Selasa, 28 Agustus 2012

kang becik kang sampurna iku asale saka ing ngaluhur

Persekutuan Doa Gidion
Selasa, 28 Agustus 2012




YAKOBUS 1 : 15 – 19

17
Saben peparing kang becik sarta saben ganjaran kang sampurna
iku asale saka ing ngaluhur,
kathedakake saka RAMAne sakehing pepadhang;
kagem PANJENENGANe
ora ana owah-owahan utawa gambaran
bakal molah-malih





Patunggilan
 ingkang kinasihan dening GUSTI YESUS
Rahayu gesang kita
 ingkang sami kapiji
dados abdi pandhereking ALLAH

Sabab lantaran punika sadaya
bab prekawis ingkang mijilipun saking ngaluhur
 badhe bakal kaparingaken

Prekawis punapa kemawon
antawisipun karohanen lan kedagingan
mboten wonten pemisahan.
Antawis kekalihipun
mboten wonten ‘bedanipun-
perbedaan-ipun’

Bab karohanen
ugi mentingaken kedagingan
mekaten ugi bab kedagingan mesthi ugi
mentingaken karohanen-
kekalihipun mesthi wonten gandeng rentengipun

Bab karohanen
mboten saged tumindak piyambak
makaten ugi bab kedagingan-
kekalihipun mbetehaken panyengkuyungan
ingkang saestu-estu prayogi
saking ALLAH ingkang maha kuwaos.

Bab kedagingan contonipun
 bilih lumampah piyambak
mesthi badhe sulaya
 ing ngarsanipun ALLAH.
Makaten ugi bab karohanen
 ugi badhe lumawanan dumateng ALLAH.

Kasombongan rohani contonipun.
Aku bisa karana aku.
 Aku ana karana aku.
Jer kita saged kesupen dumateng ALLAH
ingkang saestu-estu ngersakaken dhiri kita leladi

Kita saged kesupen
karana dhiri kita langkung unggul
ing bab pangraos isining kitab suci
nggih menika dedhawuhing ALLAH
 ingkang ngemu kayektosan sejatos


Patunggilan
ingkang dipun tresnani dening GUSTI YESUS
Kita menika
dados abdi ingkang pinilih
awit kita sampun sami nampeni sihe ALLAH
Rawuhing ALLAH ing jagad
mboten miji tiyang pracaya
ananging miji tetiyang
 ingkang mitadosi karsanipun ALLAH

Tiyang pracaya menika benten
 kaliyan tiyang ingkang mitadosi karsanipun ALLAH

Bentenipun mekaten :
Tyang pitados
 anamung kandeg ing kapitadosan
sak sampunipun mireng dedhawuhing ALLAH
lan katog ing kapitadosanipun
 ngantos dumawah ing dosa
sebab kedagingan taksih nguwasani dhirinipun
Rohani kakawonaken dening kedagingan


Patunggilan,
Bab karohanen
 ingkang mboten kakawonaken dening kedagingan
bilih conto menika kalampahan :
Tiyang purun rumaket dumateng ALLAH
 karana mboten sadengah pitados ananging mratandhani ing kahanan ‘lali ananging dadi eling’
 utawi waspada
ing sadhengah prekawis

Karohanenipun tansah jumaga
sanajan badanipun lungkrah-
lesah-
ringkih
 ananging pangajeng-ajeng
 dumateng rawuhing ALLAH
 tetep wonten ing dhirinipun


Sepindhah malih
patunggilan,
Reraosan kita menika
sanes sanepan utawi pasemon
ananging bab dhawuh pangandika
ingkang katujokaken dumateng saben tiyang pitados
 amrih saged lumampahan timbalaning ALLAH

