dhateng ALLAH SANG RAMA, ingkang Mahakawasa ingkang nitahaken langit kaliyan bumi

Inggih pitados dhateng YESUS KRISTUS ingkang PUTRA ontang anting GUSTI kawula

Ingkang kabobotaken dening ROH SUCI, miyos saking prawan Maryam

Ingkang nandhang sangsara nalika jumenengipun Pontius Pilatus, kasalib, nglampahi seda, lajeng kasarekaken ,tumedak dhateng ing teleng palimengan

Ing tigang dintenipun wungu malih saking antawisipun tiyang pejah

Lajeng sumengka dhateng ing swarga, pinarak wonten ing tengenipun ALLAH SANG RAMA ingkang Mahakawasa

Saking ngriku inggih badhe rawuhipun ngadili tiyang ingkang gesang kaliyan ingkang pejah

Kawula pitados wontenipun pasamuwan Kristen satunggal ingkang suci sarta wradin, inggih patunggilanipun para suci

Punapa dene pangapuntening dosa

Tanginipun raga

Sarta gesang langgeng

8.     PANDONGA  SYAFAAT :

  

9. PAMISUNGSUNG : Samangke wanci wekdalipun …

Dasar  : MAZMUR  69 :31-32

31.Asmaning ALLAH bakal dak puji kalawan kekidungan, sarta PANJENENGANe dakluhurake kanthi kidung panuwun

32.Ana ing paningaling ALLAH iku luwih becik katimbang sapi lanang, ngluwihi sapi lanang kang wus ana sungune lan atracak belah ; 

KPK  181  :  1 - … SAOSAN SYUKUR

PANDONGA   :  ….

10.    PENGUTUSAN & BERKAT : (Jumeneng)

KPK  129 : 1     TANSAH BINGAH

Sumangga patunggilan kita mengkeraken papan pangibadah ,

Sumangga kita enget-enget

bilih ALLAH sayektos mangertos

ing  samukawis bab

sadaya prakawis ingkang saweg kita alami

kados dene ing dhawuh pangandika …….

“Pepakon-pepakon iku ora abot,

amarga kabeh kang lair saka ALLAH

iku ngalahake jagat,

yaiku pracaya kita.

Sapa ta kang ngalahkake jagad,

kajaba wong kang pracaya

menawa YESUS iku Putrane ALLAH ?

I YOHANES 4  :  3b - 5

(kita tampeni berkah) :

Sih rahmat lan tentrem rahayu

tumuruna ana ing gesang kita patunggilan

ing dinten samangke

ngantos dumugeng wekasaning jaman

Rahajeng tyang ingkang tansah

mangabekti dumateng ALLAH  SANG  RAMA,

SANG  PUTRA,

tuwin  SANG  ROH  SUCI

AMIN

KPK 345     TENTREM RAHARJA