Jumat, 26 Februari 2010

GUSTI YESUS NUWENI UMATE

Kamis, 19 Februari 2009

LUKAS  7 : 11 – 17

Patunggilan ingkang kinasihan dning GUSTI  YESUS
 kita samangke sami kaparingan dhawuh pangandika
bab pakaryaning ALLAH
 lumatar GUSTI  YESUS  KRISTUS

ALLAH langkung nresnani
dumateng umatipun
 alangkung sae malih
 nuweni ing gesang pigesanganipun

ALLAH rawuh
nuweni umatipun
 anjalari sadaya bab prekawis
 ing gesang pigesangan punika
saged katampi sae lan sukarena


Patunggilan
 kita sami nggadahi momotan
ing gesang punika
sae ingkang kasumurupan dening tyang sanes
 nggih makaten ingkang mboten katingalan dening driya
  tyang sanes mboten saged nderek ngraosaken

Makaten para saderek
 kita punika abdinipun ALLAH
 ingkang kebak karingkihan ing gesang


Ing gesang kita punika
 sami saged tuwuh gesang enggal
bilih kita sami cumadang
 nampeni tetandhaning katresaning ALLAH
nggih  rawuhipun ALLAH
 ing gesang kita sami


Patunggilan
bilih kita sami dados pandereking ALLAH
 saestunipun kita sami
nggih tansah ngalami kabingahan
 sukarena lan kabegjan ageng

Bilih saderek sanes ing sagolongan
 mestinipun ngraosaken kawontenan ingkang mboten makaten


Patunggilan
 kita sami
 alangkung sae malih para pandereking ALLAH
kita sae ing lampah
 lan pawicantenan

 kita asring ndadosaken
 panglipur kanggenipun  saderek sanes
 ingkang saweg ngalami kacingkrangan lan
ingkang sami ngalami karubedan lan
kasisahan …
 awit ALLAH pribadi
ing ndalem ASMANipun GUSTI  YESUS KRISTUS
 sampun makarya lan
paring pitulungan
sae ing wekdal sisah lan kebak momotan


Patunggilan
reraosan kita ing dinten punika :
 ALLAH makarya nangekaken
 sadherek ingkang sami tilar ndonya
nggih punika anaking mbok randha ing kutha Nain
Sadherek punika
 nggih anake mbok randha - ontang anting
ing salampah-lampah
kathah tyang ingkang ngrojongi kasisahanipun
punapa malih ingkang langkung nyumerepi
kahananipun si mbok randha
 mesthi badhe trenyuh batosipun
trenyuh lan enggal sageda paring pitulungan

Ananging para sadherek sapatunggilan
mbok randha kalawau sampun  katilar pejah
dening anakipun
 saged punapa kita para saderek sanes ?

Anamung ngaturaken belasungkawa


Patunggilan
kita sami dados pandherikipun ALLAH
kita sami ngalami kamulyan agung
 ing wekasan ing jaman lan
ing salamanya ing jagad punika


Patunggilan
 sesarengan prekawis punika
sami kalampahan
GUSTI  YESUS rumaos trenyuh manahipun
lajeng kaendeg lelayon lan rombongan punika
 satunggal prekawis kang ngedap-edapi kalampahan

Anake mbok randha kalawau
Katangekaken
 kawungokake
nganti saben tyang ingkang sumerep
 badhe atur pitakenan :
sinten GUSTI YESUS punika…
 lajeng mesthi nggadahi pamanggih
 bilih ALLAH ingkang maha kuwaos
 ingkang sampun rawuh
nuweni umatipun
paring kasarasan,
 kakiyatan lan
 ugi gesang pigesangan enggal


Patunggilan
 ing reraosan kita ing wekdal samangke
kita pireng
 ALLAH sejatosipun sampun rawuh
ing satengahing gesang kita
nuweni kita
lumantaran brayat ingkang sami nyawisaken
prekawis gesangipun
 ing samukawis prekawis

Sampunta
kita ngaturi GUSTI  YESUS rawuh
 tumindak kita sampunta nrenyuhaken GUSTI  YESUS ?