Ayat 17 – 18
  17.Saben peparing kang becik sarta saben ganjaran kang sampurna 
iku asale saka ing ngaluhur,
 kathedakake saka RAMAne sakehing pepadhang; 
kagem PANJENENGANe ora ana owah-owahan utawa gambaran 
bakal molah-malih
18.Marga saka karsaNE PIYAMBAK, 
PANJENENGANe wis nitahake kita 
sarana pangandikaning kayekten 
supaya kita padha ana 
ing tataran kang pinasthi 
padha dadi putra pambarep
 ing antarane para titah kabeh


Patunggilan
Lamun gesang kita menika
dados menapa bilih lumampahan piyambak,
lumampahan ing kahananing jagad
ingkang sarwa kedagingan
kita nilar rohani kita
 kanthi makaten
…
kita sami sampun dumawah ing dosa

GUSTI ALLAH
kita sisihaken

Sabda pangandika-
dedhawuhing ALLAH
 anamung lamis ing manah
 batos kita
mboten kalampahan sacara kedagingan kita

Menika titikanipun manungsa kedagingan:
Iya, iya ananging mboten pinanggih
Ora, ora ananging nglakoni

Sakjane ora pracaya
ananging nindakake,
iku  luwih becik
 tinimbang pracaya
 anganging nilar dedhawuhing ALLAH


Rahajeng kita
 patunggilan
ingkang saestu mirsa lan mireng
dhawuh pangandika lumantar ROH KAYEKTEN
nggih GUSTI ALLAH PRIBADI
ingkang makarya
dedhawuh
dumateng saben manungsa
ingkang purun sowan mareg lan mitadosi
ing tumindak

Pracaya
 mboten angger pracaya
ananging  pracaya
ingkang lumampahan ing margining gesang
ing pangrehing ALLAH
Dados titah ingkang enggal
karana sampun ngenggalaken manah lan batos
ing saben lampah tumindakipun
ngener ing dhawuh-
sabda pangandika


Patunggilan
 rahajeng kita
 ingkang kapiji dados abdining ALLAH
Abdi
 ingkang saestu katunggilan ing ROH
ingkang SUCI;
Nggih ROHing ALLAH
ingkang adedalem
ing manah tuwin batos kita

Rahajeng kita
ingkang sampun kapilih lan kacadhangaken
 nampeni makuthaning gesang langgeng
salaminipun

GUSTI mberkahi kita sami

AMIN










Salam/Berkat
Memuji KPK 27 : 1, 2
ASMANE GUSTI ALLAH

Pandonga
Maos Kitab Suci : YAKOBUS 1 : 15 -19
Memuji KPK 195 : 1
ISINYA KITAB SUCI

Renungan
Pandonga
Memuji KPK 136 : 1
KUMANDEL DHATENG ALLAH


Pandonga Syafaat

Diposting oleh Tidak ada komentar:
Label: Spiritual

Kamis, 23 Agustus 2012

PASEMON BAB PAHARGYAN MANTON ING KRATON


Pangibadah Brayat
Kamis, 23 Agustus 2012





PASEMON
BAB PAHARGYAN MANTON
 ING KRATON






MATIUS 22 : 1 – 14


14
Sabab akeh kang katimbalan, nanging mung sathithik kang pinilih






Patunggilan 
ingkang kinasihan 
dening GUSTI YESUS

Rinten dalu kita migesang
miturut miturut wekdal ingkang kaparigaken
dumateng kita piyambak-piyambak ;
wonten wekdalipun dalu, siyang, enjing;
wonten wekdalipun ngaso- nyambut damel
lan
 saestu menika sadaya ndadosaken kita manungsa
kebak kabebasan.
Kados pundi anggen kita badhe ngisi
kamardikaning gesang kita menika ?

Ing wekdalipun mesti kita badhe kaundang –
 kauleman
awit semanten sihe katresnanipun ALLAH
dumateng manungsa
para titahipun;
sabab saestunipun kita mboten dangu
anggen kita migesangan
ing satengahing jagad menika.

 Kahanan kita mboten tetep ing kawontenaning jagad…
tetep wonten wekdal kangge nyambut damel lan ngaso,
tetep kedah ‘beraktifitas’ nyambut damel
ing wanci dalu- siyang- utawi enjing.

