NINGALI SESAMI MINANGKA CITRA PASEMONIPUN ALLAH

Minggu, 14  Pebruari 2010

Tema Wulanan :

 ANDUM  BERKAH 

LAN   

SESAMI

Tema Mingguan :

 SESAMI 

MINANGKA  CITRA

  PASEMONIPUN  ALLAH

NINGALI  SESAMI

 MINANGKA 

CITRA  PASEMONIPUN 

ALLAH

LUKAS  6  :  27 – 38

27

“Nanging kowe

kang padha ngrungokake marang AKU,

 padha dak pituturi : 

Padha tresnaa marang mungsuhmu :

 wong kang sengit marang kowe,

pada becikana….”

Patunggilan 

ingkang kinasihan dening  GUSTI  YESUS

Kita punika sami dados titahipun

 ingkang sampurna ugi prayogi

Patunggilan

ingkang kinasihan dening  GUSTI  YESUS

Rawuhing GUSTI  YESUS

ing satengahing jagad gumelar menika

sampun paring tuladha – 

conto

 dumateng para pandherekipun

Conto- 

tuladha kangge ngakeni 

bilih

 sesami kita menika

 nggih sok sintena tiyang 

ingkang migesang sesarengan kita

Jamaning Prabu Saul

nguya-uya Dawud

 Rencangipun

 karana siriking ati

Prabu Saul

ngupadi kados pundi

mejahi Dawud 

sak wanci-wanci kaparingan wekdal

lajeng

 nguyak-uyak Dawud

 ngantos dumugi papan-

panggenan

ingkang awrat

nggih tetep kakejar

Patunggilan 

ingkang kinasihan dening  GUSTI  YESUS

Rahayu 

tiyang ingkang paring piwelas

 dumateng sesaminipun

kados dene Dawud

ingkang nggadahi wekdal

 kesempatan

kangge males mejahi Prabu Saul 

ananging 

Dawud mboten nindakaken

bab prekawis punika

Rahayu

tiyang ingkang taksih nentepi

 dhawuh pangandikanipun ALLAH :

Sira nresnanana marang sapepadanira

kaya marang awake dhewe

Patunggilan

ingkang kinasihan dening  GUSTI  YESUS

Rumangsaning dhiri

kita menika

sampun leres

 bilih 

nindakaken piwales 

tumprap sok sintenana tiyang

 ingkang nggadahi 

kalepatan dumateng kita

Kalepataning gesang

kita

sanget ageng

 bilih kita

nindakaken piwales

ALLAH 

mboten ngarsakaken

kita nindakaken piwales

ALLAH 

ngersakaken

kita sumeleh 

pasrah

ngaturi

GUSTI  ALLAH

ingkang makarya 

ing gesang kula

lan 

panjenengan

GUSTI  ALLAH

rawuh

ing satengahing jagad

 kangge nebus

sadaya dosa

kalepatan kita

Rahayu

kita

ingkang ngaturi GUSTI  YESUS

makarya

 ing diri

kita piyambak-piyambak

Jer 

punapa 

ingkang kawastanan awrat

lan 

mokal

 badhe saged katindakaken

Patunggilan

ingkang kinasihan dening  GUSTI  YESUS

GUSTI  YESUS 

masrahaken sadaya 

badan nyawanipun

 kangge makarya

nglabuhi gesanging manungsa

Rahayu 

wong kang pracaya

lan

tumindak tresna

 dumateng sesaminipun

Dinten Valentin

 Dinten kasih sayang

 murih 

kita sami mandeng malih

tumprap patuladhan

 ingkang

sampun kaaturaken 

ing nginggil kalawau

GUSTI  YESUS 

mboten melasi malih

 dumateng tetiyang

ingkang mboten nggatosaken

 dhawuh pangandikanipun

Rahayu

kita samangke

 taksih saged mireng-mireng

 lan 

ngraosaken saperangan sabda 

pangandika

Kita punika

para saderek

sampun  kapiji

dadosa labuhaning nyawa

kanggening 

para saderek 

sanes

 ingkang mbetahaken sih katresnan

Kita 

saged dados lelabuhaning nyawa

 karana kita

sami kaparingan kasagedan

 numindakaken

bab prekawis punika

Pancen 

para saderek

 nindakkaken 

bab katresnan menika 

awrat sanget

Rahayu 

tiyang ingkang karawuhan

dening ALLAH

ing gesangipun 

ALLAH

kaparingan papan

panggenan

ingkang  sayektos

Malah-malah 

dados rajaning gesang 

kita

Maliginipun

 kangge nindakaken sih katresnan

tumprap 

mengsah-mengsah kita

Mboten ateges 

kita gesang madosi-

golek  mengsah

….

