Waosan
:
PANGANDARING TORET 16 : 1 – 8
8
Nem dina lawase
kowe mangana roti
tanpa ragi
lan
ing dina kaping pitune
nganakna pakumpulan gedhe
kagem Pangeran YEHUWAH,
GUSTI ALLAHmu;
Kowe aja padha nyambut gawe.
NGELMU PRING
Patunggilan
ingkang kinasihan
dening GUSTI YESUS
Saumpami kita
menika
samangke
kagambaraken
dados
sarana utawi
piranti
ingkang nggadahi
tugas
ngabaraken bab kawilujengan
mestinipun
kita sami badhe
kaaturan
maju mundur (bener)
utawi wonten ing
nginggil ngandap (bener)
lan
mangiwa utawi nengen (bener)
kita kedah leres
lan tetep ing kabeneran
kita utawi
tiyang
ingkang kapatah
dados sarana/
pirantining ALLAH
menika mesti
badhe kawastanan
ugi
dados sumbering ngelmu
sebab bilih
makaten
tiyang utawi
kita menika
kedah nggadahi
sadaya ilmu
bab kawilujenganing manungsa
Patunggilan
Punapa
ingkang badhe kita
bahas samangke
sanes bab
kajawen
lan
bab-bab jagad
ndonya saisining
ananging
bab kawilujengan
ingkang sanyata badhe
murugaken kita
mboten lepat
ing ngarsaning
ALLAH
Kita sami
kaajak ngengeti
bilih kita
menika
sami dados
tiyang dosa
Dados tiyang
dosa
ingkang saweg olah kasucen-
nindakaken
tresna tinresnan-
lan
nindakaken
apunten ingapunten
sebab ALLAH
ingkang kita
sembah sujudi menika
Allah ingkang
maha suci-
maha kudus
lan
GUSTI ingkang
maha tresna
lan ugi
GUSTI ingkang sampun paring
sih pangapunten
Patunggilan
Mboten wonten
satunggaling tiyang-
manungsa
ingkang otomatis
dados suci lan kudus
sanajan
ilmunipun inggil
sebab sacara
manungsa limrah
manungsa tetep
dosa
mboten saged
pinaggih
kaliyan ALLAH
ingkang maha
luhur-
maha suci
Mboten wonten
manungsa
ingkang saged nebus
dosa dosaning manungsa-
sesaminipun
utawi
dhirinipun
piyambak
badhe nebus
awake dhewe
Manungsa
sampun tebih-
nebih saking
ALLAH
ingkang maha
suci
Menika sadaya
sampun kaseratan
wonten ing Kitab
Suci
Isining Kitab
Suci
esthu nedhahaken
bilih
YESUS KRISTUS menika
sanes manungsa
limrah
ananging YESUS
menika
Manungsa
ingkang sampun kalairaken
dening ALLAH
lumantar SANG ROH
SUCI
dados bayi suci
Artosipun
ALLAH Pribadhi
ingkang makarya
ing dalem dhirinipun YESUS
Sepindhah malih
YESUS sanes
manungsa limrah
sebab YESUS
menika ALLAH
PRIBADHI
ingkang saweg
ngampili
DHIRInipun dados
paraga-
dados sarana :
ALLAH anggenipun
ngudi nebus
dosaning manungsa
YESUS-
Manungsa utusaning
ALLAH
ingkang tanpa
dosa
YESUS-
Manungsa utusaning
ALLAH
ingkang ngudi badhe
ngrembat-
nebus dosa-dosaning
manungsa
Lha,
Wonten ing peristiwa
Paskah samangke
sami kita
mangertosi
bilih YESUS
dados sarananing
ALLAH
nebus-
nucekaken gesanging manungsa-
sadaya manungsa
sajagad rat
Nebus-
paring
kamardikan
saking bebenduning
dosa
lumantar rah
pangorbananing
GUSTI YESUS
ingkang seda-
sinalib ngrembat dosa-dosaning manungsa
Mila Patunggilan
Samangke
kita sami kaatag
kedah temen-temen
anggen kita
sinau-
ngelmu
bab kawilujengan peparinging ALLAH
sebab mboten
wonten
manungsa saged milujengaken dhirinipun
piyambak.
Mosok wong dosa
nebus wong dosa
Menapa saged
kita salaku
manungsa
ingkang dosa
dosanipun langkung ageng
badhe mitulungi
tiyang sanes ingkang ugi kebak dosa?.