Ing ngriki
 kita kedah wantun mbucal wekdal
kangge nggatosaken timbalaning ALLAH.

Mbucal wekdal
ateges kita ngangge sawernining wekdal anggena
 kita saged sowan ing ngarsanipun ALLAH
 awit kita ingkang sampun nampi uleman-
sampun nampi undangan
lan
 sampun kapiji-
katinimbalan
sageda sak saged-sagedipun
 kita nggatosaken timbalanipun ALLAH!

Sapindah malih
 para sadherek kinasih
Urusan ing ndonya
mboten wonten telasipun-
mboten saged kaendeg.

Bilih sampun enjang mangke siyang … dalu
 lan sapiturutipun
enjang kadadosaken siyang,
siyang kadadosaken dalu-
dalu dados siyang.

Saben tiyang gesang
mesti anggadahi aktifitas macem-macem 
lan
benten-benten kegiatanipun
antawisipun satunggal lan satunggalipun.

Satunggal ngaso
satunggal tiyang nyambut damel;
 Sikil dadi sirah-
 sirah dadi sikil
Rina wengi nyambut gawe

Punapa menika saestu migunani
kanggening gesang ing tembe ?

Mila kita ingkang sampun kauleman-
Lan sampun kaundang dening ALLAH

Ateges kita menika
sami sampun nampeni sihe ALLAH
ALLAH ingkang sampun nyawisaken 
bab-bab prekawis
 ingkang mituhu-
ingkang penting
 selaras kaliyan karsanipun ALLAH;

 Bab Kraton Swarga
 Ingkang sampun sami kacawisan
 kanggening kita para manungsa.

Menika papan palereman
 ingkang sejatosipun kangge salami-laminipun
mboten wonten malih wekdal ingkang kasebat
lan
kalampahan
kados dene kawontenan ing satengahing jagad.
 Swasananipun benten
(mboten wonten dinten gantos dinten, siyang gantos dalu)
 Lan
 kahananipun sarwa cumawis
(mboten wonten panyambut damel malih)
Siyang dalu mboten wonten-
 ingkang wonten anamung padhang lan pepadhang.
Panangis lan keroting untu mboten wonten-
ingkang wonten anamung pamuji
 ngluhuraken Asmanipun ALLAH.

ALLAH rawuh
nuweni manungsa
ing satengahing jagad samangke
kangge nyawisaken-
miji manungsa
 ingkang sami purun lan nggatosaken timbalan :
 Iba gunging pangaksami
sageda kita nggatosaken timbalan
ingkang awujud uleman-
undanganipun ALLAH.

Sebab sadaya menika
wonten wekdalipun piyambak.

GUSTI YESUS
ingkang saweg memucal
ngangge pasemon
bab paghargyan memanton
menika ngaturi uleman
kangge sadayaning manungsa;

Ing wiwitaning uleman
Uleman menika anamung kangge  manungsa
ingkang sampun kapiji-
sampun katemtokaken
…
 ananging ing pungkasanipun
uleman menika kangge sadaya tiyang
 ingkang saged kapanggihi-
saben tiyang
 ingkang purun nggatosaken timbalan
lan
 nyawisaken dhiri-
tiyang ingkang mbucal wekdal
tiyang ingkang purun nilar gesang padintenan
 kangge kembul ngrahapi pesta memanton
menika


Patunggilan
Iba bingahing gesang kita
bilih kita sami mangertosi
tujuaning ALLAH rawuh
 ing satengahing jagad

GUSTI YESUS rawuh paring piwucal-
pawartos bab kratoning ALLAH
 lan
 syarat kanggening sinten tiyang
 ingkang saged lumebet kraton swarga
menika

Cetha lan jelas kaseratan
 miturut reraosan Bab pasemon
 pahargyan memanton ing kraton
1.       Kangge sok sintena tiyang
 ingkang katinimbalan
 miturut tata lan caraning ALLAH 
(tiyang ingkang nggatosaken undangan)