Kita gesang

tetepa kados dene 

GUSTI  YESUS

 ingkang mendel kemawon  

 bilih kagoda

supados nindakaken piwales

 dumatenng tetiyang

 ingkang tumindak nyekelaken 

manahipun

GUSTI  YESUS mboten nuruti pikajenging daging

ananging ngrumiyinaken badan

 lan nyawaning manungsa sanesipun

 supadosa  saged kaparingan kawilujengan satuhu

Patunggilan

ingkang kinasihan dening  GUSTI  YESUS

Kasih

utawi

katresnan menika

mboten anamung kendel

ing pangangen angen kemawon

Katresnan punika

sageda dados

dasaring gesang kita 

sasedherek

 ing wekdal migesangan

ing satengahing jagad

samangke

Mugi reraosan sekedik menika

ndadosaken tambah

kiyating iman kita

 dumateng  ALLAH

 nggih 

GUSTI  YESUS

pribadi

ingkang langkung rumiyin 

ngraosaken kakuya-kuya

Patunggilan

ingkang kinasihan dening  GUSTI  YESUS

Sadaya

bab prekawis

ingkang ndadosaken kita sirik

lan

kepengin males

tumindaking liyan

 saksaged-sagedipun 

kita owahi

 dados nresnani sesami

Bilih to 

kita dereng saged makaten

prayoginipun 

kita nyuwun pitulungan

 dumateng  GUSTI  YESUS

 supadosa 

kita saged tumindak

ngaturi  SANG  ROH  SUCI

makarya

 nyenyuwun dumateng ALLAH

Pasrah sumarah

mentingaken katresnan

 mesti

ALLAH badhe tansah 

paring pitulungan

Rahajeng kita

ingkang makarya

ing gesang pigesangan

 makarya

ana sih katresnaning ALLAH

 lumados

ing sih katresnan menika

wujuding gesang 

ngunggulaken ALLAH

 sanes diri pribadhi

  Patunggilan

ingkang kinasihan dening  GUSTI  YESUS

Kita 

samangke katetepaken 

ing pakaryaning ALLAH

 lumakua 

nindakkaken

sadaya sih katresan

 dumateng  tetiyang

ingkang nggadahi kalepatan

dumateng diri kita

GUSTI  ALLAH 

mesti badhe 

paring kakiyatan

lan

kasagedan

AMIN

TANGIA LAN TUMENGAA

Pangibadah Brayat

Kamis, 24 November 2011

TANGIA LAN TUMENGAA

LUKAS 21 : 20 – 28

28

Anadene

njenggeleka lan tumengaa,

amarga wus cedak anggonmu

bakal kaluwaran

Patunggilan

ingkang kinasihan

dening GUSTI YESUS

Iba bingahing kita

ingkang katunggil

 dening ALLAH

ingkang kebak

ing kasetyan lan prajanji

Saiba kita sami kanugrahan

 tentrem rahajeng

ingkang pinangkanipun saking ngaluhur

Sae anggen kita

 sami mangun pigesangan

 ing dinten-dinten samangke

ugi ing wekdal salajengipun

Sae anggen kita

 taksih nampi kawilujengan kasarasan

lan

 ugi nampi kakiyatan raga lan rohani

Makaten ugi sanalika nampeni

 kawontenan ingkang sami nggegirisi

kados ingkang sampun kaseratan

ing kitab suci

nggih menika bakal wonten hakanan

ingkang kapastekaken saestu sanget awratipun

 ugi badhe kalampahan

lan

 badhe nempuh sajagad

dalah saisinipun

Gegambaran Yerusalem runtuh lan karisak

ing samukawis prekawis

sampun kalampahan

bab menika ugi sampun kaseratan

 ing SABDA PANGANDIKA

ing salebeting kitab-kitabing para nabi

lan

ugi bab-bab ingkang katempuh

dening jagad dalasan ndonya saisinipun

Pancen

 kita ugi kalebet ing ngriku

Lha sumangga ndadosaken kita sami

 kabangun ing iman

 lan

kabangun ing kapitadosan 

dumateng ALLAH

Rahajeng kita

ingkang sampun tansah cecawis

lan

ingkang tansah niti kawontenaning jagad

ing wekdal samangke

anggen kita sami migesang

Mbok bilih

 kathah ugi bab-bab prekawis

ingkang ndadosaken kita

sami saged semplah,

rebah,

lungkrah

lan

dumawah

 ing kapitadosan

“GUSTI koq kaya ngana… aku dijar-jarake”

“Koq bisa kedadeyan iku nempuh aku…”

“dadi putraning ALLAH

 ora ana olehe

sabab aku ya ora tambah mujur

uripku”

Taksih kathah malih

 para sadherek

reraosaning gesang kita

ingkang saestu ndadosaken kita

nyempal

lan ugi sami saged

nindakaken tumindak nilar

 GUSTI YESUS

Jer

kita ngakeni bilih

‘kiamat’ menika wonten

ing salebeting gesang kita

 samangke

Punapa mboten kasebat kiamat

bilih kahanan kita

raosipun ‘kados’ ngalami pejah sajroning gesang ?