Dados Jejer-
judul reraosan
bab Ngelmu Pring menika
sanes ilmu kejawen malih
ingkang
mijilipun saking jagad
ananging ngemu ngelmu
karohanen
ingkang
mijilipun
saking ngaluhur
ingkang dipun paringaken dening ALLAH
lumantar
renungan-
reraosan kita
ing wekdal
samangke
ngangge
conto-conto bab pring-pringan
otak atik matuk-
srana paribasan
bab pring-pringan
ing wekdal sonten
samangke
Pring lan macem-maceming Pring
kados dene semut
limrahing kewan
ingkang gesang
wonten ing satengahing
jagad
ananging semut menika samangke
mboten malih dados
semut biasa
sebab GUSTI
ALLAH ngersakaken
manungsa nyonto-
nuladhani si semut kalawau
GUSTI ALLAH
kersa nedahaken
bab-bab
kaleresan
lumangkung sarananipun
tata cara
pigesanganing semut
Patunggilan
Rahajeng kita
ingkang sami manut
ing sadaya dhawuh-dhawuhing ALLAH
kanthi makaten
kita sami saged mireng lan ngraosaken
wosing gesang ingkang leres-
mboten sak karepe dhewe
(nggunem sak karepe dhewe-
mikir ngangge akal budi sak karepe
dhewe-
lan nggagas komentar ugi sak karepe
dhewe-
lan taksih kathah malih
tumindak kita ingkang mboten leres)
Samangke kita sami kaengetaken
Bilih gesang kita menika
mboten salaminipun badhe tetep
wonten ndonya-
jagad
Gesang kita menika
mbenjang mesti
badhe kita pungkasi
kenging menapa kedah kita pungkasi?.
kenging menapa kedah kita pungkasi
bab-bab
ingkang gegayutan kaliyan ‘sak karepe
dhewe’
kalawau ?
Jelas;
Kita badhe mungkasi gesang
ing alam ndonya menika
rehning sejatosipun
kita menika
mboten nggadahi gesang
kalawau
sebab tuking gesang menika
anamung
GUSTI ALLAH
GUSTI ALLAH
ingkang karsa nebus dosa dosaning
manungsa
lan
GUSTI ALLAH ugi
ingkang badhe paring gesang langgeng
dumateng manungsa
ingkang kersa praktek nindakaken
sadaya dhawuh-dhawuhing ALLAH
Manungsa sami katuntunan
dening ROHing ALLAH
ingkang suci
mboten anamung tiyang pitados kemawon
ingkang badhe katuntunan dening ROH
SUCI
sebab ROH SUCI menika
ALLAH PRIBADHI
ALLAH ingkang nyipta
lan
ALLAH ugi
ingkang badhe nuntun sadaya manungsa
ALLAH SANG ROH SUCI
ingkang nyagedaken gesang kita
lan
sadaya manungsa
murih saged dados leres lan sembadha
wonten ing ngarsaning ALLAH SANG RAMA
Patunggilan
Bilih manungsa pitados
sanajan ta agaminipun Kristen
Pitados-
ngimani
ananging mboten purun
nindakaken dhawuh-dhawuhing ALLAH
sak karepe dhewe lakune
nggih mesti mboten badhe nampeni
kawilujengan sejatos-
gesang langgeng-
gesang kebak katresnan
tentrem rahajeng lan kebak kasucen
ing Swarga
ingkang mulya
Patunggilan
Sumangga sami sinau
bab Ngelmu Pring
Kula badhe waosaken
saperangan seratan
saking renungan Pancaran Air Hidup
(PAH)
Mekaten
Patunggilan
ingkang dipun tresnani
dening GUSTI YESUS
…
seratan bab “ngelmu pring” dening
Romo Sindhunata
pangngriptanipun
. kirang langkung
kados mekaten
seratanipun:
Pring reketek gunung gamping ambrol,
Ati kudu tetep jo nganti uripmu kagol,…
Pring reketek gunung gamping ambrol,
Uripa sing jejeg nek ra eling jebol,…
Seratan punika nggambaraken
gesang kanthi tekad
ingkang kiyat
kakiyatan lan tekad
saged nugel
ros-rosaning deling
ingkang melur
lan
kakiyatan lan tekad
saged njeblugaken gunung kapur
ingkang atos.
Mekaten ugi
bilih manah manah kita jejeg
kalambaran raos eling
badhe ngicalaken pepalang
rubeda
ing sajroning gesang
lan
saged nyegah karisakaning gesang.
Kalajengaken,
…
pangngriptanipun
Romo Sindhunata
Pring Ndeling,
tegese kendel lan eling,
kendel merga eling,
timbang nggrundel nganti suwing,
Pring kuwi suket,
Dhuwur tur jejeg;
Rejeki seret,
Rasah dha bunek.