Bilih dereng
 kenging menapa kita sami ndukakaken GUSTI  YESUS ?

Bilih mboten
 kenging menapa GUSTI
 mboten enggal-enggala paring pitulungan  ?

Kenging menapa GUSTI rawuh ing sawekdal-wekdal
 kita mbetahaken ?


Para sadherek
Karsanipun GUSTI  YESUS
kita kedah alami
bab gesang karohanen ingkang sejatos
 mbingahaken
 lumantar patunggilan kita kaliyan ALLAH
Lumantar para saderek sapatunggilan
Kita badhe ngalami gesang ingkang kebak kabingahan

Anamung punika
GUSTI  YESUS rawuh lan ngrawuhi para sakabat
 nggih kita sadaya saputunggilan
 sampun sami kaetang
kathahipun
bab prekawis ingkang ngedap-edapi
manut angger-anggering ALLAH
 kita sami asring dipun entas
 saking sadaya rubeda

Alangkung sae
kita menika para putra-putraning ALLAH
 sami kaentasaken saking dosa
 kalepatan kita

Kalepatan-kalepatan ingkang njalari
dumawahing gesang kita
ngantos dumugeng pejah langgeng

Gesang kita
 sampun sami kaentas
 lan karesiki dening ALLAH
sadaya punika lumantar pakaryaning GUSTI  YESUS

Lajeng
 punapa ingkang badhe kita tindakaken
 ngantos ing dumugi wekdal samangke ?

Sampunta
kita sami nrenyuhaken ALLAH ?

Bilih sampun
kenging menapa kita dereng rumaos bingah
 lan suka rena
 karena kita sami dereng mbekta
 sadaya prekawis gesang kita
 ing ngarsanipun ALLAH

Sapinten kathahing gesang kita
 kedah kaaturaken dumateng ALLAH
 lajeng ALLAH
badhe  muwun
lan trenyuh dumateng kita

 ALLAH badhe ngasta
 raga jasmani kita
 rohani kita
kaenggalaken malih


Lumantar prekawis-prekawis ing ngedap-edapi
 pengalaman ingkang nyariosaken
bilih ALLAH sampun paring pitulungan


Sadherek sapatunggilan
 sumangga kita tansah ngaturi ALLAH
 lumantar pandamel kita ngetut wingking ingkang sae
 Dadosa satunggal rombongan ingkang sae
ingkang  kebak kabingahan lan suka rena

Mboten wonten patunggilan
 ingkang semplah gesangipun
 ananging kathah tyang ingkang rumaos prihatos,
 trenyuh
Sumangga kita sami dados para pandhereking ALLAH
ingkang gampil prihatos lan trenyuh dumateng sesami

Kanthi makaten
ALLAH mesthi badhe mrihatosaken dhiri kita
 lan gampil trenyuh


AMIN













1.      Votum / Berkat
  1. KPK 19  :  1, 3   Angluhurken ALLAH
 3.      Pandonga
4.      Maos Kitab Suci :  LUKAS  7 :  11  -  17
  1. KPK  193  :  1, 3  Mung sawiji kabegjan sejati
 6.      Kotbah ….
7.      KPK   117  : 1  GUSTI  pangen tami
8.      Doa syafaat
9.      KPK   13  : 1   Aku duwe Pamarta 
10. Berkat


NJAGI KAWILUJENGANIPUN BRAYAT


 Kamis, 20 Nopember 2008

PANGANDARING  TORET  6  :  1 – 9


Patunggilan ingkang katresnanan dening ALLAH
Kita samangke
sami kaparingan dhawuh pangandika
 lumantaran reraosaning
isining kitab suci ing ayat 6 – 9 miliginipun

Sumangga kita waos malih :
6. Tembung-tembung
 kang diprentahake marang kowe
ing dina iki,
 iku padha gatekna,
7. lan padha wulangna bola-bali
marang anak-anakmu lan
 rembugen
samangsa kowe lagi lungguhan
 ana ing omahmu,
 samangsa kowe pinuju lelungan lan
samangsa lagi turon  utawa
 samangsa kowe tangi.
8. Sarta maneh
 padha talenana ing tanganmu
minangka pratandha,
lan dadia tenger
 pangeling-eling
ana ing bathukmu,
9. apa dene
 padha tulisana
ing pipining lawange omahmu
 lan gapuramu.