Ical ing pangajeng-ajeng?

 Lan

pundi ingkang dados margi

ingkang kita ener

sanes dhawuh pangandikaning ALLAH

Kiamat

ateges kawontenan

 ingkang nggegirisi

lan

ingkang saged nuwuhaken gesang kita

arupi pejah

ing kalanggengan.

Kita sami ngraosaken gesang kita

 abot sanggaipun

 mboten wonten malih

 ingkang saged mitulungi;

 Kiamat punika saestu

 saweg kita tampeni

Dados

angger kita nampeni kahanan

ingkang awrat

ing salebeting gesang

 lan

 kita ngraosaken diri kita menika

 sampun uwal

 saking margining kapitadosan

 bilih ALLAH

sampun makarya

ing diri kita

 ananging kita

 mboten mangertosi

 malahan kita mbingungi

 lan

nggadahi was sumelang

ingkang ageng :

 ‘gek engkok… mangkene…

lan sapiturutipun’

Menika

wiwitaning kiamat

 ing dhiri kita kalampahan

sauger kita nampi timbalaning ALLAH

 ananging kita mboten mangertosi

 karsaning ALLAH

Lha inggih menika

ingkang kaaranan kiamat

 sabab mboten wonten malih

 pitulungan ingkang saged nguwalaken kita

 saking kahanan

 ingkang nggegirisi

Bilih Israel

Yerusalem

 kawastanan nampeni kiamat

 nanging taksih nggadahi piandel-andel

dumateng ALLAHipun

menika kaaran

 mboten kiamat

kanggening Yerusalem,

 sajatosipun

sadayanipun

 ugi sampun katempuh

dumateng Yerusalem

 ananging menika sanes

pungkasaning gesang

Rahajeng kita para sadherek

 bilih kita taksih

 sami-sami ngugemi

dhawuh pangandikaning ALLAH,

 lan kita tansah

nyenyuwun kekiyatan

 kita menika ngalami kiamat

 ing wekdal bab-bab

ingkang nggegirisi nempuh dhiri

 ananging kita

sami kaluwaran

sabab kita tetep nggondeli

bab prekawis wujuding gesang langgeng

Samia kita pejah

 ananging tetep wonten

 ing pangrehing ALLAH

Yerusalem runtuh

 ananging wonten

ing karsaning ALLAH

Lha

makaten Para Sadherek

bab ingkang dados reraosan kita

bilih PUTRANING ALLAH

 badhe rawuh malih

 ing satengahing jagad

Kita menika

sami kataker

 ing iman kapitadosan

 punapa iman kita

sampun tuwuh ngrembaka

lan

ugi sami sampun ngedalaken woh-wohing iman

punapa anamung

kados dene wit anjir

 ingkang mboten ngedalaken woh ?

 ….

Sumangga

kita intropeksi dhiri

kasaenan kita

nboten anamung lamis

ing tumindak 

lan

 ing pawicantenan

 sabab

 menika badhe sirna

 ing wekdalipun

Kiamat

ingkang pungkasan

 mesthi nempuh dumateng saben tiyang

 sumangga enggal tangi,

njenggelek

 lan

tumenga

GUSTI YESUS ngrawuhi kita

….

Lan

GUSTI YESUS

 ugi badhe rahwuh

 ing gesang kita

 ing sawekdal-wekdal

 ing gesang kita

 pribadi mbaka pribadi.

 Lha

makaten kita mboten kepareng

tetep ing kahanan lungkrah,

 sulaya,

pejah ing iman

 lan

 kathah prekawis

 ingkang kita angkat piyambak

 ugi sami kita

nidakaken panerak

 dosa kalepatan.

Lha

menika para sadherek

 bab kiamat

ingkang sampun nempuh

gesang kita :

 Padha tangia

ayo tumenga

engal masrahaken gesang

 jer

GUSTI YESUS PRIBADI

 ingkang badhe mbangun

 gesang kita

sabab kawilujengan

mboten wonten

 ing sanjawining

SANG KRISTUS YESUS

Tangia,

ndedonga,

 tunengaa

GUSTI YESUS

nglabuhi gesang kita

Amin

Votum/Berkat

Pamuji Kipas 95 : 1, 2

Ing Waktu Badhe Winulang

Ndedonga :

Syukur

Nyuwun sih pangapunten

Undang Roh Kudus.

AMIN

Pamaosing Kitab Suci :

Lukas 21 : 20 -28

Pamuji Kipas 92 : 1

Sabdanipun ALLAH

KOTBAH …..