Pring Ori,
Urip iku mati;
Kabeh sing urip
mesti bakale mati,
Pring Apus,
Urip iku lampus;
Dadi wong urip
ojo seneng apus-apus,
Pring Petung,
Urip iku suwung;
Senajan suwung
nanging ojo bingung,
Pring Wuluh,
Urip iku tuwuh;
Ojo mung embuh
ethok-ethok ora weruh.
Pring Cendani,
Urip iku wani;
Wani ngadepi
aja mlayu merga wedi,
Pring Kuning,
Urip iku eling;
Wajib padha eling,
Eling marang sing peparing,
Gusti ALLAH
ndhawuhaken
supados manungsa eling,
boten prelu ngangsa,
kedahipun malah prelu ngaso:
(ayat 8)
Ngengetaken dumateng kita para timbalan
“aja padha nyambut gawe”
Nem dina lawase
kowe mangana roti
tanpa ragi
lan
ing dina kaping pitune
nganakna pakumpulan
gedhe
kagem Pangeran YEHUWAH,
GUSTI ALLAHmu;
Manungsa betah leren.
Dhateng sinten-
Dhateng pundi
nalika leren?
Eling marang sing peparing.
Bangsa Israel
wongsal wangsul kadhawuhan
lajeng dados tansah
eling,
bab menapa kemawon
ingkang sampun sami kelampahan
dening bangsa Israel,
Bangsa Israel
dados eling bilih
Pangeran Yehuwah
ingkang nggajar
bungah,
ingkang nggajar kaluwaran,
nenuntun bangsa Israel
dhateng tanah perjanjian.
Patunggilan
Tansaha kita sami ugi
Tansah eling
Bilih
kita sami
dados tiyang dosa
sampun diluwari
dening GUSTI YESUS
saking wewengkoning panguwasa dosa-
saking panguwasa pepeteng
Katebus-
kaentas
kinanthi prastawa Via Dolorosa-
prastawa kasangsaran
seda sinalibing GUSTI YESUS
Mila samangkya dadosa kita
para timbalan
ingkang tansah eling
Tiyang eling punika
tiyang begja.
Awit sabegja-begjane kang lali,
isih luwih begja
wong kang eling
klawan waspada.
Patunggilan
Kita sami samangkya
Sampun dados
satunggaling pasamuwanipun
Gusti YESUS
ing GKJW
Pasamuwan Suwaru
Sepindhah malih;
tansaha kaatag
anggen kita eling-ingelingan.
Tiyang sepuh
ngelingaken
anak-anakipun
supados eling marang GUSTI YESUS :
Samangke
dinten Paskah
Samangke
dinten wungunipun GUSTI YESUS
Ayo ditetep ana ing satengahing patunggilan
kados dene GUSTI
YESUS
rikala sugengipun
makarya
kanthi setya tuhu
tulus
kebak ing kasucen tanpa dosa
Aja golek penake dhewe
ndhadekake liyan
susah lan keduwung
Ayo makarya-
Ayo padha kangelan-
Padha ndhadekake dhirine dhewe-dhewe
kaya dene GUSTI YESUS
Sebab
ana ing patunggilaning GUSTI YESUS
kangelanmu
mesthi ora muspra
upahing kawilujengan-
gesang langgeng-
tentrem rahayu
GUSTI
YESUS amberkahi kita
AMIN
Pangibadah Brayat
Kamis, 22 Februari 2018
Ing Kel Bp. Totok Suparto KRW 5
Votum / Berkat
KPK 31 :
1 PINUJIA ALLAH
Introitus :
WULANG
BEBASAN 6 : 6 & 30 : 25
He wong kesed, maranana semut,
lakune titenana lan dadia pinter.
Semut iku golongan kang ora rosa,
nanging sasuwene mangsa panas padha tandho pangan
KPK 34 : 1,
2 SUNG SEMBAH PUJA
Pandonga
Syukur …
Pertobatan …
Nyuwun kasucen lan kakiyatan … ROH SUCI
maos kitab suci
Amin
Maos Kitab Suci : PANGANDARING TORET 16 : 1 – 8
KPK 193 : 1,
2 MUNG SAWIJI KABEGJAN SEJATI
Kotbah ….
KPK 33
: 1, 2 SAWERNANING PUJI
Doa syafaat
Syukur dhawuh pangandika/ Atur pisungsung
Bangsa negari/ Greja… Ranc Paskah
Warga sakit, momotan, reribed/ Kel Bp Totok Suparto
Bibaran/ Amin
KPK 120 : 1 KUMANDEL
MRING ALLAH
Berkat