Patunggilan
 kita samangke sami gesang
 ing pungkasaning tahun,
wulan Nopember

Pinten danguning kita gesang
 ing jagad punika
anamung sekedap
nanging samangke jamanipun sampun sepuh,
ewah-ewahaning jaman
saking miyosing GUSTI  YESUS
ing wiwitaning tahun …. kapengker
 sejarah sami sampun nyatet
 kathah prekawis
 ing iman kapitadosaning tyang pracaya
 sami katut ing ombyaking jaman

Saestu sansaya tebihing tahun-tahun punika
kaliyan miyosing GUTI  YESUS
sami saged ngewahi kapitadosan
ingkang sayektos

Tuntutaning jaman
 saged rupi-rupi kahanan
 ingkang sami saged ngganggu
 kapitadosanipun tyang pracaya

Patunggilan
 kita samangke
 dados abdi ingkang pinilih
 ing wewengkoning ALLAH
 karsanipun kedah kita tetepi
lan kita tindakaken
sapinten katresnan kita dumateng ALLAH
sumangga kita wujudaken
 ing dinten-dinten peparinging ALLAH
lumantar tambahing umur kita
 sansayaa kiyat
 lan sansayaa  nggatosaken timbalanipun


Patunggilan
kita punika gesang
 kanthi kebak raos kuwatir
 bilih mboten badhe saged netepi
 sadaya dhawuh pangandikanipun ALLAH.

 Reraosan punika
dados reraosan ingkang sami
amiterang dumateng kita
 bilih kita saestu tresna dumateng ALLAH

Bilih kita mboten nresnani ALLAH
 Kita ugi nggih mboten badhe
nggadahi reraosan kados makaten kalawau

Sinten ing celak lan caket kaliyan ALLAH
mesthi badhe ngudi
sadaya dhawuh-dhawuhipun
Dhawuh-dhawuhipun ALLAH
badhe kautamekaken ing gesangipun


Patunggilan
 kita samangke
 sami sampun dados sepuh,
dados tyang sepuh
 nggih dados mbah buyuting
para putra wayah kita


Patunggilan
Jamaning kita gesang
ing wekdal samangke
 kathah prekawis ingkang kedah kita sipati sesarengan
supadosa iman kapitadosan kita lan
iman kapitadosaning putra wayah kita
mboten  lingsir lan berubah
 ugi katresanan kita dumateng ALLAH
mboten berubah

Pitepangan kita kaliyan ALLAH
sami sageda katindakaken
ugi sami sageda katindakaken
kaliyan para putra wayah kita

Mila kita kedah paring panyinaon
 dumateng putra wayah kita
Sebab jamaning kita gesang samangke
 ageng sanget gangguan-gangguan
 ingkang sami saged ndadosaken
 gesanging brayat kita buyar,
 risak
sacara tata lair lan karohanen

Kita saged sami
saged ngalami karisakan
 sacara iman kapitadosan lan
 kasetyan kita dumateng ALLAH

Iman kapitadosan kita
dados rohing kakiyatan kita
anggen kita nderek
 tut wingking
ing karsanipun ALLAH

Kamangka jaman samangke
 kathah prekawis ingkang saged ngalang-alangi
 anggen kita nyelak lan caket
dumatebng GUSTI YESUS

 Bab kekerasan ingkang “merajalela”
ngedap-edapi ing jaman samangke
 lan bab-bab sanesipun
 ingkang saweg ngetren ing wedal samangke.

