Jumat, 25 November 2011

TILAR NDONYA KARANA NYLEWENG

Ibadah Brayat
 Kamis, 31 Juli 2008

 






TILAR  NDONYA
 KARANA  NYLEWENG






LELAKONE  PARA  RASUL  5 : 1 - 11



 
















Patunggilan iangkang katresnanan
 dening GUSTI  YESUS
 Kenging menapa
 kita ing wekdal samangke
 kaparingan
 dhawuh pangandika
 bab pamisungsung
ingkang sayektos ?


Bab pamisungsung punika
 bab ingkang sayektos
 karana ALLAH
 ngresakaken dumateng kita
 paring  timbal balik

bab sih katresnan kita
dumateng ALLAH

 
Bab katresnan
 mboten anamung awujud
 nglempakaken yatra
 banda ndonya
 lan sanes-sanesipun

ananging saged ugi awujud
 pamisungsung jiwa raga lan
 kapitadosan
 ingkang unggul
 kagem kamulyan ALLAH


 Kamulyan
 ingkang agung
 nggih punika
 nindakaken sadaya
 dhawuh pangandika
 bab prekawis
 ingkang adi
 karana ALLAH
paring dhawuh pangandika


Samubarang
 ingkang kita tampeni
 anggen kita nyambut damel
 kanthi setya tuhu
 madep mantep
 ing karsaning ALLAH
 mesthi badhe kabinerkahan
 

Kitab Wulang bebasan 3 : 9 - 10
 
9

"PANGERAN  YEHUWAH luhurna
kalawan bandhamu 
lan
 srana kawitaning sakehe pametumu;
  
10
 temah lumbungmu
 bakal dikebaki nganti luber lan
 pamipitanmu luber anggure"

 

Patunggilan
 kanthi dhawuh pangandika ugi ...
 Ananias lan Safira
 nggih sadaya tyang pitados
 ing wekdal semanten
 ngaturi bandha bandhanipun
 kasade
 kangge pamisungsung
 ingkang adi

 
Sinten ingkang
 ngresakaken kawilujengan
 nggih mesthi badhe  netepi
 dhawuh pangandikanipun ALLAH
 

Karsanipun ALLAH
 ing wekdal semanten katampi
 kaliyan manah pitados
 bilih ALLAH
 badhe paring kacekapan
 ingkang ageng
 luber lan sampurna
 ing wekdal kita mbetahaken

 
Kanthi makaten
 para sadherek patunggilan
 ing wekdal semanten kathah tiyang
 ingkang masrahaken
 sadaya darbekipun
 kangge kamulyaning ALLAH

 
Pasrah sawetah
 punika kunci kebiasaan
 masalah :

sade nyade tanah
 siti
 kagem ALLAH

 

Patunggilan
 kita samangke benten kebiasaan
 

Ing wekdal samangke :
 Pancen kita kaudi
 misungsungaken
 kanthi ekhlas
 suka rila

mboten nggadahi
 damel kesempatan mbujuk
 ngentit
 mendet sadhengah
 pamisungsung

 
Pancen kita kaudi
 supados nggatosaken
 sadherek sanes
 ingkang kacingkrangan
 ing wekdal punika
 

Punika sami kaliyan
 kahananing sadherek sapatunggilan
 Ananias lan Safira
ing kala samanten :


Ingkang kirang ...
 kacekapaken
 dening tiyang
 ingkang nggadah
 mboten badhe kakirangan
 

sanadyan nglempakaken
 kagem ALLAH

nggih kangge para sadherek sanes
ingkang sami kacingkrangan

 
Bab punika
 awujudipun kapitadosan
 ingkang satuhu
 dumateng dhawuh pangandika
 

Bab punika sami katindakaken
 
Jaman samangke
 nggih sami semangatipun
 kanthia iman
 ingkang mitadosi ALLAH
 kita nggih
 nglempakaken pamisungsung
 

Anggen kita
 misungsungaken kados pundi ?

Punapa kita benten
 kaliyan semangatipun
 Ananias - Safira ?


Bilih benten
 kita amireng .....
 kita asring katuduh
 kenging menapa kita owel
 anggen kita
 misungsungaken
bandha darbek kita ?