2.       Kangge tiyang 
ingkang karsa 
purun rawuh ngrawuhi undangan
 mawi tata cara lan adicara kraton swarga 
(ngangge pangagem-
 rasukan pesta-
 kasucening karohanen;
 tata cara gesang padintenan 
ing jagad kedah katilar)

3.       Jelas ingkang nimbali- 
ngulemi menika ALLAH
 ratuning gesang kalanggengan 
ingkang kebak panguwasa 
ing katresan lan ing paukuman. 
Sinten tiyang ingkang nggatosaken
 badhe nampi kabingahan
 lan
 ingkang mboten purun nggatosaken 
badhe kaukum

4.       Warganing kraton kaswargan
mesti tansah nengenaken timbalaning 
lan 
purun nilar aktifitas kadonyan,

warganing kratoning ALLAH
 langkung remen ndherek pambujanan kembul
 ing pesta memanton
 katimbang aktifitas dhiri pribadi


Makaten
 patunggilan
 ingkang kinasihan dening GUSTI YESUS
Bab katresaning ALLAH
 nglangkungi PUTRANING ALLAH
 YESUS GUSTI kita 

GUSTI YESUS
saben-saben wekdal
 kersa nimbali kita
 lan
kersa paring pangenget

 pundi ingkang kedah karumiyinaken-
kautamekaken
bab timbalaning jagad-
nggih menika
panyambut damel-
aktifitas gesang
utawi
timbalaning ALLAH
ndherek ing persekutuan
pamuji
ngluhuraken Asmanipun

Sumangga 
kita cak-aken reraosan
Dhawuh pangandika :
“Sabab akeh kang katimbalan,
nanging mung sathithik kang pinilih”


Mugi-mugi
kita
 para sadherek
mboten klentu malih
anggen kita milih lan miji wekdal
 kagem ALLAH
ratuning gesang kaswargan

GUSTI YESUS mberkahi kita

AMIN

















PANGIBADAH   BRAYAT
Kamis, 23 Agustus 2012


Votum/Berkat
Pamuji KIPAS  1 : 1 
MAZMUR 1
Rahayu kang lakune tan manut 
Pangangen-angene wong duraka
Lan ora ngambah dalane wong dosa
Ora wor lungguh ing pajagongane
Nging karem nyang panmerdining ALLAH
Rina wengi den gilut ing manah

Ndedonga :
Syukur
Nyuwun sih pangapunten
Undang Roh Kudus.
AMIN

Pembacaan Alkitab : MATIUS 22 : 1 -14

Pamuji KIPAS 76  : 1 
ETUKING KARAHAYON
(Yokanan 1 : 7)
Wonten darah suci mancur
Neng ardi Golgota
Nggih rahipun GUSTI YESUS
Kang ngicalken dosa
Nggih rahipun USTI YESUS 
Kang ngicalken dosa
   
KOTBAH …..

Pamuji KIPAS 65  :  1  
 KASAMPURNANIPUN GUSTI
Kula nggunggung  nggunggung GUSTI
Panutan kula kang sejati
Dene suci tanpa cela

Tansah kula mulyakaken
Asmane kula luhuraken
Tan wonten timbanganipun

Nggenipun nglampahi
Karsane HYANG WIDI
Tansah mantep 
Lair batos salaminya
Umadep maring kang RAMA


Doa syafaat :


Memuji  KIPAS 115  : 1
PANGANDEL DUMATENG ALLAH
Neng gunung wah neng ngare 
GUSTI ALLAH ana
Nyana ngendi paranku
Mesthi ana uga
Endi kang dadi cipta
lan usiking ati
Kabeh mesthi kapirsan
Ing ALLAH HYANG WIDI 

Berkat


Diposting oleh Tidak ada komentar:
Label: Spiritual
Langganan: Postingan (Atom)