Pramila
 kita kedah nggadahi rancangan lan
 pangudi
sageda mbentengi lan
njagi kawilujenganing brayat kita

Antawisipun :
1.      Mbatesi tayangan TV, film utawi CD
ingkang dipun tingali dening anak, putra wayah kita.
Kados pundi caranipun ?
Caranipun …
kita tansaha ndampingi para putra wayah kita
anggenipun milih lan
ningali tayangan TV, Film lan CD.
Bilih perlu
kita saged mbatesi jam-jam tonton
para putra wayah kita


Patunggilan
kita kedah nggandengaken lan
migunakaken dhawuh panangandikanipun GUSTI
ingkang mijil saking  Kitab Suci
kangge ngoreksi …
tatanan basa,
tata pasrawungan lan
tata moralitas ipun media
ingkang sami sampun katonton lan
kapireng dening para putra wayah kita.
Kita selaku tyang sepah
kedah sregep paring pangretosan-pangertosan
bab pundi iangkang sae lan
bab pundi ingkang mboten sae
ingkang kita panggihi sesarengan
para putra wayah kita


2.      Patunggilan
bilih para putra wayah kita
sami sampun ageng
sakmestinipun para putra wayah kita punika
mesthi badhe ngadahi tepangan,
kanca anggenipun sesrawungan.
Ing mriki kita kedah tepang
utawi “berusaha” nepangi
kanca-kancanipun anak-anak kita.
Salajengipun
bilih tata gesang lan pasrawunganipun
mboten nyondongi lan ndadosaken
kita kirang setuju
kaliyan punapa ingkang dipun tindakaken
para putra wayah kita.
Kita sampun ngantos langsung duka ( emosi …)
Kita kedah ngorek – miterang  kathah-kathah
saking para putra wayah kita lan
saking kanca-kancanipun
supados kita saged mendet keputusan
ingkang sae lan
paring masukan-masukan
ingkang saged katampi
kaliyan para putra wayah kita
kanthi legawaning manah.
Mujudaken situasi-
kahanan brayat ingkang ngremenaken lan
nyaman kanggene para nem-neman
para putra wayah kita
dalasan para kanca-kancanipunsami
saengga seneng betah dolan ing griya,
punika salah satunggaling cara
ingkang saged mbyantu kita
ngenali sinten-sinten kanca-kancanipun
anak putra wayah kita lan
kados pundi wujuding pasrawunganipun


3.       
Patunggilan
kita samangke
sami ngalami lan
ngadepi kahananing jagad-ndonya punika
lan resikonipun,
bilih anak-anak kita
sampun ngancik pemuda
kita kedah sregep paring pangertosan-pangertosan
menggah dasar-dasaring iman Kristen
ingkang sineratan ing Kitab Suci
tamtunipun kanthi kasabaran,
telatos-
tekun ngajak para putra wayah kita
rerembagan-
tukar pendapat.
Kanthi makaten
saestunipun pangertosan ingkang katampi
dening anak kita saged  badhe mbantu mujudaken
gesang ingkang bakuh lan
mbangun tameng iman
ing manah lan gesangipun.
Lah kanthi makaten
kita sampun mbyantu anak-anak kita
saking bahaya-bahaya
bebaya-bebaya
ingkang badhe sami dipun adhepi


Patunggilan
kados pundi
 punapa kita sami
sampun njagi kawilujunganing brayat kita ?
Punapa kita namung pasrah sawetah
tumrap bebaya ingkang badhe nempuh
dhumateng anak-anak kita ...
mliginipun ingkang arupi
tayangan TV, Film lan CD, ugi internet ?