 Kita sami pitados
 ananging
 dereng saged tumindak
 ingkang trep
dumateng sadaya dhawuh
 pangandikanipun ALLAH
 

Asring
 kita kepengin
 angsal pangalembana
 saking tiyang sanes
 kanthi ngorbanaken
 iman kapitadosan kita :

bilih ALLAH
 badhe nyekapi
 sadaya kabetahan kita


Kita kaparingan wekdal
 nglola
samubarang darbek kita
ananging
bilih sampun kaaturaken
kagem ALLAH
 kenging menapa
 kathah-kathahipun
 kita owel ?

 
Bilih kita
 \mboten ngaturaken pamisungsung
 sadaya punika
 lak tetep dados darbek kita ?

Darbek kita
 ingkang satemenipun ....

GUSTI ingkang paring berkah !



Patunggilan ingkang katresnanan
dening GUSTI  ALLAH
 Ananias - Safira
maringaken sadhengah barang darbekipun
 ananging ngaturi pirsa
bilih sadaya darbekipun
 ingkang nembe kasade
 kaaturaken kagem
 "pasamuwaning" ALLAH

 
Pundi ingkang leres
 para sadherek

Aturipun Ananias utawi Safira



Kekalihipun mboten blaka
bilih sampun mendet
 saperangan pamisungsungipun


ALLAH mirsani bab punika
 ROHing ALLAH
 kapireng dening Rasul Petrus
 bilih kekalihipun sampun dora
 goroh
 anggenipun paring pamisungsung
 

Dosanipun mboten saged katebus
 karana kekalihipun
 tetep ngugemi kesepakatan dora
 bab pamisungsung
 

Pejah lan tilar
punika paukumaning ALLAH
 

Patunggilan
 kita sami saged sinau
bilih pamisungsung punika
 kagem ALLAH
 

Sikap tindak tanduk kita
ugi sami dados titikaning
 iman kapitadosan kita
 dumateng ALLAH
 

Mboten pados pangalembana
saking tiyang kathah
nggih saking
 para sadherek sapatunggilan


Pangandikanipun GUSTI  YESUS ...
 Sinten ingkang
 ajrih asih
 dumateng ALLAH
 ALLAH nggih paring piwelas

 
YAKOBUS 1 : 7 - 10

 7
 Wong kang mangkono
 iku aja nduwe pangira,
 manawa bakal
 nampa apa-apa saka GUSTI


8
 Jalaran
 wong kang atine mangro
 ora bakal
 tentrem uripe


 9
 Sadulur
 tunggal pracaya kang asor
 iku mongkoga
 samangsa kaluhurake
 

10
 dene wong kang sugih
 iku mongkoga
 menawa kaasorake
 jalaran
 wong iku bakal sirna
 kaya kembange suket


 

Patunggilan
 kita samangke
 sami dadosa pitados
 bilih
 dhawuh pangandikanipun ALLAH
 saestu badhe kalampahan
 

Sinten
 ingkang paring pamisungsung
 mesthi bakal oleh
 angsal berkah


 ALLAH mboten
mblenjani janji
 karana
 sabda pangandika kalawau
 leres lan trep
 kanggenipun para pitados

 
Sinten ingkang paring
 mesthi
 bakal angsal sembulihipun
 

Sinten
 ingkang mboten nggatosaken
 dhawuh pangandika punika

mesthi angsal paukuman

 
Sih katresnanipun ALLAH luber
 lumbung-lumbunginggesang kita
 mesthi badhe luber
 

Sih katresnanipun ALLAH
 sami nyata
 ing gesang kita
 sapatunggilan
 awit ALLAH
 paring berkah

 AMIN

















VOTUM

BERKAH

Kipas 95  : 1, 4

Ing wektu badhe winulang



Pandonga

MAOS  KITAB  SUCI

LELAKONE  PARA  RASUL  5 : 1 - 11

Kipas  95 : 2, 3

Ing wektu badhe winulang



KOTBAH

Kipas  36 : 1, 5

Rahayu wong kang utama lakune



PANDONGA  SYAFAAT

Kipas 128 : 1

Kinanthi ing GUSTI

BERKAH