TANGIA LAN TUMENGAA

Memuji Kipas

145 : 1, 2

Nyuwun Ayem Ing Manah

Ndedonga Syafaat :

Dhawuh pangandika ingkang nembe kagilut …

Saos syukur : pamisungsung kaaturaken …

Nunggil anggen badhe cecawis mbangun pahargyan Natal

Gereja ing pundi-pundi panggenan ( GKJW & pepanthan )

Bangsa lan nagari Indonesia

AMIN

Memuji  Kipas 111 : 1

Rerepen Ing Wanci Dalu

Berkat

MBELA WONG CILIK

MBELA  WONG  CILIK

JABUR  145  :  8 – 21

14

PANGERAN  YEHUWAH

punika dados tetuwak

tumrap sakathahipun tiyang

 ingkang dhawah lan

 ingkang njejegaken

sakathahing tiyang

 ingkang tumungkul 

Pasamuwan 
ingkang kinasihan dening GUSTI  YESUS

Kita ing wekdal samangke

 kaparingan dhawuh pangandika

 bilih saben tiyang

ingkang setya tuhu

manut miturut ing dhawuh pangandika

 mesthi bakal kapyarsanan dening ALLAH

Sih kasetyanipun ALLAH

 lumantar sadaya pakaryaning ALLAH

 ing wiwitaning jaman

 ngantos dumugi ing dinten punika

sae kanggenipun sok tiyang ingkang manut

nurut lan netepi

 sakathahing  dhawuh pangandika

Sih piwelasing ALLAH

 mboten ewah gingsir

Sih piwelasing ALLAH

ajeg lan nyata

 lantaran sikap lan tumindak kita

 ingkang sami nresnani GUSTI YESUS

Patunggilan

kinten-kinten wonten punapa mboten

saperanganing manungsa ingkang nggadahi sifat

nresnani lan paring pitulungan

 kangge para saderekipun

 kanthi ngugemi sih katresnan ingkang sejatos ?

Pundi tiyang 
ingkang nindakaken saperangan karsanipun

 paring pitulungan

mesthi nggadahi etang-etangan bilih

punika kedah kasaur,

kawalesan ing tembe

Bilih pejabat contonopin

 ngungelaken ing bab nresnani

 lan mbela tiyang alit,

 kawula alit …

babagan punika sejatosipun

 anamung lamis ing tumindak

 mboten wonten kasunyatanipun

sepindah malih

 ing kasunyatananan

ing gesang saben dinten

tiyang alit asring mboten malih kagatosaken

kados dene

 wiwit ing wekdal kampanye

pados swara,

 biting …

Bilih pejabat kala wau

 kagawok dados pemimpin

 bilih pyambakipun taksih enget

umprap nasibing kawula alit ?

Sakathah-kathahipun

 mboten ngengeti

 bab prekawispun tiyang alit

 makaten patunggilan

 tiyang alit

anamung dados obyek

lan mboten dados subyek pelaku

 ingkang kauntungaken ing paprentahaning jagad

Pejabat sami mboten ngengeti malih

kahananing

sesambating

 tiyang alit

sampun ta bab punika

ndadosaken rahasia umum

 bilih pejabat

 mesthi badhe paring pitulungan

 tumprap tiyang ingkang nggadahi modal

ugi sampun paring sponsor

bantuan dana

ing rikala pencalonanipun

Patunggilan

 kita samangke kapimpin dening ROHing ALLAH

 bilih ALLAH

mboten sami kaliyan pemimpining jagad umumipun

Pemimpin punika

pemimpin ingkang saged njedulaken

 bab prekawis ingkang sae

lan mboten saening gesang paprentahan

Gesang  peperentahan

inggih gesang  kasaenan

 lan kasaenan-kasaenan punapa  malih

kanthi etang-etangan saling menguntungkan

Bilih pemerintah sae kanggenipun rakyat

 kanggene para pejabat punika

 mesthi nggih nguntungaken kanthi luar biasa

 sae kangge kolega-koleganipun

sae kangge kanca-kancanipun

sabrayat lan kulawarga

Patunggilan

sami kaliyan pejabat ing jaman samanngke

kita kedah netepi karsa

lan karsaning pemerintahan

kanthi setya lan bekti

Kenging menapa para kawula alit

 Rakyat

 kedah netepi peperentahan punika

 karana kanthi makaten

 sae lam mbotening gesang

sesambetan kaliyan kesetiaan

lan tulusing pamikir

bilih gesang kita wonten ing paprentahaning para pemimipin

 bangsa lan negari punika

Patunggilan

kita sami kedah

 mboten saling njegal

 lan nyatoni

satunggal lan satunggaling para kawula alit

 kita kedah saling tulung tinilungaan

ing sakathahing sesanggi

ingkang saweg kaalaman