GUSTI  YESUS nimbali kita
supados kita
mbangun gesanging brayat
ingkang satuhu ing dhawuhipun


AMIN











 




1.      Votum / Berkat
  1. KPK 13  :  1, 2   Aku duwe Pamarta
3.      Pandonga
4.      Maos Kitab Suci :  PANGANDHARING TORET 6 : 1-9
  1. KPK  195  : 1   Isining Kitab Suci
6.      Kotbah ….
7.      KPK   81  : 1, 2,  3  Nderek GUSTI
8.      Doa syafaat
9.      KPK   149  : 1   GUSTI nuntun 
10. Berkat





KAELONG MALAH DADOS TAMBAH

Kamis, 29 Januari 2009


PARA  RAJA  17  :  7  -  16

Patunggilan ingkang katresnanan dening GUSTI  YESUS
kita samangke sami cecawis
anggen kita badhe mapag
 riyadin unduh-unduh /
 hari raya persembahan
ingkang badhe kaleksanan


Patunggilan
 kita samangkya
dados tyang ingkang saestu pidados
 bilih ALLAH sampun paring berkah kacekapan
tumprap diri kita
makaten ugi  tumpraping brayat kita
lan sapasamuaning ALLAH

kabeh wus kaparingan dhawuh
bilih ALLAH
saestu tansah mboten negakaken kita
 ing samukawis prekawis

Dinten punika
cekap kangge dinten samangkya
Mbenjang
ALLAH badhe ngaturi kacekapan malih
 sampun ta kita sami sumelang
 awit kita katresnanan dening ALLAH

Patunggilan
ALLAH rawuh dumateng kita ing wekdal samangke
Ing dalu punika
 kanthi reraosan ingkang sami nembe kita pireng
 lan ingkang nembe kita waos kalawau
ALLAH rawuh
lumantaran abdinipun ELIA
ing reraosan kalawau
ELIA sang nabinipun ALLAH
 saweg kaancam
dening prabu Akhab, rajaning Israel
ingkang sampun nilar dumateng ALLAH
 mboten tresna malih dumateng ALLAH
sami nggegayuh karsanipun pribadi
 anggenipun sesomahan
 mundhut Izabel
dados pendamping gesangipun
karana makaten para saderek
sang nata punika
sampun katut nilar ALLAH
 kagantos memuja dumateng allah sanes
nggih punika dewa Baal

Sesambetan kaliyan cariyos punika
ALLAH ngutus ELIA
sowan dumateng Akhab
paring pepenget lan ngaturi ipat-ipat
bilih ALLAH badhe ndawahaken paukuman
 ingkang awujud mboten wontenipun jawah
pinten-pinten tahun.



 Alamatan siti pasiten sami dados garing,
mboten ngasilaken tetaneman ingkang ngedalaken woh
panenan
Pailan ageng kalampahan
 ing Israel ing kala semanten

Patunggilan
karana bab makaten
 nabi ELIA kapurih pinejahan dening prabu Akhab,
 kaarah patinipun

Patunggilan
Sang prabu Akhab ngudi
nyepeng lan mejahi nabinipun ALLAH
 ananging ALLAH paring dhawuh dumateng ELIA
 supadosa pindah
 nebih
ing sapinggiring lepen Kerit
ing mriku taksih wonten
sakedik toyanipun
lan belik sumber ingkang alit
 ananging taksih saged nyekapi kabutuhaning sang nabi.

Sanjawi punika
ALLAH nggih paring pangrimatan
 dumateng nabi ELIA
awujud tetedhan
ingkang kakintun dening manuk gagak
awujud roti lan daging

Tetedhan punika
 mboten wonten telasipun
ananging sumber lan toyaning lepen Kerit sami asat
Pramila punika, para saderek
ALLAH ngutus nabi ELIA
pindah dumateng tlatah Sarfat
 ing mriku GUSTI  ALLAH paring pranatan
bilih nabi ELIA badhe pepanggihan kaliyan mbok randha
 ing Sarfat

Kanthi makaten
 ALLAH ngutus abdinipun
 pindah malih ngungsi ing daerah Sarfat

Patunggilkan
 cekaking carita
 ALLAH ndhawuhi mbok randha
lumantaran nabinipun ELIA
 lantaran lesaning ELIA
 ALLAH mangandika ……..
“Aku mbok kok jupukake
banyu ing kendhi sathithik bae
arep dak ombe”

ingkang kaping kalih dhawuhipun ………..
“Aku mbok kok jupukake
roti uga,
sairis bae”

Para saderek sapatunggilan
ALLAH ngaturi pirsa
bilih nabi punika
awujud utusaning ALLAH
 nggih ALLAH pribadi
 ingkang ngandika ing samukawis prekawis

Sagenggem tepung
lan sak jeran lisah punika
 kemawon ingkang kagadahan dening mbok randha
ananging piyambakipun
 mboten nyukengi
 barang darbekipun
awit ing manahipun mbok randha
sampun tuwuh raos reraosan
bilih abdi punika abdinipun ALLAH
 punapa saking cara sesrawungan
ingkang andhap alus ing budi
utawi katithik saking
cara-caranipun manganggo agemanipun
utawi saking tingkah polahipun
lan cara-caranipun mangandika ….

Ing wekdal kasuwunan toya
 ingkang badhe kaombe
mbok randha mboten etang-etangan
lan gampil paring
lan badhe mendhetaken
 ananging nalika kasuwunan
roti kangge ngganjel luwe,
dhahar punapa mangke salajengipun
 kangge dhirinipun
ugi kangge anak-anakipun

kaaturan wangsul dumateng nabinipun ALLAH
bilih tepung lan lisah punika
 ingkang pungkasan ….
mbenjang mboten wonten malih
nanging kinanthenan kaprihatinan agung
 piyambakipun tetep ngaturi pirsa
 bilih mbenjang anamung wonten “pejah”

 sebab sampun mboten wonten tetedhan malih
ingkang saged dipun tedha

Samakya kula badhe pados iprik-iprik
Kawula  badhe damel roti
sesautanipun mbok randha
mbenjang mboten wonten malih !

Patunggilan
dhawuh pangandikanipun ALLAH
lumantaran nabinipun :
nyuwun mundhut dipun damelaken rumiyin :
roti alit bundher.

Sesambetan kaliyan bab punika,
ALLAH nguji imanipun mbok randha
bab ngaturaken sesaosan,
nyaosaken tumprap tyang sanes
punika dumateng abdinipun ALLAH
 utawi dumateng ALLAH pribadi ?

Sanyatanipun si mbok randha
 nggih mbangun turut
 nglampahi punapa ingkang kasuwunan
dening nabining ALLAH

Sanajan ing gesangipun sampun kaelong
 kapundhutan
lan ing tembe mboten kapikir malih
 saged gesang punapa mboten
si mbok randha kalawau
 sami tandhang ……
ndamelaken roti
ing wiwitan
kasaosaken
 lajeng sisanipun
 kangge dirinipun
lan anak-anakipun

Patunggilan ingkang kinasihan dening GUSTI  YESUS
Rikala samaten
 ALLAH nggih tetep paring dhawuh
lumantaran nabinipun ELIA

Saestu
 berkahing iman ingkang pitados
 bilih kita sami ugi saged kados dene
si mbok randha ingkang nggatosaken masalah
 miturut dhawuh pangandika
sanajan ta nggadahi barang darbek sakedhik
ananging mboten nyukengi
sadaya sami kaaturaken
kangge tyang sanes
 punapa dene kangge ALLAH
ingkang kagungan karsa paring berkah
mesthi sadaya prekawis ing gesang kita
 badhe kaparingan luwih saha kaluberan
saking sadaya kabetahaning gesang

Si mbok randha
dalasan putra
 lan nabining ALLAH
 ELIA
mboten kaliren
 lan mboten kakirangan tetedhan
ing wanci pailan punika
ananging luber ing samukawis tedhan

Pancen para saderek sapatunggilan
prekawis punika
saestu ngedap-edapi
mboten gampil dipun lalekaken
 mboten sami kaliyan cariyos sanesipun  
punapa ingkang saweg kaalaman ing dusun Sarfat punika
ALLAH nggih  netepi
sadaya dhawuh pangandikanipun
 ingkang sampun kawedaraken
dumateng abdinipun ELIA

Mboten wonten tyang ingkang dipun jangkung dening ALLAH
 ing wanci tembe badhe katilar
lan mboten karimatan

ALLAH mboten badhe kesupen tumrap sadaya prajajinipun
sanadyan ta gesang kita
 tinempuh ing prahara
 punapa kemawon
kita kedah saged netepi dhawuhipun ALLAH
ngrumiyinaken misungsungaken
saperangan alit
kangge kaluhuranipun ALLAH

Nyuda barang darbek kita
 kangge saos syukur
bilih ALLAH taksih nunggil ing gesang kita
ngantos dumugeng dinten punika

Makaten para saderek sapatunggilan
 punapa ingkang sami kalampahan dening randha ing Sarfat
 ing kala kapengker ing jamanipun ELIA
nabinipun ALLAH

Samangke kita
 nggih sami kadadar dadosa saged
nuladha saperang tingkah polahipun ELIA
punapa malih abdining ALLAH sanesipun
 ing wekdal ALLAH makarya
nindakaken sadaya rancanganipun
kalebet dumateng randha kalawau
ing rancangan gesangipun
wonten  ing ndalem GUSTI  ALLAH

Patunggilan
 kita ugi pitados
 bilih kita,
lan pasumuwaning ALLAH
nggih sadaya sasederek sapatunggilan
 ing greja  GKJW Suwaru punika
sami  kawengku ing rancanganing ALLAH
 makaten ugi sadaya priyantun ingkang jejibahan
 ing greja punika
 punapa punika warga ingkang kapiji dados majelising jemaat,
 nggih ingkang lenggah ing badan-badan pembantu
 makaten ugi ing sadaya jejibahaning jemaat punika
 termasuk bapa pandita lan sanes-sanesipun malih

Kita rumaos
bilih kita samangke wonten ing salebeting karsaning ALLAH
 kenging menapa kita
taksih asring dereng saged lumampah
 nindakaken karsaning ALLAH
 kita taksih asring nyukengi barang darbek kita
kita asring nglirwakaken dhawuh pangandikanipun ALLAH
sami kuwatos kakirangan bilih maringaken,
 misungsungaken sadhengah darbek kita,
aku mengko,
brayatku mengko
mangan apa ….
yen kabeh dak pisusungsungake ?

Patunggilan
 punika sajatosipun diri kita
 ing wekdal samangke …….

ALLAH rawuh ngengetaken dumateng kita
 lan paring dhawuh :
aja kuwatir bab uripmu
 ALLAH ingkang mranata
bilih kita kedah tetep sageda nyawisaken
 saperangan barang darbek kita
kangge pamisungsung kagem ALLAH

Sugeng nindakaken pakaryaning ALLAH
GUSTI YESUS mberkahi kita

AMIN

Sekedap malih kita lumebet
 riyadin undhuh-undhuh
sumangga kita sami cecawis
ing kabingahan ing awal tahun 2009 punika
 mesthi sadaya badhe njalari greja kita
 kacekapan ing dana lan daya
anggenipun ngayahi sadaya program paladosanipun.

Wuwuhing iman kapitadosanipun sadaya  saderek sapasamuan
Nggih njalari kababaring mukjijating ALLAH
 sacara raga,
tata lair
ugi ing batos kita
kados dene ingkang kaalaman
dening si mbok randha ing Sarfat





1.      Votum/Berkat
2.      Pamuji Kipas  133  : 1, 2
Pamarta kula
3.      Ndedonga
4.      Pembacaan Alkitab : I Para raja 17 : 7 - 1
5.      Pamuji Kipas  127  : 1, 2
Pangandel
6.     KOTBAH …..
7.      Pamuji Kipas  127  : 3
Pangandel
                               8.      Doa syafaat :                     
Memuji  Kipas  128  : 1, 2, 3
Kinanthi ing GUSTI
9.      Berkat